小確幸咖啡館

營業中

休息中

今日晏咗起身，食完早餐再做吓家務，原來已經過咗午飯時間。突然收到好姊妹嘅即興聚會，一於近近哋去到屋企附近嘅小確幸咖啡館。小確幸咖啡館坐得舒服，食物選擇又多，最重要係價錢非常親民。碎蛋牛角包配黑醋雜菜沙律唔係太肚餓嘅姊妹H就叫咗茶餐，碎蛋嘅份量非常多，一咬落去就會滿瀉，至於牛角包非常鬆脆，夠晒滿足！旁邊仲有雜菜沙律，用黑醋提味，非常醒胃，而且比沙律醬健康，唔會有咁大罪惡感，食得夠晒輕盈。卡邦尼意粉配料有煙肉同蘑菇，份量十足。但重點當然係非常creamy嘅醬汁，每條意粉都掛晒汁，好香滑濃郁！芝士焗咖喱雞扒飯即叫即焗，上台非常熱辣辣！芝士焗到溶晒，配埋濃郁咖喱，唔會太辣，撈埋飯食就最match！至於雞扒肉厚，焗嘅時間啱啱好，唔會太嚡太老。All Day Breakfast小確幸咖啡館嘅All Day Breakfast有唔同組合，我就揀咗最豐富嘅選擇！食物擺到成隻碟都係，有特濃班尼迪蛋、法蘭克福腸、紐倫堡腸、牛仔腸、辣肉腸、脆香煙肉、脆薯餅、甜粟米、炒蘑菇、㕑師沙律同丹麥多士。最驚喜係班尼迪蛋，一切開就流出蛋汁，蛋香滿溢！另外，丹麥多士油香鬆軟，試過一定返唔到轉頭，好好味呀！

💠日式溫泉蛋伴雜菜沙律（黑醋汁） $60Spa-Bailed Egg w/ mixed Vegie Salad(Black Vinegar Sauce)沙律菜非常新鮮，而且望落色彩繽紛，蕃茄，溫泉蛋，青瓜，食落清爽，淋上黑醋汁，酸酸地，非常開胃😙💠All Day Breakfast $98有4款腸，法蘭克福腸、紐倫堡腸、牛仔腸、辣肉腸，味道超多，還有香脆煙肉、薯餅、清甜粟米、炒蘑菇、沙律、厚多士，材料非常豐富😚七彩繽紛，賣相超吸引，拍得上Cafe水準👍🏻😌班尼迪蛋是水波蛋，切開流出蛋汁，令人垂涎三尺，淋上荷蘭醬，含在嘴裡感覺柔柔綿綿的，帶著一點柔柔的檸檬酸味.🔹熱情果紅茶蘆薈 跟餐-$8甜度適中，紅茶帶有香濃熱情果的酸味😝食到粒粒蘆薈果肉，口感不錯🥰🔹柚子梳打 跟餐-$8Yuza Soda店員很好，加了薄荷糖漿，飲落更清涼透心，柚子果肉多，香甜美味.

由於第一城嘅泊車好方便，車位充足，所以間唔中都會同揸車嘅朋友過嚟呢度搵嘢食。.今次就試吓呢間性價比超高嘅「小確幸咖啡館」，食物選擇超多，想食乜就有乜👍🏻.。紐西蘭肉眼扒薯條燒汁：大大塊肉眼，只係$118，牛味同肉質都唔錯，最正係外脆內軟嘅炸薯角，好好味，抵食之選！.。法式鮮熬龍蝦汁海鮮意粉：都幾香，而且，勁多汁、勁多蜆、勁多意粉、勁飽🤣🤣。隔籬枱嗌左份幾吸引嘅All Day Breakfast，等我下次又試吓先👍🏻

小確幸門口嘅招牌已經充滿文青風氣，店裡簡單嘅白色磚牆加上金句，另一側係落地玻璃，成個感覺好舒服。西冷薯角配黑椒汁 $88薯角香脆，牛扒有兩塊，分量足夠同好腍，如果厚切一啲口感會更好，黑椒汁香濃，相當惹味。黑椒牛扒配黑松露炒滑蛋飯 $68牛扒烹調時間適中，滑蛋好幼滑，食落有淡淡嘅黑松露味，飯比較乾身，連埋黑椒汁同滑蛋一食啱啱好。薄荷鮮奶咖啡 $22（跟餐價）喺厚厚嘅咖啡泡沫上面寫上「KISS」好有心思，咖啡帶有微微薄荷味，好清新嘅感覺。芒果綠茶蘆薈 $20（跟餐價）蘆薈Q彈，甜道啱啱好，唔會太甜，芒果味再突出一點會更好。

