小食皇大排檔

營業中

休息中

身為九龍灣街坊既我當然食盡不同九龍灣區既餐廳😋，尼區既餐廳食店其實十分多🍻，有不同款式🍱，不同價位，豐儉由人。✨前兩日放工行經位於利基大廈地下既✨小食皇大排檔，點左外賣小菜返屋企食🍛抵食又好味。🥘粟米班腩$78🌽其中一款最鍾意既中式小菜就係粟米班腩🐟，粟米汁夠多，配白飯一流🍚，而且班腩炸粉適中唔過厚👍🏻，整體唔錯✨。椒鹽肉排$72椒鹽肉排充滿大排擋風味，夠晒鑊氣🧆，大大件肉排厚薄適中有咬口🥩。乾炒叉燒河$45每日有多款特價炒粉麵，乾炒河粉夠乾身👍🏻叉燒份量又多🍥，跟餐仲配例湯同飲品，🥤非常抵食。餐廳仲有車仔麵同埋煎釀三寶🌶🍆，非常多選擇。✨總括來說街坊小店價廉物美，晚飯小菜非常唔錯。👏🏻

點樣可以整到一碗車仔麵無論湯底/麵/餸都冇一樣好食🫠🫠🫠呢間小店前身係文記傳統車仔麵，歷史悠久，由牛頭角下邨搬到黎淘大隔離既地鋪，可惜一直都未試過😢見呢排食淘大既餐廳都食到悶悶地，就試下呢間，諗住就算轉左手都應該正常質素….掛小店裝修睇落同前身應該冇乜分別，車仔麵檔口既setting都一樣，店內座位唔多，不過都尚算寬敞。車仔麵最低消費$32起，不過每款餸價錢麵唔高，$32都可以揀到2-3款餸，都算幾平雞扒🐥生菜🥬豬耳🐷油麵+秘汁 $32車仔麵識食一定食油麵啦！一上枱，咦？油麵喎？點解咁幼既🤡食落麵質偏林，完全冇油麵既麵質同味道😟仲有個秘汁，其實我只係食到味精/咸味，乜都食唔出，秘左係邊？🤯雞扒🐥應該睇相都睇佢係一舊雪左好耐既雞扒🫣雪味好濃，啲雞皮似浸左係水好耐既感覺🫣豬耳🐷好大陣豬膻味😵‍💫生菜🥬係成碗麵最正常既餸，好難難食😅好後悔黎左呢間食，食淘大入面求其一間麵好食過佢😮‍💨