278
10
5
港鐵尖沙咀/尖東站 B1 出口, 步行約6分鐘
繼續閱讀
開飯介紹
裝潢走簡約路線，以刻有菜名的木牌作裝飾；主打四川風味的辣蟹、串燒、烤魚和雞煲，選擇非常豐富，款款香辣惹味。
繼續閱讀
營業時間
星期一至日
17:00 - 02:30
公眾假期
17:00 - 02:30
公眾假期前夕
17:00 - 02:30
以上資料只供參考, 請與餐廳確認詳情
招牌菜
食家推介
是日平日晚上，一行4人去可左“川味辣蟹·串燒·烤魚·雞煲·專門店“食晚飯。雞煲：4人大約有半隻雞，但份量唔多，每人大約2－3舊。但味道尚算唔錯＆入味。 食完雞煲之後會直接加湯打邊爐，叫左一碟肥牛，白蘿蔔，烏冬，生菜等。 啫啫通菜：都唔錯，不過略厭全煲都係菜頭，冇菜葉。 蜆：味道正常發揮，但蜆食落有沙。 其餘仲有叫串燒（秋葵，露荀），全部都好濃味，因為落足孜然粉，但之後會好口渴，叫左幾枝汽水。最後埋單大約$8xx。
繼續閱讀
叫左個麻辣海鮮咖（細），要2位起，每位3百幾！諗住呢個價應該海鮮質素ok la，點知：1. 話冇炸軟蓋蟹格硬換左蜆仔：每人5-6隻，完全一啲鮮甜蜆味都冇，好細隻（似急凍）2. 每人一粒扇貝，同蜆情況一樣，明明成隻扇貝上，但得中間粒肉，裙邊冇哂（似急凍）3. 每人3-4隻蝦：一般，冇特別！4. 鲍魚，每人一粒，好un, 街市$100十粒果D5. 蠔：每人一隻，有鮮甜味，可惜粒肉紙甘薄6. 青口： 每人一隻，有鮮甜正常7. 小bb 蠬蝦仔，每人4 隻，正常冇乜特別8. 過$450，送1 蚊雞！可以由於完全冇被海鮮既鮮甜包圍住，心0得不到滿足，埋左單我同朋友換場去第二度再食過！
繼續閱讀
除咗泰菜係我最愛之外，其次就係川菜，川菜控既我知尖沙咀呢間餐廳依家做緊1蚊雞煲大優惠，只要同枱食客人均每位消費滿$150就可以，呢個銀碼太易吧🤣另外仲有超抵避風塘炒大蟹$288 ，肉實淨明顯唔係死蟹，入口啖啖肉，令人食慾大增呢度除咗川菜，仲有好多串燒、烤魚、砂鍋雞粥、海鮮大咖、甜品等等所以一大班朋友又好，二人世界甚至乎一家大細都一定岩食😎椒鹽粟米及酥炸鮮淮山我覺得都好出色，第一次咁食淮山，好食到我停唔到口😋
繼續閱讀
今日喺尖沙咀食川味雞煲, 職員推介凡同枱食客人均每位消費滿$150, 即可用1蚊食到餐廳嘅豬骨煲或招牌雞煲, 真係相當吸引。串燒風味燒牛脷, 厚切牛舌軟嫩多汁又富有嚼勁，牛味濃郁, 肉質肥厚爽脆, bb辣度啱啱好。燒煙肉鵪鶉蛋卷走辣, 鹹香煙肉夾著香滑鵪鶉蛋, 口感討好。燒菠蘿碟上原個燒菠蘿, 外皮燒得焦香, 菠蘿肉清甜多汁又蜜味。四川酸辣粉粉條腍滑煙韌又彈牙, 湯底酸中帶辣, 配料豐富, 口感有多種層次, 做到油而不膩。啫啫通菜煲熱辣辣原煲上枱, 綠油油通菜配以肉碎蝦米, 惹味又香口。按推介加$1招牌雞煲, 再加$1加配鮑魚, 相當抵食。鮑魚雞煲份量十足, 熱辣辣香噴噴, 雞件夠嫩滑, 加上芫荽洋蔥, 香氣撲鼻, 鮑魚腍滑鮮甜, 吃得真暢快。
繼續閱讀
餐廳位於尖沙嘴，經過門口澎拜嘅海鮮盛宴模樣就被吸引咗入去🤣 呢度提供多款川菜料理，串燒、烤魚、雞煲、辣蟹、砂鍋粥、小炒樣樣有齊！人均消費滿$150仲可以用1蚊食豬骨煲/招牌雞煲 / 花膠雞湯 /椰子雞湯，好癲🥹只要like 社交平台就會升級為鮑魚川味雞煲，要咗少辣，醬汁偏甜，雞件有大有細，骨唔少但雞幾嫩而且好入味，越食越惹味，宵夜時間食真係好邪惡😃 鮑魚唔算好大但咬落爽口彈牙，唔錯！食完可以打邊爐，菜品鮮甜美味，可惜太晏到，有幾款都已經賣曬啦～ 呢度有好多大排檔菜式，樣樣都好有驚喜，會話性價比甚高😚 沙茶骨有六大件，肉質肥美，食落好嫩，而且幾juicy，值得encore！豉椒炒排骨同樣出色，好大碟，夠鑊氣，排骨細細件，嫩滑，入味，好正😋 椒鹽鮮魷亦係必點，上枱時香噴噴，外皮酥脆，內裡彈牙，食到停唔到口💕
繼續閱讀