尚品百好冰室

營業中

休息中

佢重新裝修後第一次幫襯。餐牌唔同左，價格追番市價。光猛左好多。早餐竟然有黑松露炒蛋，唔駛諗就佢啦！先講飲品，茶走少甜。茶味相對比較淡，煉奶少甜黎講算多，不過我無全部攪勻，所以可接受。黑松露炒蛋：松露足夠令每啖蛋都有松露，咁嘅價錢份量無超多，炒蛋有蛋香，怕太生嘅呢個剛好蒜香多士：食落係即叫即知，未至於‘索索’聲但夠脆，蒜味濃茄牛通：色水好深嘅，有蕃茄喺上面，一般茄湯味無咩特別，牛肉味就無咩，只係覺得食緊舊肉，有薯仔嘅。

經過完一輪差唔多成個月嘅禁晚市堂食，尋日終於 可以 再嚟呢一間 食店度享用晚餐。其實之前呢間餐廳都經常坐滿人好好生意， 而今次我返嚟又再享用我最欣賞嘅 原隻燒春雞晚餐。今次我特別要求餐廳幫我走薯仔，換曬蔬菜。當然佢哋冇問題。而我先生就叫咗個300克嘅 牛扒餐。食物 水準同之前一樣唔差，感覺好似份量仲多咗啲(可能因為之前禁晚市好受疫情影響？？)今次食物質數保持水準，啲雞外皮燒得好脆口，雞肉亦都juicy，唔会太乾身。而我先生都話佢今次個牛扒好食過上一次。 如無意外我哋應該會繼續支持呢一間 小店

🔎尚品百好冰室(西灣河)📍西灣河筲箕灣道160號地舖-40幾年歷史嘅冰室 雖然我對呢間冰室無感情 但都幾鍾意懷舊嘢 仲要裝修完環境舒服啲 整體食過好幾次味道都唔差 已成為非黃店嘅飯堂🔹鮮茄濃湯牛肋條通粉配黑松露油炒蛋及牛油餐包 $50 跟熱飲 凍飲＋$3鮮茄湯就無乜特別 唔會偏酸偏甜 有啲蕃茄蓉同薯仔 不過個牛肋條又幾淋幾好味黑松露炒蛋都好香好滑 餐包係厚多士都唔錯🔹ALL DAY BREAKFAST $56香煎牛扒、早餐腸、煙肉、蕃茄、沙律菜、焗豆、薯條唔想食飯就試下個all day 好似都幾多款咁味道正正常常 呢個價錢咁多種類都算唔錯不過配薯條又幾有趣 整體都幾好味 唔想食牛可以揀豬或者雞 都係同價

西灣河這間新’百好‘原來是一家很傳統的舊式咖啡冰室，在本地經營至少30年了，我間中會去食下午茶或用簡餐，吊扇掛扇，木板卡座，開放式水吧，奶茶杯碟，膠碗膠盤，都挺懷舊的...2020年初，‘百好咖啡冰室’突然關門裝修...以外它終於捱唔住執了...幾個月後，2020年6月，突然發現它煥然一新，閃亮登場的名字：尚品百好冰室幾次路從門口櫥窗，發現其展擺的食物由純傳統冰室西化不少了，添加了牛扒，烤雞，咖喱...因為感覺不錯，今天的家庭晚餐就選這裡！嘩！餐牌好吸引人👇👇👇☝️☝️☝️這張圖片讓我們6人中，5個人選擇此套餐- 燒牛肩扒 HKD99.-/300g 配 米飯/意粉+粟米火腿湯+菜沙律 （飲品另計）300g牛肉套餐食唔曬，牛肉連意粉一起打包，聽日的lunch也有了😂- 麵包紅酒燴牛尾 配米飯/意粉 HKD85.-👇Jumbo麵包內放入牛尾，薯仔，胡蘿蔔....幾得意！麵包烤的很脆，要泡著入邊的肉汁食會好D6位晚餐連飲品，還打包兩飯盒，一共 HKD604.- 抵喇！下次我會試一下烤雞，看隔離檯上餸時，整隻雞企係度，好新鮮，好似好好味😋唯一不足是冰室地方窄，如果人多會坐的好擠😅

堅係新開就試吓，叫咗個早餐外賣，要$50得個面，加錢轉左出前一丁同埋多士，但嚟到冇咗出前一丁最重要嘅麻油，要扣分，都好彩麵同湯係有分開上，我鍾意食爽啲嘅面但係佢就唔係嗰種，但未至於浸到林晒嘅，不過牛肉就冇牛肉味，沙嗲味又唔係特別濃，蛋就煎得可以嘅因為有流心效果，佢個多士有烘底都香，呢個價錢又唔包嘢飲，所有嘢又唔係做得特別好，你當我係腌尖或者要求高都好，出面有好多其他選擇，如果我唔係懶呢個budget我應該會做得好味過佢

19/05/2020今日下午和同事去了西灣河尚品冰室食午餐。環境不錯，清潔衛生。我叫了一個蔥油豬扒加蛋。上菜時間算快。賣相也不錯。可惜吃了一口才記得影相，因為太肚餓😂猪扒煎得幾好吃，不會太油，不會太乾，加上葱油👍👍。雞蛋要咗全熟嘅！不會煎得太老！👍👍叫咗杯熱齊啡！應該是即磨機磨，味道合我口味👍👍同事叫咗一碗豬扒麵，應該係用咗韓國公仔麵，賣相不錯，下次都可能會叫這一個豬扒麵。建議可多試有猪扒的菜式😁

今天因公事來到西灣河一敞，本對此地的餐廳不太熟悉，湊巧碰到新店開張，見人流極旺，即興一試。下午茶-$42 生炸雞髀配半份西多士加沙律熱咖啡雞髀肉嫩，肉質鹹香脆口，沒有厚厚的炸粉，換來是滴滴的肉汁。西多士亦相當有水準，花生醬夠多之餘，炸得均勻，佔蛋漿的份量適宜。即磨咖啡夠濃夠熱，實屬招牌菜。

舊百好老細退休後, 好難搵地方食早餐.終於等到新鋪開返, 即刻來試下.新店叫<<尚品百好冰室>>, 最初呢幾日試業中, 加上疫情未有晚市.問過員工, 同舊百好一D關係都無, 只係響裝修同某D陳設上保留咗少少百好風格. 兩口子試咗一A一B早餐.A餐繼續係火腿通粉 + 炒蛋方飽(加$1轉多士) + 熱飲. ( $34)B餐係沙嗲牛肉麵 + 火腿煎蛋 + 餐包 + 熱飲  ($35)的確係試業中, D 伙計非常唔熟手, 已經有4-5個樓面以及3個水吧, 都仲係手忙腳亂.食物方面, 個包好食好脆.沙嗲醬汁似乎唔夠"杰身", 有進步空間.奶茶飲得出有落過功夫, 但略欠層次不足, 仍需努力.真心期待試業後有改善, 已經可以繼續做我嘅飯堂.!!!