小酒窩餐廳

營業中

休息中

最近同朋友去咗佐敦小酒窩試吓佢哋嘅印度菜，作為一間喺香港好評不斷嘅餐廳，果然唔負眾望！今次試咗幾款招牌菜，包括印度烤雞、momo餃子、羊肉卡巴卷同菠菜羊肉咖喱配芝士印度餅，每款都令人驚喜，話晒係正宗印度風味，食完真係回味無窮。印度烤雞：香辣濃郁，入口即化第一道菜係印度烤雞（Tandoori Chicken），一上枱就聞到陣陣香料味，色澤紅艷，賣相非常吸引。雞肉用咗傳統嘅Tandoor烤爐烤製，外層微焦香脆，裡面就嫩滑多汁，入口即化。配料有洋蔥同生菜，增加咗少少清新感，仲有陣陣孜然同辣椒嘅味道，辣度適中，食落真係好滿足！唯一小缺點係份量略為少咗啲，兩個人分可能會覺得唔夠喉。Momo餃子：鮮嫩多汁，點醬更惹味第二款係momo餃子，呢個係尼泊爾同印度北部好常見嘅點心。餃子皮薄而有彈性，內餡用咗碎肉同香料調味，蒸得啱啱好，咬落去多汁又鮮嫩。旁邊仲配咗一小碟辣醬，酸酸辣辣嘅味道同momo好夾，增添咗層次感。呢款餃子真係好正，無論係當小食定主菜都好適合！羊肉卡巴卷：香濃惹味，份量十足之後試咗羊肉卡巴卷（Mutton Kebab Roll），用錫紙包住嘅卡巴卷一打開，香氣撲鼻！羊肉烤得外焦內嫩，帶有

今日放工後，我和同事選擇了小酒窩作為我們的晚餐地點。這間餐廳的環境偏向昏暗，散發著西餐的獨特魅力，讓人感到放鬆。特嫩豬肋骨（半份）我們點了半份特嫩豬肋骨。雖然燒得有點過火，略顯乾燥，但份量卻相當足夠。如果能稍微控制燒烤的時間，這道菜應該會更加美味。薯角則是相當出色，外脆內軟，搭配新鮮的蔬菜，讓整體口感更加豐富。奶油雞奶油雞的醬汁令人驚喜，濃郁的蕃茄味道讓人忍不住多沾幾口。不過，雞肉的份量略顯不足，有點可惜。若能增加一些雞肉的量，相信這道菜會更加完美。芝士烤餅最讓我印象深刻的，要數芝士烤餅。烤過的印度薄餅配上濃郁的芝士，味道絕對是完美的組合。如果能把奶油雞的醬汁搭配上，將會是一個意想不到的驚喜。

一行六人係一個大雨晚上，喺佐敦食咗一餐美味嘅尼泊爾西餐 。Plain Caesar Salad 😋😋😋😋Romaine lettuce 爽口 ，新鮮，👍🏻👍🏻看似簡單，但唔係間間餐廳都可以有咁新鮮，連半片黃葉都冇嘅lettuce Hawaiian Plaza 😋😋朋友女兒嘅選擇，topping 有大量芝士，餅底亦十分香脆，味道okay 。由於我自己唔太識欣賞pizza，所以唔敢亂下評語 🙏🏻Baby Back Rib 😋😋😋😋😋味道好👍🏻，燒得啱啱好，有煙熏味道，肉質嫩滑。 on side 嘅薯角炸得鬆脆香口。旁邊嘅沙律有用橄欖油toss 過，並不是隨便一堆雜菜放在碟邊，有❤️Butter Chicken 😋😋😋Plain Naan 😋😋Butter chicken 份量少咗啲，咖喱味香口，但並不十分濃，小朋友也可以食。如果下次一定會試佢嘅咖喱雞或者咖喱羊，好期望 。平日通常食 garlic naan 或者butter naan, 今次喺尼泊爾餐廳，所以特登試一下 plain naan, 相比前兩者，呢個naan 感覺比較乾, 有少少似Pizza底，下次應該都會叫 garlic naan

我地3個人，中午12點去食環境不錯，其他客人傾談都不會太大聲，岩曬聚餐。唔記得咩沙律，但食材好新鮮，連青瓜都好清甜唔系醃製果種甜就連同d紅橙色椒都好新鮮多汁，而且醬汁非常出色 。雞粒炒飯個人覺得一般，係有些小香料，不太濃烈 。其他兩位覺得好食，最快清曬。又唔記得咩薄餅，但好好食，個餅底好薄，有小小拉絲芝士 d肉焗到出小小油好香有小小脆口。印尼餃子個人覺得一般，只係包得外觀精緻，以及醬汁特別。沙律同薄餅值得推介

星期三晚上沒有預約walkin去呢間點咗一份牛油果pizza、牛油咖喱雞及烤餅牛油咖喱雞十分美味又唔會太辣牛油果pizza則還好感受唔到牛油果香見周圍啲人都有食尼泊爾餃子下次應該要試下

上網見到都好多人有提過呢間尼泊爾餐廳好耐，所以就搵咗一晚去試吓佢嘅人尼泊爾餐。一入門口就有一浸濃濃嘅咖喱味，坐低之後個店員亦都好快擺低咗個前菜，個前菜係幾塊脆餅加個醬，唔係好記得個名，但係真係好好食，係一陣間就已經食晒之後叫咗一個咖喱雞配薄餅，仲有個吞拿魚沙律，再加多一份尼泊爾餃子。本身以為每一份都唔會好大，所以就嗌咗三個主菜，點知真係好大份，淨係食完個沙律已經好飽個吞拿魚真係好好食！然後上咗咖喱雞，因為都係好食，就算飽都忍唔住都要繼續食落去！個咖喱雞好入味，個咖喱醬都好正好香，配埋個薄餅點嚟食，真係好正之後上埋嗰個尼泊爾餃子，個餃子就正正常常，但係配埋嗰個辣醬真係不得了，辣辣地好好惹味下次真係要叫少一份，要好好享受每一個主菜！

