尚蓮越泰餐廳

營業中

休息中

東涌 越南泰國餐廳🤩特色食品 味道一流😎東涌A出口，步行約1分鐘*左上角，係員工努力工作嘅樣子*1. ◀︎炭燒鮮蝦炒金邊粉$95- 利用新鮮嘅蝦🙂大火炒熟，加上芽菜，蔥條大火炒熟。味道可以相比於喺泰國餐廳🍴非常惹味🤣，值得一試。2. ✹炭燒豬排配扎肉撈檬$78- 大約四件豬扒，加上兩件札肉😊，配上新鮮蘿蔔條加上特製酸酸甜甜調味。攪拌後，味道一流☺️3. >飛天炒通菜$34- 小型辣椒仔，可以作為一個前菜，30幾蚊一個小炒，其他地方亦都比較難搵🙂性價比非常好✅，不過有少少辣。可以一試🥰食物評分🎖(5個👍🏻為最好）- 環境：👍🏻👍🏻👍🏻👍🏻- 食物：👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻地點：東涌達東路20號東薈城二期名店倉4樓401號舖餐廳：尚蓮越泰餐廳

其實這店食物味道沒問題，好耐冇幫襯原因都係服務問題，電話預訂了燒雞到店取時員工話錯誤給了其他食客已售罄，事隔咁耐再俾多次機會都是一樣, 員工服務真的很差，點了半隻海南雞大部分肉都唔熟偏紅色，仲有血絲，然後我叫了有位黑衫疑似店長，他冇睇清楚第一時間好順口就話我哋啲鷄係咁冇問題的，你覺得有問題只能幫你用微波爐翻叮，出品有問題用這種態度處理相信他們已習慣了，最後我唯有外賣回家處理，這種體驗再有下次真係自己攞嚟！

我食過呢間餐廳幾次，覺得價錢合理，味道都可以，但係今次之後，我一定一定唔會再去。佢哋既衛生意識好有問題，就算唔係疫情，我都接受唔到，佢哋個樽撈檬汁竟然重用既。佢哋會用一個高身杯仔裝啲汁，我無用晒，佢竟然執枱拎番廚房🤯。簽卡個時忍唔住一問之下，個staff 竟然覺得無問題咁答佢哋啲汁係重用。個杯撈㩚汁係枱咁耐，點知啲客點用，打過乞嗤，咳到甩肺都有可能，大家講嘢都口沫橫飛啦。一啲cover 都無，點可以重用…真係好嘔心!!!

禮拜日一行五人去東涌行街,估唔到東薈城都幾多人喎,於是早啲食飯,早啲歸家。 第一次黎呢間餐廳,有泰式又有越式,今次嘗試泰式菜多啲。我哋例牌會叫一個冬陰功湯。呢間嘅冬陰功個賣相唔錯,飲落辣度ok, 飲得出有香茅味,海鮮味,算係合格嘅標準冬陰公。由於同枱有人唔食辣,所以叫多咗個"蕃茄刁草海爐魚湯",有蕃茄仔,菇等蔬菜,魚肉仲大大件,幾足料,可以當半個餸,湯都好夠魚味,d蔬菜味都balance到,我哋全部飲清光。 主食係"金不換香芒三文魚炒飯",同埋"蛋包海鮮炒金邊粉"。兩款份量好足夠,炒飯嘅三文魚粒都算多,金邊粉冇話太酸,啱啱好。仲叫左"碳燒豬頸肉"同"馬拉盞炒芥蘭,特別一提碟芥蘭,鑊氣真係夠,d芥蘭炒到有甜味,冇俾馬拉盞搶走味,真係唔錯。最後叫左"椰青果凍"做甜品,清清地,不過不失咁啦。漏左講杯"越南滴漏咖啡",飲個位食客位話合格喎。 總括,所有菜式都ok好食,可以番食,下次我會試越式食品。

去完360，6點幾黎到都要等3張枱，估你唔到。想叫海南雞，無，牛肉生菜包，無，有啲失望。最後叫左椰青海鮮焗飯，小食拼盤，炭燒豬扒同2個椰青。椰青海鮮焗飯係好味既，有蝦，有青口，好juicy.炭燒豬扒好香香矛味，正，份量就還可以既小食拼盤無黎到，有無攪錯，因為個員工落漏單無黎到，要我等多4個字，點樣呀。椰青都幾大個，好甜，但就無乜肉。除左乜無乜之外，仲要漏單，叫左2杯水又唔黎，雖然係味道唔錯，但又點姐，唔會再黎架啦。

