屯の大阪章魚燒

營業中

休息中

每次經過都覺得好香噴噴好吸引，今次終於試到，叫左個黑松露味同芝士味，雙拼兩款都勁多汁，食曬啲章魚燒都仲有好多汁淨，可以留返黎撈飯食，入面啲章魚都好大粒，好足料，啲汁都好濃味😋😋

假日去了葵廣行下掃街，友人話有間章魚燒好想試下，去到覺得個名好眼熟，原來係屯の大阪章魚燒!係屯門好出名(可惜屯門對我來講太遠無緣一試就執左)，而重開呢間係由兩位年青熟客接手開嘅，同睇電視見歌手鄭欣宜都幫襯過~一於試下先!多款口味的章魚燒，十分有創意，每款都好想試，揀左和風蜜糖芥末及松葉蟹皇蟹膏。除了章魚燒，仲有其他小食。即叫即製，比錢後等10-15分鐘到先有，呢個moment周圍行下或買野飲先。和風蜜糖芥末，$30，一盒有6粒，熱騰騰大大粒，醬料分量十足，大量木魚及海苔粉，因係即整真係好熱食果陣小心焫嘴，口感外酥內軟嫩，章魚粒彈牙，蜜糖芥末好惹味。松葉蟹皇蟹膏，$34，大量的蟹膏醬，味道鮮味濃郁，口感豐富，唔會好怪，仲要幾好味。份量十足的章魚燒，下次有機試埋其他味。

我對章魚丸嘅喜愛程度，去到熱愛級別，成日行過葵芳都會心思思想食，今次叫咗個鹹蛋黃金流沙章魚燒，一拎上手個鹹蛋黃味超級香，即刻流晒口水，一啖食落口，都幾足料，配埋啲醬超級好味。

黎到葵廣食咩野好！呢期有間好hit既八爪魚丸🤩, 次次見襯佢都排好長龍, 今次早黎等幾個人就有得食喇, 我叫左蟹籽八爪魚丸$34(6粒)$40(8粒), 佢出名多蟹籽所以要試下, 等左8分鐘左右有得食喇, 的確佢既蟹籽係幾多, 木魚夠熱唔錯, 但我覺得個八爪魚粉太多, 整個皮超厚😢😢而且醬味只流於表面, 所以食落去好dry😢😢好在我叫左6粒咋！不過佢用料無可厚非咁講的確係多嘅, 所以我覺得係抵食只不過係個外皮太厚令到整件事口感都好乏味冇乜味道, 希望佢之後有改善啦

元祖大阪口味 $34 八粒即叫即製，俾錢後企埋一邊等叫號碼拎章魚燒，約15至20分鐘。章魚燒，粉漿唔算好厚，外脆內軟糯，內餡有椰菜碎、洋蔥粒、有兩嚿大大粒彈牙有口感嘅章魚粒，醬汁係燒汁+芥末沙律醬，面層仲有大堆木魚乾😋俾Like 評分： 7/10😋再嚟食指數： 7/10___________________屯の大阪章魚燒 (葵芳)葵芳葵富路7號葵涌廣場3樓摩登世界1號舖___________________

據說好味過真章魚就抱住試試心態，我點嘅係啖啖明太子，好鹹 要撥走晒先食得落，如果齋係咁嘅原因都算數，最令人谷氣係竉晒都俾人食，入口有苦味我以為明太子鹹到苦，點知連粒野都係黑色小店我都好想支持 不過真係唔應該整啲窿嘅嘢俾人食

話說早幾日去完太安樓食野之後，抽起左條掃街癮，所以一於決定趁放假黎葵廣呢個掃街天堂再戰😂以前有得去旅行個陣，去親日本都一定要食章魚丸，尤其大阪心齋橋落地庫個間🤤 不過都冇得去旅行就黎2年，唯有係葵廣食下章魚燒當解下思鄉之苦😮‍💨🟡 元祖大阪章魚燒 (6粒) $28章魚丸全部即叫即整，所以等嘅時間都起碼要15至20分鐘，嗌完去行個圈食下其他小食再返黎就啱啱好。章魚燒夠晒大粒，而且熱辣辣，入面粒八瓜魚肉亦都大大粒，冇偷工減料😛 係唯獨覺得啲醬汁唔係好夠，如果多返啲醬就更Perfect

好友推介下，今次就試左每次黎到葵廣都勁多人排隊既章魚燒🐙 有6粒同8粒揀，仲有9種唔同特色醬料（加$2可雙拼）🔺食物👉🏻熔岩芝士脆脆 + 超濃香黑松露$35即叫即整，等左將近20分鐘，果然冇令人失望。。黑松露醬勁濃，章魚燒都算大大粒，外脆內軟😆熔岩芝士脆脆比較下，就較失色。。芝士味唔夠濃，醬上加左勁多脆脆，咬落質感好有趣，如果芝味再濃啲就滿分🙂本身想試鹹蛋黃金流沙，但竟然賣哂。。自私評分：🟡🟡🟡🟡⚪️自私評論：建議下次試埋明太子，好友推介勁好食👍 記得唔好去錯，間野係3/F

