小蓉麵家

營業中

休息中

上次食過一間新派o既粉麵，今次試番間傳統的。位於界限街橋底，佢o既門面同內裡裝修都帶點古雅，外面用上大牌木牌匾，裡面o既牆身描上秀鳥同梅花o既彩繪，一半o既座位係圓形雲石檯，碗碟仲係好靚o既公雞碗，會唔會令你聯想到古時o既中式茶寮呢﹖我一般第一次幫襯一間茶餐廳，一定會叫一杯熱奶茶，以佢o黎做水準，再決定係咪長期幫襯。從一杯奶茶，你會能看出餐廳o既「品格」——會否太慳唔捨得落奶、一次沖定幾杯或者侍應serve 得太慢令到杯茶唔夠熱等等。中式粉麵都係一樣，我喜歡揀雲吞麵做指標。所以我寫o左一碗雲吞墨丸麵($35)，要幼麵。麵條食落爽口，湯底都係一般鹼水麵o既根基，不過飲落唔鹹。另外個人仲鍾意加少少紅醋，微微酸更讓人開胃。主角雲吞，唔係我食過最大隻的，但係蝦味同新鮮度都唔錯。檯上有款豆瓣醬，佢辣度唔高，用o黎點雲吞同墨魚丸都能達到提鮮作用。另外試o左一客小食炸牛丸($29)。炸魚皮或者炸雲吞呢d 都常見，但炸牛丸真係比較少遇到。d 丸肉質實淨肉地，比就咁水煮牛丸會多o左種油香，趁熱食更佳。下午茶時段叫一個麵加飲品/油菜補$6，叫o左熱紅棗蜜，係清甜o既一杯。後來唔夠喉，再寫多o左一杯凍柑桔(

在界限街, 掂行掂過, 都可以隨時走甩這小店的存在, 在對面馬路反而看到清楚“小蓉麵家”, 入內環境份外舒適, 很多人鍾意坐卡座, 但隔鄰圓枱坐四位還是闊落.看看餐牌, 價錢比較實惠, 一碗雙拚麵都是35元, 出面其他餐廳係唔止呢個價錢, 再叫碟油菜和豆漿, 都係加17元. 而且雲吞麵味道好, 雲吞夠大粒.這裡裝潢頗有中國傳統特色, 水墨畫窗花更添一份色彩.

鴨腿湯飯一入鋪未知食乜時，就見到有推介鴨腿湯飯，不經思考就叫了，湯底是雞和豬骨淆製而成，無味精之餘，仲相當鮮甜，鴨肉都唔錯，鴨的香味都係到，而且冧冧地幾好食。XO醬櫻花蝦撈麵招牌菜之一，普通雲吞麵成日食，食啲少見的，雖然無配料，但彈牙的麵條，撈上鼓油王和xo醬，相當惹味。上湯浸菜心炸黃金魚角淨鮮蝦雲吞食雲吞麵都忍唔到住想食多少少，一口氣叫多幾款小食，果然是靠雲吞起家，雲吞十分足料，只係蝦都有兩隻，大大粒，另外，炸魚角都要讚下，本身彈牙既魚角，經過炸一炸之後，變得多一重風味

最近吃得很多雲吞麵，雖然是同一款食材，但每間店都有不同的味道！我亦專誠上網尋找這一類的資料，發現雲吞麵可以非常講究，例如正確的擺法是上碗時將雲吞放底，麵在其上。 甚至連吃也有次序，先喝一口湯，再吃一顆雲吞，繼而吃一箸麵。當然我自己就沒有那麼講究。今次就試在太子的雲吞麵，以往在附近上班就一直想吃，可惜找不到機會，今次終於可以吃到了。這間雲吞麵就符合平民要求，雲吞有一個匙羹那麼大，有完整鮮蝦和三成豬肉，再加上水餃，絕對可以填飽肚子，而且價錢平民化，性價比高。不過擺法不正宗、麵有鹼水味，湯夠大地魚的鮮味，但吃完都會口渴。不過最好吃的不是雲吞麵，而是炸雲吞，皮炸得很香脆，餡料依然保持水準，不會受油炸影響，亦不會感到油膩，難怪會成為招牌菜。

XO醬櫻花蝦撈麵(配柱侯牛腩及五香牛筋)以獨有秘方煮出家的牛腩風味亦盡顯用心👨🏻‍🍳☺️柱侯牛腩夠哂爽口之餘煮得夠腍嫩😋🐮五香根腩比例平均🤤😝🐮脂肪比例均勻食落亦油香滿溢🤤配合爽口具特色添添櫻花蝦口感既撈麵亦係絕配🍜☺️炸招牌雲吞經高溫油炸煮出既雲吞🤤🥟外皮食落熱辣脆口之餘🤤🔥蝦肉內餡滑嫩入味依然🦐😋形造出外脆內軟既絕佳口感😆☺️😋以打響招牌雲吞既名聲🥟😆👨🏻‍🍳