朋友知道我喜歡咖啡，帶我到這家小確幸咖啡館相聚，邊喝邊回味我們的那些年。餐廳裝潢很有文青感覺，斜陽透射到落地玻璃，感覺特別的輕鬆。先來兩杯特製咖啡，摸杯底談心吧！夏威夷果仁鮮奶咖啡$32，果仁味突出，奶泡特別的滑，帶微甜，原來是加了忌廉的特製奶，喝著竟然有吃甜品的感覺！咖啡味不重，不會搶去果仁香。飾面用可可粉和糖霜，令甜度適中，朋友大讚好味呢！榛子鮮奶咖啡$32，比果仁咖啡味道濃，以中度烘培的咖啡豆沖泡，不酸也不苦，加上可7U可粉，配榛子的香味，更能提升咖啡香氣。喜歡有個性的咖啡，推介要試！溫泉玉子凱撒沙律$48，份量很多，麵包粒大大粒，口感軟硬適中。看見溫泉蛋軟軟的質感很想弄破它！然後拌勻沙律，沙律醬充滿蛋黃香，令清淡的沙律更添香滑！全日早餐，以不同的食物組合出9款選擇，每款$60以下，價錢超值。我選的有煙三文魚班尼迪蛋、脆香煙肉、甜粟米、茄汁焗豆、廚師沙律。最喜歡班尼迪蛋，滑嘟嘟像奶油質感，夾著煙三文魚的咸香，放在麵包上吃，軟滑的口感超治癒！222松子香草雞肉炒意大利粉$58，炒過的雞肉特別香，雞肉新鮮，不會炒得太乾，整碟意粉也沒有過多油份。加了松子，多一份果仁香。最後來一杯特飲荔

今天到沙田第一城探朋友，辦理完正經事後，當然由地膽引路一齊進食午餐小休，小店舖名稱好優雅“小確幸”咖啡館，而且價錢大眾化，很多學生哥兒光顧1.紐西蘭肉眼扒跟意粉~肉眼扒大大塊，兩面有微微焦香，肉質嫩滑，帶有濃郁牛味。意粉不會太腍身，而且煙韌有口感。2.咖喱鹽燒牛脷~咖喱味道香濃但不會太辣，牛脷肉厚多汁，而且肉質爽口香嫩，最重要牛脷是沒有腥味，好好味😋😋3.手打安格斯芝士漢堡/炸薯角/黑醋雜菜沙律~安格斯芝士漢堡，牛肉新鮮牛味濃郁十分香口，品嚐一口十分juicy,加上蕃茄、蔬菜等配料能中和整體的油膩感。炸薯角外層佈上薄薄的紅椒粉，外面香脆，內裏軟綿綿帶濃香薯香味，而且並不油膩4.芒果綠茶蘆薈~芒果粒和蘆薈菓粒滿滿的，嚼一口一管多多少少都是芒果粒、蘆薈菓粒，清甜順和

今天是❺❷⓿💞和男朋友慵慵懶懶地沿著城門河趴趴走，遊到了第一城。之前到過附近的學校工作，發現置富第一城的商場有很多食肆，有連鎖店亦有小店，菜式也有不少選擇。我們發現了一間名字很浪漫的小店：小確幸咖啡館，挺適合❺❷⓿這個小日子餐廳以西式為主，尤其意粉，有超多選擇也有鐵板餐和西式主菜❺❷⓿也算是小情人節，儀式感是必須的，就吃好一點吧，反正價錢超級親民，這是第一個小確幸頭盤：經典烤雞凱撒沙律烤雞扒份量頗大，雞皮烤得香脆；雜菜沙律菜新鮮爽口，男朋友吃得津津有味。這裡的沙律有很多款，可以叫半份或全份，適合貪心又細食的人主菜：香煎龍脷柳配意粉龍脷柳很大塊而且煎得頗香，男朋友平時怕挑骨不吃魚，魚柳他就可以放心大啖吃，這是第二個小確幸BBQ醬燒豬肋骨（半份）BBQ醬香濃惹味，薯角份量很慷慨，香脆可口還帶微微香辣。點餐時還可以選茄汁/燒汁/黑椒汁，我當時覺得有點奇怪，豬肋骨不是用BBQ醬燒嗎？為什麼還要選醬汁🤔後來便知道原來可以用薯角蘸汁，好味😋用這麼便宜的價錢吃到美味的晚餐，絕對是大大的小確幸

呢間小確幸坐位分兩邊, 一邊正正在餐廳, 另一邊在商場位置; 星期一至五下午茶有8折及不需加一🍽️吉烈魚柳包配細蕃茄通粉$38芝麻包有番熱, 所以好香芝麻嘅香味, 魚柳質地正常, 內有芥末沙律醬, 生菜及蕃茄, 整體都可以; 蕃茄通粉湯底太甜, 通粉質地正常🍽️豬扒包配薯條$38呢隻飽比較硬身, 豬扒味正常但比較薄身配上牛油芥未沙律醬, 生菜, 蕃茄; 有少少沙律菜伴碟, 不過薯條就咸左啲☕茶餐叫左熱檸茶, 正常食物質素就一般般, 勝在抵食及坐得舒服, 呢個價錢收哂貨啦。魚堅總評性價比 3👍(以5👍為滿分)

