小胖台灣便當 (德立大廈)

營業中

休息中

現在才發現原來尖沙咀開了一間，之間都是去其他分店買外賣，所以這次特意堂食試試。三杯蜜汁烤雞排麵因為之前都是外賣只會選飯，麵是第一次吃。雖然麵看起來很清淡，但其實很夠味。雞排一如既往很好吃，外皮甜甜的，肉很厚實。因為是套餐的緣故，還可以加14元配小吃，甘梅地瓜一小盒份量還是不少的。除了可以免費配冷泡茶，我們還加6元要珍珠奶茶，這價錢是真便宜。。。南投紅燒牛腩便當很喜歡他們會把飯和餸分開放，牛腩已經很入味，還可以把湯汁拿來撈飯。這家的便當配挺多，最愛他們的粉絲和蛋。虎咬豬/雞刈包刈包還是第一次吃，之前都少見，個人更喜歡雞刈包，因為這家雞扒是真的好吃。這家性價比來說是真的不錯，尤其在尖沙咀的地段，很划算。

成日經過尖沙咀都見到呢間台灣嘢，今次就同朋友去試一試佢🤣入到去環境好闊落燈光幾光猛，店員安排咗卡位坐得都好舒服。我同朋友就各自嗌咗椒麻微辣豬柳便當同埋台灣鐵路大排骨便當。另外亦都加配小食梅香脆地瓜同埋懷念鹽酥雞。見到有難得有少見嘅刈包食，亦到叫左個虎咬豬刈包。先講便當，份量好大，排骨滷水得入味，肉質亦都唔會過鞋好食。飯嘅質地唔錯，應該用咗珍珠米，有咬口再加埋啲配料倒如酸菜，配搭一流。至於個微辣豬柳我就更加鍾意呢一款，豬柳好香口有少少麻辣味，令人大開食慾。小食方面鹽酥雞炸得外皮脆口唔會過分油膩，入邊嘅肉汁亦都保留到，不錯。而地瓜條好香口，加埋因為有梅粉令到甜酸配搭令人一條接一條咁食。至於個刈包我略嫌個豬太肥，冇乜肉多脂肪，而配料亦可以多啲。整體黎講，呢個價位係尖沙咀食到呢個質素嘅台灣菜係相當唔錯。

好耐冇食過台式食品，係尖沙咀見到這間小胖台灣便當即刻去試一試。店舖是樓上店，上到去見到地方都大，不過人流比較多，好快就滿坐。👍虎咬豬刈包：包體軟熟，五花腩唔係好入味有少少硬👍士林鹽酥大雞腿湯麵：雞腿炸得非常香脆，大大件肉質嫩滑👍金萱鳥龍👍芙香蘋果茶：淡淡蘋果味，解膩唔甜👍麻辣鴨血：鴨血好滑身，醬料濃夠入味👍梅香脆地瓜：剛剛炸好的番薯，外脆內軟熱辣辣，再加上梅粉，酸酸甜甜好好食👍會員仲免費送了一份鹽酥雞，份量都多，炸得酥脆，雞肉唔柴

1️⃣ 虎咬雞刈包& 虎咬豬刈包 刈包口感鬆軟，口感同饅頭差唔多😝 夾住雞肉，滷豬肉，酸菜，同香草等餡料，口感十分豐富同香👍🏻2️⃣台灣鐵路大排骨便當排骨十分大塊，炸到外脆內嫩，仲有好多配料包括粟米，蛋角等等，勇者仲加左$12 升級做滷肉飯，滷肉飯充滿油香，白飯份量亦很多，十分滿足呢😚3️⃣ 芝芝雞芝芝雞即叫即炸，炸到幾香脆，但仍然保持雞肉既嫩滑👍🏻加埋芝士拉絲，口感惹味🤤- - - - - - - - - - - - - - - - - - - - - - - - - - - - - - - - - -總括而言，食物質素都算唔錯，上菜速度快，落單後好快就有食物上枱👍🏻 價錢相宜，而且坐既環境都幾舒服😁 經過開尖沙咀或者上班一族想食台灣野都可以一試架！

