삼삼뼈국

營業中

休息中

三三@knusford terrance🌟叫左佢嘅燒肉set, 會有專人幫你燒，非常貼心，韓國嘅豚肉比想像中好食，唔會有好大浸豬肉so味，而且肉質都非常鮮嫩，亦都juicy, 另外佢嘅蛋餅亦都做得唔錯，朋友就鍾意食佢嘅自家製冷麵，夏天食都係一個唔錯嘅選擇！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟

有同事食過這間餐廳覺得好食，於是今日介紹我來食，好彩我們行快一步不用等位，後來的人就要開始等位了，眼見等位的人續漸很多，下次訂定位最穩陣。餐廳環境空間感大，座位尚算闊落。一坐下侍應便會拎泡菜，泡蘿蔔及點肉汁上枱。點餐用店內提供的平板電腦，但不能拎下來看，所以對我這個大近視又坐得遠的人來說，睇到有點困難好彩午市套餐只有三三脊骨湯揀，只要選擇湯辣或不辣，飯or麵就可以了，哈！我們點了：清湯三三脊骨湯配飯$88 ～ 好大的一碗湯味好濃郁，我碗脊骨有5件，每件好大塊，肉質口感好淋，點埋點肉汁更加提升鮮味好正辣味三三脊骨湯配飯$88 ～ 同樣大大碗，成個湯都好紅，也是大大塊骨同肉，都一樣好好食。在韓國食過的同事反映，辣度沒有在韓國食咁辣，可能迎合香港人口味套餐還包每人一隻韓式餃子，真是食得好飽好滿足唯獨美中不足食辣湯沒有派圍裙，像我這種論盡仔就要小心湯汁淺到身另有加一收費。

係社交媒體網站見到新開韓國野，咁見有時間就去食啦5點幾左右，岩岩開門得幾枱客。入到去應該係老闆娘帶位，韓國野泥講前菜小食都算少，得一碟泡菜，就冇其他咁就冇menu比我地既，要用iPad睇同落單，菜式唔多，咁我地就簡左個招牌排骨湯同埋豬五花肉2人。泥到啲staff就咁放底食物開爐就走開，連講菜式名同點樣燒都冇講，本身我都以為佢會幫我地燒，不嬲食韓國野都會有人幫你燒第一轉先，再教你點樣燒幾時食得，但依間係完全冇，唔知係忙定點，但岩岩開門得幾枱，真係唔清楚，又唔係主動加湯，筷子匙羹又係自已拎，水又係自己斟，冇服務可言仲要收服務費啲食物就普通啦，食落就同韓國好大分別，價錢較貴，埋單都成8百蚊。試完就冇下次啦依間。

上星期和朋友經過尖沙咀發現這間長龍店，店名只有韓文，於是好奇之下搜索原來是來自韓國非常有人氣的過江龍餐廳，餐廳主打土豆排骨湯。今天放工後約六時半到場取飛，餐廳已經全院滿座，大約等了1小時入座。▶️酥炸餃子餃子炸得非常香脆，可選原味或泡菜餡。餃子餡料非常豐富，除了有豬肉和泡菜外還有粉絲在裏面。▶️招牌辣味土豆排骨湯和朋友點了二人份，排骨湯份量非常多，大約有四至五件大排骨，配料除了排骨外，還有水芹菜、金菇、薯仔。排骨燉得非常軟腍，骨膠原滿滿，其餘配菜水芹菜和金菇都非常新鮮，薯仔亦煮得非常入味。最後加點了刀削麵，刀削麵非常掛湯，刀削麵完全把辣湯的精華吸收，非常好吃。整體而言，這間過江龍餐廳真是完全還原韓國味道，很值得推薦。溫馨提示，到場記得在counter掃QR code取飛，不要傻傻在門口排隊等位。📍 삼삼뼈국 (尖沙咀)尖沙咀金巴利道55號地下A號舖

