山見台式火鍋 (屯門市廣場1期)

營業中

休息中

第一次過黎食俾我地一家人大好印象，食物即叫即整，真係好似去左台灣夜市既感覺！晚市重開我地再去，真係大打折扣，甚至完全不想再來，如果願意受氣的，隨便～為左避開母親節繁忙嘅日子，選了今日冇咁多人既日子，改了分段時間開店，唯有等晚點去，選擇了醉雞湯底，估唔到湯底要成20分鐘先到，嘗試多次向職員了解，職員都是敷衍了事，為左爭取時間填飽個肚仔，出去自助吧取熱食，看上去比之前多，但味道、賣相完全差到一個點熱食雖然比之前多，但一點都唔吸引～好多都好凌亂，什至沒有再添加或換新材料滷水咸得像醬油一樣，感覺之同之前味道差得遠，我食了一啖就放棄了，個牛筋真係硬到飛天食物凍的，前菜水汪汪，完全冇餵口，真心！這個價錢真的在屯門市中心可以好多選擇。炸物方面外油內凍，冰油相夾，難以表達最重要的和牛！跟本不是和牛！甚至我叫咗個封門柳，只黎左一次，之後叫左四、五次都唔黎，跟本叫平餐同貴餐都冇分別，多次找經理投訴無門！最終我亦放棄….好既方面都要讚下！個芋圓甜品好食（但係大家需要有好好嘅耐性）不個白色既牛奶磚冇左！非常可惜！環境音樂非常好，我相信做𝙲𝙰𝙵𝙴會好過做放題肺腑之言：「不可一」

食物款式尚算多款熟食小食種類多且熱辣辣珍珠奶茶及芋圓必定留肚要飲要食的另外，封柳門都好新鮮整體感覺不錯，侍應都有禮貌，有求必應，態度友善餐廳有打卡位，可以跟小朋友打下卡影下相之前有明信片郵寄服務，仲可以利用明信片便宜80蚊，都值得翻兜再食始終價錢跟食物質素及種類都成正比住係屯門想搵火鍋食店的話，山見都會係頭兩位選揀另一半都對火鍋一般般，但反而食過一次山見之後，都會再話想食食埋今次已經encoren了第三次😅

諗住同媽媽預祝食母親節晚飯點知有咁差既經歷….我地揀既係第3個級別既殿堂餐當晚收費$288+10% 一位入座時，門口小姐有講今晚冇黑毛豬供應咁我諗住都係食少一款豬姐入到去，去完自助區拎左醬汁同小食飲品就滿心歡喜去手機落單，點知menu 上一半既肉，包括月見封門柳，都係話賣哂，其實我係下午6:54入座，最黃金既晚飯時間，一間火鍋店居然有一半食冇？咁我呢個餐$288 係食乜野？之後再睇睇早前起小食區拎既前菜變左一兜水，原來起雪櫃入面時，佢都係未溶雪，入口仲係冰既….環顧四週，都真係冇乜野好食，打住台式火鍋台既名號，但就連花枝丸同香菇貢丸都冇，自助既小食全部都係比人食淨咁碎濕濕最後未到last order , 我地已經投降冇再叫野食開業冇耐已經咁差既質素，我相信都冇乜人會回頭

餐廳上菜速度極慢，第一轉牛肉羊肉都要20～30分鐘不停催先上菜，服務態度差，最不可接受係價錢明明寫包埋食物墨魚滑，響玲等，但我6點半入座既然寫售罄，但櫃台職員完全唔告知顧客，下次佢唔知會唔會牛肉都售罄呢，如果想比錢去受氣就歡迎大家去食

