嶺南樓

今日約咗朋友去行虎地水塘，行完山一行七人去咗嶺南大學間嶺南樓飲茶。我哋七個人叫咗一個四人商務餐。包一碟乾炒牛河、燒味拼盤、三個點心同埋老火湯、糖水。另外再叫咗一個豉油雞拼烏冬。再加幾個點心。佢啲炸物幾好味，尤其是個炸兩。入邊個油炸鬼好鬆脆，值得推薦。仲有炸鯪魚球唔係咁多地方有得食，超好味。埋單每人唔使$100，食得飽飽。…查看更多

搵位度：🌟🌟🌟🌟抵食度：🌟🌟🌟好食度：🌟🌟🌟去開嶺南大學試一試佢哋嘅中式茶樓，比較其他大學嘅茶樓呢個折扣比較少啊，基本上同一般茶樓嘅價錢差唔多。個場都唔細，不過呢已經有少少殘舊。不過兆康站附近基本上冇乜嘢食，我估計依間茶樓順便會服務周邊嘅居民都算係唔錯嘅選擇，晚市啊仲有啲啊套餐宴客望落好似幾抵，不過應該係冇乜特別機會會入嚟試。食物上今次叫咗蝦多士同埋年糕排骨，我覺得都算得幾好，而其他主流點心味道都正常啦。…查看更多

嘢食都幾大碟，炒芥蘭和西檸雞，味道都唔錯，豉油王炒麵都幾入味，牛肉煲係牛肉細舊啲，但係都幾好食。食物送上速度很快，男侍應態度服務好好，又主動熱誠，值得讚！不過，係樓面個著制服個女侍應/知客態度唔專業亦都唔禮貌，有「趕客」成份！我哋準時入去，個女知客唔知道係咪唔識睇電話畫面，俾佢睇OpenRice嘅訂座，佢都唔識睇，又問埋一啲唔係OpenRice要問嘅問題，最後先要問我攞電話，先對到訂座資料，唔通佢唔識睇中文或英文字？嶺南大學嶺南樓餐廳酒樓，話晒都係有專業人士入去食飯，個樓面女之下點會連英文都唔識聽又唔識講又唔識睇？去幾次啲朋友都覺得個女知客好冇禮貌！嶺南樓應搵另一個態度好又專業又識英文嘅樓面女士應招待客人！始終係大學嚟㗎，唔識睇英文，都需要講禮貌英文啦，仲要識講有禮貌嘅廣東話先夠專業！…查看更多

平時我好少會寫食評，但今次實在忍唔住。今日適逢同屋企人入去嶺南樓食野，但碰上畢業禮，咁多人我都明白可能上餐都需時，但係等咗好耐入去坐低。落單之後個落單姐姐(長頭髮紮馬尾著西裝)比張單我哋，無啦啦多咗幾樣我哋冇叫既野食，出去同佢講返，佢仲要大聲靠夾惡兇返我哋，話點咗邊d野呀，我哋就講返我哋tick嗰d就係點既野，點知佢話改完之後仲係唔啱，我哋又要重新去搵佢講返，佢將張單掉返比我話改好，但其實仲係錯。不過都費事再去同佢講。最後，我哋等咗成個鐘先有野食，仲要係後尾有個姐姐入黎我哋追張單先話係前面搞錯咗，比咗我哋d野食後面既人。最後我哋諗住埋單嗰陣仲有個餐點未上，等極都未到，出去問前枱又話幫我哋跟跟，點之又係冇下文，又話廚房冇收到單。是次既體驗極差，服務態度十分差，並且野食都好一般，以後都唔會再去！！！…查看更多

疫情前因嶺南樓鄰近我家， 加上水準穩定成為常客，疫情過後嶺南樓暫停開放一段日子， 但近來因為網上平台的吹捧， 再一次人氣急升。假日只想自然醒，睡飽吃吃，便來到嶺南樓吃下午茶， 比起文迪鍾情的嘉爵酒樓， 這間假日也有茶市， 而且茶位才七元， 也難怪會有人氣， 但又由於地理位置問題， 又加上少有宣傳，光顧的大都是街坊又或是大學生。(特)鮮味蝦餃皇， 嶺南樓的蝦餃皇是必食推介， 外皮細薄內餡結實飽滿，實在的大明蝦肉加點點肥豬肉， 帶一點點蝦汁在水準之上。(特)黑椒金錢肚是日最驚喜的點心， 五味紛陳的汁醬加入黑椒帶點辛辣， 金錢肚炆得軟稔入味， 味道與口感俱佳。(頂)高湯花膠灌湯餃點選灌湯餃的人買少見少， 所以酒樓也鮮有供應， 放湯的灌湯餃屬半忠於原著的做法， 高湯上船鮮甜， 也有花膠的成分， 但灌湯餃吃起來帶預製的感覺， 也許是太費工的關係， 已選用來貨的吧。侍應態度親切， 還問我是否本校學生， 也實在是太抬舉我了吧，畢竟不是青春少艾， 極其量也只是週邊的居民而已。不過若然是該校學生， 折扣額度也挺大的呀， 假如這優惠能推廣致附近居民也就最好不過了。嶺南樓屯門嶺南大學康樂樓1樓…查看更多