삼삼뼈국

營業中

休息中

Happy Friday，唔洗OT，即慶的飯聚，天氣凍左，友人提議去食韓國過江龍人氣店三三骨肉，想好試下!即日預約唔到，果然好多人!周圍行下順便睇下有冇其他選擇時又突然有位。餐廳面積頗大，裝潢簡約，開放式廚房觀察到廚師處理食物，枱椅寬敞，普遍都係電子爐、平板落單等，我們2人，店員問介唔介意吧位(照坐)，張枱細座位較窄，有種自成一角之感同時又覺得幾好，對住個窗，感覺自在，用gas爐及睇餐牌叫人落單，另有一番風味。餐牌，一場來到必食招牌貨。生米酒，$90，味道甘甜有酒香味。泡菜，爽口辛辣。辣味土豆脊骨湯(2人)，$370。份量十足，湯底香辣味道濃郁，微微的辣調下味果下好易入口，脊骨湯夠入味，口感鬆化軟腍，容易起肉食得方便，薯仔粉糯，口感綿密薯味清甜~美味!(唔怪得個fd大推)!西洋菜清爽不俗。麵，$30，感覺上呢個湯最好配麵，質感煙韌彈牙，麵條吸入湯的精華更美味。食物味道不俗，氣氛幾好，因坐吧位之下唔算好舒適但有feel，服務態度正常，好岩冬天食呢。

有啲掛住韓國嘢食 心思思諗住食個薯仔排骨湯見到啲人話삼삼뼈국係過江龍 仲要開多咗間旺角分店諗住應該幾正就特登book位試試佢講真 服務真係唔錯嘅 有禮貌又會幫手燒肉不過啲嘢食就…😅叫咗個辣味薯仔排骨湯2人份量都已經夠3個人食 有4-5舊骨不過薯仔就得兩舊仔 佢可以追加薯仔我估佢預你自己再追加薯仔掛不過佢個味就完全唔同我喺韓國食嘅味同埋個鍋嚟到之後千祈唔好急！因為啲肉同薯仔係一啲都唔夠入味記得煲返咁上下先開始食之後再叫咗個2人份燒肉(豬)有staff會幫手燒肉 完全唔洗自己郁手(呢樣加分👍🏻)不過啲肉就…又係無咩味 好普通嘅肉之前韓國食嘅豬肉唔醃都好有肉味 好好食咁我估呢度就唔係韓國嚟嘅肉 有一樣好重要嘅就係 全程無小菜!!!韓國餐廳有小菜應該係正常🤔 泡菜點都要有掛無啊 全程都無 呢下真係大大減分不過臨走有見到有幾枱 枱面有碟泡菜蘿蔔同切片泡菜 但又唔係枱枱都有咁我唔知係要叫佢攞 定要叫咩嘢食先有不過正常嘅話 應該會係嚟到叫咗嘢食就上🤔無了解到啦 食完就走整體嚟講 唔會再嚟 我諗後面韓國街搵間舖仔會會好食啲

之前同朋友經過見到好多人排隊，朋友話係好出名嘅‘’過江龍‘’餐廳嚟！之後佢就聽同事講到好好食，於是乎就試下有幾好食先😅當日我哋6：30左右去到不用排隊，大概過多20分鐘左右就開始有人排隊，我哋點咗一個2人份量嘅鍋，再加1個麵，個鍋上枱果時睇落份量都好似好多咁，但實際上只係骨頭比較大，個人覺得肉質口感一般，最好味係個汁，酸酸甜甜幾好味！如果無沾汁嘅話我都好難食哂d肉，個麵口感都不錯係ok嘅！口味真係好個人，我同朋友都唔覺得特別好食，份量都不太夠2個人食，純粹骨頭偏大件顯得份量多而已，有時多人排隊嘅餐廳都唔等於啱食嘅！

尖沙咀超人氣土豆脊骨湯🥔🥘去咗幾次，每次都大排長龍，今日見人少少就即刻入去食！六點半都未到，就已經好full!!同朋友食咗一份清湯土豆脊骨鍋，份量超級大，滿滿嘅排骨、金菇同西洋菜，裏面嘅薯仔仲吸晒湯汁，燉到好淋！乳白色嘅脊骨湯充滿骨膠原，店員仲會仔細留意湯底，定期加湯。另外，仲配咗一個洋蔥汁，食排骨嘅時候都可以點嚟食，解解膩。最後，值得一讚嘅係呢度嘅泡菜都係可以任添，有平時食開嘅白菜泡菜同蘿蔔泡菜。

