川亭 (聯發街)

營業中

休息中

點左一份招牌套餐，口水雞配重慶酸辣粉。賣相已相當吸引，而且份量亦多，又送凍豆漿或汽水。個口水雞真係好好味，雞肉非常嫩滑，重點係個醬汁，香麻而不太辣，加埋芝麻蔥花，好有層次感，啱哂我呢d唔係好食得辣既人。老闆話佢師承四川師傅，口水雞醬汁係自家秘製的，全部採用天然的辣椒同多種香料而製成。唔怪之得味道咁正宗。至於個酸辣粉，亦都好正，個湯底酸辣味道剛好（我點既係小辣），薯粉係粗圓果隻，煙韌彈牙，加埋d配料，尤其d肉碎同脆卜卜既碗豆，真係好惹味！

尋日拎快遞時無意發現呢間小店，拎咗張菜單望吓價錢相宜，翌日就去幫襯舖頭細細只有十零個位，適合一兩個人去。太太點了套餐，擔擔麵配口水雞加豆漿只係$60，另外追加了拍青瓜小食$10我另外單點重慶酸辣粉配紅燒腩肉，配料非常豐富：榨菜、芽菜、蔥、芫茜、肉末，最特別佢唔係配炸花生係配炸豆的，第一次試成餐加埋只係$115，為呢區帶來一個相宜的選擇食完呢餐一定會再嚟，因為味道唔錯性價比亦高，份量偏大，女士們細食可考慮「扣底。」唯一可惜係座位太少，公司一大班人嚟唔太合適

行開呢頭就到處睇下有咩小店，成日覺得小路啲租平啲價錢就平啲，咁啱行行下見到有人係門口排隊就八卦行埋去睇下，原來開咗間川菜餐廳，價錢好合理就入咗去食。Menu都多變化唔食辣可以揀唔辣。叫咗個擔擔麵同鹽水雞連豆漿都只係HKD55，再加碟油菜都只係加HKD10。由於我食Lunch一定要有菜，所以因為咁吸引我入咗嚟食。佢個沙薑雞好滑好入味非常岀色，唔食太辣，夏天真係頂唔住(有口水雞)的話可以叫呢個沙薑雞。個菜係甜豉油好細心一啲都唔hea。擔擔麵都好味。唯一缺點係冷氣細咗啲，因為廚房係開放式share冷氣，加上又食辣嘢，坐我隔離啲人食完都係咁抹汗。

很有誠意的小店，熟客、白領客、嚐辛辣客多，很快能東出再起，捲土重來。亭者，停也。小得只容16人坐下來，吃小食。新店加強了晚餐內容，有川味的酸菜魚片和水煮魚片。午市已把酸菜魚片米線沽清，我大失所望。炎夏亭熱，食涼拌麵也。新餐單簿推介的有插圖涼拌餸和麵頗多，我卻選了紅燒牛腩涼麵。川人多食牛內臟，我廣東人喜牛腩。川味牛腩是如何？香港化的川菜會是如何？原來香港式川味牛腩是夏天恩物，廣東式柱侯牛腩會「漿口」，咖哩牛腩令人口乾，此腩乾脆入味，略沾辛辣醬汁，拌涼麵可解暑。辛辣醬汁充足，能沾滿每根幼爽薯粉。調味粒幼切惹味，青瓜條則嫌欠冰涼，未能點題。碗豆略硬。涼餸經典是鎮店口水雞。水平和風格與舊店一樣。中度辛辣已是辛辣感覺強烈，紅水滔滔，淹沒雞肉，須能食辛辣者才會鍾情。下嚥後，近喉嚨部位有火燙感，所以令人有念念不忘感覺。麻的感覺不強，所以不是最正統的。香港的川菜，多是減了花椒比重，以遷就港人。此店檯面加了花椒粉。切工細緻，令雞件滲入口水雞醬。誠意滿分。