居食屋「和民」 (已結業)

今日去左海洋公園，因為入面d野真系又貴又唔好吃，所以一玩完就飛左黎銅鑼灣依度吃翻餐好既。系時代廣場度周圍行，見到距門口既menu都幾唔錯咁，最後決定入黎依間度試下，希望可以好好咁慰勞下自己個肚。個menu真系幾多野吃，不過好多都系改良左既日本菜咯，壽司反而比其他既都少d。我地order左2樣刺身，幾樣小食，再加一個雞包飯。鐵板鮭魚扒皆因我對三文魚情有獨鍾，所以無論生定熟都特別中意，而且今次依個整得唔錯，d三文魚唔會太老。最贊既就系鋪系上面既s沙律醬，甜酸甜酸，用黎送三文魚就真系一級棒。魷魚軟骨第一次吃咁奇怪名字既野，不過好好吃啊，估唔到魷魚可以有咁彈牙既部份，系出面比較少吃，所以新鮮感+好味感，滿分。鐵板牛舌開頭服務員挪左個爐上黎，我都唔知咩回事，后黎問左先知道系用黎煮牛舌的，仲要系自己動手。牛舌好大塊，放落去個鐵板度好快就熟啦，但系吃得多有d滯。北極貝+金槍魚刺身一口氣點左2個刺身，北極貝無想像中咁好吃，比較細份；同樣個吞拿魚都系，我覺得依度既刺身出品比較小氣咯，細細份。串燒帶子挪上黎既時候就發現距凍凍地，味道一般，唔系好入味。雞包飯分量真系細咯，勝在入面d雞肉都幾大塊，焗得唔錯，可惜真系唔夠喉啊。一于下次再試埋其他既野。…查看更多

新年當然想吃餐好的, 但又不想太貴, 於是選擇食和民. 1 炸雞翼真的好好味, 本來以爲好乾身, 熱氣, 點知有d sauce配, perfect2 pizza, 日式pizza 底薄, 與pizza hut 的當然不同, 喜歡吃pizza的朋友, 不妨嘗一嘗和民的薄底pizza, 款色不多, 但還是一個不錯的選擇3 海鮮窩飯, 有點韓式feel, 但這個飯一直都算是招牌菜, 熱辣辣的, 很香口, 飯底還有飯焦, 正！4 燒雞軟骨, 我覺得一般而已, 味道淡了一點, 尚算吃得出燒烤的味道5 新出的帶子sushi, 有mango 在内, 口感新鮮, 但整舊放進口内, 卻不太能吃出帶子的味道, 不過價錢不算太貴, 有這個水準, 算不錯的了6 Big Drinks buy 1 get 1 free,,, okay la...好再係買一送一, 飲品不過不失我們二人total $180....吃得飽飽的...不錯不錯…查看更多

和民算是小妹其中一間鍾愛的日式餐廳, 因其會按不同季節推出新食品, 而且份量不多, 多選擇, 就算只是二人也大條道理多點幾樣菜。 周六在時代廣場逛完後, 想找個舒適的地方用餐, 正值二時, 仍然要拿籌等位, 幾令人意想不到。 約等了20分鐘, 終於有位了, 四人檯夠鬆動吧! 芝士照燒雞卷$37: 似越南米紙卷, 有米香, 韌韌地, 包住雞肉、芝士、青瓜絲、紅黃椒, 點埋個類似芥辣的醬都幾夾。不過最好一口吃下, 否則會散開哂。 帶子蟹肉丸子$24: 吉列粉漿上得不算太厚, 十分鬆脆, 內裡很燙熱, 要小心, 白汁混合了洋葱, 隱約吃到蟹肉, 但份量好少:(,點左千島醬可減少油膩感。 雞肉漢堡串$19: 一客有兩串,做成棒狀, 還以為有燒汁, 看起來很乾身, 但原來很鬆軟:), 唔會乾爭爭, 加左軟骨, 咬落幾有趣。 帶子串$19: 同樣有兩串, 只用鹽燒已可帶出鮮味, 燒得剛好不會韌。 海鮮麻醬冷麵$47: 材料有蝦、蟹柳、吞拿魚、青瓜、生菜, 芝麻醬濃稠適中, 不會很油, 酸酸的, 如果份量再多些就更好。 麵似是拉麵, 彈牙有嚼勁。 芒果草莓大福卷$19: 皮薄又煙韌, 似雪糕糯米糍的皮, 餡料有cream、芒果、草莓和紅豆蓉:), 令人感到很幸福的一道甜品呢! 抹茶雪糕餡蜜丸子$19: 丸子煮得不夠時間, 還很硬, 幸好還有寒天和雪糕挽回少許分數。 最後都食剩半份冷麵, 留待翌日, 果真抽乾了不少水份。…查看更多

雖然到和民食飯大部份時間都要等位，但今晚睇戲早點食飯無需等位，還可安坐大大張的“卡"位時間還早才6:30，暫未吃得平日的食量，不如待宵夜再吃夠，跟隨會以朱古力飲品作晚餐完結，應該可以頂住兩小時後再吃:)和民沙律: 很開胃，沙律醬汁好好味，甜甜酸酸的又有芝麻香味，因此幾乎每次來和民必食之選。可是吞拿魚沙律醬過多了，而燒雞粒少許甜味但唔算好食本格冷麵: 一向不喜歡食冷麵，這次試少少，由於冷麵多汁，初看還以為是送錯了的湯麵，麵質幾好軟熟度適中而且伴著有韓式 kimchi辣菜幾開胃，又有清瓜絲好爽口鮮蠔鍋飯: 看到在餐牌上印有廣島真，不禁要試試。這款飯是上台後在客人台上煮熟，大約等15-20分鐘，有少少期待蠔的鮮味，可是蠔沒有鮮甜味煮得過熟，而飯質感似意大利飯有點硬似未熟，又唔係幾好食喎，有薑絲及白醋提供點來吃，點醋不點醋都…不怎麼好食，時間捉拿得不好。只可形容這款鍋飯賣相幾吸引!…查看更多

最近好多時去了和民食晚飯, 數埋這個八月去了三次之多, 變成了飯堂查實和民的東西可以話係過得去啦, 唔算係好好食, 不過有時唔知去邊食的時候佢又係一個幾唔錯的選擇呢這一次, 吃了一個牛肉鍋, 叫壽喜燒, 用個gas爐一邊煮一邊食, 而家這種食法有少少介心, 因為怕唔熟, diy 的食物處理是有缺點的, 因為煮得唔熟的話, 抵抗力差便肚瀉了, 朋友好想食, 所以叫, 我都有食, 不過煮得好滾, 小心為上:)味道其實都ok, 牛肉當然唔可以期望係頂級的, 但肥牛仲算滑, 配什菜滾來吃, 味道還可都係食番熟食, 有個好似芝士波的鮮蝦奶油丸, 味道好好, 一碟有四粒, 我好鍾意食, 值得一試其他食物仲有個鰻魚壽司都好食, 又係一個不錯的選擇唔想有第四次了, 或者過一排先再食無咁厭…查看更多