經過屯門市廣場見到呢間新開嘅台式火鍋店，就一於試試佢不過90分鐘係唔夠食，感覺上有少少唔抵食，雖然佢係自助QR code落單，但上菜速度真係有d慢叫左個$248嘅任食餐，首先我地係一人一鍋黎嘅，揀左兩款湯底，一個係番茄菠蘿湯🍅🍍，另一個係花膠雞湯🐔。🍅🍍呢個有驚喜，個湯清新同埋甜，而且有陣香草味，仲要係唔需要加錢嘅湯底。🐔湯都濃味嘅，但要加$18，個人比較鍾意番茄個個湯底！牛肉款式都多，而且望落都新鮮，唔會過肥除左牛肉都有得出去自助夾蔬菜🥬，丸個d。另外可以點熟食，鹽酥雞扒個d，仲有滷水個d。飲品選擇都多，有幾個雪櫃擺，有台式嘅罐裝飲品，冬瓜茶個d，另外啤酒都有，都有無糖冷泡茶🍵同埋另外有一部機可以飲熱咖啡，奶茶，朱古力，柑橘綠茶。甜品有得出去拎雪條，呢兩款都好好味😋另外有得點仙草芋圓，牛奶磚。但芋圓個個冇味，牛奶磚似棉花糖。麻麻地不過值得一讚係餐廳環境好靚，門口入黎有d位好適合打卡。同埋新開張期間有珍珠奶茶送🧋

見新店所以前來試試。正所謂早起雀仔有蟲食，所以一大早到店，見到已排有人龍，立即攞飛，等了差不多15分鐘，安排入座。一人一鍋，點了$228放題。食物區唔算有太多食物，或者大部份是要自行落單。認為大部食物都係致肥之選，特別是魯肉，煲內全是肥豬肉。自選食物都多，但本人麻麻地的是提供雞翼不是雞件，實在接受不到用雞翼打邊爐，同埋唯一不滿意的是每次點餐只可以最多點六款。所以成餐飯忙於點菜。成餐放題推介脆肉鯇，牛柏葉，糯米腸，蠔仔餅，甜品芋圓系列。其他實在未有太大驚喜。

帶位員/服務員有禮收拾碗碟有效率豬牛肉類厚薄適中,份量適中唔浪費雞肉比較冇咁好台式熟食款式多（有滷肉飯）飲品多款式（有啤酒/熱茶啡/汽水/冷泡茶）火鍋湯底足料火鍋配料吸引火鍋醬料多

今日和朋友一行四人去咗屯門市中心訂咗山見台式火煱，去到人山人海好彩一早訂咗桌，不用排隊直入，頭一轉食物買相非常靚仔，後加食物買相非常差，台式小食如鹵水豆腐，旦，七里香真係一啲都唔香，朱扒炸粉太厚，湯底還算唔錯希望下次再去有改善。

去到攞位，侍應問我哋想坐卡位定二人枱.卡位嘅話就係用一個大鍋，二人枱嘅話，就係一人一鍋。見到二人枱原來都好闊落，就決定二人枱啦。可以一人一鍋，咁就唔使爭用咩湯底。叫咗個酸菜白肉同埋豚骨湯。酸菜白肉味道比較濃，咩食物都變晒酸菜白肉味。除咗指定嘅牛肉，仲有好多小食。覺得惡魔雞扒同豬扒可以唔使叫。因為雞扒同豬扒好大份，炸粉又比較厚。可以唔使嗌，留返啲位食其他嘢。出面自助吧仲有得攞大腸麵線同埋滷肉飯。自助吧好整齊乾淨。可能因為疫情嘅關係，人流唔多。好舒服。侍應服務態度亦都好好。用QR code落單，冇留單。上菜速度好快。鍾意食佢哋嘅鹽酥雞。佢哋嘅滷水都好味。$300樓下一個人，有咁嘅質素覺得好OK。

5分滿分環境4分 好多打卡位可以影下相，地方寬敞二人枱比其他同類例如牛一牛氣闊落呢個抵贊。好啦差評開始食物2分 先講醬油調味料，d豉油鹹到痴媽根，係死鹹果種，溝左半碗湯底都搞唔掂，最後係攞筷子蜻蜓點水咁沾落d肉度。然後到湯底談而無味無香可以講同清水冇咩分別，再到肉類得牛胸爽係較為霖身，其他都係一個字（鞋）封門柳就簡直係敗筆，都唔知邊鬼個切出來，切到又厚又大舊，我仲以為自己去左隔離食燒肉，大佬打邊爐來架，失望透頂。黃金炸魚皮又甜又硬。。。係咪玩野鹹蛋黃都可以整到咁甜，滷水牛展咪咪咪咪滷水，全部都係冇味道，係少少鹹味都冇。。。。我都唔知自己食緊咩，炸雞扒OK 都算嫩滑多汁，但塊炸豬扒就韌過豬肉乾，墨魚仔等等等等我都冇力呻啦，完全食到冇心機，可見廚房部做野求求期期，自助巴選擇又極少，當天墨魚滑油炸鬼都冇供應，午市收費咁貴連粒牛丸都冇🤦🏻 2個人食殿堂248一位加埋1差唔多成6舊水完全唔知自己食左d咩，性價比極低，食物我都費事影相了，最後冇咩心情甜品都冇食就走人。