好耐冇嚟，發現新開嘅小cafe，食個早餐。1115仲買到，1120出去想買多個外賣就已經截單買唔到。menu都幾多嘢食，早餐、午餐，仲有啲全日都有。叫咗個早餐，蕃茄湯鮮牛肉通心粉，配腸仔炒蛋同牛油多士，連一杯熱飲，$39，算幾抵食。多士唔熱，比較淋腸仔正常，炒蛋正常，唔算香蕃茄鮮牛肉通心粉，份量算ok，不過啲湯少咗啲姐，食到一半冇晒湯得番啲粉。鮮牛肉正常，冇冰鮮怪味，冇筋。朋友嘅餐肉炒蛋朋友嘅蕃茄漢堡扒通心粉佢menu可以揀鮮牛肉/漢堡扒估唔到漢堡扒有2塊，算抵食總結早餐都唔錯，算抵食，不過同其他人講嘅食評一樣，有錯單情況出現，不過我哋只係落錯咗杯野飲，都唔緊要。另外再外賣一個卡邦尼意粉番屋企食，都正常水準

身為 All Day Breakfast 愛好者，我見到呢間有幾款配搭好開心，因為可以避開致癌又死鹹的煙肉不用吃，而且價錢都算大眾化。選擇困難症發作，想了5分鐘才決定叫 A1 ($55)，飲熱奶茶。　薯餅同腸：好味粟米、茄汁豆、多士、奶茶：正常難得沙律菜的油醋汁調較合宜，不會太酸，加分。芝心火腿奄列真的有很多芝士流出來。　扣分位是衞生：我個位左邊用圍板封起，可以見到板後的桌上有很多碗紅湯湯底，沒有用保鮮紙或是碟子蓋好，直接封塵。尤其是疫情期間，這樣的衞生程度令人不敢再來。

時間不多，諗住平平地坐得食個下午茶叫咗煙三文魚Benedict, oh my god係人生食過最難食的Benedict蛋黃熟到唔識溜，三文魚細細塊又腥，最難頂係啲螢光色汁！！入口味道勁怪勁難食仲有啲臭，完全唔係嗰回事。我都知呢個價錢唔應該有期望，但大佬呀你唔識就唔好整唔好放入menu吖嘛。做返沙嗲牛麵咪算囉，茶餐廳又要扮cafe食咗兩啖食唔到落去，即刻埋首打呢篇食評，去麥記買個包食算配菜煙肉似係烚熟先煎一煎返熱，得小小燶邊，冇乜油。茄汁豆罐頭冇伏，粟米粒都冇伏因為係現成

今日去開沙田第一城探朋友 之前已經試咗幾間大集團 所以今日去試吓小商戶 不過老實講 食物唔合格 但服務態度滿意 這裡係先落單比錢才出餐的這個餐本來我想配沙律🥗 但店家只有薯條 都無所謂 薯條我都幾鍾意 但當佢哋送到時 我終於明白點解沙律🥗無晒 我只係有種下次唔會嚟嘅感覺 連鎖快餐店都比佢哋好多多倍 其實店家都應該知道係嚴重Overcook 這個是我朋友點的 份量睇落都可以 成個餐都係番茄🍅主題 朋友比我嘅意見係 其實一個人就差唔多份量 唔太濃 但都算合格 這裡啲貨到處放 我哋其實和那些貨坐在附近 職員態度開始時都有啲反感 因為真係唔似係一間街坊味濃嘅小食店 都係問咩都唔知 講嘢無尾音嘅服務 但中途有一位職員在清潔 竟然行上前問我哋意見 我本來都唔太想講 但最後佢自己都睇到盤薯條🍟都話真係炸耐咗最後我食唔晒 好可惜但無奈 這裡有學生優惠 只要有學生證就可以接受咖啡奶茶就合格 唔會有驚喜 最後評核報告就係 我會去大型連鎖店都唔會選這間

第一次寫食評. 實在有點氣憤. 今天在小確幸叫了一個"烤雞肉竹沙律"外賣. 回到家一打開, 真的非常失望, 好像被人吃了一半似的. 這個沙律連一杯熱綠茶要五十元, 值嗎? 沒有下一次了......之前同一位置的餐廳叫 La Kaffa, 食物質素好好多, 令人非常懷念.

小弟甚少寫食評，但此食店真的太過份三次幫，三次都黎錯野第一次堂食，叫黑椒汁，黎左洋蔥汁但掛住講電話，已經食左，算，唔换第二次外賣，叫奶茶俾咖啡，單冇打錯，不過俾錯，算，我都飲咖啡。第三次外賣，頂，我叫凍奶茶，收左我$4，回家後先發現係熱。again ，單冇打錯，又係俾錯WFH 忙到死，冇可能專登返去換。永遠冇下次

呢間餐廳本來叫La Kaffa. 幾年前食物質素尚可，但近一兩年直線下降，最後近牌轉左裝修改左名。餐牌照舊。諗住比次機會佢，試下我不嬲食開既all-day breakfast，同飲佢+$4既凍奶茶。誰不知d沙律菜繼續係室溫，好似擺左好耐，杯奶茶淡到好似溝水，冇茶味，冇糖，炒蛋有蛋殼……本來我冇寫開食評，但真心想大家幫襯前諗清楚，所以專登開左個account. 如果有人係想飲佢知奶茶同all-day breakfast，我建議你真係三思。