尖沙嘴真係好多韓國菜，呢間係男友同我嘅回頭之選。370兩個人有得打邊爐真係幾抵。我見燒肉二人set都唔貴！下次可以一試。咩都唔洗加，個鍋一上黎已經有超多塊煮到入味嘅豬骨、薯仔、西洋菜同金菇，雖然唔係話超級豐富，但每一樣都好出色下，而且出面食啲豬骨齋係湯底都要二百蚊先落到樓。呢個湯嘅骨味絕對唔輸出面，仲有好多塊連住肉位嘅骨，好正😍🌶️🌶️🌶️特別推薦辣湯，但辣度真係幾勁，有譚仔小辣，而且越煮越辣，係食到辣先好叫。

尖沙咀超人氣韓國餐廳「土豆脊骨湯」值得排隊吃 ？尖沙咀超人氣韓國餐廳，你食過未？每次經過都會見到有好多人排隊，佢哋最出名嘅係「土豆脊骨湯」，＄370一煲2人份量，我覺得起碼 3人量，除非你唔加飯或麵，泡菜係存限添加，我本身好鍾意飲泡菜湯，如果你都鐘意，真係可以試吓，佢哋既肉煮得好琳好入味，加左泡菜入湯度，一邊撈飯食真係好正，呢個價錢有咁既份量，難怪成日排隊삼삼뼈국 (尖沙咀)尖沙咀金巴利道55號地下A號舖

這家韓國餐廳實在令人失望。首先，食物質素差，肉類非常粗糙，根本無法接受，價錢卻偏高，讓人覺得不值。其次，小菜的味道也很糟糕，例如青椒泡菜完全沒有味道，吃了讓人感到更加失望。最後，服務態度更是差勁，員工毫無熱情，幫忙烤肉的人甚至完全不會烤，讓我們的用餐體驗變得更加糟糕。整體來說，這次的用餐經歷非常不愉快，不會再光顧這家餐廳，也不會推薦給朋友。希望他們能夠改善食物質素和服務態度，否則很難吸引回頭客，很難令人滿意。

午膳周圍搵食，原本去韓國街睇食咩，行左幾間都差吾多款，同事話金巴利果邊有間韓食成日都好多人排隊，跟住我倆急急腳轉場，好彩今日吾多人，睇左餐牌原來呢到專食豬骨，入去坐底自坐下單，當然食佢出名嗰三三脊骨, 我哋一個要飯一個要刀削麵一個要辣一個唔辣, 下單後先來個泡菜蘿蔔，再放低咗一杯甜豉油加洋蔥用來點脊骨食，刀削麵就唔係我哋平時食嗰隻, 有d似日本拉麵比較霖身, 辣湯唔係太辣嘅, 餃子是用泡菜加粉絲做有少少辣好特別，湯好味，三三脊骨掂, 特別提下佢個黑胡椒粉，加落去有另一味道，正，整體坐得舒服, 野食吾差。good good good 會再到的店。

每次經過尖沙咀，都想試這店，可惜，這店經常排長龍，終於星期四晚可以食到這店，當晚我哋沒有揀湯鍋，只是簡單地點了：1） 三三脊骨湯跟白飯一碗，排骨炆得非常之腍，湯汁亦完全滲晒入啲肉裏面，所以排骨肉非常入味，但略嫌味道濃咗少少，不過仍不減美味度，湯𥚃還有娃娃菜，有菜有肉，不錯😄2） 韓國雲吞湯拉麵，拉麵煙煙韌韌，口感好有趣，雲吞又大大粒，味道正常，湯底跟脊骨湯一樣，有微微的辣，開胃😂3) 豬肉片pancake ，原來就係簡單的豬肉煎蛋餅，但煎得好香脆可口，配上附着甜甜的蘿蔔條一齊食，味道清新，減少咗豬肉煎蛋餅的油膩感，第一次咁樣的食法，感覺不錯🤭🤭

