小食皇

營業中

休息中

即食即開po，我而家仲食緊😂啱啱喺隔離買完格仔餅，行過隔嚟見到呢間小食店痴咗張文宣，仲有隻着住財神衫嘅pepe係到，上網係黃店list搵唔到佢，我諗係最近先表態冇乜人知，快快手開po等多啲人識佢炸雞軟骨 ($25)別看它好像小小一袋，份量很多👍🏻雞軟骨炸得香脆，調味惹味很香，讓人忍不住一口接一口，會吃上癮😋喜歡吃辣的可以自己加辣粉，辣粉不錯，又香又辣無意間發現的小店很不錯呢😆更加分嘅係老闆態度好好，仲要好貼心咁放咗包紙巾喺度俾人拎😚

食物炸魚蛋 $23/8粒因為同事的推介，同同事去筲箕灣食過2次小食皇的炸魚蛋，果然無介紹錯：D有別於一般的魚蛋，哩粒魚蛋加入洋蔥同蔥，味道會豐富啲，洋蔥同蔥唔會搶左魚蛋本身的味道而且好似長洲魚蛋咁"大大粒"不過今次的炸魚蛋無第一次咁好食，唔係岩岩炸起，暖暖的服務老闆都幾好人，見我地幾個人share，會自動比足咁多枝竹籤我地

#無骨炸雞(半份) $29本來想食隔離低調高手嘅雞蛋仔但又落雨又多人排隊 就試吓依個啦😤本來以為係普通炸雞咁 點知好有驚喜❗️😍可惜一包得4舊 不過即叫即炸 攞到上手仲係超熱😆炸雞表面灑咗啲粉 好香仲好酥脆🥰一咬開 啲油即刻滴落嚟而且啲肉唔鞋 勁juicy🤤得4件真係唔夠喉呀😍評分:8/10-嚟食炸雞嘅朋友記得帶紙巾呀因為都幾多油滴出嚟🤣🤣

芝士雞蛋仔HK $22 / 一底雞蛋仔有六款口味，包括原味、斑蘭、朱古力、芝士、咖啡和朱古力加咖啡，價錢介乎 $18-22。雞蛋仔嘅色澤麻麻，而且一啲都五外脆內軟，偏硬身。芝士味好弱，只係雞蛋仔嘅外表有少量芝士粉係到。五建議試雞蛋仔。

本來一心只是來吃隔壁的低調高手，但由於等了很久又很餓。經居住在附近的朋友誠意推介這裡的無骨炸雞決定試一試====門面====沒有太多人排隊，但看到貼了謝霆鋒的照片，還有一座獎杯，有一些電視節目介紹，大部分都是推薦無骨炸雞點了$28,4件無骨炸雞原本就是雞翼去骨拿去炸是新鮮炸起的，另外可自行添加辣粉看起來胖嘟嘟，好cute( ￣▽￣)σ吃了一口，ohoh 裡面肉質好嫩滑jucy ，有驚喜，好吃。推薦度4分❤❤❤❤

阿妹比我更嘴刁,佢話好食真係無得輸,呢日我話會去筲箕灣,佢就叫我食小食皇燒賣,淨係燒賣好啦Wor見到魚蛋我又忍唔住買埋,咁就$16啦D魚蛋比平時見開的黑好多,size都偏細,不過幾彈牙,普普通通,但我覺得銅鑼灣o個D好食D不過燒賣真係唔錯,有咬口,外層不厚,整體唔係一陀面粉的感覺,加醬油食令燒賣味道更加突出,不過都係偏細粒夜晚呢度都幾多人買,下次會考慮下買炸物

筲箕灣東大街除了魚蛋粉、雞蛋仔出名，慶幸無意中讓我們發現另一隱世小食店《小食皇》！《小食皇》前身叫《潮流興》，雖然店名改了，但水準不變！我強力推薦的是他們的招牌「炸魚蛋」！💯 老闆每天新鮮打製，魚肉非常鮮甜，加入洋蔥、香蔥，味道與別不同，吃落香甜爽口，富有層次感！手打魚肉起膠而且超級彈牙，表面炸得金黃香口，不會油膩，配上秘製甜豉油，將「炸魚蛋」味道提升，肯定一試愛上！😍每次Calbeepapa都會即食之餘，還會外賣一份，好讓回家也可以細味品嚐！😋😋😋 （是日忘記拍即食相，所以只有外賣回家相😅）本人大力支持香港地道小店食，《小食皇》誠意炮製的招牌「炸魚蛋」一試後讓你可以重拾小時候在屋村內「走鬼檔」的味道！💪🏻👍🏻💯😋

開業當初，即係未搬去新舖之前；無骨雞翼的確幾好食。每朝都見到老闆喺度用心處理雞肉；態度認真，炸時用心。但自從老闆雄心萬丈去咗開分店，食物質素就一落千丈。老闆不再主理，所有炸物都變得油淋淋，唔食得！轉戰煎釀三寶，初時味道都幾好；薄薄嘅魚肉，煎得非常甘香。但早兩日去買，食物完全唔熱，青椒同魚肉中間滿是豆粉，根本未熟透。其他魚蛋、豆腐、矮瓜都係凍冰冰、硬骨骨、乾爭爭一啲肉汁都無。完全徹底失望，唔會再有下次。

去開依邊掃街，就試埋佢既炸魚蛋。佢既招牌炸魚蛋係煎釀三寶個款，可以搭配其他野食，11蚊4件，我自己就好鐘意佢既炸魚蛋，大粒，彈牙，但同行既朋友就覺得有d太粉，唔係咁鐘意，所以就未必個個岩口味

不嬲對食物要求唔算太高，條底線亦set得較底。但真係唔寫唔得！由於之前account太耐無用，專登開個新account都要講下感受！事緣前幾日去完東大街食野，飯後老婆話想食雞蛋仔，咁東大街唔使問梗係低調高手大街小吃啦！不過老婆話想食芝士味，但「低」係無，所以有膽粗粗過隔離間什麼小食王買啦，見到人影都無隻，唔緊要，總要俾機會，凡事第一次。叫左個芝士雞蛋仔，盛惠$20，價錢可以接受。之後梗係等啦，等呀等，平時雞蛋仔鋪好多都有計時，但佢無, 我估計等左8分鐘，仲未得？？就望一望個收$既女人，佢周我有眼神接觸後，先快快趣去搞個雞蛋仔，我直覺佢係唔記得左時間到啦，之後我同老婆滿心期待去食....嘩！！！上面個忽係黑哂，仲要有d燶味我問個女人：仲食唔食得，佢話放心，係咁架！我自問都食過唔少次芝士雞蛋仔，但黑成咁真係第一次，一咬落去，隻牙都頂唔住，係前所未有咁硬....我無同佢理論，轉身就走，我唔貪$20，只係唔明一間做街坊生意既鋪頭仔點解可以俾d咁既垃圾俾人類食

自從住左筲箕灣，買過幾次煎釀三寶。多數都係買完低調高手，等緊嘅時候搭單買。Weekend 都幾多人買，但應該好多區外人都係咁順便買不過，最近質素大跌，由普通，變做超唔好食最近果次，紅腸聞落去有異味，炸魚蛋入面唔熟，就算筲箕灣只有兩間煎釀三寶，但如果唔好食，寧願食第二d野東大街係有好多野食 不過好多都會中伏