삼삼뼈국

營業中

休息中

一入坐個侍應就沿途拎碟泡菜（辣白菜，蘿蔔）俾我哋 個碟嘢係室溫下放咗唔知幾耐 。食落係熱到近乎過期咁滯，望落出哂水，有啲好似酒味嘅發酵味…醃到啲白菜同蘿蔔係近乎透明，好似特登拎返櫃底嗰啲俾人食咁 。🤮兩個人叫咗個清湯土豆脊骨湯，個味道不過不失啦，絕對稱唔上好味 。仲要一啲額外調味料醬汁都冇俾你，有一陣豬肉臊味添 🫠🫠個蔥泡菜真係像屎一樣，同佢一開頭嗰啲泡菜前菜一樣，啲蔥又係醃到接近透明，乾爭爭仲有酒精發酵味 。同我喺韓國食嘅完全唔一樣，冇蔥嘅辣味一啲都唔新鮮唔脆口 。 同埋未見過一間正式嘅韓國餐廳係連小菜都慳返，通常都起碼有五六碟小菜俾你 。 成餐飯好似食餿水咁 。依家香港好多呢啲啊豬啊狗都話自己係過江龍，實質全部都係勁難食 呃錢！！！

喺韓國有多間分店嘅三三骨肉 首間海外分店揀咗香港呢到應該開業咗四個月左右 店舖都幾大 嗰日7點半去到等咗半個鐘多啲 我哋一路食到十點出面都仲有人排緊隊 可以見到對香港人嘅受歡迎程度都好高🤍辣味土豆脊骨湯($340小) | Rating: 8.5/10要食辣呢款先有飲緊韓國湯品嘅感覺啊🥹我哋嗌咗細size 二人份量 有三嚿大脊骨本身鍋入面已經有薯仔 金菇 西洋菜 另外會再附多碟西洋菜湯底濃郁 辣度啱啱好 越煮得耐先會慢慢多翻啲豬骨味脊骨嘅肉質軟腍 識食嘅話啲肉好易就拆到落嚟中間會連住少少筋位脂肪 入口唔會乾柴薯仔口感綿密 平時麻麻哋呢啲大嚿薯仔(煲湯樣呢種😂嗰日我都密密地食咗好多😂終於唔洗叫男朋友啃曬建議薯仔可以留少少慢慢煲耐啲 最後會溶落個湯到咁到中後段再飲 個湯就會特別濃厚🥹🥹另外必定要追加大家都推薦嘅麵! (+$30)見好多人話係刀削麵 但其實佢唔係(? 舖頭個餐牌都已經改咗麵條入口順滑 口感彈牙 佢本身會煮熟咗先上枱比你所以唔洗慢慢等佢熟 放落湯2-3分鐘就已經索到湯!🤍酥炸餃子($80) | Rating: 8/10呢種大大隻嘅韓式餃子 通常見到嘅都係蒸餃 炸餃真係冇食過 唔諗

一個月前食過一次覺得好好味於是決定再帶其他朋友去試當日7點左右拎完飛就周圍行吓8點半左右見差唔多到就行返返去行到間舖對面馬路見到個staff嗌緊number因為要等過馬路 過咗一兩分鐘先到間舖門口見個number過咗兩個 我係53佢哋去到55就諗住show個no.俾staff望吓先👩🏻：韓國女人 👩🏽‍🦱：我👩🏻：過咗啦喎👩🏽‍🦱：(呆一呆)想問會唔會有得補飛？👩🏻：我哋無㗎喎👩🏽‍🦱：👁️👄👁️然後個staff就行開咗由喺對面馬路見住佢嗌no. 到入到間舖兩分鐘都唔夠唔俾補飛都算 個staff好似完全唔諗住俾solution個態度係「過咗啦唔好食啦走啦你哋」如果佢同我哋講可以再拎飛/下次再嚟啦都好啲我諗唔會再喺香港食 都係留返去韓國先幫襯

