影片
以上資料只供參考, 請與餐廳確認詳情
禽晚收工同姑姐去左元朗千色附近，見到小胖台灣麵，諗起上次大大件既紅燒肉決定再去食🌶🐮麻辣三寶牛肉麵 $84姑姐話今次試下麻辣三寶牛肉麵，份量真係好澎湃，好大塊又厚既牛肚、紅燒肉炆到好腍，中間可以見到晶瑩剔透既筋，好入味、牛筋軟腍黏口，滿滿骨膠原識食梗係要加埋佢地既自家製的黃牛油，會更突出牛既香味，係香港比較少見，但係台灣傳統牛肉麵店係常見的調味餐飲加左$15要凍🍋鴨屎香手打檸檬茶，可以揀小冰但固定甜度檸味十足，茶底香濃，酸中帶甜，唔錯我今次想試下乾拌麵，叫左🐽豬扒皮蛋醬滷肉香蔥乾拌麵 $ 58賣相十分吸引，重點一樣份量十足，先講滷肉係半肥瘦，好有台灣街邊檔食到既感覺，皮蛋醬亦好特別同香蔥乾撈埋一齊，特別惹味。另外仲有一隻皮蛋切片，海量青瓜絲解膩。無諗過佢地既豬扒都咁腍，麵條爽口彈牙，都真係幾驚艷到我。我就跟餐加$14飲凍🧋珍珠烏龍奶茶，揀左半糖小冰珍珠口感夠晒Q彈，茶香奶滑再加左個酥炸和風牛蒡條$ 32呢個都比較少見，平時唔係鹽酥雞就地瓜條，估唔到牛蒡條炸左都幾唔錯。食落爽口，帶甜，我地都幾鍾意。同上次黎感覺好唔到，餐牌又靚左，仲多左會員APP，馬上下載有迎新優惠，仲可以增值當預付卡用、回贈、積分換領等。總之食得多獎得愈多，記得睇埋積分可以換咩coupon。
繼續閱讀
【有驚喜嘅連鎖台灣麵店🍜 小胖台灣麵🧋】-『小胖台灣麵』喺元朗千色都開咗一段時間😌今日午餐諗唔到食咩就try try佢🍱原本以為連鎖餐廳味道應該中規中矩，所以都冇抱太大期望😳點知食落又有驚喜喎！牛肉麵足料個湯底好飲，價錢又唔貴，食得過！-😋招牌三寶牛肉麵🥩$82招牌三寶有金錢肚、牛筋同埋牛腩🤯牛肉份量超多，牛筋充滿骨膠原而且炆得好腍😋個湯頭有紅蘿蔔嘅香甜🙂↔️又有紅燒牛肉湯嘅微辣😎仲有得自己加黃牛油🧈個麵條煙韌有咬口，估唔到可以喺度食到咁嘅質素嘅牛肉麵！跟餐可以加$13配珍珠奶茶🧋～好味指數：🌕🌕🌕🌕🌗 -😋鹽酥雞排便當🍱$48 鹽酥雞香脆可口，雞肉嫩滑🤩個飯有鹹酸菜、滷肉、粟米同埋半隻滷蛋，相當豐富！跟餐免費跟冬瓜茶😙 $50有找非常抵食！好味指數：🌕🌕🌕🌕🌘-😋甘梅地瓜🍠$28 如果你個肚仲有空間嘅話，絕對可以試埋呢個甘梅地瓜🤩番薯香甜😚外酥內軟，加埋酸梅粉💯還原台灣味道！好味指數：🌕🌕🌕🌕🌗-📍小胖台灣麵 元朗：教育路1號元朗千色匯地下25-26 & 61號舖屯門：鄉事會路2A號愛定商場(H.A.N.D.S) A區1樓A122號舖沙田：正街11-17號偉華中心2樓3B-3C號舖尖沙咀：加連威老道21A-21B號德立大廈地舖及1樓💸人均消費： $85
繼續閱讀
最近行元朗千色匯，睇到有新開嘅小胖台灣麵，好有興趣想品嚐呢度人氣湯麵嘅招牌三寶牛肉麵 ～ 入到店內以木系簡約裝修，感覺舒適。以QR code落單，餐牌內有人氣湯麵系列嘅招牌三寶牛肉麵、半筋半肉紅燒牛肉麵、麻辣三寶牛肉麵、麻辣半筋半肉麵，以及其他多款湯麵、小食、手搖茶等等，樣樣都吸引。餐廳設有會員app，食得多奬品就越多，積分換領系統 ; 仲有折扣、優惠券、迎新及升級優惠，增值越多回贈就越多嘅預付卡。招牌三寶牛肉麵 $82揀選咗兩款人氣湯麵，招牌三寶牛肉麵及半筋半肉紅燒牛肉麵。