小魚兒 (金馬大廈)

營業中

休息中

今日來尖沙咀試呢間餐廳，被佢嘅濃湯花膠雞火鍋吸引。濃湯花膠雞湯底淡淡奶黃色澤，入口鮮雞甜味，濃郁醇香但唔油膩，口感幼滑，啖啖膠原。半隻雞份量十足，雞肉肥瘦適中，肉質非常嫩滑爽口，雞味濃郁，真係好新鮮。花膠就係另一大亮點，煮過後質地軟腍，吸收晒湯底嘅鮮美精華。火鍋配菜選擇非常多，多款肉類、海鮮、手工丸、蔬菜等。揀左黑毛豬腩片、鳳城水餃、魚皮餃($38)、魚腐同稻庭烏冬。黑毛豬腩片肉質爽滑鮮嫩，食得出天然嘅豬肉鮮甜。肉片仲吸收左雞湯精華，味道更加鮮甜。鳳城水餃有四大粒，粒粒都脹卜卜，內餡飽滿扎實。魚皮餃餡料鮮嫩。魚腐大大粒，一咬爆汁。稻庭烏冬絕對係火鍋澱粉質最佳之選。滿滿飽腹感。最後飲一啖火鍋湯，味道更加濃縮，超級香甜，雞味咸香更濃，而且膠質豐富，真係非常滋補。

小魚兒位於尖沙咀的繁華地段，牆面上掛滿了色彩繽紛的藝術畫作，氣氛熱鬧，無論是二人小聚還是家庭聚餐都很適合。⭐️烤魚先揀好魚嘅種類再選擇湯底，好多湯底喎。 今次叫咗海鱸魚，鮮嫩多汁，肉質細膩。湯底叫咗⭐️鮮花椒B豆花, 豆花搭配了花椒的微辣，帶來一點刺激感，但不會過於辛辣. 麻度揀咗中麻，辣得嚟又有麻痹嘅口感。呢度嘅辣度同麻度都可以根據自己口味選擇，好貼心。啲配料豆腐好滑，芽菜同青瓜清爽，仲有煙韌口感嘅寬粉，絕配啊。⭐️滑牛肉滑牛肉的口感極為嫩滑，彷彿在口中融化，吸滿湯底精華，味道豐富。牛肉的鮮香與醬汁的香濃相得益彰，讓人忍不住一口接一口。 食烤魚，叫返杯。 冰凍透心涼飲品就最正喇，咸檸梳打、檸檬可樂真係好爽啊。 鍾意食烤魚嘅朋友一定唔可以錯過。

同FD好耐冇食雞煲，今日行過哩間鋪頭，咁試試啦。餐廳以紅色為主，裝修得好靚。晚市full咗7成，都幾旺下。可樂，食雞煲一定要飲汽水，哩間餐廳會搭配埋冰杯，好貼心。香蒜燒茄子，叫個燒烤等雞煲煮滾。茄子肉綿軟，入口即化，同埋帶少少焦香。燒茄子本身已經夠香，再加埋蒜蓉，蒜香撲鼻，好有四川風味。重慶雞煲（半隻），揀咗小麻和小辣。雞煲一上枱已經聞到撲鼻嘅麻辣香氣，雞肉斬件大小啱啱好，肉質嫩滑得嚟又夠入味。一啖咬落去，麻辣醬香層次分明，食到停唔到口。食完雞煲，仲可以加入高湯打邊爐。鴨血，鴨血又彈又嫩，同埋完全冇腥味。麻辣湯底配鴨血簡直係絕配，辣汁滲入去，每一啖都係辣中帶鮮甜。精選美國肥牛片，肥牛片切得薄身，一淥即熟。肥牛片油脂分佈均勻，入口即溶，牛味濃鬱得嚟又唔會膩。點埋少少豉油辣椒醬，牛肉鮮味即刻提升。金針菇，打邊爐一定要叫份金菇，金菇煮幾耐都好，食落都好爽脆。唐生菜，淥兩淥就食得，食落爽脆清甜。生菜吸曬湯底嘅精華，食完濃味嘢再嚟啖生菜，即刻解膩。

尖沙咀 小魚兒 雖然主打烤魚，但佢嘅#濃湯花膠雞煲 先係隱藏王牌！🍲 湯底金黃濃郁，一上枱就聞到陣陣雞湯香氣🍲，飲落膠質感十足～雞肉肉質嫩滑得嚟保持彈性，花膠厚身大塊，足足有成隻手掌咁大，炆得入味又保留爽滑口感，絕對係女士恩物💁‍♀️！ #日本A5和牛絕對超值加配，$168一大碟，油脂分布均勻如大理石紋，輕輕放入濃湯中涮3秒，入口即溶，和牛嘅油香同雞湯嘅鮮甜完美融合，性價比高到難以置信～#皇帝菜喺最後落埋皇帝菜索盡湯汁精華，菜葉吸晒花膠雞湯嘅濃郁，鮮味到想連湯都飲清光～ #竹蔗茅根清甜解膩🌱

