影片
以上資料只供參考, 請與餐廳確認詳情
第一次體驗呢個一人火鍋。好新奇。菜品好多。一坐低就有嘢食。十分之滿意。晚市得一個價錢，168蚊，折完之後163蚊。牛羊雞豬都有得食，特別抵食。座位好少。一眼望盡。 海鮮有蝦，魷魚，青口，巴沙魚。好多嘢食。一個人嚟食都好體驗。肉都喺食幾多都得。午市更加平，折完之後123蚊。平絕全港。 羊肉有幾款，牛同埋豬得一款。仲有羊蠍子食。真喺特別。一個星期食一次都不為過。下次繼續嚟。服務都幾好。就喺有啲逼，位唔夠大。
繼續閱讀
見新店開張,便去試吓,接近200元一位,但d食物好普通,飲品選擇又少,有少少熟食嘅都算好味,但款式唔多,坐得又迫,等位仲要係室外無冷氣,去廁所仲遠,要兜一大個圈上商場一楼,以咁嘅價錢,坐幾個站地鐵出旺角食大把好過佢嘅選擇,何必去佢度食？
繼續閱讀
午餐折扣後收費每位$123。排隊等位比較耐，入到去未安排座位已經要先收錢。選擇鍋底及付款後安排座位，只有一個細嘅雪櫃同埋細嘅調味料俾客人攞嘢飲。沒有啤酒或者其他酒精飲品。講好的迴轉自助火鍋，回轉帶上食物經常被清空，等咗20分鐘一片肉都未吃到，要自己走出去搵職員叫佢比一碟。 其他食物都經常被清空，根本迴轉帶上邊係經常冇嘢食。從未試過嘅體驗係自助任食火鍋冇嘢食，肯定係唔會有下一次幫襯。一人一鍋，坐得非常之唔舒服。
繼續閱讀
一個人都可打邊爐夜晚要排隊，就中午嚟食佐。折扣後123蚊一位都算好平嘅價錢。牛肉，羊肉，豬肉，雞肉都有，任食90分鐘。一個人都可以自己睇電影慢慢嘆，幾舒服。下次都會番嚟。招牌香辣藥膳真喺好鍾意食。味道好好。香港地，呢個價單好平。一個星期食一次都不為過。如家酒牌未出。未見到有啤酒。服務都幾好，不過侍應唔夠的感覺。入場要先埋單，再試。都喺一個新體驗。入邊冇廁所，喺商場1樓先有。一眼望盡。都不算大。呢個模式可以體驗。
繼續閱讀
6點幾入座，都無乜人唔洗排隊，就即刻入去坐，但當時一坐低個店員就話揀個湯底先，枱上面餐牌又冇，牆上面又無介紹有乜湯底 佢又冇講有咩選擇就轉身走左之後唯有再叫第二個員工拎餐牌，結果十問9唔應，其實都未算繁忙時間，眼見個場都有最小4個員工，十分鐘左右終於叫到個人黎本身選擇辣 問佢可唔可以小辣 就叫我揀第二個湯底 🙄 ok la 我都明佢咩意思 湯底應該係固定左有幾辣 揀完第二個 出去拎野飲 明明寫住酒任飲 點知出到去一枝酒都無 問個職員 佢話酒牌未拎到。。。。 依D野一入黎就應該要講定左先啦 有D被欺騙既感覺 好啦 坐低食野 迴轉d食物又無標明係乜 食左d乜都唔知 出野食個位係最頭 我地坐中間位 但係坐左半個鐘 同款食物都見過好幾次 一舊肉都見唔到 黎黎去去都係得幾款野食 選擇極小 又唔係好食 好普通 仲要坐到出哂汗 d牙姐成日開住道門走哂d冷氣 想去廁所又要走出去行段路又要搭𨋢先去到 仲要收加一服務費 搞唔掂
繼續閱讀
您可能會有興趣的...