依碗三寶牛肉麵，湯底濃香，另加咗枱上嘅黃牛油，黃牛油係用咗台灣傳統牛肉麵店常見調味料，係餐廳自家製嘅，混合湯底，飲出每啖都係精華，散發濃郁牛香味 ; 三寶分別有牛肉、牛筋及牛肚 ; 牛肉比想像中厚，食起嚟口感十足，肉質嫩滑，牛味濃郁，牛筋炆至軟身，有些少咬口，牛肚爽滑 ; 麵條彈牙，麵粉香散發出來，配合白蘿蔔、紅蘿蔔及蔬菜，美味嘅牛肉麵必食首選！半筋半肉紅燒牛肉麵 $78而另一碗都係人氣湯麵，有三條牛肉，炆至軟身，一咬即化，肉質細嫩，牛肉味特別濃厚 ; 牛筋Q彈爽口，口感帶少少黏，配上以多種天然食材熬製而成嘅湯底鮮香味美，曲麵條煙韌有彈性，蘿蔔吸入湯汁，清甜爽口，以及與翠綠蔬菜配搭，值得推薦給大家！台灣香酥骨 (+$16)香脆可口嘅炸排骨，食落去唔會覺得油膩，排骨外層酥脆，加入獨家調味配方，好惹味。飮品方面，冷泡茶系列同手搖茶系列，當中鴨屎香手打檸檬茶，少少酸帶微甜，茶味濃郁 ; 亦有珍珠烏龍奶茶，甘香醇厚，入口順滑，珍珠煙韌QQ ; 仲有古坑冰咖啡，使用台灣原生種嘅咖啡，濃厚香甜唔會苦澀。珍珠烏龍奶茶 (+$14)散發清香嘅烏龍味道與濃郁嘅鮮奶味很配，珍珠煙韌Q彈，飲起嚟非常順口，帶點香甜，甜度啱啱好。冰爆咕咕力 (+$13)呢杯凍飲品真係濃郁嘅朱古力味，清爽冰凍，口感幼滑，感覺份外甜蜜。
繼續閱讀
星期六行經元朗千色匯，Lunch時間呢間「小胖台灣麵」門口有好多人拎完飛等入座。估計應該有啲料到，所以我都拎左飛等待入去試下。點知···大家必吃嘅鬥志高漲，拎左飛嘅人真係死守門口，我最後排左廿幾分鐘先入到去食😂滷肉濃白湯麵 $79奶白色嘅湯底肉味好出，舖面嘅滷肉肉碎帶黎台式嘅感覺。我仲加左4款餸連大大杯凍珍珠奶茶，埋單只係79蚊！竹笙、蜂巢豆腐、台灣蛋餃加皮蛋，味道清香。呢個價錢食到咁好美又足料嘅台灣麵，真係好抵🤩招牌三寶牛肉麵 $96呢碗招牌麵真係要大推👍🏻 有金錢肚、牛筋同牛腩。份量好多！食到最尾麵底清完都仲有好多餸剩。牛筋煮得好腍，入口有彈滑嘅筋位；牛腩鮮嫩軟滑，加埋甜中帶紅燒微辣嘅湯底，配上有咬口嘅油麵，唔怪得見有好多食客都叫呢碗麵食啦😋我仲叫左杯凍珍珠烏龍奶茶 $14，茶味好出好好飲。小食嘅酥炸和風牛蒡條 $32，都係驚喜發現，裹粉脆薄，裏面嘅長粗條牛蒡好新鮮，有種接近薯仔嘅口感，帶有油炸過嘅甘香，食唔停口！呢餐真係食得又香又大份！食完我就明白點解千色匯附近咁多食肆，咁多人寧願繼續喺呢間麵店外排隊等開餐！
繼續閱讀
🇭🇰元朗食台灣風味牛肉麵麻辣三寶牛肉麵 $84裡面有牛肉、牛肚和牛筋，份量十足。特別一提的是，店家自家製的黃牛油，讓整碗牛肉麵散發出更濃郁的牛香味，令人食指大動。麵條Q彈有嚼勁，吸滿湯汁，每一口都是享受。濃•番茄大骨湯麵 $38湯底濃郁，番茄味十足，酸甜開胃。另外加了滷水豬大腸（+$8）和墨汁花枝丸（+$8），滷水豬大腸滷得入味，口感軟糯；墨汁花枝丸Q彈鮮美，增添了口感層次。香香炸雞排（半份）+$15炸雞排外皮酥脆，雞肉鮮嫩多汁～跟餐夜市鹽酥雞（香辣） $34鹽酥雞炸得金黃酥脆，外酥內嫩，香氣撲鼻。香辣口味恰到好處，非常惹味！珍珠奶茶 +$13茶味醇厚、奶香到位，入口柔滑，珍珠口感Q彈，甜度適中。白桃珍珠烏龍茶 +$13白桃的清香與烏龍茶的醇厚完美結合，加上Q彈的珍珠，口感豐富，清新解膩。📳別忘了下載小胖會員app，吃得越多積分越多！還有好禮迎新和升級優惠喔～小胖台灣麵 (元朗)元朗元朗教育路1號元朗千色匯地下25-26 & 61號舖
繼續閱讀