喺東涌泰式店選擇唔多，其中哩間性價比算高的一間。每次一到用膳時間，總會多人等位入座。星期六日假期時間就更加多人等位。今次就享用晚餐。座位唔會好逼的感覺，傾偈都還可以，環境都可以接受。主菜：泰式魷魚粒炸蝦餅：大舊的蝦餅內帶有魷魚粒，配上泰式甜酸醬，味道唔錯。魷魚拌木瓜絲青芒果沙律：木瓜絲青芒果沙律是泰式中基本菜式，味道唔錯，最有驚喜是烤魷魚，味道唔錯。炭燒羊架：羊臊味比較重，但烤的肉質唔錯，唔會好um過熟。香茅黃咖喱雞：黃咖喱雞汁唔錯絕對要配上薄餅或者白飯。香芒芋茸黑白糯米：芒果香甜，以一層一層既黑白糯米製作心形圖案，頗有特色。

中秋節翌日，趁假期入嚟東涌行下，第一件事搵地方醫肚先😋，見到呢間越泰餐廳，又唔使等位，就一於試試，行到門口櫃位，有位着黑衫嘅男職員(名牌好似叫 Ching)望咗我地一眼後就低下頭招待，兩位掃咗安心出行先，時間為12:29分，然後佢身旁嘅女職員就帶咗我地入座，揀好咗食物後，開始搜尋一下在場侍應幫我地落單，遇溺咗一陣之後(舉手示意落單)，終於有位叫阿Yee嘅女職員幫我地落單，首先叫咗份春卷，回覆話冇春卷，咁就叫其他小食，叫埋主食同飲品，阿Yee語氣略差地12:35分落完單，我就聽到隔離枱喺度追食物，話碟飯好耐都未嚟，隔咗一陣，好快地首先上咗碗生牛肉河，眼見d牛肉已經熟到「鞋」，就問位冇帶名牌嘅女侍應，會唔會搞錯咗，我地係order「生牛肉」，女侍應就回覆話佢地d牛肉係生嘅，用熱湯淥熟d牛肉先上枱(莫名其妙嘅答案🤔後來睇番張單，侍應係落咗熟牛肉🙄)，跟住我order嘅喇沙海鮮玻璃麵都嚟喇，第一件事當然係試下個湯底先，果然冇令我失望，夠濃郁，少少辣，我差不多飲哂成個湯，食到咁上下，近乎碗麵都食完，D小食仲未到，就搵咗位叫Johnson嘅侍應幫我地跟進(呢位非常有禮貌)大概過多10分鐘左右，第一

又係東薈城 成日行outlet搵嘢食....同屋企人出嚟最緊要就搵一間坐得舒服啲嘅地方... 呢間睇落去都幾好 但係食完都感覺麻麻地有啲後悔 服務嘅態度質素都麻麻地...叫咗個胡椒蟹煲 雞河粉 馬拉盞炒通菜三隻羊架胡椒蟹煲 都幾好啦真正嘅肉蟹嚟㗎 不過就睇得出嘅蟹唔係好新鮮 有啲走肉 雞河粉面頭太多油啦 喺圖片睇到 拉盞炒通菜正常 羊架都正常嘅 好難整得難食嘅 不過都要百幾蚊㗎 服務方面就差啲啦 坐低叫幾杯水 上菜之後都未嚟 提醒佢仲好似 塊面有啲難睇 下次咪搞

有日同朋友行完outlet，咁啱想食野，行左陣citygate比我地搵一間食越南野嘅餐廳，睇下個menu又ok喎，所以我地就入左去😂我嗌左一個豬頸肉配扎肉撈檬，都唔平架要$74😂一上嘅時候我有少少呆左，因為份量不大，豬頸肉得5片，扎肉得2片🤒但豬頸肉每一塊都厚身，佢同扎肉都烤得好香，加上佢地撈檬個汁唔會太酸，而且食完成碗原來又夠飽，咁就算佢啦🤣我仲另外叫左杯泰式奶茶，個忌廉打得幾好，奶茶入口好甜亦好滑，估唔到喺越式餐廳都有thai tea飲😂評分：8/10，價錢尚算接受到，始終係大商場，食物飲品都做得出色，對得住價格👍🏽

5:00入座基本上好多人都喺門口等緊冷氣充足坐低即刻嗌嘢食本來嗌個拼盤但係冇魚餅春卷有少少失望⋯唯有就叫生菜包、冬陰功湯（大size）、三文魚炒飯、豬頸肉、炒通菜。好快冬陰功已經到咗熱辣辣好香好好味每人兩小碗裏面有兩隻蝦兩隻青口兩舊魷魚有啲蘑菇足夠二人份量每人兩碗跟住即刻嚟晒幾樣餸生菜包真係超好食辣辣地生菜半個上枱好震撼豬頸肉一直都係好好食嘅唔會太晏好香豬味炒通菜唔使講啦一直都係好好食三文魚炒飯就真係麻麻哋啦一嚿嚿濕濕地真係好飽仲可以拎走添三文魚炒飯豬頸肉都有剩返啊外賣盒兩蚊一個OK啦飽飽回家水準一直冇變一直都沒有失望嘅成個東涌最好食嘅泰國菜