餐廳位置闊落，坐得好舒服。今次初嘗印度菜，之前好怕會好重口味同好多味精，但呢次食完又覺得幾好，岩香港人既口味，味道唔會太重，咖哩加薄餅都好易飽肚。而且亦保留雞肉既嫩滑。不錯。

初二睇完煙花經過呢間印度餐廳，見評分幾高就入嚟試吓，一坐低就上左個脆片，仲比埋醬，真係咸香薄脆 ，我哋嗌左個咖喱羊同烤雞又嗌左芝士薄餅點佢哋咖喱，又幾好食下，佢哋咖喱好香好惹味，試左杯芒果奶昔，又香又滑好好味

每次去佐敦附近，唔係食中菜就係居酒屋，有少少悶，上網見佢個Ribs幾吸引，所以今次試新嘢。有welcome food 威化胡椒餅，平時食開嘅偏鹹，佢呢個唔鹹唔辣，配牛油果醬口感清新。突然想飲吓啤酒，當然要咁叫碟Nachos點綴吓，口味居然偏淡，墨西哥辣椒唔酸唔辣，酸忌廉加牛油果醬中和芝士嘅膩。Ribs係我今晚嘅主角，肉好嫩，燒烤醬唔重口味但又入味，好好味。最後好似爭少少，再叫個蔥烤餅，唔太油膩而且係麵粉製品，算幾多青蔥，完美去完結呢餐晚飯。⋯⋯後記～老闆贈送一小杯香桃龍舌蘭，烈酒之中我還可以接受，可惜忘了影相📸

今日聖誕節，祝大家聖誕快樂🎄！今日與友人去尖沙咀睇燈飾，順道舊地重遊！第二次來這間餐廳食晚飯，依然都叫了上次試過的食物，有butter chicken、four seasons pizza和mango smoothies ! 第二次食，仍然覺得好好味！Butter chicken 個汁好特別，雞肉紅紅地色，似用特別醬料醃製，而個汁連烤餅亦不錯！Four seasons pizza有波菜、雞肉、cream cheese等等，味道很特別！很推介！

突然想食異地菜，呢間餐廳一直想幫襯，有哂理由去食啦。因為時間尚早，入座至埋單都冇其他客人，結果包場。餐前小食係脆餅，香口微辣，點豆蓉醬口感清新。Mango Lassi（$52）酸酸甜甜，少許奶味。Chocolate Thickshake（$52）朱古力味唔太重。Butter Chicken（$125）特色奶油雞，酸甜辣，勁適合撈飯或者配烤餅。雞件冇骨酸酸甜甜啖啖肉（應該係雞脾肉）。Garlic Naan（$32）香蒜烤餅，即烤熱辣辣，蒜味好香，烤餅微脆。淨食或者撈汁都一流。Lamb Kabeb（$122）羊肉烤餅，份量頗大。烤餅皮厚薄適中，包住大量蔬菜同羊肉。蔬菜有蕃茄、紫洋蔥、生菜。羊肉軟腍，有好少騷味，而且肉嘅份量不少，塞滿整條Kabeb。醬汁都有啲辣，但好惹味。另外配以沙律菜。MoMo's（$89）尼泊爾餃子，有十隻，即蒸，熱辣辣。餃子皮唔算薄，但煙韌有口感。豬肉餡料有肉汁。附上嘅醬汁少少酸辣，點嚟食開胃又解膩。PS：沒有加一服務費。

難得可以放假，約左朋友去食個午餐🥣蕃茄湯配印度薄片望落去唔似西餐廳既湯咁杰身，但飲落好濃郁蕃茄味，唔會好鹹，薄片有少少辣味🍕招牌薄餅Pizza餅底香脆，勁多餡料鋪滿成個pizza，黑橄欖，青椒，蕃茄，辣雞肉粒，洋蔥，香腸片，芝士拉絲，味道香濃&惹味🐖豬肋條配薯角外層用燒烤醬烤得香口，骨同肉容易分開，肉質鮮嫩，充滿肉汁，伴碟薯角好鬆脆🫓奶油雞配印度烤餅呢個奶油雞份量都幾大碟，雞肉唔柴口，醬汁係濃濃蕃茄味，帶少少甜味，烤餅沾上咖喱汁食冇得輸👍🏻坐得好舒服，環境清靜，全日免收加一服務費，侍應服務都好好，會幫你執好位上菜，同不停斟水📍小酒窩餐廳

賣相吸引食物OK份量都好足人均大概$300老闆都幾好服務個招牌Pizza幾好食🤤如果想試吓唔伏嘅印度菜都幾推介！有啲印度香料唔食唔會知咩味食完都係有個大大嘅問號🤣但就係好食

第一次試印度菜就係喺小酒窩，雖然名字不帶印度feel，但餐廳確確實實係地道印度人經營。以前勁抗拒食咖哩，not to mention印度咖哩！每次黎都會叫butter chicken+naan，lunch set最抵，$82有湯、主菜同飲品。佢地既butter chicken唔辣，應該係調較左岩香港人口味。以前覺得好好食，而家覺得一般，味道較平淡，塊naan好濟，可能係食過其他餐廳嘴刁左。不過都會繼續支持佢地的🫶🏻

Butter Chicken咖哩雞很好吃，D雞好香，汁很香濃，有點甜味。Naan bread 夠熱，很鬆軟。 BB ribs 很稔，入味。羊肉kebab汁有少少辣，只有少少羊肉味，有微微羶 ok。