小西貢越南料理

今日路過見到鴨脷洲小店，本身見冇乜人有啲怕伏 ，點知好食有驚喜，坐低之後開始多人 叫咗豬頸肉牛肉炒金邊粉，份量超大碗，絕對夠飽，抵食之選！牛肉好香口，唔係平時茶記嗰啲淡茂茂嘅牛 豬頸肉都彈牙，加埋越式金邊粉，味道比較獨特，唔係傳統泰式嗰種，鍾意試新嘢嘅可以一試。跟餐綠茶就比較淡，但解吓渴都唔錯 。朋友叫咗撈檬，酸酸地幾開胃，口感有啲似米線，幾有驚喜。整體算係好食飽肚之選，下次會試吓其他配搭，去開鴨脷洲嘅要支持吓 …Read More

同朋友喺鴨脷洲clinic上完堂,隨便喺google maps搵到呢間食越南嘢嘅餐廳,見啱啱好仲有一張五人枱證,所以坐低試咗。大家都覺得WOW好好食好抵食。我叫咗香茅雞扒撈檬,檬粉自己冇特別,但個雞扒超好味,個皮係脆嘅,除咗香茅仲有薑蔥,雖然portion都幾大,不過我哋女仔比較大食,都食得晒。朋友話生牛河都唔錯!粉面方面可以揀黑粉絲,不過唔知係乜所以唔敢試,下次可以試吓。lunch set包飲品,我叫個杯蘭香子似清水加糖漿加西米露😅…Read More

中午去到鴨脷洲，香港仔海濱長廊漫步，回程時肚餓見到呢間越式小店就入去食，但下午茶套餐只係星期一至五供應，今次黎到除左要散叫，式者可以喺全日精選限定揀啱心水嘅食物，於是就揀咗串燒牛羊撈檬，飲品就揀左越式凍綠茶（跟餐免費），共$68今次食嘅串燒牛羊撈檬都算幾好味，雖然串燒牛羊只係各一串，但質素唔錯，串燒牛同羊味道唔騷，肉味好夠又唔太韌，撈檬粉有青瓜，生菜絲同紅籮荀絲，加埋檬粉配埋魚露一切食，口感相當好今次相當滿意，最近好鐘意食越南野，發覺小店的確用心製作食材，多多支持下小店…Read More

又到星期日出街揾野食啦！今日去遠小小，從元朗家出發開車到鴨脷洲，在小街蜎窿蜎罅，見到這間小西貢，見有位，OK就試這間。小店街坊經營，好味抵食，仲每人送一小小的糕點甜品。雖然我們揸車過嚟隧道費都貴貴地，但以假日遊車河心態，一定會再幫襯的。…Read More

今日又過黎鴨脷洲附近呢邊開工，平時都無過黎呢條街度食，好少過黎不過又搵到好野食啦😬越南野食其實唔算多，好食嘅就更加少見，雖然好似周圍味道都差唔多，但係一食落就感覺到分別架啦～呢間細細地但係真係幾唔錯！一入到黎環境唔算大，不過好企理～店員都好nice，個姐姐仲驚我哋班佬唔夠飯食，叫我哋唔夠食同佢講🤣其實佬都未必大食架😬我自己食呢個西貢拼盤飯加凍奶茶～拼盤飯入面幾樣肉食，已經可以睇到係咩料！札肉最正，味道口感都岩岩好～成個飯整體都好好，唯一少少挑剔位就係個卷炸得有少少油。。。其他幾個朋友食嘅野無影到相，不過感覺都唔錯…Read More