2000年代初經常食韓國野，去金巴利街清溪川最多，生鍋係一絕。果時無論食乜，每間果6-8既小碟（包括泡菜）係必然，之後韓風襲港，越嚟越多韓國餐廳，亦越做越求其（簡化），就算棟幾多個韓國人（定大陸東北果既朝鮮族中國人）駐場做佈景板，都冇關係香港人曾經經常去南韓，小弟都去過不下六次，咩味道係正宗已經冇乜咁神秘疫情加經濟，而家韓國菜算好靜，三三呢個時候來開新店，好勇敢咁呢間三三如何？結論寫係前面：最冇韓國味道並十分平庸既食店埋枱就見到已經放左用普通碟仔（非韓式餐具）載左些少泡菜同蘿蔔粒，感覺非常可悲叫左$400「辣味土豆脊骨湯」，已經煮好放係火鍋爐上燒住食，跟幾片菜。基本上就係蕃茄薯仔豬骨，唔知佢有冇落蕃茄，但個湯煲極都好清淡，近乎冇辣可言，唔濃郁，相當乏味，無韓風可言。骨係燒過既，肉可以夾得開，不過絕非甩出嚟，唔冧，更非入口即溶，已經唔在乎佢有幾多舊。好在睇定先，冇嗌火鍋料$100「香煎韓豚肉片」，英文Korean Pork Thin Pancake，根本唔同意思，好在餐牌有張相，基本上英文比較準確。可惜上台碟野冇任何相片所見既配菜，只係一碟豬肉煎蛋，仲要非常老、乾，亦唔熱（煎完放係一邊等

終於等到依間三三了！絕對要約腳再去～尖沙咀區 又抵食又坐得耐嘅 人氣薯仔脊骨湯🍜 ！➊ 辣味土豆脊骨湯（*有清湯選擇）‣ 小 $340 ‣ (2人份) | 中 $400 | 大 $460無諗過份量有咁多！簡直係堆滿山嘅脊骨～ 大大粒薯仔，湯慢慢炆燉，薯仔慢慢溶化，脊骨骨肉分離 大啖肉吸晒啲湯汁 香濃充滿嘅湯 #太好吃了➋ 酸泡菜🌶️🥬唔係講笑 湯汁再加埋酸泡菜絕對絕對1000%！！！🤤 酸酸辣辣 口味大増～➌ 刀削麵（*追加）個湯食得咁滋味 追加麵好正 而且係用韓式刀削麵！真係非常軟滑 配合呢個湯 淡淡都『啜啜聲』🤤😋😋😋 一定一定try try 嘅 comfort food 🥘

一行四人, 星期六在尖沙咀美麗華附近搵食, 網上發現這間新店超高人氣, 決定去一試. 5:30到直接入座, 7:00前要交枱餐廳佈局座位很寬敞, 整潔, 簡約, 舒適. 餐牌食物種類不多.一坐低兩份Kimchi馬上送到, 如果蘿蔔預先切成小粒方便進食更好.是晚同行有人不食辣, 所以點了 "清湯土豆脊骨湯" 中分$400, 追加芫茜$25/ 麵食$30, 及 "三三烤肉" 二人份量$380.清湯土豆脊骨湯: 電子螢幕落單後食物很快送到, 骨鍋內容有7件大骨; 3件大薯仔跟金菇及西洋菜, 骨頭size大大但肉不多, 如果喜歡啜骨頭的朋友一定食得很開心, 薯仔粉粉的很入味, 西洋菜芫茜很老一口渣. 特別要提的這個湯底很好味, 配搭追加麵食一流 (食完都不口渴)三三烤肉: 烤肉配上各類菇菜Kimchi另跟一碟生菜及調味醬料來包裹進食, 脂肪肉味不濃, 入口味道來自韓式大醬蒜片辣椒等調味料.店員很有禮貌, 服務周到, 過程中主動多次加湯, 調節火力大細, 烤肉全程專人燒製, 等食就可以.埋單$1,000以這個水準可以再來, 下次要食”辣味骨湯”, 試埋其他如“燉酸菜米飯”及”酥炸餃子”

We love to try new and hip restaurants in town.We had a really great experience at this restaurant despite only one minor issue, they are too popular in town. The food was all excellent - everything we ordered was delicious and well-prepared. The environment was very clean and comfortable, which is always appreciated.The only downside was the long wait time to be seated. Cuz they are new and excellent so they were verg busy, we had to wait about 1.5 hours before getting a table and you could onl