想吃雲吞麵，又想坐得舒服一點，搜一下找到這家小蓉麵家。雲吞水餃麵 $37轉了河粉，加紫菜（$5），雲吞水餃都好吃，我們喜歡加上辣椒油，更惹味！XO醬櫻花蝦撈麵 $39看到這個撈麵絕對不能不點！撈麵轉了粗麵，另外加了五香牛筋（$10），牛筋膠質豐富有咬口。可能我比較喜歡濃味的，我還是額外加了點辣椒油。炸墨魚丸 $29炸墨魚丸炸得金黃，很香口。油菜 $17我們要了唐生菜加腩汁，更為好吃。凍柚子蜜 $11忘了點少甜，略嫌偏甜，但柚子味也突出。凍紅棗蜜 $11紅棗蜜感覺養生，也是忘了點少甜，有點失策。整體感覺不俗，是我喜歡的港式風味。

晚上我在太子食完「菠蘿油」、「咖喱牛腩飯」、「炸雞髀」，飲完「凍檸水」和「白桃冰茶」飲品之後，我沿着「西洋菜北街」向北走，終於走到「界限街」旁邊的粉麵店「小蓉麵家」旁邊。「界限街」跟旁邊的環境，相對其他「太子」裡面的街道而言，當然是比較寧靜，所以當我上手手提電話還未報銷的時候光顧「小蓉麵家」，店裡面的侍應服務態度，已經算是很有禮貌。直到我換上新的手提電話和新「開飯喇」戶口之後，再次上門光顧「小蓉麵家」，「小蓉麵家」裡面的侍應服務態度，還是跟上次一模一樣，讓我感有點不好意思。因為我上次光顧「小蓉麵家」的時候，點了一個份量相對比較豐盛的「蘿蔔牛腩飯」，還有一碗「鮮蝦雲吞麵」，今次我再光顧反而食少了。結果「小蓉麵家」裡面的廚房，很快就順利製作完成我的「細蓉」「鮮蝦雲吞麵」，侍應很快就已經端着「鮮蝦雲吞麵」，送到我的檯面面前。「小蓉麵家」裡面的「鮮蝦雲吞麵」雖然被稱呼叫做「細蓉」，但是「小蓉麵家」廚房製作出來的「細蓉」，實際份量其實一點也不小，當作宵夜享用的話很快就會見飽。「小蓉麵家」「鮮蝦雲吞麵」裡面的麵條屬於「幼麵」，「幼麵」裡面的實際口感彈牙之餘，而且完全沒有夾雜任何鹼水味，「幼麵」麵條

今日同朋感覺唔想食得太heavy, 去左太子附近食牛腩麵。店舖既裝修好好，好新同乾淨，坐低後聽朋友講話呢到既牛非常出色！ 咁我就話: 唔洗諗一個牛腩一個牛筋。上菜都好快，岩晒餓到死既我地，牛腩好林！ 又入味，牛筋夠”膠”, 份量十足！ 另外加左一杯豆漿，雖然豆漿有”沙沙”的感覺，但足以證明佢係自家製新鮮即磨豆漿！ 食食吓聽到隔離枱話個面有太大浸鹼水味，雖然我自己唔覺，(可能因為牛腩湯底非常濃郁), 不過隔離枱亦都稱讚雲吞非常好吃！ 如果下次再來一定試雲吞麵！

今日去完太子花墟買花，行完一輪當然要醫肚啦！之前多數都係花園街搵食，但已食到厭🤣🤣！所以今日行多幾條街睇下有冇新發現！估唔到真係有新野喎，就係呢間小蓉麵家！淨雲吞，皮薄餡靚，雲吞大大粒，蝦肉爽口彈牙，果然係招牌菜👍🏻👍🏻炸醬麵，炸醬唔會太辣又唔會太咸，麵質亦爽口，冇梘水味，值得一讚👍🏻👍🏻柱侯牛腩麵，牛腩炆得入味，又夠林，唔會太硬，不錯不錯👍🏻