樓上台式快餐下午茶價錢都算化算不過份量好少～下午茶A ($48) 南部滷肉飯、小食簡咗五味醬拌茄子、珍珠奶茶～五味醬拌茄子～茄子有五條左右～醬汁係似醬油有少許醋酸味～上面有蔥花同木魚碎～食唔出五味味道麻麻～珍珠奶茶到到味道都差唔多～不過好多冰～滷肉飯好入味半肥瘦好香～配圓圓珍珠米下午茶C ($38) 台灣古早味烤豬肉便當～熱金橘檸檬茶～古早味烤豬肉超薄片～薄到有D似速食肉～上面有生洋蔥同芝麻完全唔夾～一塊薄台式臘腸偏甜～一條得半邊嘅菜～睇菜仔就知道嗰盒飯嘅份量係好細～金橘檸檬茶超甜唔環保堂食全部都係外賣盒同膠杯

一直對台式便當念念不忘(´▽｀)這次來到《小胖台灣便當》的尖沙咀一解想念台灣食物之愁☺️☺️☺️‣ 台灣古早味烤豬肉便當 ($62)台灣便當最大特色就是配料豐富🤩除了烤豬肉以外還有青瓜、紅蘿蔔、粉絲、粟米等每一口都有新鮮感😁‣ 台灣鐵路大排骨湯麵 ($70)排骨份量不少湯麵也煮得不錯有咬勁表面還有一些滷肉作點綴❤️‣ 懷念鹽酥雞 (+$14)鹽酥雞炸得酥脆尺寸也剛剛好雞塊有肉汁、不會乾吃完一塊又一塊🤩‣ 梅香脆地瓜 (+$14)表面灑了很多話梅粉吃起來陣陣梅香地瓜香脆可口很喜歡這份小食😙‣ 金萱鳥龍/芙香蘋果茶 跟餐兩款茶飲都挺香的喝起來可以解膩個人比較喜歡鳥龍茶❤️‣ 虎咬雞刈包 ($38)也試一下最新推岀兩款刈包包皮就是饅頭質感材料包括雞排、酸菜、青瓜、洋蔥最驚喜是有隻雞蛋🍳吃完超滿足😍‣ 虎咬豬刈包 ($38)材料包括大大塊豬腩肉還有酸菜、芫荽、花生碎等加上餐廳特製的醬汁吃完同樣十分滿足💭 C͟o͟n͟c͟l͟u͟s͟i͟o͟n͟餐廳座位蠻多的採用木系裝修予人放鬆感覺舒適的感覺食物種類也不少當你想念台灣菜的時候不妨試一下🤣💰Total: $236 ($118pp 無服務費)📍小胖台灣便當尖沙咀加連威老道21A

店鋪座位寬敞，木系裝修舒適，其小男孩LOGO也滿可愛的🥰MENU以便當/湯麵為主，飲品選擇不算多但對以食為主來說也足夠了😉 👉🏻台灣鐵路大排骨 $68+$12加錢轉了南部滷肉飯☺️滷肉半肥瘦又入味👍🏻👍🏻飯面還鋪滿了不同的小菜，有白滷/粟米/炒粉絲，很豐富🥰大排骨顏色略深，以為是炸過火😨沒想到咬下去是又嫩又滑的☺️😍很驚喜~那深啡色大概是腌料所致～很愛❤️ 👉🏻三杯蜜汁烤雞排麵  $64雞排一看就知道嫩滑，雞皮不油膩，甜甜的好好味，雞肉會有淡淡藥膳味，個人好愛，湯麵份量不少，麵質彈牙，整體好味🥰 👉🏻虎咬豬刈包 $38包體超軟熟，五花腩入味軟稔😋輕輕一咬就能咬開，加上花生粉的甜味及榨菜的咸味，簡單又滿足☺️☺️ 👉🏻虎咬雞刈包 $38比起五花腩，雞排會比較有肉質感☺️啖啖肉~內裡還多了荷包蛋👍🏻更豐富，同樣好吃❤️ 👉🏻鹽酥雞 $14份量比想像中多～炸得乾身酥脆，雞肉不乾不柴，很不錯，值得加錢追加🥰   🎈總歸一句： 環境食物都不錯，價錢合理，會再來～也會推薦朋友🥳🥳

