山牛

今天在這餐廳訂了一盒「燒小排拼野菜丼」外賣，回家打開後簡直傻眼—牛小排的份量少得可憐，只見最左邊角落有一小撮肉，本來以為是被雜菜蓋住了，結果吃了幾啖飯後才發現，原來那兩小塊碎牛就是全部的牛小排！整盒飯裡只有兩小塊牛肉，加起來都不夠一片完整的牛小排大。更離譜的是，我上星期才吃過同一款飯，當時的牛肉份量明顯多得多。這次的落差實在太大，於是我致電餐廳反映情況，對方卻回應說「因為是拼野菜，所以牛小排只有兩至三片」。但我收到的根本連一片都不到，這樣的解釋實在難以接受。作為消費者，我理解不同配搭可能會影響食材比例，但這次的份量實在誇張，完全不符合理想中的「燒小排丼」。希望餐廳能正視這個問題，給予合理的解釋和改善，否則實在難以再有信心光顧。…查看更多

之前已經聽人講過依間過江龍，專食燒牛肉，今次嚟食午餐，我叫咗牛扒丼套餐$117，有啲貴但係份量好多，套餐有跟嘢飲同一件炸雞，餐廳新裝修，乾淨企理，坐位唔算逼，環境幾好👍個飯本身好似有啲泡菜配料，但我唔鍾意食泡菜，所以特登走配菜，牛扒食落熱辣辣，燒到外層微焦，入面嫩，咬落軟腍👍醬汁鹹甜適中，唔會太濃，飯吸晒肉汁好香口😋炸雞唔油膩，都算大件，味道正正常常，成個餐份量都幾多，夠飽肚，飯量足夠，整體都滿意！推薦⭐⭐⭐⭐…查看更多

早幾日出鯉魚門做嘢，附近搵嚟搵去都冇乜好食，正係想平平地食個飯，見到有山牛，好似喺元朗見過分店但未食過，喺舖頭外面聞到好香燒肉味😳 就諗住試下啦，叫咗個牛肩肉牛小排飯，$60價錢都算合理Order之後會即場燒，睇落好吸引，太概等咗10分鐘左右啦，都算幾快，D牛肉比我想像中多，有焦香但唔會乾，咬落有肉汁，D飯都係熱辣辣，連埋燒汁一齊撈嚟食幾好味又飽肚😋舖面睇落都乾淨，地面唔會話因為有炭燒而油立立，靜靜地食過午餐都幾好…查看更多

丸龜集團在鯉魚門的新店山牛，也是本港的第一家店，在這美食沙漠開設新類型的餐廳，真的是藝高人膽大，隔離就是譚仔三哥，再加上對面大本營有譚仔和丸龜製麵，油塘除了麵包店，丸龜集團也在這裏建立自己的堡壘。和一般般牛丼風格不同，這裏主打的不是吉野家等風格的汁煮牛肉飯配上牛肉汁，而是在現場炭烤，牛肉比一般牛丼的更厚身，偏向牛小排風格，肉香也比較強，口感也比較腍，再加上炭烤香味，說是高級版牛丼也不為過，至少在價錢上也能反映出來。味道真的OK，偶爾想吃好一點的飯盒，也是值得推介的。This is Marugame Group’s new outlet in Lei Yue Mun, and the first of its kind in Hong Kong. Opening this new restaurant concept in a food desert shows real confidence, especially with TamJai SamGor next door and both TamJai and Marugame Seimen at their main base across the street. Beyond bakeries, Marugame Group is establishing its fortress in Yau Tong. Unlike typical gyudon style, this restaurant doesn’t serve Yoshinoya-style simmered beef with broth over rice. Instead, they charcoal-grill the beef on-site. The beef cuts are thicker than standard gyudon, leaning toward short rib style, with stronger meat aroma and more tender texture. Combined with the charcoal-grilled fragrance, calling it a premium version of gyudon wouldn’t be an exaggeration, and the pricing certainly reflects that. The taste is genuinely good, making it a worthy recommendation when you occasionally want a better quality rice bowl.…查看更多

