川味美食 (已結業)

大家在買外賣自取的時候請檢查清楚，這間店的外賣好鍾意漏單配料！買的5次外賣有2次係漏單配料！真的好令人懷疑係咪專登，下午5時左右的外賣，店內冇乜客人都可以漏單+ 冇比羹…查看更多

呢間川味美食之前去荃灣已經幫襯過好幾次，今次叫左個金湯酸菜魚，餐牌價錢是$110，加一份米線是$6，我叫左2份米線，下午茶送飲品，黎左張單，我見價錢唔啱，於是問落單個位呀姐，點解唔啱數，佢話米線$8份，我話餐牌寫$6，佢好理直氣壯咁話，電腦係$8不嬲都係咁樣，我話咁你要改返個餐牌先得喎，客人係睇餐牌，佢仍然好霸氣堅持不嬲係咁，然後就行左幫，其實比多$4唔係咩大問題，佢唔跟餐牌收錢，擺明自己唔啱仲咁惡，…查看更多

川味美食有一款秘制醬汁撈米線，味道不錯，不但配料多，份量又夠大，一個人有時未必食得晒。撈米線嘅肉碎香甜得嚟有啲微辣，好味！餸就加咗豬大腸，又淋又入味，仲有腩肉，豬紅全部都好好味。配埋豆漿飲，正呀！而且價錢唔貴 👍🏻…查看更多

到依家都真係嬲 安安分分去買嘢 諗住食個麻辣燙 點知隔離有個人同我一樣買麻辣燙 咁唔緊要 我填寫完擺係度等佢 隔離條女都擺左係檯面等 佢收左條女嘅單做 轉頭同我講冇曬娃娃菜（因為條女點最後一份） 咁都算 原本諗住和和氣氣 點知個阿姐同我講人地俾單先 聽完？？？ 得個問號唔知比咩反應 我都明白一個人做係辛苦 但一黎就話「冇曬 賣曬 你依家要都冇得食，俾左佢」 我真係理解唔到 唔會再幫襯 真係諗唔明條隊排黎做咩 咁不如就寫明麻辣燙唔洗排隊啦排隊都浪費我十分鐘 再俾你五分鐘時間睇有冇娃娃菜…查看更多

🍴川味美食📍荃灣西樓角路98-112號荃昌中心昌寧商場1樓43號✨酸辣炸醬紅薯幼粉小辣，魚皮餃，芝士腸 $50幼粉都煮得啱啱好而且啲醬汁酸酸辣辣咁好刺激味蕾🫣魚皮餃餃皮又薄又有嚼勁餡料鮮美爽口如果你係鍾意食芝士嘅話一定要嚐吓芝士腸夾埋啲辣椒好好味🤩…查看更多

荃昌中心地方小小但係美食餐廳就唔少係臥虎藏龍呢間舖位簡陋但係平價大碗 抵食酸辣炸醬紅薯粗粉肥牛魚皮餃雙餸麵量超多 有咬口辣度充足餸既質素就一般啦同行既秘製醬汁撈手工拉麵一般般 不建議平有平食…查看更多

今日晚餐食乜好？突然諗起好耐冇食薯粉或米線，之前去過荃灣食過好好味嘅米線同薯粉，所以去咗食大腸雞翼撈薯粉，再加一支黑豆漿，非常好味！回味無窮！點餐的時候，忘記了叫走青（走芫荽蔥），唔緊要，自己處理一下。感覺依然很滿足！…查看更多

📍 川味美食 (佐敦)佐敦白加士街56號地舖我地不嬲鍾意食米線/薯粉哩啲重口味嘢，哩間川味美食都好多間分店，佐敦哩間我地都成日食🤭1⃣️豬紅蘿蔔豬耳酸辣炸醬紅薯幼粉($50)佢一向份量都好多，豬紅有成7/8舊🤭豬紅入味，蘿蔔都好甜又冇渣😋我嗌咗中辣，個辣味可以一直keep到最後，唔會越食越淡👍🏻2⃣️豬大腸水餃芝士腸雞翼酸辣炸醬紅薯幼粉($58)豬大腸唔會太淋/太韌，都冇臭味，男朋友仲大讚雞翼夠入味👍🏻我地另外仲嗌咗一碟通菜同一杯奶茶，埋單都只係$140，但份量真係多到我地兩個食唔曬🫠哩間係偏重口味，夜晚食完第二日一定口腫面腫😆但心思思想食米線/薯粉嘅時候，佢絕對係平靚正隻選啊～ദ്ദി˶ｰ̀֊ｰ́ )…查看更多

呢間米線譜係我中學時候成日同同學一齊去食嘅。隔咗咁多年再去食，見到出咗一個手工拉麵，即刻去試吓。Menu都寫住可以揀湯麵都可以揀撈，咁我就試吓撈手工麵啦。撈汁同炸醬配手工麵，我揀咗腩肉蘿蔔牛柏葉做配料，小辣。腩肉有少少麻辣，唔算太肥。蘿蔔正正常常份量較多，牛柏葉中規中矩。總括而言，份量多，味道好又好價錢合理。…查看更多

每次經過呢嗰商埸,都見到呢間好多人等位,趁今日lunch 走去幫襯下。叫咗碗酸辣雞絲米線,一落order 五分鐘就有得食。酸辣湯底好甜又辣又香,酸酸地味道唔錯。雞絲不會太韌,米線又彈牙,再+$7仲有支大大豆漿,呢間真係幾好食,價錢又唔貴,份量多好抵食…查看更多

