岩盤牛扒 ミディアムレア ステーキ (T Town South)

營業中

休息中

天水圍開咗新嘅牛扒屋，之前行過幾次都已經好想試㗎啦，今日就試吓佢咩料先。原來呢度係半自助嘅形式，你揀咗一款牛扒之後就可以揀重量，俾錢嘅時候話比店員知，佢就會即場幫你切你想食嘅牛扒㗎啦。我今次叫咗一個肉眼扒套餐同埋牛丼。叫套餐好抵呀👍加多$28就可以揀多三樣嘢，我就揀咗沙律、飯同埋飲品。塊牛扒到嘅時候我嘩左一聲，點解咁大塊嘅？正呀！🤤🤤🤤牛扒好juicy，牛味又好重。食得出佢嘅黑椒汁係好有心咁樣調教出嚟，因為黑椒汁係加咗柚子汁架，所以食牛扒啖啖肉得來又唔會太遛。另外牛丼都抵食又好味。可以問店員加多啲牛肉汁。牛肉洋蔥呢個配搭，再加埋牛肉汁係一流呀！食完之後記得要擺走自己個盤，大家一齊出一分力，清潔嘅姐姐都唔使咁辛苦呀嘛☺️

三點嚟到天水圍食嘢，估唔到下午茶嘅時間牛扒店都大排長龍。排到入去開放式廚房，就會見到展示左唔同部份嘅牛肉，有牛柳、肉眼、西冷、封門柳等等。今日就一嘗肉眼。肉眼同埋西冷成日傻傻分不清楚。肉眼是牛胸背脊與肋骨之間的肌肉，肉質較幼滑，而且較多汁，而西冷是牛的腰脊部分，肉味最濃。肉眼分量十足，足足有300g，大過我隻手。食扒一定用石板，最鍾意啲炸炸聲，同埋生熟程度由自己控制。想食medium如我嘅人就快手啲切。一開始嘅時候切落去，肉眼呈現粉紅色，一食嫩口多汁。味道方面充滿牛味，唔需要特別點醬汁。唔好以為鐵板旁嘅粟米係配角，其實佢哋吸曬牛嘅精華，拌飯食好惹味。醬汁帶有酸酸地嘅柚子味，有解膩作用。平民式食扒冇負擔，又啖啖肉食得開心。

餐廳開左張唔係好耐，但日日都見人排哂隊，今次終於輪到我去排😂呢度既點菜方式係先揀牛既部位同種類，再選擇份量。店員會根據你既選擇即點即切，保證新鮮同原汁原味。雖然全部都係牛，但可以揀既部位都唔少。有牛柳、牛板鍵、肉眼、西冷、後腰三角肉同封門柳。鍾意食豪d既仲可以揀日本和牛，豐檢由人。揀好牛肉之後就可以係生蒜、蔥同洋蔥三款配料之中揀一款。然後仲可以加28蚊轉做套餐加配白飯、麵豉湯、沙律同汽水。再唔夠，想飲啤酒同紅白餐酒既話都可以再加錢叫～選擇都好多～牛西冷300G套餐（$194）落單後大概5分鐘就做好，黎既時候係連鐵板上，聞到好香之後仲聽到喳喳聲。視覺、聽覺同嗅覺上都好吸引。牛西冷上枱時大概3成熟度，但好快就好俾塊鐵板煎熟，唔鍾意食太熟既要快手同快口少少～牛扒既牛味都幾濃，而且肉汁豐富，落少少鹽已經好夠味。除左牛扒之外，吸哂肉汁既粟米先係MVP,用黎送飯一流☺️☺️

#岩盤牛扒 登陸天水圍啦🥳想食牛扒又唔想去太遠既天水圍人不妨試吓呢間～前排經過大排長龍 星期日見唔多人就trytry😋牛扒有好多部位可以自由選擇 肉眼、西冷、牛柳、日本和牛都有❣️🥩西冷扒 1g $0.58 (每cut 200g起)我嗌左300g 加$28套餐(白飯🍚+沙律🥗+味噌湯🥄)由於係即場人手切的 會有少少偏差〰️而且都比較新鮮🐮勁多蒜蓉(可另選青葱/生洋蔥) 用岩盤上牛扒 超級香😝！肉質都好軟熟〰️肉汁滿滿❣️🌸櫻花肉眼丼 配溫泉蛋 $70滿滿蛋汁同牛扒〰️令牛扒食落更軟滑 飯仲有牛肉汁搭配 味道豐富啲 幾中意😚呢啲丼都係可以自選部位架🐮性價比不錯😋