星期五晚7:45左右間間餐廳都好多人，好彩入到小胖仲有位🤞🏻叫咗個雞扒便當+蘋果冷泡茶除咗雞扒仲有少少蘿蔔、粟米、木耳粉絲同煎蛋價錢咁平嚟講算幾好食，一個便當又乜都有少少，唔會悶。蘋果茶唔知係咪有加糖🤔好甜

認住呢個肥仔小胖嘜頭，就一定食到古早風味又正宗台灣風味便當，之前已經幫襯過，便當連飲品幾十蚊就有交易，好味又抵食，適逢佢哋最近推出我最鍾意食既台式刈包，挭係即刻要去朝聖，分店仲越來越多，沙田、尖沙咀、觀塘、旺角都搵到小胖肥仔既蹤影，去邊度食都咁方便🤣▪️台灣鐵路大排骨便當最傳統的風味，豬扒厚薄適中，大大件超級入味，肉質軟腍又彈牙，飯面滿滿時令配菜，有蔬菜、粟米、翠肉瓜、炒粉絲和煎蛋角，配上白飯，飽肚又好食▪️三杯蜜汁烤雞排便當加海苔 雞扒份量十足好厚肉，烤至雞皮焦香，內質嫩滑，充滿蜜汁香，加上芝麻增添風味，我追加左香脆海苔，伴上白飯和美味配料更加好味▪️虎咬豬刈包最正嘅台灣路邊攤風味，蒸得熱辣辣又軟熟嘅刈包，包住鹵得入味半肥瘦既腩肉，加上酸菜、芫茜和花生粉，好味好味好好味🤤▪️虎咬雞刈包呢款就係包住蜜汁雞扒、酸菜、紅洋蔥、青瓜，仲有一隻流心煎蛋，一口咬下去，口感豐富，兩款刈包都好好味，難分高下👍🏻套餐可以選擇飲品，我哋選擇咗比較清涼解渴嘅，根本都唔太甜，清甜好飲！▪️芙香蘋果茶▪️百月潭檸檬紅茶

尖沙咀有間好抵食台灣便當，無論午市定係夜晚都係$68一個便當包嘢飲，另外加$14就會有小食，份量足味道都唔錯！🍴鹽酥大雞腿 $68 (7.5/10)雞腿非常貼心，會幫你切開方便食，炸得非常香脆，鹽酥味都幾重，肉質嫩滑，食落唔油膩！便當仲有配菜，包括粉絲，煎蛋角，小棠菜同埋韭菜，但係用咗珍珠米都幾煙銀，飯量係正常，配菜都正常冇咩特別，$68仲要包嘢飲嘅話係抵食，味道唔錯😎🍴梅香脆地瓜 +$14 (7.5/10)地瓜香脆食囉，甜甜地，話梅粉增加咗風味！🍴鹽酥雞 +$14 (7/10)炸得香脆，比較偏乾身少少，鹽酥味都幾出。🍴鹽酥四季豆 +$14 (7.5/10)四季豆炸得，香脆又爽口，同樣鹽酥味都好香。🍴 金萱烏龍 (7/10)正常茶味， 550 mL夠晒大支！推薦指數: 7.5/10尖沙咀嚟講真係抵食，味道唔錯嘅台式便當，想食台灣嘢又想平平哋都會推薦呢一間！