友人介紹尖沙咀新開餐廳，星期四18:15去攞位，等到19:45先有位，好期待，到咗先發現，可以係GULU攞位，下次放工前可以攞定位。睇睇餐牌，選擇唔多，主要都係食骨，本人對骨不太興趣，但友人十分喜愛，試新嘢，我都接受。2人前，點咗一個中鍋，太約6件骨，兩個薯仔，跟一款菜，我們追加一碟菜+一個韓國麵，份量剛好，湯底我們選擇小辣，只有少少辣，味道還可以。位置闊落，有分火鍋區和燒烤區，QR code落單，選擇唔多，但份量好多，2個人只好點2-3樣，建議多啲人去食😆

放咗工之後男朋友話想食呢間韓國餐廳，話係韓國過嚟好出名。叫三三。一坐低男朋友就投訴話book唔到枱，如果要食燒肉就要上網book枱，但佢又唔知點樣book，所以最後就要食鍋物。我出發之前都嘗試想喺OpenRice度book枱，但都搵唔到途徑。 但即場book嘅話出面都有10幾個人等緊，唔想排隊。咁好快就叫咗土豆脊骨鍋，加泡菜同金菇，本身個湯都有西洋菜唔使另外加。等咗一陣加熱之後，就是飲啲湯湯，都舒服嘅，但唔係話好特別。之後些埋D 啲肉啦，其實即係泰國嗰個火山排骨，一模一樣。啲薯仔冇想像中咁驚艷，都係普通薯仔味，金菇都係不過不失。反而佢個冷麵係幾好食嘅，個汁同啲麵底同啲配料都好夾，我一個人都食得晒。另外加咗杯$40嘅柚子汽水，本身諗住覺得好頹，但係都幾好飲，但係都幾細杯飲兩啖就已經飲到底啦。咁樣埋單都食咗$500左右。

29/5/2024📍三三骨肉呢間餐廳係韓國本身就好出名 最近嚟咗香港開分店 每人都會太排長龍 想食嘅朋要記得book枱🫃好早就收工 6點去到可以直入⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨清湯薯仔脊骨湯（$340）有分三個size 我哋得兩個人就揀咗small 呢個份量應該夠兩個細食嘅人食飽 但我哋兩個大食啲就覺得唔係好夠😅入面有5、6嚿排骨 肉同骨嘅比例大約1:2 啲肉好嫩好腍 點埋個甜甜哋嘅汁 好好食🤤豬骨湯唔會好油 調味啱啱好 豬骨嘅鮮味好出配料有兩嚿薯仔、西洋菜、金菇 夾埋啲湯一齊食好鮮甜仲可以揀一款配菜有extra嘅份量期間店員會主動嚟加湯加泡菜 服務唔錯👍🏻✨韓豚肉片冷麵（$90）🙆‍♂️話食完個湯都唔飽 就嗌多個冷麵嚟試下麵嘅份量都唔少 軟硬適中湯底凍冰冰 又酸酸甜甜 超解膩！豬肉片嘅口感好特別 唔係普通肉片 似係同蛋一齊煎 而且份量好多仲有大量蛋絲同紫菜 食晒好滿足如果覺得唔夠味 仲可以再加芥末汁同醋 我哋加咗大量嘅芥末汁 估唔到都幾夾😋⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋食咗～$500（連加一）招牌嘅薯仔排骨湯好值得試 定價唔算好貴餐廳環境坐得好舒服 兩個人嘅位都

三三骨肉 삼삼뼈국 (尖沙咀)話說之前去韓國旅行時愛上了食韓式辣味薯仔所以見到三三骨肉開店的報導就打算衝著辣味薯仔而去（嗯！我是衝著薯仔而去！🤣）開店初期太多人所以打算遲點才去然後有日偶然想試試預約又好容易預約到星期六中午時間所以就帶愛好吃辣的媽咪去試試！中午一點去到餐廳外面有約3-4組人排隊餐廳座位很多而且闊落坐得舒服用平板落單落單後店員會送上任食泡菜及水落單後再望去外面就發現了一條好長的人龍建議大家先預約就不用排隊了**如沒有預約的話記住要用店外貼了的QR code登記排隊**留意每日14:30-17:00休息辣味土豆脊骨湯 （小）$340-目標明確快速下單！ 辣味土豆脊骨湯可以選三個份量 方便大家需要 小（2人）：$340 中（2-3人）：$400 大（3-4人）：$460 我們叫了2人份 我們那份有兩件大脊骨+三件小脊骨，薯仔兩件，金菇，西洋菜 韓式辣味湯底濃郁微辣 食到後段辣味會更明顯 （如果不吃辣的話，餐廳也有清湯版本） 脊骨肉煮得好軟腍 而且好易拆肉 重點我最愛的薯仔 好粉又入味又不會太腍！ 大推薯仔控去食！ 然後西洋菜也非常好味！**二人