自從重新裝潢完後，這個商場多了很多特色食店，連壽司郎都有了，但看到那麼多人在排隊就什麼胃口都沒了，所以就去了吃肉，牛扒不香嗎，大口大口吃肉才最爽！肉眼扒(1g : 0.56元) (320g : 179元) (加配套餐28元)本來打算叫西冷的，但看到前面的人選了好像肥的部位有點多，就轉了為肉眼了！我這個是叫了３００ｇ的，最後切了３２０ｇ，現叫現切的，所以感覺還好，而且感覺也有點油花的！牛扒我就選了五成熟，而且最後還會配的燒紅的岩盤，所以建議不要叫太熟就好了，因為還會加熱一下的！牛扒吃起來肉質挺柔軟的，因為叫了五成熟的關係，所以肉汁也能保留到下來，不會吃起來非常乾硬的口感。而且這個我選了蒜做配菜，所以吃起來會多了一陣濃濃的蒜香味！另外牛扒跟了的醬汁是柚子燒肉汁，配上牛肉來吃會非常解油膩，又有柚子的清香，酸甜口味的！套餐我就選了白飯，溫泉蛋和雪糕。白飯正常，軟熟。溫泉蛋是比較意外的，我就拿來配牛扒吃，拌飯也很不錯！至於雪糕他是給你雪糕卡，讓你最後吃完再去換雪糕的，今天我拿到的是香芋味，是我喜歡的口味，味道挺香和滑，作為最後的甜品也很不錯！

⏰🛎食飯時間又到啦⏰又係時間補一補血🥩食肉獸又黎👏🏻✊300G西冷牛扒🥩餐可以自由配搭個餐想食甜品🍮定其他野食🙌🏻我就揀左麵豉湯跟白飯加飲品🧃完美的日本🇯🇵午餐🥣✨麵豉湯好足料有海帶，味道又唔會過鹹🍲✨用了珍珠米既白飯🍚粒粒分明👏🏻✨5成熟既西冷牛扒🥩牛味香濃，有口感落少少鹽，更加帶岀牛肉味點少少🤏醬汁，令到牛肉更有層次感👏🏻✨最後飲番杯玄米綠茶🍵可以幫助消化順便排一排毒✊

呢間牛扒店終於開到來天水圍啦🤣唔洗去九龍都食到！而且牛扒都有不同部位選擇👀見到都食指大動🤤喺店外已經聞到燒牛肉香🐮呢到係全自助式要自己搵左位跟住再出去點餐👍🏻🍴肉眼 341g + $28套餐（味噌湯、溫泉蛋、雪糕）份量係每g計算😆因為店員係你點餐之後喺你面前切🥩所以重量未必份份都一樣🤣然後toppings就揀左蒜蓉🧄肉眼好厚身，較西冷多脂肪！上枱既時候係medium rare👅店員建議先切開幾件再根據我地喜好用鐵板上既餘溫整熟啲😌肉味都算濃郁而且好juicy😚唔洗Extra落鹽都夠味😛不過脂肪就相對肥膩少少但好重牛味🤪🤪食完就可以憑雪糕卡出去拎雪糕🍦不過應該係無得揀味道🤔我食既係咖啡味☕️味道略甜不過咖啡味唔係好重🤓有少少似黑糖味🤣如果有得揀其他味就好🍴牛丼 $40牛肉份量好多👍🏻有牛味且口感都不錯👍🏻我地加左上面套餐嗰隻溫泉蛋落去個飯到😌配埋珍珠米同埋甜甜地既燒汁一齊食好滿足☺️值得一讚既係珍珠米唔會太淋太硬煮得岩岩好整體來講，牛扒質素不錯👌性價比都算高！環境都夠乾淨同埋坐得舒服🤪上菜速度亦都好快😋店員都非常有禮🥰岩晒無肉不歡既朋友📍岩盤牛扒 ミディアムレア ステーキ 天水圍天華路33號

