岩盤牛扒ミディアムレア ステーキ (Mikiki)

營業中

休息中

同男朋友去咗MIKIKI入面呢間「講咗好耐話要去，但遲遲都未去」嘅餐廳食扒😅今日終於都食到啦！門口個牛形燈好靚🐮🐮🐮不過一入到去冇人理你🤣了解咗之後，原來由1️⃣落單，2️⃣攞嘢食，到3️⃣收食物盤佢都係自助形式，無人會招呼你嘅😆因為有幾張枱都仲未抹乾淨🥴所以最後搵咗一張比較乾淨啲嘅枱坐😙今次坐門口😉（不過真心評論，餐廳嘅衛生真係一般般😓😓😓好多張枱都冇抹乾淨，有幾張係未執枱😥可能佢哋人手真係好唔夠⋯⋯）好啦就睇下餐牌，佢提供嘅牛肉都真係好多選擇喎！😜👇🏼-🐮STEP1️⃣：係揀牛肉😜😜😜👉🏼因為佢好多款，所以我哋都睇咗一陣個餐牌😂😂😂我揀咗Premium Sirloin，而男朋友就揀咗Premium U.S.A Prime Tri Tip🥩🥩🥩我哋大家都係嗌200g🥩🥩🥩-🐮STEP2⃣️：係加配料😛😛😛👉🏼蔥、洋蔥同埋蒜蓉全部都係我哋嘅至愛😍😍😍我哋全部都加🤪🤪🤪-🐮STEP3⃣️：係轉Set或加Add-Ons🤪🤪🤪👉🏼轉Set只需要加HKD 30，所以我哋都轉咗🆙🆙🆙我加咗沙律🥗溫泉蛋🥚同Coke Zero🥤男朋友就加咗碗飯🍚溫泉蛋🥚同正常Coke🥤🤣🤣🤣最後店員問我同我男朋友塊扒都係230g左右，🆗？

每次經過呢間店都會聞到好香嘅味終於有機會試下佢係自助形式有好多選擇食幾多gram牛都得仲有好多款牛可以揀唔食牛都可以有鰻魚食☺️☺️☺️💚牛扒套餐🥩我地叫左牛板腱200g點知佢切多左222g咁就照要啦，貴左十幾蚊套餐係再加$30有得揀三樣野揀左溫泉蛋、蘋果汁、雪糕(再加$5)🥚🍎🍦配料就揀左蒜蓉黎到覺得舊牛都幾大塊用左好多粟米墊底🌽蒜蓉份量都好多🧄喺個鐵板到自己煎熟佢都幾開心😛😛😛不過一塊鐵板係煎唔晒啲肉可以叫職員幫你換過塊鐵板但係原來佢地塊板係無油架佢話只可以俾粟米粒你所以換左新鐵板係會蒜到少少痴底整體黎講塊肉都OK都有牛味加埋啲蒜蓉都幾好味☺️☺️☺️💚特大鰻魚丼🐠都幾大碗，條鰻魚都肥厚味道唔差但又未係好好味另外再叫左杯金牛即係忌廉加芒果雪糕都幾好味👍🏻👍🏻

平日限定半價雪糕拉麵，供應時間：3:00-5:30pm餐廳行自助形式，先買票再自行取餐，用餐後需將餐盤放到餐車上==========🔹紅地獄雪糕拉麵 $44 (原價 $88)牛肉只有幾片，薄薄的唔大片，同吉野家牛肉質素差不多😅麵份量都係偏少，幾啖都食哂，如果男仔食兩碗都可能唔夠🥸麵條係幼身，好大路貨色，同係屋企自己煮分別唔大🤨配以少量洋蔥🧄醒在湯底夠辣，都幾濃豬骨同七味粉味，辣得好爽好過癮，飲完一啖湯咀唇會麻🤩雪糕用上意大利Da Dolce Gelato, 奶味夠而且幾滑，唔會好甜，不過份量極少而且冇雪糕個筒，雪糕溶左係湯度同個辣都夾得到，飲落幾有層次感，湯底加分👍🏻不過呢碗絕對係一碗完全唔正宗既日本拉麵，好多應有既材料都冇如果唔係半價係唔會食🤭推介指數：7/10

以前吃這家都是點外賣拿走，今天收工早來吃一頓堂食，點餐的地方收銀員很不熟練，一邊點一邊改，最後服務態度很不好地將等餐編號紙扔給我，飯味道和之前差不多，味噌湯特別特別鹹，下次不會再來這家堂食了。

本來都好少寫食評，但呢次真係忍唔住。二百幾蚊一份扒完全冇嗰種新鮮美味，白飯都硬過人。最離譜係9:30pm話last order， 9:55就關燈關冷氣開口叫你走，一係你就早d last order，咁我就唔入嚟食， 20分鐘點食完一套扒？一行三人$700賣單，真係超級唔抵，大家樂都不如。