好食評價：🌕🌕🌕🌑🌑CP值：🌕🌕🌕🌑🌑•台灣鐵路大排骨•$70首先排骨數量係足料！味道唔咸 味道可以！肉質嚟講 佢一啲都唔“鞋”！其實幾唔錯！湯麵口感都可以 唔係淋曬湯底有台灣濃郁嘅味道😂仲有啲肉燥料係面 仲有幾條菜！野飲方面 免費包咗某幾款泡茶 其他選擇就要+$不過芺香蘋果泡茶 真係唔係人人都啱飲有啲似山楂味 但又未去到好濃 怪怪地咁P.s. 尖咀打工仔飯堂 快餐點形式 落咗單再揾位算係平㗎喇 尖咀區嚟講 呢間都係最平$6x就食到

- 小胖台灣便當 -尖沙咀加連威老道21A-21B號德立大廈地下及1樓位於尖沙咀新開無奈既小胖台灣便當有一次經過就試下入去食因為個招牌好大幾搶眼下😹入邊主打平價台灣便當，都幾多款揀咗呢款蓮藕好入味！排骨都好多 唔好見佢細細碗都幾飽除咗尖沙咀之外，觀塘，沙田都有分店不過只限外賣～經過又鍾意食台灣野既不妨試下🤤

雞髀勁大舊 好貼心切開上下髀外皮比較似豪大大 但係酥脆過佢咬落去唔會因為脆硬棒棒 肉質極嫩外皮鎖死肉汁 一咬開肉就有肉汁同熱氣流出便當有唔同嘅蔬菜配搭 唔會太油膩尤其係南瓜溶 完全感覺唔到有影響口感嘅渣而且跟餐仲有冷泡菜 進一步解膩鹽酥雞就一般般 唔太特別 不過唔算貴整體可以 82蚊

一個人係尖沙咀唔知食咩好？ 平平地又好味揀左小胖， 之前係沙田食過， 尖沙咀呢間要上一層， 環境大好多， 坐得舒適，套餐六十幾蚊配飲品，好抵食。仲有自助區可以斟水， 提供紙巾、牙籤同醬油區。♡三杯蜜汁烤雞排麵 $64蜜汁好好味， 唔辣， 雞皮燒到脆脆地有驚喜🤩 雞肉好滑， 份量好大塊， 台灣麵配冬菇肉燥。堂食同紙碗即棄餐具， 餐具有自家包裝，質量唔錯。♡芙香蘋果茶套餐附冷熱飲共3款， 冷泡茶好大枝， 酸酸地好開胃🤤 最後飲唔曬拎走左。

The One對面開左呢一間台或便當餐廳，樓高2層而且便當形式都真係好似去左台灣叫外賣咁，好有特式～😋三杯蜜汁烤雞排面＄64雞排大塊，細心咁切開另上，厚身肉嫩又juice！湯底有好香排骨味，配白色素麵幾夾，如果再爽口D相信會更加好食～👍😋台灣鐵路大排骨便當 ＄68台式排骨多好而且大塊又扁身，食落肉質易咬飯的份量超多，入面配料仲有粟米+菜脯蛋餅+粉絲+菜等等，一個女仔真係食唔曬一個呀我😆😋百香Q果綠茶 +$6百香果綠茶味道酸酸甜甜，仲有好多百香果同珍珠一齊食好滿足🤩開胃解口乾🤤😋🌟酥酥咸香香菇＄32超驚喜的小食～估唔到原來佢係咸蛋黃醬包裹著炸菇。有少少炸但又會忍唔係係咁食，咸香味太好食了！虎咬豬刈包＄38虎咬雞刈包＄38佢地新出左刈包緊係要試下～蒸熟左的刈包好鬆；無論係豬肉定雞肉同樣香濃惹味，加上有好多酸菜﹑芫茜、花生粉等材料配製，食落口感100分～