牛柳300g套餐佢牛扒表面有少少焦邊好香，冇咩牛味但肉質都算淋，有少少根不過以呢個價錢可以接受。個飯都好有口感好有飯味，一啖牛送一啖飲好過癮。但係佢個蛋好腥，雪榚個味都好假，質地似土耳其雪榚。下次可以叫其他野跟配。西冷300g套餐比牛柳味道濃，一樣都算淋，但肥膏位置佔比例太多，磅之前唔改走計埋重量有少少唔抵。個醬汁加左柚子可以消膩，但就太甜同牛扒一齊食唔係好夾。之前都有食過呢類即磅即切即燒既午扒餐廳，雖然食物、入座安排同埋衛生狀況都有待改善，但係係天水圍呢個美食沙漠都有啲特色餐廳都幾難得，支持！

這間岩盤牛扒位於天水圍頌富T Town 一期地舖，係一間新開日式牛扒店舖，門口都幾特別係以牛嘅型態作為招牌😯!.牛扒(套餐)呢一款牛扒餐賣相都睇得吓🤔，整份餐配肉眼/西冷/牛柳其中一款，配菜有味噌湯/波子汽水+$10温泉蛋，每一款牛扒有不同克數選擇🤔，同時醬汁有三款選擇蔥油、洋蔥油、蒜油!.我選擇咗西冷牛扒，賣相都好吸引🤔，大大份色香味都有😙，尤其是牛扒肉質都好鮮味😋又夠腍身味道十足，口感腍之中帶點嫰滑相當之美味!.

天水圍朋友講起，屋企附近有間人氣牛扒店，牛扒香氣滿佈商場，而且長期等位，因此十分吸引。趁周末來到天水圍，想吃個豐富午餐，一於就去食下呢間牛扒店！ 位於大商場的地下大堂，一進商場就聞到牛扒香氣，見到有一堆人在排隊，原來餐廳是自助形式，所以食客們自動在門外等位，每當有食客離座，店員會示意下一位食客入座，十分友善和有系統。 等位約5至10分鐘便入座，然後在櫃面點餐，可以選定食或牛扒套餐，而牛扒套餐更可以自選3款配料，包括湯/沙律/白飯/飲品/雪糕等等。牛扒有幾種部位，以重量計算，最後我點了肉眼扒，約300g，加$28配套餐選了白飯、餐湯和汽水。 點餐後，等叫號碼就到櫃枱自取，雖然下單的人很多，但效率幾高，不消幾分鐘就可以取餐！ =肉眼扒 約330g ($186)=牛扒以岩盤作為盛載，岩盤溫度很高，一來繼續煎煮牛扒，自行選擇生熟程度，二來為牛扒保溫，食到最後仍然暖暖的。 肉眼扒薄切大塊，油脂分佈平均，肉眼的肉味濃郁，肥瘦比例剛好，不會食到過韌或太鞋身。選了蒜蓉為調味，牛扒下有栗米粒，整體已經十分夠味，如果想更加濃烈，另外可以自己加入枱面的岩鹽和黑椒，又或者以餐廳秘製的燒汁，這個醬汁微酸，搭配牛