今日第一次食,11:30準時到達,入內見環境清潔、舒適,非常多大玻璃窗,採光很好。和朋友點了$178精品餐,限時90分鐘。自助吧除火鍋料外,還有鹵肉飯、大腸麵線、炆排等熱食,肉類、小食是用手機落單,上菜速度很快,鹵肉飯很美味,一定要試,火鍋肉類肉味不錯,要留肚食埋台式甜品,我點了愛玉粉圓非常好食👍,服務非常有禮貌,會有下次😋

新開見門口餐牌介紹吸引，又掛住台灣味所以一試。午市90分鐘都夠時間歎，入去一路有侍應介紹又有打咭位，環境闊大光猛，食物擺放整理再加上用QR code落單，安心又方便。鴛鴦鍋叫麻辣+雜菌鍋~味濃足料，肉類亦優質~而熟食中滷水及鹽酥雞最好味，最重要係臨尾嘅必食甜品~仙草芋圓like~

因晚上禁堂食關係，大約四點與這個較不起眼的地方相偶。這間店不太起眼，一來不在大路，二來太入，但這裡絕對值得大家一試。這間店與旺角的台式火鍋質素可算不相伯仲，而且湯底還有很多選擇。但在屯門不用出九龍，簡直是個寶藏。這裡服務態度一流，肉類質素絕不馬虎，絕對物有所值，再加上有多款台式小食任叫，更厲害的就是有多款台式甜品在放題列內份量適中，可以多嘗幾款，還有很多台式冷茶選擇，要是喜歡滷肉飯那裡還有供應。更厲害的，那裏還有模仿台灣小店的打卡位讓大家「打卡」。大門還有一個十份郵箱，以供客人郵寄「優惠」，你試過便知道！總括而言，值得一來再來！期待下一次⋯

首先 一入到去環境非常舒服 因為除左地方大 佢啲枱同枱之間唔會貼得好埋 就算二人枱都有好足夠大既空間，店內亦有好多值得打卡位比大家影相. 服務人員態度非常好同埋貼心. 而食物方面，火鍋湯底 會推介美人鍋 味道十分濃郁 味道以老火花膠雞湯. 火鍋食物雖然未算好多 但有封門柳或者係松板肉同埋牛肩比較特別既肉類 而且好高質一啲都唔Hae 👍🏻👍🏻👍🏻👍🏻😋同埋佢每次上菜既份量係一小碟一小碟咁上 可以按個人食量而落單就唔會造成浪費👍🏻最最最重點 佢有好多台式小食 滷水 炸物 鬼馬油炸鬼必食，好地道台灣味道😍😍最後係甜品 佢地既牛奶磚 好綿滑 奶味香濃👍🏻👍🏻而場內亦設有自助區有熟食/火鍋料/甜品/無糖茶同埋多款飲品 😍呢間絕對值得一試再試。

久違嘅放題都好一段長時間無食放題，於是，就黎左呢間新開嘅台式一人一鍋放題任食，由於，新店開張，每人送一杯珍珠奶茶，可能店舖位置一般，唔洗排隊。湯底，我就要左松露野菌昆布湯，當打開個鍋時，好濃烈嘅松露味慢慢被我吸收晒，好香。之後我先叫左部分小食，夜市鹽酥雞當然走唔甩喇，幾好食，唔錯，放題黎講都出色喇，其次，叫左個柯仔煎，小弟見識仲好少，未食過放題有柯仔煎，都大塊，蠔肉唔差，最少食到蠔肉然後，再叫手工糯米腸，唔太大特別，不過好食嘅。滷水豆腐就好似少左d味。但打邊爐點少得牛，佢仲要有埋羊，d封門柳最好食，細細舊，一啖食落肚，最後就要講講佢嘅甜品，細細杯，啱啱好，而且唔係好甜，值得一食。