見到門口餐牌幾吸引，價錢唔算貴，店員推薦白汁牛小排飯，所以就叫嚟試下，睇落幾吸引😋白汁超creamy 多汁，入面仲有菇同洋蔥，成個味道層次好豐富，香草牛油溶晒入汁度，令個白汁更加香口，拌飯食真係一流～白汁撈飯每啖都好滿足，完全停唔到口😋不過我就嫌牛肉唔夠多，但肉質ok，白汁包住食落更加好味，整體水準都幾穩陣，下次會試其他款式唯一可惜就係個飯得返一個size，冇得加肉，如果可以揀大份或者加多啲牛小排就完美😸…查看更多

今日lunch試咗山牛燒牛肉飯，睇餐牌款款都好似都係牛肉為主，但份量有分中、大、特，我隨便叫咗個雙併燒牛肉飯，有牛小排同牛肩肉（大）$70蚊。一拎上手，份量真係多，上面鋪滿晒牛肉，全部都算大塊，賣相幾靚。啲肉味道幾香口，炭燒香，唔會好鹹，冇乜筋，加埋醬汁啱啱好，食落都幾容易咬。飯夠哂熱，唔會濕晒黐立立。因為叫咗大飯，男人食夠飽。呢個價錢嚟講，70蚊一個大飯，算抵，唔會食完覺得唔夠。環境正常，中午lunch要排隊。以呢個份量同價錢，覺得對得住，之後會考慮再叫外賣食。…查看更多

平時食開某平價連鎖店嘅牛丼，食到有啲悶，今日終於有新嘢試，呢間主打炭火燒肉嘅日本過江龍——山牛，平日lunch時間真係多人食。🍱 炭火燒山牛燒肉丼 牛肩肉 & 小牛排 （大盛 $70）睇賣相已經吸引，大大塊燒肉鋪滿晒成個飯面，炭火香味撲鼻而來，又多汁，炭火燒嘅果然明顯同平時食嘅牛丼唔一樣🥩 炭燒肉水準超預期牛肩肉同小牛排燒得啱啱好，有啲位仲帶焦邊，入口唔乾唔鞋，仲保留到肉汁。炭火燒得好夠火喉，表面微焦但入面仲嫩，真係有咬口又唔韌。配埋飯一齊食真係一流，勁惹味。🍚 飯底都唔馬虎米飯煮得粒粒分明，唔會太濕，吸晒燒肉油脂同醬汁，食到最後都唔會覺得漏。💺 環境舒服餐廳裝修新淨，位夠坐得舒服，今次平日午市人流都幾多。總括嚟講，值得回頭再食！…查看更多

之前食過山牛其他分店幾次，都覺得水準麻麻地，已經無乜諗住再幫襯。今日咁啱喺鯉魚門開會，商場入面搵唔到啱食嘅，見到山牛裝修幾靚、睇落企理乾淨，就抱住醫肚心態買個外賣，點知真係有驚喜！今次試咖哩燒肉丼(中盛)$50，外賣加$2，另外叫咗多飯。🍛 咖哩：超預期！ 原本以為會係嗰啲出面連鎖餐廳常見嘅袋裝咖哩，點知完全唔係！食落每啖都啖啖肉碎，仲帶住炭燒香味，非常濃厚，配呢個咖喱我可以食多兩碗飯，明顯係自家制，第一次喺燒肉店食到有咁有誠意嘅咖哩，意料之外，值得一讚！🥩 燒肉：濃郁炭燒香味，唔係死鹹果隻，肉質軟腍，表面微焦香，唔會韌，幾有口感。真係估唔到唔同分店水準可以差咁遠，鯉魚門呢間明顯係有用心。🍚 份量：呢間叫多飯真係明顯有俾多，之前喺其他分店叫多飯都同普通份量差唔多，問店員又hea我話已經畀多咗。💁🏻‍♂️ 服務：外賣速度快，店員有禮貌，包裝盒上面仲有貼製造日期，細節位做得幾貼心。下次會再試，見到佢哋新出咗兩餸飯，有興趣下次試下～希望保持水準！…查看更多