自從冇得飛就好少會經過東涌了，尋日同朋友仔旺角行街行到太攰就求其搵架比較長途既巴士搭（為左訓個覺）😂於是就即興入左東涌。行左一陣東薈城，到左晚餐時間就順便係東薈城覓食。偶然經過呢間餐廳見到裝修幾靚就決定入去試一試。海鮮椰青焗飯🥥海鮮新鮮，蝦好彈牙，帶子都有少少甜，青口一啲都唔腥。椰汁味濃郁，飯就係炒底，所以係金黃色的，粒粒分明。同椰汁撈埋一齊食好好味！豬肉生菜包🥬泰菜必吃生菜包！呢個生菜包好出色，肉碎餡有微微辣好惹味，生菜新鮮，而且餐廳好貼心咁雪過啲生菜，所以包肉食既時候唔會燙傷，細心位加分！炭燒魷魚木瓜青芒沙律🥗魷魚太韌咬唔斷，咬到口都攰，最後都係吐出來。😅青瓜絲同青芒絲都好fresh，如果可以改善魷魚既情況就更好啦！泰式綠奶茶🍹呢個味道比較特別甜，茉莉花香精味比較重，朋友話有啲似廁所味😅總括來講呢間餐廳整體食物不錯，環境裝修靚，坐位闊落，食得幾舒服，係一次不錯既用餐體驗！

見佢裝修靚靚走入去食個lunch。 炭燒豬頸肉配扎肉撈檬$78 配可樂。 撈檬呢啲嘢都唔會伏得去邊掛？？扎肉可以薄過salami？？我欣賞廚師嘅刀功，扎肉竟然可以切到咁薄？ 厲害，佩服。總共有兩片半塊嘅扎肉， 以及四片豬頸肉。老實講佢豬頸肉係幾好食嘅，佢一放低 碗麵 ，我已經聞到炭燒嘅香氣。豬頸肉唔乾唔柴皮，濕潤，夠味， 可以翻兜。扎肉太薄，完全食唔到係咩味。no comment。其實食撈檬我主要食佢嘅配料，但係佢得嗰幾塊生菜... 絲， 一條牙籤咁嘅甘筍絲。 真係好冇誠意囉。 基本嘅青瓜芽菜九層塔芫茜，一條都無。呀～忘記咗，佢係有啲花生碎囉。椰香黃咖哩雞絲飯$78朋友點呢個，話啲雞都夠滑。但係真係唔夠汁囉。食完半碗飯已經冇曬汁。另外嗰半碗要乾啃。 賣相跟餐牌唔一樣，餐牌圖係好多白色椰汁， 跟現實相差很遠。亦都冇乜椰汁味。

第一次試東涌呢間越泰餐廳，味道唔錯，但就好似叫乜冇乜咁囉🤣🤣晚上大概7點3左右到，諗住叫泰式拼盤，點知職員話冇春卷，所以做唔到拼盤🤔好，放棄 😆 之後叫生牛肉河，點知職員又話冇河粉，所以就轉金邊粉啦🤣 之後要泰式燒雞，點知職員又即刻話要等45分鐘喎😆 咁即係新鮮即燒啦🤔好，等就等啦😆最後終於有一樣嘢職員係冇objection嘅，就係冬蔭功湯啦😌其實我哋都係正常晚飯時間到啊，咁快就叫乜冇乜，都幾特別喎😆味道方面，全部都唔錯嘅，特別係個冬蔭功湯，而燒雞因為最後足足等左50 分鐘，所以上枱新鮮熱辣，都幾好食😋 不過如果唔食得太重口味嘅就要留意，因為佢啲嘢都偏咸，重口味如我就冇問題😌

喺東涌食嘢想坐得舒舒服服我哋都會嚟尚蓮食泰國菜炒金邊粉 賣相精緻食落香葉味好重 我嘅最愛而大蝦都炸得岩岩好 酥脆三文魚炒飯三文魚多啲就更好呢碟比較普通 炒得唔算好香正正常常

6:15拎位，7:18先有位，我拎個張飛一個No都冇郁吓！完全唔會理5人同行，入到去大把位，就係要你等一個鐘！啲安排真係，比個服字！入到去叫嘢食，大部份都賣晒，例如小食拼盤，生菜包，蓮藕菜苗⋯⋯問仲有啲咩有，佢哋都Er咗係度！哈哈哈哈⋯⋯全程水都冇一杯俾你！我住東涌都冇下次！👋🏼👋🏼