已經一早黎攞飛等咗一個鐘 居然喺一分鐘內好快咁順序叫咗三張飛 嗰一分鐘內喺對面馬路行唔切到舖頭門口 畀下一張號碼入咗先就串串貢話不設補飛要重新等多個幾鐘 知你多生意但一分鐘內飛咗三張飛 （冇老作佢電腦有record ）淨係遲咗一分鐘又唔係遲十分鐘你都唔畀我入 只可以講冇下次

朋友事先去取位及點野食，我去到時食物已上檯，我坐低見到個煲上的西洋菜的菜葉係爛，我問朋友菜係爛個侍應看唔到咩，我立即係面摘取爛藥落來，底的已經開始熟，整唔到，一開始我俾係最多眼位置，看侍應幾是發現，可惜係冇，最後叫侍應，問侍應菜有冇咩問題，佢唔識聽還是不明，最後叫左另一個人，我忍不住問咁的食物質素可以出到俾客人食咩？侍應立即話換個新的菜。我完全真係無語呀。侍應還是出餐的廚房都看唔到爛菜，還是當客人無知，唔出聲。3百幾蚊道菜，出咁的質素食物，真係令我好懷疑所有食物質素。

三三骨肉 삼삼뼈국 (尖沙咀)二訪三三骨肉今次星期五夜晚無book位去碰吓運氣朋友19:00左右去到拎飛就喺我哋商議同揀梗轉餐廳嘅時候前面好多號數都無人在場加上我哋揀咗坐Bar枱位無限時可以19:45入座夜晚氣氛好好仲要好多人！雖然Bar枱但枱底有籃仔可以放袋張櫈有小椅背其實都坐得幾舒服不過都因為係Bar枱係要搵人手落單有少少難搵店員但如果想慢慢食又飲吓酒其實都幾好坐辣味土豆脊骨湯 （小）$340-辣味土豆脊骨湯可以選三個份量 小（2人）：$340 中（2-3人）：$400 大（3-4人）：$460 同樣豬骨大大件煮到好軟稔 土豆繼續大推！ 好甜好入味！刀削麵 +$30-唔知係咪今次唔太夠湯去煲 個麵無第一次食咁彈牙軟滑🥲生米酒 $90-同朋友都想飲少少酒 就叫咗呢支Share飲 👍🏻三三骨肉 삼삼뼈국 (尖沙咀)尖沙咀金巴利道55號地下A號舖#eridayeat_尖沙咀 #eridayeat_韓國菜 #三三骨肉 @33_hkhk #food #foodie #foodiehk #tsimshatsui #尖沙咀 #尖沙咀美食 #辣味土豆脊骨湯 #韓式刀削麵 #薯仔控 #薯仔控不

新開張梗係要試吓啦😉全部都好食,食咗佢個年糕拉麵、海鮮韭菜餅、雜菜炒粉絲、芝士雞蛋羹；烤肉有炭火烤肉、五花肉、調味豬扒 ! 另外個環境好乾淨、好新淨、好有氣氛😍頭先6:30到，大概等咗半個鐘就有位，六個人枱😙💕💕💕💕

早排收工後約咗朋友,係尖沙咀食呢間韓國餐廳,呢間韓國餐廳主打正宗韓國菜🇰🇷平日大多數夜晚去都要等位,先食到,餐廳環境闊落,自行使用平板電腦落單,好方便👍🏻清湯土豆脊骨湯（2人） $360 追加拉麵 $20脊骨大約有5-6舊,份量足夠2個人食,配料包括有薯仔.西洋菜同金菇,脊骨肉質好腍,清湯味道濃郁,最後放入拉麵煮,拉麵完全吸收晒湯嘅精華😍香煎韓豚肉片 $100蛋餅同豚肉略嫌調味不足,需要自行加蘿蔔絲調味,有少少失色😢酥炸餃子 $80餃子好大隻,炸到金黃色,好香脆,裏面餡料飽滿,餡料係豬肉粉絲泡菜,內餡嘅豬肉與泡菜嘅結合,口感豐富,粉絲嘅彈性增加了整體嘅咀嚼感😋

用app取票，因為尚有10多張枱，不想在馬路旁等，決定到旁邊商場等候 。然後網上顯示突然跳過很多個號碼，直接到我們的號碼 。我們已經立刻跑回去餐廳，跑到餐廳只不過是過了三個號碼，侍應堅持過了就不能再安排入座，要我們再次取票，要再等30個號碼，安排非常差!