今次港人有福啦🥳實力擔當嘅삼삼뼈국首間海外分店就係選址香港🫶💕只要有緊貼韓流資訊嘅都會知道，KBS都有報導嚟間膾炙人口嘅佳餚🐷🔥除左名物土豆脊骨湯外，店舖亦有燉豬脊骨、韓燒、餃子湯及唔同嘅麵食可供選擇🤤另外佢地嘅午市套餐都非常超值，飯同麵係無限添加♾️✨簡直係喺附近番工同大食獸嘅福音‼️.🍖辣味土豆脊骨湯（$340 *二人份量） 🟡🟡🟡🟡🟡(5/5)土豆脊骨湯共有三個大小，亦有列明份量嘅對應人數，方便客人可按食量去選擇落單👍同時亦有辣有唔辣，嗜辣嘅我梗係嗌辣味啦😏如影片所示，大家都睇到豬脊骨間充滿膠質，肉質軟嫰、肥而不膩❤️‍🔥鬆化到就咁啜就得🤤碩大嘅薯仔嗦哂d 膠原湯汁，再淥埋店家配上嘅新鮮水芹，色香味簡直十級跳‼️ .🍚米飯（$20） 🟡🟡🟡🟡🟡(5/5)諗番起嗰碗香飄十里、濃鬱甘淳嘅膠原熱湯，配上粒粒飽滿嘅白飯，簡直係人間美味🤤.🍜刀削麵 追加（$30） 🟡🟡🟡🟡🟡(5/5)店舖有拉麵（$20)同刀削麵可供追加，大家跟自己口味去揀就好♥️撈文就推薦刀削麵～因為麵質爽彈、掛湯🤤我仲好鍾意學韓劇嘅女主咁放d 麵落碗飯到，再同湯一啖過咁啪落口🤣🙉💕真係好爽架😏人生得意須盡歡，卡路里稍後再計😎🤘/

星期五5點半去到已經好多人食緊，仲有幾枱都係韓國人，睇嚟真係好出名。店員見我哋冇book枱數咗好耐夠唔夠位先比我地walk in入去🤣 應該係韓國人但埋佢識講廣東話的✨⭐️Samsam Spicy Soup small (2人份) 辣招牌薯仔脊骨湯$340公仔麵+$20整體嚟講份量都幾大，裏面有好多舊脊骨，煲耐啲就好容易可以拆啲肉出嚟👍🏻 雖然係辣嘅湯底，但係其實都唔算好辣，反而係泡菜辣啲😂裏面有薯仔、金菇、西洋菜，後期煲得耐，湯底好有西洋菜湯味🤣 加個公仔麵落去食仲正，嗦晒啲湯，加埋啲拆咗出嚟嘅肉同泡菜食🫶🏻✨每一台都有叫呢個湯，建議大家都試吓🍲⭐️Deep Fried Dumplings (4隻) $80呢個炸餃子係嚴重圖文不符😂 本身張圖係彩色嘅，同埋係有六舊。點知嚟到係得四舊仲要係一樣色一樣味🥹 裏面係菜肉餡，小編個人覺得一般，可以留肚食🫣食完嘢時候大概七點，見到出邊已經排咗超級多人。見到有朋友仔話排咗兩個鐘，如果要等咁耐我就未必會試，建議大家可以早少少五點過去就唔使排🤣

最新新開嘅三三骨肉果然大受歡迎！每次經過門口都排哂長龍，專食韓式薯仔排骨湯為主要賣點！有辣有唔辣，而且分開咗3走唔同份量選擇！人多人少都啱食！辣味土豆脊骨湯 （中） $400今次3個人食，份量非常足夠，大約有4-5件大排骨、4舊薯仔、一大束西洋菜、少量金菇同蔥！由於火力好猛，所以好快就煲滾！每一嚿排骨肉質嫩滑，仲可以連埋軟骨一齊食！而且所有配料都好入味！辣到適中，容易接受！仲可以無限添食泡菜！追加 拉麵 $20 刀削麵 $30 西洋菜 $25個人認為刀削麵係必點！吸收晒豬骨湯嘅精華酥炸肉餃子 $80