諗住唔會太差，叫咗個300克牛扒，食咗兩啖發覺真係賴嘢，切牛扒手都酸埋，成塊牛扒筋多個肉，塊鐵板凍得好快，食到一半已經唔再熱，牛極雖然貴少少但性價比爭好遠，呢間嘢只會幫襯一次

餐廳採用自助形式買餐及取餐，自己買自己搵位，見到價位唔算高而且做緊優惠，就入去試試🐮紐西蘭草飼牛西冷300g $88 (加左$30轉套餐）呢份超值，平時食300g都要成$200，而家$88就有真心抵😂（逢星期一至四每日限售30份），用鐵板上牛扒最怕好快熟晒，好彩拎到返埋位切開都仲粉嫩，賣相幾好🐮不過食落冇乜牛味，雖然唔算太韌，但係口應偏實，唔軟熟，平平地當解下鋸扒癮都還可接受既🙊櫻花燒西冷丼配溫泉蛋 （加$18轉套餐）飯上既西冷太太太太太熟了😫圖片真係只供參考🙈牛肉有6大片，份量都幾多，但燒得太過火，全熟咁制，食落幾韌🥲套餐既飲品同沙律絕對值得一提，因為真係有啲失望🫣首先飲品我加左可樂，竟然係mini版😧😧😧😧會唔會太孤寒😂另外沙律係椰菜，紫椰菜同紅蘿蔔，所有材料都好硬🙊呢個質素要加錢先有既話就麻麻地🙊

三成熟的西冷 味道普通 配料就單單幾十粒粟米和一點點洋蔥粒 最主要問題係筋超級多 絕對抽筋完全在口腔咀嚼不開 沙拉完全不好食調味不開胃 餐湯羅宋湯味道不對不好飲 以現時香港食物質素指數 負爆為一食得下就是溫泉蛋出餐的速度很快應該不會有下次 設計很好 出餐會震動 外觀都吸引 可惜虛有其表熟成道都滿意 不是筋多都能接受冇下次

今日好想食肉，於去咗Mikiki 落一層嘅呢間自助岩燒牛扒餐廳。每次經過都覺得好香，終於抵受唔住誘惑一試。佢有幾個牛嘅部位揀：最平就牛柳，另外仲有牛板腱、肉眼、封面柳等等。玩法係段gram計，最少嗌200g。職員會即刻切俾你。不過佢好難切到200g剛剛好，會多十幾二十Gram… 佢會問你好唔好的，不過多數都無所謂嘅多少少。除咗肉，仲要揀一種配料：蒜、洋蔥、青蔥。如果想飲野，就加$30 加套餐！喺幾樣野入面（飲品、沙律、雲糕、雪糕、溫泉蛋、味噌湯）。Overall 味道都OK，想食肉都幾開心。不過有啲貴，同埋大食都會好貴。得閒想食肉可以去下。

好少黎呢個商場，見到呢間餐廳好似幾有特色：可以即時係牛扒櫃點選想食既部份，職員會即時切俾你(按克計算價錢)。放是就入去試下啦！冰櫃入面既肉顏色偏黑紅色， 聽聞係因為牛肉切開後冇接觸過空氣冇氧化所以就係呢種色，偏黑紅色係比鮮紅色新鮮 餐廳格局其實都幾似快餐店…但價錢都唔平要200幾蚊一個Set我地揀左有封門柳同西冷試下,分別叫左300g, 再加錢要左飲品同啤酒，充滿期待點知西冷過熟，好韌好難切，個汁味道好怪完全食唔岀係咩黎，浪費左塊扒！輕輕煎一陣直接加黑椒同鹽其實已經好好味啦封門柳就煮得好d，相對嫩滑，但都係一樣，個汁唔知想點！另外仲叫左個大既鰻魚牛丼，呢個鰻魚好食既，肥美而且唔腥，但牛丼個汁係冇味既個餐仲加錢要左杯朱古力味雪糕，仲諗住有個甜品作結，點知朱古力味好假…連雪糕都係唔好食…