今個月嘅第一個禮拜六，我同朋友去咗位於油塘地鐵站附近嘅鯉魚門廣場食晚餐😄 今次我同朋友揀咗最近先開，但我哋已經好想試嘅山牛😆 以我哋所見，山牛應該係主打日式燒肉丼快餐😋我哋其實之前已經好想試，但由於佢店嘅面積唔算大，所以成日都滿座，同好多人排隊，所以通常我哋最後都揀咗食其他嘢😅 但今次好好彩，咁啱見到有張二人枱，就好快過去坐低咗然後叫嘢食😆我叫咗炭火燒牛小排燒肉丼，尤其佢標榜日本正宗炭火風味，聽落已經流晒口水😋😋 佢有分中（HK$40)、大（HK$48) 、特（HK$55)，由於我都幾肚餓，所以我就揀咗特嚟試吓😆🤣 我同朋友雖然唔肯定，但覺得特嘅牛肉量應該係最多，而飯量應該係每個級別都係差唔多🥰🥰😆由於我好鍾意炭火燒呢種烹調方式，又好鍾意食牛，所以炭火燒牛小排燒肉丼真係啱晒我口味😆😆😋😋👍佢嘅牛肉同埋肉汁係好容易送飯，其實如果佢再有多啲飯我都食得落😆😆🤣🤣…查看更多

油塘新開嘅山牛Yakiniku Yamagyu，一行近就聞到香噴噴嘅炭燒肉味，因為堂食無位，便買外賣返屋企，叫咗炭火燒牛小排燒肉丼，“中”份量，$40，外賣加$2，共$42打開個外賣，好似日本便當咁，包裝得唔錯，有張封條寫翻熱步驟食落炭火燒牛小排，表面有啲焦香，但唔係乾身，再配埋個醬汁，好惹味，好似去咗燒烤店食烤肉咁，好食。而且肉的份量都算多，配搭辣蘿蔔，辣辣爽脆，一併食，可以解油膩，還有少許青菜，食落唔會咁單調，飯係日本飯，食落黏黏軟軟，幾好食👍不過可能係烤肉放咗係面，食到底，啲飯有點油膩🙈整體來講，服務同環境還好，味道好👍，價錢唔貴，係有啲油膩，如果飯同肉分開放，可能會好啲…查看更多

最近譚仔母公司Toridoll引入的新品牌山牛，主打炭火燒肉丼，和sukiya 或吉野家的汁煮洋蔥牛肉飯不同，走燒烤路線餐牌設計上更重口味，亦只提供牛肉暫沒有其他肉類。集中的菜單營運上較簡單品質監控上亦更佳。—————————————————————定價上雖則單點牛肉丼$40便有交易，加配套餐卻要$20，但欠缺了溫泉蛋的燒肉丼又失色不少，最終一個完整的沙律、餐湯、溫泉蛋鹽蔥牛小排燒肉丼盛惠$80。薄切牛小排較多油脂，用肥牛來形容更貼切，加上濃味的典型甜鹹燒肉醬汁十分送飯。珍珠米咬口不錯，配菜的菠菜和辣泡菜是不錯的味變。更重口味人士可於自助區DIY，蔥花牛尾湯牛肉味比燒肉更突出不過較油膩。—————————————————————整體而言是偶爾一次的大滿足選擇，定價豐儉由人，質素穩定且有新鮮感的日式快餐選擇。…查看更多

鯉魚門其實冇乜餐廳選擇，今次行過見到有間新開嘅日式燒牛丼店，出面已經聞到陣陣炭火燒肉香味，好吸引，忍唔住就入去試下。叫咗個炭火燒牛小排丼，$48咋，真心唔貴。即叫即燒，睇住佢用炭火燒牛，已經流口水🤤 成碗牛肉份量都幾多，唔係得幾片薄薄地咁，仲要啖啖都食到牛味，燒得岩岩好，外面少少焦香，入面仲好juicy，油香味十足，好滿足！第一次入去食，已經見到有唔少人，環境乾淨又唔迫，好快就有位坐，成個用餐體驗都幾舒服。想快快地醫個肚，呢間真係一個好選擇。以呢個價錢食到咁嘅質素，真係性價比高，快、靚、正！之後應該會成為我行過鯉魚門嘅指定食點👍…查看更多

新開張，就來試下！果然都冇失望，牛肉的鮮味主要係搭配靈魂醬汁才稱得上完美。飯都係用日本米，好有誠意！還有個牛肉湯，真係落足料，好濃牛味，就係鹹左小小，下次會再試其他。…查看更多

新開張買咗個40蚊飯外賣。份量比較少，應該要買中或者大會飽d。汁同埋肉都好好味。堂食，好細間，冇咩位，應該好逼。喺店外面等外賣嘅時候，會見到佢個廚房啲火好勁， 個廚房應該好熱。…查看更多