山城小麵

營業中

休息中

今次去咗山城小麵試下佢哋嘅老壇酸菜魚。餐廳個名聽落就充滿重慶風味，雖然未入去食，但已經令人充滿期待。 老壇酸菜魚一上枱，賣相就好吸引，濃郁嘅黃色湯底，鋪上翠綠嘅芫荽，再加上幾粒紅彤彤嘅辣椒，視覺上已經好有衝擊力。湯底味道層次好豐富，酸菜嘅酸香、辣椒嘅香辣同花椒嘅麻香融合得唔錯，飲落去開胃醒神。魚肉嫩滑無骨，入口即化，豆卜吸滿晒湯汁，咬落去爆汁，口感一流。不過同我喺重慶當地食過嘅酸菜魚相比，呢度嘅辣度同麻度稍為遜色，少咗嗰種令人舌頭跳舞嘅感覺。 配菜嘅木耳爽口，增加咗口感嘅豐富性。白飯粒粒分明，用嚟撈湯一流。套餐連埋罐裝可樂，成個餐88蚊，價錢算合理。 同泰國冬陰功湯相比，呢個酸菜魚嘅酸更加醇厚，唔係嗰種清新嘅檸檬酸，而係酸菜發酵後嘅酸香。 食酸菜魚嘅時候，總會諗起去重慶旅行嘅日子，大街小巷都彌漫住麻辣香氣。呢間餐廳嘅酸菜魚雖然唔算最正宗，但都可以畀我呢啲喺香港嘅人過下口癮。就算有啲小瑕疵，都無阻我對重慶美食嘅喜愛，而且佢畀我有機會喺香港就可以回味重慶嘅味道，都算難得啦，有機會都會再去試下其他菜式。

黎到Airside 呢邊搵野食, 可以揀既野食唔算多而且價格都係會比較高, 或者去另一邊體藝館選擇會多D, 今次就揀左foodcourt 食, 食左呢間小麵, 點左個排骨麵, 蒜泥白肉, 盒裝檸檬茶.排骨麵 , 正常味道不過份量唔算多, 而且麵都唔算多, 所以食完都唔會係足夠既...蒜泥白肉, 正常味道, 無咩特別. FOODCOURT 位置都算多不過個日都係多人食所以都等左陣位置既總結黎講. 份量唔多味道不過不失沒咩特別, 食過一次就算了...

food court 黎講價格已經唔算平，一款面+一款小菜+紙包飲品/冰粉承惠$72。 個麻醬雞絲撈面好死難食🤢D面痴埋一舊舊，夾都辛苦，根本撈唔到麻醬😑 蒜泥白肉d蒜泥死咸，d肉鞋到…最最最過份係要受埋入面d 阿姐氣🤬約晚上9點幾，晚飯時間都差不多完。攞左少少莞茜、蔥（各一匙）配蒜泥白肉。正當我攞埋碗底剩低個幾粒蔥，就聽到入面廚房阿姐用極之不滿既語氣話「小姐，我地未收工架！」言下之意係我攞哂佢d配料咁話🙄但明明事實係我前面個位4眼哥仔淨係莞茜都攞左3、4匙，成個碗清哂，你又唔去話佢🤷🏻‍♀️何況你地餐廳備料唔夠係你地問題，自問亦都無濫用，點解會走去鬧個客？ 即時有同負責人反映，但個位阿姐仲係後面唔收口不斷瘋狂反駁，真係好一個打工皇帝👸🏻麵未食都已經食到一肚氣，飽哂！

山城小麵 📍九龍城啟德協調道2號AIRSIDE 5樓L504-L505號舖FOODMUSE內⭐️燃情刀削麵 （乾撈） $49少少辣，肉碎都多，整體其實味道ok！不過略嫌佢有啲太油🙈 下面啲菜全部吸曬油⭐️蒜泥白肉 $30滿滿蒜香味，食完勁口臭🤣🤣 ⭐️豆漿 $12食辣野飲豆漿最正！#fookdie啟德 #fookdie拌麵 #fookdie撈麵 #德福美食 #九龍好去處#香港好去處 #airside #airside美食

食左雞絲麻醬涼麵+尖椒皮蛋d麻醬太多太濃味，而且涼麵本身又冇水份，搞到兜麵乸埋一舊至於尖椒皮蛋，味道冇問題，不過尖椒係切到極度幼條兼極短，我諗以佢俾嘅份量，一舊尖椒已經夠整200兜尖椒皮蛋，縮骨到一個極點第一次試，唯有當智商稅，冇下次