吃面這個中國飲食從少也有呢，放工後想不到吃那些食物的時候，小時候的味道走了出來，所以這個小時候經常吃的菜也就吸引了。店內充滿香港感覺呢，吃了不少面吃及小吃。五香牛腩碗白飯份量很大，且味道很原味呢。炸雲吞金香的令人吸引，不會滿口也油油，內有很足之肉汁走出炸魚皮吃到自家做之感覺，非常棒水餃牛丸這個是最值得分享也採用牛肉製作，加入了牛精華原粒牛脂粒和牛孖筋，製成彈牙濃汁牛丸。這樣下的肉質鮮味，作為材料，牛的精髓，是非一般的牛丸。創意口味變化多選擇多。棒面吃是大廚即做的呢，店內小吃新鮮令人尋回小時後快樂。棒棒

今日收工後就梗係醫完肚仔先番家。呢間小蓉麵家格局光鮮明亮，睇落乾淨都有信心d!餐牌除湯麵、撈麵、飯類供應。小食炸物類都幾吸引。凍柑桔 $11 店內有柑桔外，還有供應冷熱紅棗蜜、柚子蜜、豆漿。鮮蝦雲吞麵 $30雲吞共4粒夠紮實，每粒雲吞內都有兩隻爽口彈牙嘅蝦肉。唯幼麵唔夠彈牙～清甜蘿蔔 $26比想像中大碗，蘿蔔約有十塊左右。食得出天然的清甜，不是加糖水那種。五香牛筋撈(粗麵） $35 附一碗清湯通常食撈麵都偏好叫粗麵，特別掛汁。牛筋滷得非常入味，有彈性又嫩滑，口感黏黏超有豐富骨膠原感覺。炸黃金魚角 $29惹味彈牙。炸水餃 $29大大隻脆卜卜，餡料包滿紮實，好滿足。

我和老友逛街行經太子界限街38號地下，見小蓉麵家裝修中國風格，牆壁有花鳥圖，真有美感，座位闊落，乾淨企理。午飯時間見食客頗多，由$30至$50，價錢合理。我們點左上湯雲吞$33，雲吞大大粒，有五粒脹卜卜，蝦肉🦐夠爽，很美味。薑蔥豬潤$33，有韮菜和生菜🥬，很香口，真不錯👍👍XO醬櫻花蝦牛腩撈麵$49，賣相不錯，麵質爽滑，牛腩夠腍。XO醬櫻花蝦撈牛筋麵$49，牛筋很腍很入味，可惜撈麵的醬汁鹹左些。

今日有啲眼訓, 咋咋林去小蓉麵家同朋友仔食碗港式粉做晚餐<家傳牛腩河>小蓉嘅牛腩河粉麵份量幾多, 牛腩半肥半瘦, 唔會好柴湯底落左好多腩汁, 啲河粉索曬佢嘅精華, 好唔錯如果有雙拼牛筋牛腩就更好啦<淨雲吞>淨雲吞餡料好足, 裏面有豬肉同原隻大蝦, 配上鹼水湯底, 好正宗<菜芯>朋友仔話:「食飯點都要食返啲菜, 咁先至會均衡營養｡」, 所以我地再嗌左份菜芯<紅棗蜜(左)及自家制豆漿(右)>見佢啲野飲都幾便, 我地就嗌左兩杯試下紅棗蜜太足料, 有啲太甜, 自家制豆漿就啱啱好啦

雲吞麵係香港地道既麵食，根據份量又俗稱為細蓉 、 中蓉同大蓉，細蓉就係一個麵加四粒雲吞。餐廳叫做小蓉麵家，不禁令人覺得雲吞麵就係佢既招牌菜。$30一碗細蓉，今時今日，算係一般大排檔麵檔價錢。但呢間小蓉麵家裝修雅致，環境乾淨，配上雲石木圓檯，充滿時代感既中國風味，$30食一碗細蓉，我覺得係抵食。鮮蝦雲吞麵（$30)一碗四粒雲吞既雲吞麵係標準細蓉份量。四粒雲吞都非常飽滿，食落鮮蝦爽口，豬肉同蝦既比例得宜，幼麵彈牙。蘿蔔牛腩飯（$42)蘿蔔清甜無渣，牛腩入味夠淋，加上一碗滿滿既牛腩汁，淨係用汁都可以撈一碗飯。炸水餃（$29)炸水餃雖然只有三隻，但非常大隻。水餃皮炸得香脆鬆化，水餃餡料有蝦、木耳等，口感豐富。芥蘭（原價$17)(下午茶時段2:30-6:00 +$6)

I have been passed by this shop quite recently and frequently, it seems like a decent local restaurant offering some authentic traditional Chinese food - noodles and dumplings. I was recommend by many people that their beef balls are really good so I decided to walk in and give it a taste tonight for dinner. We ordered a few signature dishes - beef brisket, wanton noodles, and two deep fried beef balls and wanton dumplings 🥟. the shop itself was decorated in a Chinese traditional style with som