呢間店鋪係韓國都有多間分店，今次殺到黎香港啦❗️店鋪仲要超大間🥹佢地主打韓式脊骨湯，豬脊骨係長時間燉煮後變到超軟腍入味，係呢個湯底上再加上土豆🥔拉麵等菜式，想試韓國正宗口味嘅朋友一定唔可以錯過啦！Bellyjai今次6點就去到Walk in直接就入到去了🤤🤤唔想排隊嘅話記得早啲到或者book定位啦！————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣▪️ 辣薯仔排骨湯 小 $340 + 刀削麵 $30呢個份量已經好足夠2個人食🫃🏻當然要加埋削麵落個香辣湯底到，湯底辛辣味濃郁，好開胃(˶‾᷄ ⁻̫ ‾᷅˵)成個湯有好多好多舊排骨，而且每舊都燉煮到好淋，豬脊骨間都充滿膠質，所以一咬就超入味😋😋再加上金針菇、西洋菜同薯仔、薯仔口感綿密又大粒，仲有麵質爽彈嘅刀削麵，同個湯底係完美搭配，仲有無限refill又好好食嘅泡菜前菜添🤤韓國人氣過江龍脊骨湯登陸尖沙嘴

三三@knusford terrance🌟叫左佢嘅燒肉set, 會有專人幫你燒，非常貼心，韓國嘅豚肉比想像中好食，唔會有好大浸豬肉so味，而且肉質都非常鮮嫩，亦都juicy, 另外佢嘅蛋餅亦都做得唔錯，朋友就鍾意食佢嘅自家製冷麵，夏天食都係一個唔錯嘅選擇！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟

有同事食過這間餐廳覺得好食，於是今日介紹我來食，好彩我們行快一步不用等位，後來的人就要開始等位了，眼見等位的人續漸很多，下次訂定位最穩陣。餐廳環境空間感大，座位尚算闊落。一坐下侍應便會拎泡菜，泡蘿蔔及點肉汁上枱。點餐用店內提供的平板電腦，但不能拎下來看，所以對我這個大近視又坐得遠的人來說，睇到有點困難好彩午市套餐只有三三脊骨湯揀，只要選擇湯辣或不辣，飯or麵就可以了，哈！我們點了：清湯三三脊骨湯配飯$88 ～ 好大的一碗湯味好濃郁，我碗脊骨有5件，每件好大塊，肉質口感好淋，點埋點肉汁更加提升鮮味好正辣味三三脊骨湯配飯$88 ～ 同樣大大碗，成個湯都好紅，也是大大塊骨同肉，都一樣好好食。在韓國食過的同事反映，辣度沒有在韓國食咁辣，可能迎合香港人口味套餐還包每人一隻韓式餃子，真是食得好飽好滿足唯獨美中不足食辣湯沒有派圍裙，像我這種論盡仔就要小心湯汁淺到身另有加一收費。

係社交媒體網站見到新開韓國野，咁見有時間就去食啦5點幾左右，岩岩開門得幾枱客。入到去應該係老闆娘帶位，韓國野泥講前菜小食都算少，得一碟泡菜，就冇其他咁就冇menu比我地既，要用iPad睇同落單，菜式唔多，咁我地就簡左個招牌排骨湯同埋豬五花肉2人。泥到啲staff就咁放底食物開爐就走開，連講菜式名同點樣燒都冇講，本身我都以為佢會幫我地燒，不嬲食韓國野都會有人幫你燒第一轉先，再教你點樣燒幾時食得，但依間係完全冇，唔知係忙定點，但岩岩開門得幾枱，真係唔清楚，又唔係主動加湯，筷子匙羹又係自已拎，水又係自己斟，冇服務可言仲要收服務費啲食物就普通啦，食落就同韓國好大分別，價錢較貴，埋單都成8百蚊。試完就冇下次啦依間。