太子山城竟然要開分店，仲要係屋企附近。如果經過airside ，又諗唔到食乜，就試下山城啦，特別第一次食嘅話，非常推薦山城小麵個山城二人餐。每人一個麵一個小食一個甜品一個飲品，都係$148，可以食到佢最出名嘅山城牛肉麵仲有紅燒肥腸麵，呢個係私心推介絕對值得食。紅燒肥腸麵就係幾辣，唔係個個都可以，愛辣嘅一定接受，而麵可以選擇不同類型，肥腸麵個人覺得配粗少少。山城牛肉麵一定要配小麵，不過呢到煮得腍左少少。當日食咗呢個冰粉都幾啱口味。總括，未必去到太子，就來呢頭試下味啦。

個酸辣粉淡味咗啲，再鹹啲就正，辣味都比較淡，可能因為嗌小辣，下次要試吓中辣或者大辣，但整體都唔錯，口水雞唔入味，但係個汁好正，杯嘢飲甜度都啱啱好，佢個涼粉都幾好食，不過又係唔夠入味，可能新開張仲未拿捏到個味道，不過整體唔錯，份量都足夠，乾淨衛生，見到員工都好乾淨，抵讚👍🏻👍🏻之前喺德福都食過，就係覺得唔錯，竟然而家屋企樓下都開咗間，好開心可以成日過嚟食，下次去食下佢個酸菜魚，見到人哋食好正。哈哈🤣

啟德新商場AIRSIDE環境超靚，裝修好靚入去商場行一陣都精神為之一振☺️🌟同朋友仔行到攰就去新food court睇吓有咩食，呢間山城小面好多人食，通常多人食一定係好嘢🤓我地食左重慶四川家鄉麵食山城小麵，呢間超多人排隊，佢地個2人餐百幾蚊有麵、小食、甜品、野飲，難怪咁多人排隊。推介燃情刀削麵，入面啲肉碎好香夠惹味，刀削麵有咬口，感覺又唔會好肥膩。平時都比較少食刀削麵諗唔到口感咁特別。小食推手撕雞，份量多而且有好多辣椒夠晒惹味😍😍🌟另外甜品係冰粉，本身冇咩甜味，有少少山楂比你自己加落去，味道剛剛好。最後飲品我哋揀咗無糖茶，食辣嘢一定係飲無糖茶，平衡返辣味。📍 FOODMUSE (九龍城)九龍城啟德協調道2號AIRSIDE 5樓L504-L505號舖

本人比較鍾意食太興嘅排骨麵，所以來這裡試下。首先廚房係開放完全可以由外邊見到，晚飯時間都幾多人圍住。staff疑似經驗不足，執餐完全亂來唔跟number，遲我後面幾十個number嘅餐都出咗先。後來我發現我嘅餐佢哋整完後搭起放在一邊冇理，去pack其他人嘅餐。返到去即食都差唔多室溫。仲有見到佢哋隻手做完其它嘢，直接用手去撈麵冇用夾，都幾唔衛生。最後嗰麵都幾普通，湯只是辣算不上好，排骨味道一般食到雪藏味，肉量也不多。還有個紅糖冰粉，味道太淡，都冇乜紅糖。我估一小羹佢哋整到20份。應該唔會再去。

啟德商場新FOOD COURT入面有好多選擇,呢間唔錯,而且有2人套餐,平均大約75蚊,就有飲品,甜品,主食2款,小吃2款,大滿足Food Department APP仲可以儲埋分換禮物麻辣雞翼+麻辣腩肉,香辣重蒜,開胃肉片夠肥口感好雞翼嫩滑帶辣好食冰粉略唔夠凍,加D冰食會更解辣,可樂加2蚊埋單150山城牛肉麵,小辣,牛肉燉到好入味好滑,麵條彈牙,份量偏少但味道好食仲有麻醬雞絲拌麵,台式風味,香辣好食九龍城啟德協調道2號AIRSIDE 5樓L504-L505號舖FOODMUSE內FOODMUSE, Shop L504-L505, 5/F, AIRSIDE, 2 Concorde Road, Kai Tak, Kowloon City

秘製排骨麵（大辣）和尖椒皮蛋絕對是令人垂涎欲滴的絕佳組合。以其辣味十足和豐富口感，帶來一場味蕾的盛宴。秘製排骨麵（大辣）。這碗麵擁有一碗豐富的湯汁，充滿獨特的辣椒香氣。排骨經過特殊的烹調方式，肉質鮮嫩多汁，入口即化。辣椒的麻辣滋味在口中迸發，令人興奮。此外，紅薯粉彈牙有嚼勁，與湯汁完美融合，帶來滿足的口感。尖椒皮蛋，以其簡單卻美味的組合。尖椒的微辣與皮蛋的滑嫩相得益彰。尖椒帶來一種微妙的甜味與皮蛋的鮮味完美融合。每一口都帶來豐富的口感和層次感，愛不釋手。