新鋪試一試1200先開門，1145已經開始有幾枱排隊第一輪入到去有泡菜放枱任食之後自己用枱面個iPad落單食咗個炸餃子同中既辣排骨煲餃子有驚喜，雖然得4隻但熱辣辣，皮脆汁多，十分好食到排骨煲上枱，都好大煲湯底辣辣地，好好食加埋d排骨好冧好入味而薯仔又係好鬼冧，但係又唔會爛西洋菜同金菇又係好夾不過無紫蘇葉又真係有少少失望相信因為未有酒牌所有未有酒精飲品如果遲下有埋燒酒就一流服務十分好店員大部份係韓國人不過都識中文好好客

雖然啱啱先喺韓國返尼，但作為韓國胃嘅kuku都俾三三嘅脊骨湯吸引到要即刻試食😍 今日就特登黎喺尖沙咀金巴利道新開嘅섬섬뼈국食lunch~ .前菜會有kimchi提供，如果有更多配菜就更好🤤 Kuku同朋友分別叫咗清湯同辣湯脊骨湯，隨餐會有酥炸餃子，份量十足，好脆口！脊骨份量果然大大份，肉質夠腍，配埋好q彈嘅麵一齊食，超滿足💯💯🫶🏻#hungrykuuu_hongkong #hungrykuuu_tsimshatsui #尖沙咀美食 #香港韓國餐廳 #香港好去處 #香港美食 #hkfood #hkgoodwest #相機食先 #食好西

見話開了新韓國餐廳，立即約朋友試試，提提大家最好訂定枱，因為無時間限制，如果要等唔知等幾耐，餐廳食品款式不算多，首先叫了小食炸餃，一碟4隻，比平時大小小，香口紥實，好味，另一碟系豬肉碎煎蛋餅，呢个無什麼特別，不過不失，之後系主打辣味豬骨薯仔窩，薯仔及豬骨都好軟，但記住不要急吃，待在窩內煮耐些更入味会非常好吃，因為那個湯頭真是好好吃，配飯或公仔麵一絕，最後，叫了細份燒肉併盤，五花腩好香，梅頭普普通通，洋蔥好甜，最終6人都吃得非常滿足，埋單加一後每人$270,我覺得好滿意

尖沙咀鬧區中新開韓國餐廳，呢間過江龍好似幾有名氣😜今次六點幾去，門前已經有人排緊隊，現場也有唔少韓國人嘗鮮。建議預先訂位會省去起碼半個鐘排隊時間。〰️🌟薯仔排骨湯（辣） 中 $400+$30 刀削麵評分：4/5有得揀可辣可唔辣，但辣先食得夠韓😜份量夠3-4人，平均每人有2-3舊骨。如果食量大/男仔要飽啲就記住叫大size! 簡單配料拼出不一樣嘅味道。西洋菜、薯仔和金菇呢個組合，營養均衡又入味。員工服務態度好好👍🏻泡菜可refill，朋友幾鍾意前菜泡菜但新開張的似唔夠人，等待時間較長。久唔久食一次幾滿足😌〰️環境: 4/5服務: 3/5地點: 4/5〰️#fat_factor_尖沙咀#fat_factor_韓國菜

三三琴日尖沙咀開張，韓粉女友今日已帶我去幫襯。間嘢係韓國連鎖餐廳，主打燒肉同薯仔排骨鍋。入到去唔少客都係韓國人，領班同侍應都識廣東話，港人可母語落單。我地叫咗細份辣味薯仔排骨鍋，2人份量，2個人夠食到飽，味道算唔錯，同韓國相比，排骨切得細舊啲，芝麻葉畀通菜取代。另外仲叫咗每枱韓國客人都叫嘅燉酸泡菜，專業地用煲湯泡菜煮，味道較酸較地道，並有五花腩粒喺裡邊。前菜個泡菜都夠鮮甜，係大白菜白蘿蔔同青瓜做成。埋單五百蚊，係稍高少少，尖咀區難免。因為新開，人手未夠，所以幫襯時要耐心少少，我地見韓國人會自己出去拎埋餸或前菜或餐具，所以都照辦煮碗。另外韓國人多，環境比較熱鬧，想靜就要注意。餐牌有頁係炒飯，暫時未有，領班話要下星期先供應。