記得以前成日係荃昌中心附近補習，補完習前會食碗川味秘撈薯粉，人大左決定走去回味下回憶中的味道。整體店鋪面積不大，設卡位雅座同時有散位，容納大約二十人左右，光線充足，光猛明亮。秘製醬汁撈紅薯粉+麻辣豬耳+ 紫菜： 紅薯粉膳食纖維高，有助抑壓膽固醇和脂肪沉澱，感覺輕盈食落無負擔感。秘製炸醬豬肉粒炒至香濃，老抽調色，色澤吸引，小辣個人認為香而不辣，幼薯粉先做到掛汁效果，每條都淺嘗到炸醬甘香，爽脆芽菜增添口感、花生🥜、蔥花同芫茜提升香氣。紫菜增加咬口，食落比較爽。麻辣豬耳吾會太油，豬耳脆身爽彈。加7蚊配豆漿一支，黑豆漿飲落順滑吾會過甜，解一解辣不錯。總結：大推秘製醬汁紅薯粉 爽彈掛汁嗜辣者大愛…查看更多

米線一向都係香港人最愛主食之一川味最緊要係香 spicy大眾化的價錢上一首香噴噴嘅米線🍜☆*:.｡. o(≧▽≦)o .｡.:*☆米線唔會太淋 份量足夠雖然冇譚仔話聽不過佢地都有禮貌 好吹得 🤣…查看更多

食盡荃灣之米線 — 川味美食—————————————————————川味美食好多間分店，而荃灣昌寧商場呢間係我食左好多年覺得水準最好既一間😀雖然佢位置好唔起眼，人流亦唔係超多，但佢既撈米線係吸引我一再黎食既原因😋🔸 秘製醬汁撈米線配肥牛 $35首先，唔好以為我正係叫一個餸會唔夠食，因為佢d肥牛好神奇地食到最後碗底都仲會發現有😂撈米線本身嘅炸醬亦都非常之出色，仲有其他唔同嘅配料，亦都可以要求多茜😛，啱曬我呢啲鍾意食芫茜嘅人士😇 花生亦都好香口，所以真係配1，2款餸已經好夠。仲有，千奇唔好加底！因為。。。d米線多到連男仔都係岩岩好食得曬，頂到上心口😂💭Overall comment:呢個價錢，呢種份量，今時今日真係冇咩邊到有，而且味道又好，唔係糧尾都一樣會想黎食😋，p.s. 間間分店嘅水準做法都唔同，味道都會唔同，想試嘅話都係建議黎呢一間分店🤫呀仲有，只收現金呀記得！🤯🍽食物: 7/10🌌環境: 6/10👔服務: 6/10🎖CP值: 8.5/10—————————————————————…查看更多

呢間野我以前食過幾次, 本來感覺良好。但經過今次既體歷之後, 我決定永不光顧!件事發生係2個月前, 果日係星期六既3點左右。當時疫情叫做好返少少, 好多個月冇出去食既我決定食返D自已鍾意既野去滿足下自己。揀來揀去, 揀左呢間。因為佢係我係荃灣食過既米線既頭5位之一。我一個人入到去, 阿姐好快咁幫我落完單。我大概記得嗌左酸辣米線, 最小辣, 腩肉, 貢丸, 響鈴, 加可樂(咁上下)。碗野都快出既, 但我食左一口...喂冇味既? 而且一D都唔辣。我心諗係咪未撈暈?於是我撈來撈去, 再食。喂都係冇味WO...!我自問忍受能力唔算太差, 諗住繼續食落去, 喂但係...明明係一碗酸辣米線, 淡到好似白湯咁, 真心頂唔順! 你就當我叫錯左唔辣既米線(肯定冇叫錯!), 腩肉都辣架MA, 點解撞出黎會一D味、一D辣都冇架!?我越諗越過唔到自己果關, 明明難得出黎想食下好野滿足下自己, 點解唔OK都重要死忍? 我好聲好氣叫左個阿姐過黎, 同佢講話碗野冇味WO, 有冇辦法可以幫下我? 佢聽完之後朦下朦下咁, 幾秒都冇反應...於是我話, 有冇D醬丫或者湯丫可以比我加返落去, 我想碗野有返D味丫(我依然係有禮貌地)。聽完我咁講之後, 阿姐行開左, 最終拎左支鼓油比我...果下我即時嬲到爆!!!我成世人, 未試過食米線加豉油!!! 咩玩法呀!? 定係你想同我講你碗酸辣米線係淨係用豉油開出黎呀?! 我覺得阿姐HEA鬼我囉!我係自己個位沉默左幾秒, 諗住再試真D吧啦, 睇下碗野係咪真係冇得救....呢個時候, 我聽到果個阿姐係我身後(廚房位置)同人E E UM UM, 我類似聽到咩..."你早D同我講, 我就咩咩咩....而家...點搞呀" 果下我已經完全冇癮, 我係自己位放低左錢(有多), 就走左。亦係呢次之後, 我決定永遠唔會再食呢間野。…查看更多

我之前一直都有幫襯呢一間。因為好耐冇食 所以就過去食下 。 唔知係咪因為我係學生 個阿姨就好睇我唔順眼(但其實我咩都冇做過) 咁我都冇理啦 入去點餐開始食 食唔夠15分鐘 個阿姨已開始拍我枱叫我快啲食點走 我都冇理過佢, 諗住自己 靜靜地食埋佢 點知佢又喺度不斷咁叫我走 我心諗咩料呀 加上我一直腸胃都唔太好 叫我食快啲根本冇咩可能. 最後尾我就求其食幾下就走咗. 千祈唔好幫襯呢一間分店 服務態度極差. 最衰冇得畀零粒星, 唔係話我一定會畀…查看更多