小餅台吃

營業中

休息中

喜歡吃魯肉飯，所以周圍食魯肉飯。「小餅台吃」用小熊🐻做logo ,有D似樂天熊仔餅；位於茘枝角新世界新building 的地下。午餐：1）魯肉飯配酥炸雞卷，$62，魯肉飯個樣好似唔夠深色咁，但食落好好味，飯也霖👍🏼👍🏼👍🏼酥炸雞卷就比鹽酥雞健康。2）炸杏鮑菇，跟餐$12，好有水份，但怪怪的，可以唔order。3）麻辣鴨血拌麵拼鹽酥雞，$62，拌麵顏色好看，冇乜味，加鴨血既少麻辣（味道如紅油抄手辣），再加鹹嘅鹽酥雞，絕了，正。4）黑糖珍珠烏龍茶，正常。5）花枝丸，跟餐$15，普通。同朋友一齊食，share 一半麵，一半魯肉飯，正。

「小餅台吃」係一間細細間嘅台式小店，座位唔多，主打台式小食同茶飲，不過都有啲主食選擇。今次我試咗佢地其中一款主食。🍗 黑金滷肉飯拼酥炸雞捲 $62滷肉飯方面，滷肉肥瘦各半，醬汁係偏稠身，但味道上稍為普通。酥炸雞卷反而幾有驚喜，外皮炸得夠香脆，內裡肉質軟嫩又多汁，口味唔會過鹹或者太重，單食都好啱。滷蛋方面，鹹度適中，但滷香味略嫌唔夠濃郁。雖然主食選擇唔算多，但以小食嚟講，佢地嘅炸物明顯有水準，尤其酥炸雞卷真係幾出色。下次路過會想試埋其他炸物，配埋台式茶飲，感覺更啱嚟Chill住食個下午茶！

我係花斑茶社嘅長期顧客, 有時經過佢哋嘅茶飲店都會買返一杯茶飲一路行街一路飲！佢哋喺荔枝角開咗間台式餐廳, 提供多款台式地道小食、滷肉飯、拌麵, 當然唔少得佢哋嘅台式飲品啦！呢度仲有户外座位, 可以帶埋狗狗嚟用餐🐶～點咗炸花枝丸拼芋泥丸、鹽酥雞、炸杏鮑菇, 全部即叫即製, 調味剛好, 香口有惹味！🥤鳳梨冰茶散發住鳳梨果香, 仲食到鳳梨肉, 搭配綠茶茶底🍵, 飲落好清爽！🥤葡萄柚冰茶裏面加入葡萄柚果肉, 搭配清新四季春, 果茶酸甜可口！🍵宇治抹茶鮮奶茶味甘香, 奶味較為突出

點咗3個滷肉飯，但喺啲飯未煮熟，食落去係硬嘅！之後店員幫我哋換咗拌麵，個麵偏硬重要超級鹹，仲鹹過塊午餐肉，根本食唔落😰連續失望咗兩次，體驗真係好差，唔會再嚟第二次！

花斑茶社有堂食？原來係承連小餅台吃 專門食台灣嘢嘅餐廳🇹🇼都好夾下！重點仲要係寵物friendly！室內都可以 不過室外都有好多位 更空曠如果多狗都唔驚！.佢有set嘅 只要揀滷肉飯 & 蔥油麵 就可以 跟任何花斑茶社飲品（-$10）.1.黑金滷肉飯 & 酥炸雞捲 $62入味好味 如果有少少辣油比大家自己加就更好我睇圖係太陽蛋好吸引 但當日係滷蛋 有機會係配咗其他小食❓但 成個飯份量 飽足感 味道都唔錯！夾埋小食 雞肉捲雞捲出邊層皮都厚身 未去到脆 但好味！成個set cp值好高 👍.2.墨魚餅刈包 $35墨魚餅厚身軟口 鹹度恰好夾埋酸菜 味道更加豐富我好鍾意佢刈包包身 係類似「炸饅頭」😍咁嘅味道 & 口感 成件事更加舒服！.3.麻辣鴨血 拌面 拼 鹽酥雞 $62.同樣好抵食嘅套餐！！蔥油拌麵 但無乜油膩感 唔算多油蔥香味道適中 口感因為我哋擺耐咗影相 癡住咗少少口感唔可以作準！相信啱出爐就食會好好！麻辣鴨血 & 鹽酥雞 好豐富！鹽酥雞👍..4.開心果芝士巴斯克蛋糕 $45.竟然有是日甜品 當日係開心果/焙茶 巴斯克！有限量嘅‼️咁..就食最近好鍾意嘅開心果！.size唔算大！但賣相唔錯

第一次去食，想食滷肉飯賣晒，之後嗌咗碟麵鹹到飛起，之後要問佢哋攞杯熱水洗先可以進食。隔籬枱個哥哥都話好鹹。第二次再入食，鹹到死嘅伊麵賣晒，只有滷肉飯，但係沒有驚喜另外茶類飲品都很好飲，炸雞就很味，但食物就一般，我覺得中咗伏唔會去第三次。茶具用品就好好精心設計過，但其他就好一般。

🍽️食物方面：🍤蝦餅刈包💲35好出色嘅炸包 夠脆 值得等一陣🦑炸花枝丸芋泥丸💲32芋泥丸有肉 有驚喜 唔漏 花枝有口感🐷黑金滷肉飯拼酥炸雞卷💲62鍾意滷肉量多 但有啲肥🦆麻辣鴨血麵拼鹽酥雞💲62蔥油幼麵 鴨血唔入味唔算辣 雞普通🥛叫花斑茶社嘢飲減💲10桂花烏龍奶茶💲18 大甲芋頭鮮奶💲26📷打卡方面：插畫menu好cute 附近係打卡熱點🔈環境方面：十幾個位 要排隊門口有少量outdoor位💬其他資訊：📍小餅台吃 荔枝角瓊林街83號地下G05號舖💰Lunch人均💲80

今日lunch同同事,去了一間新開的台灣野！細細間裝修精緻（裡面仲有d狗食品賣）！雖然人多，好彩等左一陣就有位！我地兩個人叫左一個套餐（台式滷肉飯+雞卷）外加一個豬頸肉+鹽酥雞+炸菇！整體都幾好食、雞卷外脆內軟👍🏻值得推介！不過下次唔會再叫咁多野食、其實一個套餐已經好飽😂我見好多人都叫外賣，出面仲有d位可以坐住等！