好友約我去位於尖沙咀金馬倫道16號金馬大廈1樓全層的<小魚兒>食午餐，環境舒適，坐得舒服 。我哋點咗：🥢燒牛舌心串 $38大大塊的牛舌心燒得皮脆肉嫩，牛味香濃，肉質嫩滑，好味又好食。🥢鹽燒牛仔骨（3件）$78熱辣辣又香噴噴嘅牛仔骨上枱時，香氣四散。趁熱食，真係好好味呀。🥢江團魚 $348（肉質肥美、油份重、含膠原蛋白） 配黃金特濃蒜香豆花份量好大，賣相吸引，魚肉嫩滑肥美，配菜豐富又好味，尤其是蒜子、芫茜、豆花、木耳 .....等。

海鱸魚 (黃金蒜香魚) ($308)萵荀 ($50)鮮腐竹 ($35)寬粉 ($38)今日就食左黃金蒜香味嘅海鱸魚，一上枱個陣已經有好香嘅蒜，等到個湯滾左之後就食左一舊蒜頭，淋嘅程度啱啱好真係好重口味超正😍😍而海鱸魚肉質好實淨，細魚骨亦都喎算好多，食落都算係好方便，好有咬口非常好食🤤另外，我都再叫左一份萵荀同埋鮮腐竹👍🏻👍🏻分量好多夠哂食，鮮腐竹 吸晒成個湯嘅味，食落真係好正😃評分：9/10

今天嚟到尖沙咀小魚兒，試吓佢哋嘅麻辣鳳梨烤海鱸魚！😍🌟 #麻辣爆醬鳳梨烤海鱸魚呢款烤魚真係絕配！麻辣風味加上鳳梨嘅甜美，海鱸魚烤得恰到好處，鮮嫩多汁。麻辣爆醬嘅湯底濃郁得來，鳳梨嘅酸甜又完美平衡，真係食到停唔到手👍🏻海鱸魚滑得無話可說，襯埋醬汁一齊食，麻辣味道強烈又好惹味，整個鍋仲有配料，腐竹、青瓜、寬粉、芫荽、紫洋蔥，真係豐富到爆，食完之後完全滿足💗🌟配埋一杯Corona Extra X Lime Soda，啤酒嘅清爽加上青檸嘅酸味，簡直係完美搭配！🔥 無論係熱辣辣嘅烤魚，定係清新嘅飲品，今日真係食得好開心，推薦大家嚟試！🥳

❣️小魚兒 (尖沙咀)🐟尖沙咀金馬倫道16號金馬大廈1樓☎️今日嘅晚餐，我就嚟到小魚兒食烤魚🐟烤魚-海鱸魚$308（黃金特濃蒜香豆花口味）我就叫咗海鱸魚，上菜嗰刻真係嚇親，條魚好大條🐟而且聞落好香👍🏻睇落仲要好吸引！魚嘅肉質鮮甜嫩滑，好新鮮，完全冇腥味！大大條真係食極都食唔完🤣豆皮$32+金菇$38+寬條$38另外，我仲叫咗豆皮、金菇、同埋寬條，豆皮同金菇吸晒個湯嘅精髓，食落都好濃味，而寬條煙煙韌韌，令人越食越上癮🤤草莓荔枝梳打$36梳打鮮甜適中，而且好清爽，配搭烤魚簡直一流！👍🏻

晚上有工作要做，一於中午食餐好的。就在尖沙咀金馬倫道見到這間「小魚兒」，吃個雞煲火鍋再工作吧。餐廳是手機下單，方便快捷。🔥 1. 濃湯花膠雞煲（半隻）金黃色的雞煲湯底濃郁，店員會幫忙處理食材，準備地控制火喉。煮約8-10分鐘後，花膠厚實滑嫩，半隻雞肉經慢煮後仍保持彈性，雞皮吸附湯汁精華，膠質與鮮甜層次分明。特別推薦先飲些少原湯，再落火鍋涮煮，湯頭越煲越醇厚，尤其適合搭配吸味食材。🔥 2. 火鍋配料- 精選美國肥牛片：肥牛油花均勻分布，輕涮三秒即捲曲成形，入口即化的脂香與湯底膠質交融。- 鮮白鱔片：鱔片的刀工展現師傅功力，魚肉雪白緊實無腥氣。涮煮後外層吸附濃湯，內裡仍保留彈牙口感。一個雞煲加兩道配料非常足夠，小魚兒除了烤魚之外，雞煲亦都非常出色。

小魚兒主打川菜烤魚，備有有多款口味，辣度同麻度都可以選擇，怕辣嘅都可以放心食，同時有各款冷盤，串燒，小食等選擇😋😋😆😚😚🔆鮮花椒豆花海鱸魚海鱸魚特點係少骨，肉厚實甜美，適合鐘意啖啖魚肉嘅朋友， 烤魚外皮烤得香脆，平時唔食魚皮都忍唔住要同魚肉一齊食，豆腐等配料畀咗好多，一鍋就包括晒，好抵食😉😉😉🔆手撕包菜經典嘅四川菜式，鮮香滋味，清爽健康🔆牛肉串一串肉量都幾多，加上牧然味粉十分香口惹味越夜會越多人， 好彩有預先book 位，晚飯時間有可能要等下先有得入座🥳🥳😊😊😁小魚兒地址：尖沙咀金馬倫道16號金馬大廈1樓#小魚兒#香港烤魚#香港川菜#四川菜#川味#雞煲#烤魚#海鱸魚#尖沙咀#尖沙咀食#尖沙咀餐廳#酸菜烤魚#烤鱸魚#豆花烤魚#薯粉#牛肉串#串燒#冷盤#小食#聚會#交通方便#朋友聚會#正宗烤魚#尖東