正所謂食牛扒一定要聽到JAR JAR 聲♨️❤️‍🔥居住大西北想食扒扒，又唔想騎牛出國🐂估唔到T town附近都有得食，見裝潢幾靚仔一於去試下🤟🏻🤤 一出輕鐵站，入商場落G/F就到，係1/F已經聞到好香的燒牛肉味🐮💨💨 流哂口水😭餐廳係自助式，流程：先搵位👉🏻點餐👉🏻留意號碼取餐👉🏻可以享用👅💖 西冷314g（$210）·識食要食有鐵板上先夠惹味🔥配料可選青蔥/生洋蔥/蒜蓉·300g牛排真係勁厚身，分量十足，岩哂想啖啖肉的食肉獸，我忍唔住要開動啦🤪🤤·食石板燒牛嘅攻略就係，襯未熟哂個陣上枱就快d切，再係石板燒成自己喜歡的熟度🤎💦·牛肉🥩好易切開🔪，有肉汁夠juicy💖 Upgarde to Set（+ $28）·白飯、味噌湯、餐湯、沙律、飲品、溫泉蛋中任選 3 款🥚🎏·今次選左溫泉蛋，伴飯或者牛肉都咁好食😋😋😋👨‍🎤後記·唔夠重口味可以自己再加海鹽/黑椒調味🧂🧄

屋企樓下開牛扒店，朋友一直都想黎食，今次就同佢食啦。平時見到都多人食，而牛既款式都算多牛柳，牛板腱，肉眼，西冷，後腰三角肉眼，封門柳，和牛你又會點簡？揀完肉之後，可以三選一，青蔥 生洋蔥🧅 蒜頭🧄仲可以加$28 揀三樣變套餐今次揀咗西冷，係佢嘅肉裏面算係中等質素既種類，落單之後佢再切肉，令佢唔會變質👍👍佢個價錢計算方法系每1kg咁樣計，佢200g起，我揀咗300g，然後配蒜蓉，加$28要套餐。因為我驚太飽嘅關係，冇去選擇飯，揀咗沙律嘢飲同埋雪糕。西冷嘅肉質真係好好，咬落口感唔錯，超級多嘅蒜蓉，仲有個汁同埋胡椒或者鹽俾你做調味，本身個人鍾意食原汁原味，所以淨係加咗啲鹽落去，已經好夠味。當天嘅雪糕係朱古力雪糕，我第一次見呢個牌子嘅雪糕，好特別，而且好貼心嘅係你揀咗雪糕佢會比張卡你，你食完先去拎，咁你就可以保證啲雪糕唔會溶咗啦佢除咗肉食之外，仲有唔同款式嘅飯，唔想淨係食肉，可以叫飯食，款式來講都幾多元化。但記得要做個有公德心嘅人，記得食完之後自己拎返個盤去放落個回收架到。

今日試吓一間新開的餐廳。看到店子，充滿曰式風格，而價格方面也是正常價位。燒牛柳丼$75這燒牛柳丼有四片牛柳，牛柳大大片，帶一點厚度，可惜沒有炙燒感覺，而且吃的是牛柳原味，味道比較平實，然而白飯有燒汁，幾有和風特色，甜醬油風，好下飯。和風咖喱吉列牛柳$78這吉列牛柳炸得鬆化，炸皮唔太厚，但牛柳比較老身，沒有肉汁，配上和風咖喱，味道甜香，比較惹味。這一天的期望比較大，可惜感覺平平而己，有少少失望。

叫左$45 溫泉蛋牛肉飯 問題係個飯仲係生既😨 味道就正常 份量都合理 女仔食一定夠飽 牛肉比較硬 咬得有d辛苦 蛋就正常 整體黎講 價錢唔貴 但唔好抱有太多期望 但連飯都未熟呢點 我唔會再幫襯

今日係情人節，經過T-Town見到期待已久嘅牛扒店終於開，決定同老公買個二人餐試下。由於新開+晚市+情人節，所以店員話要等8-9個字。買完拿拿聲拎番屋企開餐…一睇，下？！咁細舊牛肉…咁細碗飯…上面嘅鰻魚少圖嘅一半…咁樣值$168？呢個唔係二人前，而係一個兒童餐！最後除左牛扒，所有野比我6歲嘅仔仔一個食哂…而塊牛扒，話要7成熟，切開係5成，連旁邊嘅位都好生，仔仔食唔到，唯有比老公幾啖KO。人地白紙黑字寫左呢個二人前餐係牛柳200g，只怪我自己唔係一個磅…真係得啖笑…最後呢個情人節就比咁垃圾嘅一餐破壞咗，辛苦我老公又要即刻出去買過其他野食黎填飽我地空虛嘅肚同心靈…