川味閣

營業中

休息中

晚餐黎天一本身想食既米線鋪頭無開，所以行行下就黎試下呢間川味閣。好多型型式式唔同名但都係賣薯粉既'川味'，唔知係咪同一個老闆呢店鋪位子多而且食客都好多，店員好似都忙不過來。我就最鐘意試無湯拌薯粉都好多款薯粉或米線都有，連拉麵同河粉都有。而餸菜都好多選擇。我既係無湯熱拌紅薯粉條，份量夠多仲叫左豬紅同魚皮餃。不過可能我唔食辣所以覺得唔夠味。但薯粉真係好多，好飽。家姐就食有湯薯粉條，蘿蔔好淋又入味，正小辣就夠味d,食到辣既都係叫d辣好d~

淡到死 一d都唔好食今日去買外賣 明明叫4個餸（蘿白 豬紅 紅腸 腩肉） 返到屋企食既時候 竟然發現佢地比漏腩肉 打去問佢 佢地竟然好差態度問咁我想點 呢間野 真心唔知食黎做咩 最後谷鬼氣 食左小小就倒左去 再叫外賣（其實難食到都唔係好食得落）

四川的酸辣米線和熱拌米線一直是我的最愛今天因工作關係經過天水圍的這個商場 便決定試試這一間四川米線 此米線店已開業很久有不少分店呢 今天吃的是熱伴米線 有雞絲蘿蔔紫菜 正好迎合要keep fit 的我 如果想邪惡一點 職員推介了他們自家製香辣腩肉 我想也是個不錯的選擇喔Menu 上的選擇也不少 有紅薯粉河粉等等 而湯底也有好幾款選擇 所以我相信像我一樣喜歡吃四川麵食的人 真的是百吃不厭的 價錢合理 服務也不錯呢 最重要是他們的午餐為中學生提供優惠 所以學生哥又可有多一個選擇呢

一個人無嘜好食，酸辣薯粉食個快餐係個唔錯嘅選擇，薯粉多一定夠飽，酸辣食小辣都已經夠味，秘製腩肉就較韌，但味道都ok嘅。有得加錢加杯豆漿，或其他野飲，如果諗唔到食咩，都可以食下。

之前食過類似川味x 系列既米線，覺得幾好食，所以今次就試下呢間。 簡左 腩肉，羅白米線，一試第一啖湯，勁淡味，冇酸，明顯啲酸菜未浸出味就上菜比客人，見到啲炸醬就知中伏，好似啲瘦肉粒，干淨淨，食落又係好似食緊瘦肉粒甘，完全唔香同冇味的。 怪不得，個湯甘差.....個腩肉，勁厚身，好似食緊煲湯啲瘦肉甘，冇咩肥肉，又話有小麻辣，點知一啲麻香味都冇，又un 又硬，一啲都唔香口。羅白都算大舊，但一啲都唔淋身。呢間野 好似所有野都冇咩誠意同心機製作甘。唔會再有下次。 平時好少食淨野的我，最後我食剩半碗就走了。評分： 4/10

心血來潮，又要去食返個我至愛的酸辣米線。新北江入面有幾間米線店，個人首選川味閣，而且唔使點等位。川味閣的米線湯底味道丰富而不油膩，夠酸夠辣亦夠香。若嫌食落唔夠酸，可以再問店員拎多碗酸汁。今次點的雞𢇁韮菜酸辣米線，非常多料，大量雞大量韮菜大大碗面先34蚊，加多5蚊仲有杯凍飲。炸雞亦，即叫即炸，熱辣辣，帶有小許南乳味，仲會配埋泰色甜酸辣醬，非常香口，25蚊有5隻。此店性價比非常高，個人記錄最多一星期幫襯4次。以後還會無限翻桌。

中午見到好多人係出面等外賣，咁就試下啦，而且我本身都幾鐘意食薯粉。環境都算闊落乾淨，但食物質素就麻麻，我就一定唔會再番黎食。我叫左個湯幼薯粉，都好大碗下，我格硬食先食得晒。但d面大淋，個湯都唔好食，不過唔想晒野好辛苦食晒。純粹塞飽個肚就算。我仲加左$3要杯杯豆漿。見到有人食撈既薯粉，應該比湯既好食，見到佢配料仲有花生，但同區有薯粉店更平更好食。呢間真係吸引唔到我番轉頭，一次乜都夠。食完呢次，呢排都唔想食薯粉。

食物不錯叫左一碗豬大腸腩肉薯粉味道可以，正正常常價錢亦算合理但某肥侍應態度奇差不得不寫下第一篇評論Order 食物，飲品又唔應人黑哂面，好似得罪左佢咁！下次食要諗諗......

今晚我們去咗天水圍天一商城嘅「川味閣」食晚飯！我們叫咗花彫醉鷄嘅肉質相當嫩滑，花彫酒嘅味道好芳香濃郁！尖椒皮蛋嘅皮蛋同平日食開嘅唔同，蛋白嘅位置係好通透嘅淺黃色，蛋黃係流心嘅奶黃餡咁，食落感覺都幾軟滑，蛋味亦幾香濃，原本香辣嘅醬汁係淋上面，但我們怕會太辣，所以要求醬汁另上，味道好香辣惹味！泡椒野木耳相當爽脆滑身，而且超大塊！墨魚丸酸辣炸醬紅薯粉條同魚蛋清湯炸醬紅薯粉條嘅紅薯粉條好煙韌彈牙，墨魚丸同魚蛋都幾彈牙！牛丸無湯熱拌紅薯寬粉嘅紅薯寬粉比河粉寬身同厚身，麵質極之煙煙韌韌同超級彈牙，令人一試難忘，真係超正呀！溫馨提示：紅薯寬粉老人家同小朋友食嘅話就要剪細條啲先食，因質感超煙韌彈牙，怕他們咬開會難啲啲！

之前見天一商場近近地去試新野 見到呢間好似幾好食就入左去啦 雖然坐得好唔舒服 又逼 D凳坐得好辛苦 不過好彩野食幾好味好啦 見佢咁好食捻住今日方便叫個外賣 一等等左45分鐘 問佢點解咁耐 佢竟然話得一個外賣仔做野 本身叫左個酸辣薯粉 一打開湯都乾曬 湯粉都變撈粉希望呢間野既外賣服務改善下～

見到新開張就打算試下！食之前打電話落去叫定，怕要等得耐～點知聽電話果位阿姐態度好差，問多2句都唔耐煩！趕住收線咁！好老實，佢d食物好唔好食已經唔重要！而且依家呢類型既食物咁多，一定要幫襯佢咩？無！下！次！食餐飯姐，點解要受氣？重點係唔算好好食！又普通又要受氣？ 哈哈！真心失望！ 希望天一可以開多d其他好既店，唔好既就快d byebye啦！