小雨天 (葵涌廣場)

營業中

休息中

今次其實都唔係第一次食呢間小雨天，對上一次係食飯，本人已經覺得麻麻地，可能係因為佢主打食米線，所以飯類先麻麻地掛。但今次朋友話想食，咁就只好跟啦。今次就一於食返佢既主角「米線」今次叫左個排骨滑牛米線。中辣。望落其實都幾多料既！排骨就炸左既，都只係一般，可能因為吾新鮮先要炸？滑牛就好多粉，吾知咩既粉。一咬落去口感超怪，又無乜味既。米線同其他配料都只能講正正常常，無乜特別。而辣呢就一般，中辣都係吾太辣，咁就可能係個人口味問題啦。環境。就吾好諗住坐得好舒服，始終係平民價既餐廳，所以要求就吾好太多啦。Staff。就好多既，都有5,6個，基本一舉手就有人應你機。

尋晚去葵青劇院睇無台劇之前喺葵廣行陣，朋友建議試下「小雨天」，望落去環境就麻麻，不過一試無妨。我點左個咖哩冬菇脆雞飯，啲冬菇淋但係唔夠入味，啲雞味道幾好。對於我唔太食得辣黎講，個咖哩有啲辣得滯不過都可以接受。有樣要提嘅係...佢啲飯份量超多，唔大食嘅人可能要叫佢少飯...

記得以前葵涌廣場有一兩檔的餃子都十分美味，有人會專程光顧，我亦不例外。太久沒有去，今晚難得有事順道經過，很多店舖已面目全非，見這間小雨天多年屹立不倒，又打著餃子的招牌，相信不會差到哪裡。點了一客蒜泥抄手及一客蒸餃。滿心期待，蒜泥抄手先到，一咬下去⋯由100分的期待變成100分的失望，皮太厚，醬汁只在抄手的表面停留，食落好像汁還汁，餃還餃的感覺。心想：不妙！下一道蒸餃更不可寄予厚望。韮菜蒸餃一樣厚皮，除了韮菜本身的濃味，整隻餃子都好一般。為了不浪費食物，難食都要食，好努力幹掉了大半，以後不再來就是！

葵涌廣場入面, 如果要食餃子我會去小雨天, 次次都好多人食, 有艽菜餃白菜豬肉餃 十二粒 $42, 本人唔鐘意食艽菜一所以只食白菜豬肉餃。 加上餃子真係好大粒, 餡料好足, 好飽, 好juicy, 真係好抵食!另外之前試過湯飯, 同咖哩飯, 冇咩特別, 所以次次黎都係食餃子~~~好味~~~

呢到嘅餃子好難食，餃子皮超厚，餡料好似放咗好耐咁樣，一啲都唔新鮮唔好食。以後都唔會再嚟食，價錢又貴，咖喱牛腩撈叮就一般，正正常常。職員服務態度超差，企喺出邊又唔幫手落單。以後唔會再幫襯，味道差，環境差，服務態度仲差。

我同老公每星期都必家去葵廣一次, 一來方便二來又多餐廳選擇, 今晚就簡左依間小雨天, 外表唔多討好, 但我覺得食物都唔錯架, 湯飯同咖哩飯係每次都會order既先唻特色咖哩飯, 真心大大碗又好味我就叫左豬軟骨湯飯, 我好怕食豬有陣味, 但依間就冇, 有好重胡椒味, 應該係辟味用既, 仲有好多白菜仔, 送白飯一流平時下午茶就有野飲跟, 夜晚就要額外加錢, 但係兩個人連埋野飲仲食到好飽好滿足都係一百蚊有找, 依到絕對已經成為左我既飯堂

姐姐叫極都唔應都算啦，但未試過係出面餐廳食嘅蒜泥白肉係熱辣辣、無味。真係好似用黎煲完湯嘅肥豬肉加蒜泥就拎出黎俾客食。 要自己後期係咁調味都係第一次。我情願行上最頂食三哥，都唔再食呢間。