去到新蒲崗，不知道食什麼好，就去了mikiki搵食。看到這間medium rare steak, 就試一試。這間店舖是食牛扒的， 自己揀牛扒同重量，然後磅重再俾錢。環境方面：餐廳選用自助模式，自助搵位，自己去收銀落單，然後自行取食物， 食飽自己收餐盤。由於係自助模式，所以枱面不太乾淨，有很多食物殘渣，不太衛生。🤢 由於是午餐，我和朋友沒有進食牛扒，反而想要比較普通的牛肉飯和烏冬，試一試。溫泉蛋牛肉丼 $50呢個飯就不過不失，同吉野家差唔多😂加咗$18變成套餐，可以喺麵豉湯/沙律/汽水/波子汽水當中任選兩樣， 我就揀咗沙律同汽水，沙律就普通沙律，汽水我揀咗可樂，原來係細罐可樂。岩鹽牛肉溫泉蛋烏冬 $65以上是烏冬， 選用了鐵鍋，所以烏冬直到食飽都好熱，惟牛肉不太滑和湯底有點咸🙈蛋就不錯😋

位於Mikiki的岩盤牛扒全店採用全自助形式首先自行搵位，落單時選擇想要的牛扒和份量，再選擇配菜，加$30可從（白飯/味噌湯/飲品/沙律/温泉蛋/雪糕）選擇其中三款。200g牛柳份量也不少，剛上鐵板時可看到粉紅色只有約四成熟，切開牛扒成塊放在鐵板上可變成六成熟，按個人喜好。可加蒜蓉令牛扒更香，入口無筋而且肉質鮮嫩，以這個價錢相當抵食另外也可選擇丼飯，加$28選兩款配撘雪糕方面，每日有不同味道暫時試過海鹽味最好味牛奶味重而且雪糕非常順滑士多啤梨味不過不失沒太大驚喜香芋比較普通而且太甜希望下次可以嚐試朱古力味由於是自助形式，記得離開時要收拾並放回餐盤店內環境不錯亦算闊落，是不錯的牛扒店

餐廳係專食牛扒既，係用gram 黎計錢，亦有好多唔同既款，好似和牛，rib eye, 西冷都有，我就叫左西冷。佢最少要叫200g,加$30有個餐，可以叫味噌湯，汽水，沙律，溫泉蛋等等當中揀3款，平日既3pm -5pm有九折。而配料就可以揀洋蔥、蒜或者蔥當中揀一款。點餐係自助形式，係響出便買完佢會切比你睇，再自助咁拎。叫左個西冷跟餐，個西冷用鐵板盛住，為左避免咁快熟，佢響底層都鋪左D粟米。岩岩到果陣個牛扒生熟度好岩，又煎得夠香火喉亦好，不過放耐左即使有粟米都難免過熟，所以記住一上就要即刻食咁好食既牛扒。

每次去mikiki，都會經過岩盤牛扒，係超級市場入口已經聞到好香既鐵板燒牛肉味，但無奈次次都係食飽先行，今次終於食到。牛扒有 7 種選擇，一般牛扒好似西冷、肉眼、牛柳都有，連封門柳都有，而且重量 (即價錢) 由自己選擇，例如200g或300g按重量計💰黎得食當然要試下d特別野，所以我地叫左去封門柳(1g=$0.64)，而封門柳最低消費係300g，即係$192。我地今次叫左31xｇ封門柳，再加$28轉做set ，可以有3款小食。我地就叫左個汽水+沙律+溫泉蛋。封門柳位於牛的橫膈膜的肌肉，佢既肉質鬆軟，不易變韌，而且牛肉味極為濃郁👍🏻而我同朋友試過其他餐廳既封門柳後都俾呢個部位吸引，可惜今次既體驗換黎失望😥封門柳最正係食佢既牛味，但呢間封門柳牛味好淡，加上咬落去肉質好韌，我地雖然牙力好但都要咬好耐先咬到。🤭而牛扒既汁有三款: 蔥油，洋蔥油，蒜油我地揀左蒜油，蒜油味的確係幾出色 ，唔會有過熟既苦味。但唔知係咪店員覺得牛肉味淡，所以加左好多蒜，蒜味完全蓋過淡淡既牛味😂200蚊左右一塊封門柳就唔太值，而我地食完後上網睇過唔同食客評語都話佢地肉眼西冷性價比幾高，所以下次如果再試應該會試其他部位🤔

我哋一放假就會周圍搵嘢食㗎啦🤭反正未去過新蒲崗，就搵下搵下openrice 有乜好嘢啦！點知搵到間食牛扒喎😋 食評都讚好都唔會差得去邊，最重要唔太貴呀👏打電話去問先知原來做walk-in 客🤔冇問題啦喺怕會多人啫。真係要讚賞~服務生~好有禮貌態度又好👍👍👍👍我哋由旺角出發都成2：00先去到😁去到都唔難搵既。原來喺自助式落單，因為第一次食啦，又唔知點叫，不過收銀員好有耐性解答我問題，選好牛扒種類後再秤下幾重計價錢+$28選3樣配搭後就坐定定等食🤭。其實算平㗎啦，又好食。起碼唔使自己煎和洗😁