小妹自從上次系尖沙咀食左條勁肥勁嫩既烤凌波魚🐟之後，一直對佢念念不忘，成日想再食🤣今日同朋友突登上去再食，點知餐廳竟然得番海鱸魚同江團魚🥲唯有試吓上次都想試埋嘅江團魚先😚✨黄金蒜香🧄江團魚🐟✨$348肉嫩肥美大大條，入口好滑溜🐟魚肉厚身得梨魚骨唔多；有埋強烈蒜香既金湯加持，完全唔覺有腥味🤩淨係覺得超香🫶✨炸雙皮奶✨$43個餡奶香濃郁之餘仲有d流心既感覺，而外皮就脆到咬落去有聲，鍾意炸奶既你真心一定要試😜✨焦糖燒菠蘿✨$48成日都覺得食生果同拆盲盒冇分別🤣好彩今日食到嘅菠蘿🍍甜度好高，面層層焦糖脆皮又薄又脆，好食程度爆曬燈💡✨咸檸七✨$26甜中帶咸又夠氣，冰涼清爽勁解渴🤞🏻🛑小魚兒📍尖沙咀金馬倫道16號金馬大廈1樓港鐵尖沙咀/尖東站 N2出口,步行約3分鐘

近排同朋友喺尖沙咀行街，突然之間想食雞煲，就去咗一間餐廳試吓，不過朋友唔食辣，所以就叫咗一個藥膳花雕醉雞煲同串燒藥膳花雕醉雞煲：醉雞雞肉質地鮮嫩，浸泡在濃郁花雕酒與藥材湯汁中，散發出誘人的香氣，湯底的藥材不僅增添了風味，還具有養生效果另外仲叫左火鍋配料：炸枝竹，魚腐，豆皮，萵筍，水餃 ，吸收晒火鍋嘅精華串燒：孜然牛舌心:肉質鮮嫩，搭配孜然香料讓人一口接一口孜然雞軟骨: 口感彈牙，孜然香氣更是提升了整體風味

今天到「小魚兒」用餐，雖然這裡最出名的是烤魚，我們卻選擇了較為特別的雞煲和火鍋。半隻藥膳花雕醉雞，藥膳與花雕的味道不算濃烈，但雞肉嫩滑多汁，份量也很足，令人滿意。吃過雞後，把油麥菜和皇帝菜放進湯底涮煮，濃郁的湯頭滲入蔬菜中，味道格外鮮甜，火鍋部分算是驚喜。「小魚兒」的燒烤同樣出色，我們也點了幾道來試試，包括燒白鱔、燒茄子、蒜香牛油燒扇貝和焦糖燒菠蘿。白鱔外脆內嫩、茄子烤得剛剛好，扇貝香氣撲鼻，焦糖菠蘿更是甜中帶酸，焦糖脆卜卜，非常開胃。

又食小魚兒 同樣高質收工近近地揾烤魚食，又見到小魚兒，餐廳裝潢充滿海鮮主題，主打烤魚雞煲。黃金蒜香烤爐魚烤爐魚加滿滿炸蒜頭和蒜蓉，湯底惹味搭配上新鮮既芫荽、青瓜、木耳、芽菜同洋蔥圈，配料充足。爐魚經煎香，鮮嫩爐魚肉，每啖魚味十足，火喉恰到好處，外皮微脆，又厚肉又大條。上枱再再煮煮，收少少汁味道更濃郁。鹹蛋黃金魚皮脆炸魚皮包上黃金鹹蛋黃醬，食落口感又脆又鹹香。青檸梳打和西柚乳酸爆珠梳打兩款飲品都很清爽。青檸梳打的酸甜平衡，西柚梳打酸酸甜甜。

inki話想出尖沙咀食飯就帶咗我嚟金馬倫道小魚兒我哋兩個細食 諗諗吓兩條友應該食唔到烤魚因為見到隔籬枱超大份所以就叫咗半隻濃湯花膠雞半隻做main 應該都食得晒嚟到幾有驚喜 啲花膠都幾大隻 滾完都仲可以食到一條條嘅花膠 加分雞肉質素比平時食嘅雞煲高質 可能夠新鮮所以有雞味 好驚食到雞煲嗰啲冰鮮雞味諗住再搭吓其他配菜 唔想食到太油膩叫左鮮淮山片 嚟到都幾大份 萵筍 基本火鍋配料必有日本扇貝 都幾大隻有驚喜同埋我哋兩個至愛嘅寬粉