係葵廣無論食飯定非食飯時間 人流都超多 小編亦因爲咁而決心一試😋😋wa 一黎就覺得好伏 🤔首先湯底好味精 鹹味重 大腸 腩肉 相對少 腩肉亦嫌佢太淡 😂頹食黎講還可以 但專登去食就唔好拉😪

經常經過葵涌廣場這間小雨天, 見到好多人食, 今次終於有機會試試這間平民店。艽菜餃 十二粒 $42$42有12粒大大粒的艽菜餃....真係睇少左佢, 早食叫8粒($38), 因為真係好大粒, 好足料, 好飽!餡料好足, 而且juicy, 真係好抵食!艽菜餃都有6粒水餃。但個人認為同樣價錢, 淨水餃好D~^^

葵涌廣場出名比較多餐廳，突然想食間餃子。所以揀咗一間門面比較大嘅餐廳來試吓。你間餐廳嘅清潔真係需要努力下。有啲亂，可能係佢嘅style掛。睇完個餐牌，決定叫韭菜餃12粒都係40幾蚊。講真個湯底可能有味精，好鮮甜。但係啲餃子啲皮就太過厚，不過啲餡就好足料。CP值想當高。

咁叫蒜泥白肉？肥肉佔9成，蒜泥雞碎咁多。舊肉厚到？！仲要辣油好少，相嘅辣油係我自己加。咁同水煮腩肉有咩分別？最好等就係，我問佢這碟係乜黎，佢問口而出答蒜泥腩肉，睇多陣至答蒜泥白肉。不會有下次

小雨天最好吃的就是他的【蠔仔泡飯】， 蠔仔鮮甜，骨湯美味，泡起飯來一起吃，十分滋味。小雨天在葵涌廣場已經營多年，除了泡飯以外，有各式各樣的飯麵。另外如果有機會，都要試試他的韮菜豬肉餃，十分好味，值得一試。

第一次喺葵涌廣場食嘢估唔到就中伏除咗滷水雞中翼之外叫咗個椰菜餃子餃子皮厚過地殼基本上有¾都係餃子皮只有¼係餃子肉仲叫咗個蠔湯泡飯我以為自己叫左椰菜泡飯10粒都冇嘅蠔仔加上小小嘅肉碎同埋呢間野都唔係好乾淨真係超級大伏冇乜必要都唔好去

血拼了一天葵廣肚子餓了，就看到這間餐廳，門外有幾個人在等位，看到這麼多人等位，就想試一試這間餐廳了。我在等位時，看到一個男人在吸啜一塊骨頭，他吃得很滋呢，完全無視旁人的目光。餐廳的食物很大眾化，很多選擇。例如有泡飯、上海麵和港人最愛的車仔米線。我就點了一個素上海麵，入面有大量雲耳和秀珍菇，湯底清甜，上海麵彈牙且量多。而同行友人即點了招牌菜：蠔仔肉碎泡飯。我看到貌相後，都忍不住試一試味。湯底很清甜，而蠔仔都新鮮，令人一試難忘。 餐廳是小店，所以座位都是用木摺檯，繁忙時間要與人搭枱。 因為這家餐廳，我很想快點再到葵廣吃呢！

記得以前響葵芳返工，成日落黎呢度lunch 🤪🤪諗返起都七八年前嘅事了🧐🧐🧐尋日甘岩有事黎開呢頭，我細妹就提意去小雨天食米線😋😋我即刻舉腳贊成😂😂👍🏻👍🏻呢碗就係我每次都叫嘅豬大腸金茹酸辣米缐（少辣）不過太耐冇食，吾記得多青（太失策了😞😞😞）吾知係咪太耐冇食，我覺得好似重好味過以前😂😂豬大腸依然入味冇臭味，湯底好正，食完吾頸渴👍🏻👍🏻而呢碗係我細妹叫嘅骨湯醬爆丸米缐，感覺比較清淡一點！下次我都想試下個骨湯😋😋