屯之大阪章魚燒🔍蟹膏章魚燒8粒$40🦀係3樓既湯雞對面個日星期六去岩岩開門冇耐都要等十幾分鐘翻去拎個時已經排曬長龍證明呢到章魚燒既質素係值得多多既回頭客但排隊記得跟翻地下指示 唔好排錯擋住其他舖啊呢到既章魚燒係偏軟糯煙un皮包住大粒章魚濃味蟹膏加軟糯既章魚燒 海量級木魚 入口大滿足 女仔食可以同朋友share就冇咁漏~ 另外食過明太子 蜜糖芥末口味都好惹味 基本上冇伏！如果鍾意偏脆口感個種既可以食翻下面章魚無雙~

行經葵涌廣場，必到頂樓的屯の大阪章魚燒買返一盒嘆！ 我多數買原祖章魚燒，味道保持質素，有大粒有口感的章魚粒，唔同其他店食唔到出章魚，成粒章魚燒得果浸皮。屯の大阪燒外皮脆，內熱辣辣，又無果陣麵粉味，反而粒粒章魚燒內有大大粒章魚。而且有好多木魚，配搭沙律醬非常好食。但要趁熱食，試過稍為涼先食，味道就真係爭少少。其實店員給我外賣時，都有提醒要趁熱食。人多要等時，店員都會禮貌提醒要等25分鐘。如果趕時間唔想等，唔買店員都唔會對你黑口黑面，又相當有禮貌。

宵夜時間放工返屋企前有少許肚餓，去咗葵涌廣場嘅3樓睇吓仲有咩小店開，已經夜晚10點幾，好多店都仲營業緊，食嘢嘅人都仲係咁多🙈起初諗緊個名點解叫「屯の大阪章魚燒」，原來舊時喺屯門開，而家重出江湖喺葵芳開店，難怪咁多人食呢間，真係幾受歡迎👏🏻呢度章魚燒味道多元化，有9種唔同口味，好多人話黑松露味好食，但係我試最普通嘅口味，話晒第一次食，都有啲驚系「伏」🥲呢款招牌❤️元祖大阪章魚燒🐙6粒裝。從來冇食過一間章魚燒店整既表皮咁香脆😍咬落仲有好大舊章魚，軟硬適中👍🏻👍🏻見到餐牌寫住加幾蚊可以拼兩種味道，下次有機會試吓其他口味。絕對係宵夜嘅好選擇。

葵廣掃街第二站: 屯之大阪章魚燒🐙💛呢間長期都勁多人排隊 俾佐錢都要等20分鐘後再黎拎🐙 元祖大阪($28/6粒)真心係香港無乜食到邊度既大阪燒係好好食😂呢度勝在醬汁夠多夠惹味同新鮮整起 入面章魚唔多都係粉多🙈🙈正常發揮啦🤣為食指數: 2.7/5性價比指數: 2.7/5推介指數:2.7/5

屯の大阪章魚燒🤩「葵廣必食章魚燒」🐙每次嚟葵廣掃街，都一定會嚟呢間食章魚燒🐙等咗幾分鐘就有得食，好快手！雙拼明太子章魚燒&黑松露章魚燒$35✨兩款章魚燒都有好多醬汁喺上面，絕對冇手軟，隔離都放咗木魚碎，入邊嘅章魚都幾大粒🐙明太子章魚燒對小編嚟講比較偏鹹🧂可能係因為比得太多明太子🤣對比起黑松露章魚燒，黑松露章魚燒完勝🥳一放入口，陣黑松露味就湧出嚟🤣同個章魚燒好夾！建議大家食黑松露味👍🏻✨整體：🌟🌟🌟性價比:🌟🌟🌟食物：🌟🌟🌟🌟環境：NA📍葵芳葵富路7號葵涌廣場3樓摩登世界1號舖人均消費：～35/head

今次試試在葵廣新駐小店！聽聞很好吃的章魚燒！🐙▪️超濃香黑松露 併 超正啖啖明太子🔸 $35今次一次試兩隻味道😋雙併需額外+$2 有六粒或八粒選擇🙌🏻黑松露味果然十分香濃，醬汁包覆住整粒章魚丸，鍾意食黑松露的朋友不要錯過哦❤️‍🔥另外一款超愛的明太子🧡有好多明太子鋪滿在章魚燒上，加上沙律醬&木魚，食落多重口感🙌🏻而章魚燒本身唔會太厚粉，口感軟綿綿幾特別，雖然入面嘅配料都係普通野，但勝在即叫即整，所以都係好味嘅值得推介❣️

葵廣永遠都係我最愛的地方，是一個屬於香港人的地方，以前仲年輕既時候就會拉埋閨蜜去買衫掃貨，依家葵廣演變成為一個掃美食的地方，初時唔係好接受，但香港人適應能力好強，慢慢已經接受左之餘，仲要完全融入和樂在其中了，大家同熱愛這篇土地！隔一段時間過到去葵廣都有新鮮野，每次都用唔少時間排隊同等待，不過每次都會攬住個肚好滿足地離開，期待下次又試一些未試過既美食。大阪章魚燒 – 一去到已經話太多order暫時不接單，不過好彩隔左一陣就可以再買番。Order了一個松葉蟹糕小丸子，等左差唔多40分鐘，但當然係拎左飛就周圍行住等啦。章魚燒，好好食，燒到個面有少許焦香味，入面粒章魚好大粒，加埋d醬料令人好滿足，只係稍嫌蟹糕味道唔係好夠，可能係其他醬料太搶，不過唔緊要，依然好食。仲有好多味道選擇，已鎖定目標，下次要試火炙熔岩芝士脆脆口味。本來都想叫埋炸壽司，但真係唔想食第一間已經食飽左個肚，所以唯有下次先買黎食啦。