小瑪哥米線

營業中

休息中

先叫第一個熱門套餐❤香茅豬扒米線 配料有香茅豬扒 彈牙大蝦球 鹵雞翼，湯底係豬骨清雞湯米線配熱檸水。湯頭都幾鮮甜，唔會食完好想飲水，個鹵雞翼做得好入味! 仲要都唔細隻嫁，配埋爽口真係好彈牙既蝦球，好豐富。另一碗係 豆花炸醬撈米線🤓 配料有彈牙大蝦球 香茅豬扒。炸醬咸甜岩岩好，唔會好油膩，撈埋嫩滑既豆腐 蕃茄粒 同軟硬岩岩好既米線，食起黎好清爽，配埋香口而唔油膩既香茅豬扒，啖啖滿足!氣鍋雞❤味道夠哂鮮甜，個湯碗係陶瓷鍋中間有個氣嘴，等湯碗入面既湯用蒸氣"蒸"出黎，所以同傳統既煲湯方法完全唔一樣! 湯既材料有 雞件 竹笙 菇菌等配料。雞肉好嫩滑，竹笙 菇菌索哂湯汁，更加鮮甜味美!秘製醬蘿蔔❤酸酸甜甜小小咸，口感夠哂爽脆，開胃小食推薦!

之前佢試業期間已經有興趣想試下，但可惜時間匆忙冇去到。今日咁岩又黎返灣仔做嘢，所以特登過去試吓果然米線俾到我驚喜做到好煙靭有咬口，可以用好味黎形容！推介一定要試下個米線推介之選豆花炸醬撈米線呢個非常出色本身好鍾意食炸醬，完全食得出係用心製作，肉醬有肉粒感，唔似其他地方做到一pat 糊咁，加埋個醬汁配合得好好，有醬汁香味又唔鹹，好正我嗌左三餸米線包括麻辣肥腸、木耳、竹笙，麻辣肥腸夠入味，其餘餸都正常發揮！整體上炸醬豆花撈米線配搭新穎而味道非常夾，呢個我大推值得試試另外有叫涼拌金耳又一新穎而有驚喜款式，加上wasabi食真係好似食緊魚生咁最後仲有蜜語水果茶呢個我都推介，有果茶香，又可以食埋水果，大大杯，抵飲餐飯食得開心好味有驚喜會再encore

而家米線開到周圍都有，食黎食去連鎖店，悶到嘔，今日ot完經開灣仔，見到呢間新開米線，裡面又好似坐得幾舒服，試下先。好，坐低睇下有咩好食先。鮮菌蕃茄湯米線，個茄湯超濃郁，米線份量都好多下，叫左3餸，每款都好多粒。香辣涼拌撈米線，個炸醬好正，有粒粒花生、雲耳等配料撈米線，辣得黎又涼快。山珍氣鍋雞，叫米線追加$68, 原價88，有湯飲超正。個湯好足料，雞件大大件，祖傳秘方蒸岀黎既湯汁，好滋補。跟餐仲有飲品。

有新開米線， 一定會去支持下， 很多都小店用心製造更有特色， 今次去這家小瑪哥米線原來歷史悠久，由太古搬過黎。店舖新潮整潔， 坐得舒適。蕃茄湯滷雞翼米線 - 蕃茄湯底出色有誠意， 見到十分多新鮮蕃茄粒熬製，滷雞翼亦煮得靚仔剛好，入味又唔會話太腍，女女食不停口。金牌小鍋米線配麻辣肥腸，肥牛和白菜餃(小辣），米線湯底辣味濃郁， 配上爽口肥腸，嫩滑的肥牛和清爽的白菜餃性價比都頗高，份量十足。氣鍋雞- 天氣凍想補下之選， 用料足，用上竹笙冬菇和雞件等， 湯頭香濃， 飲完唔會口渴。小食拼盤 - 白肉配海蜇- 個辣汁配得好食，不會話太辣

這天下班因天氣轉涼，經過新開的「小瑪哥米線」，見到有「氣鍋雞」，感覺可以保暖，品嚐後果然是冬日佳品。氣鍋雞氣鍋雞是一道使用高壓蒸煮的烹飪方法製作的菜品。在氣鍋中加入調味料和香料一起蒸煮雞肉，這樣可以使雞肉更加鮮嫩多汁。鍋裏添加不同的調味料，例如姜片等，以增加風味。這個氣鍋雞具有濃郁的味道，肉質鮮嫩，絕對是靠日保暖佳品。脆炸蝦寶脆炸蝦寶是一道美味的開胃菜，將蝦子裹上麵粉油炸至金黃酥脆。蝦肉保持鮮嫩多汁，配上一些醬料如辣醬，增添風味。百香果糯米茶（熱）百香果糯米茶是具有濃鬱的糯米香氣，因此而被稱爲糯米香。其葉芳香，用它沖茶，香馥醇正，生津止渴，口感滑順，香甜可口。它既可以解渴，又可以提供一種清新的口感。小瑪哥米線 (灣仔)地址：灣仔莊士敦道211號地下A-B號舖

今日過灣仔做嘢, 兩點多做完搵地方醫肚, 過咗午膳時間, 邊間人多就入那間, 這間在灣仔新開的米線店 ~ 小瑪哥米線, 幾乎滿座, 目測9成入座率, 店舖新裝, 潔靜光猛, 原來呢間米線店已經有30多年了, 剛從太古搬過來灣仔的。小瑪哥米線價錢尚算大眾化, 兩餸米線包熱飲$63, 湯底及自選配料選擇也多, 食物正常價。凍檬樂 (加配特飲$10 ）先來爽一爽, 冰凍涼快。鮮菌蕃茄湯米線 ($63/2餸 + 牛腩加$8)這個是真正的蕃茄湯底, 特濃番茄湯底以新鮮蕃茄打爛煮成, 淡淡新鮮蕃茄的濃郁及有粒粒蕃茄肉伴湯, 湯底還加了菇菌、洋蔥及蒜頭等食料煲成, 很好渴, 跟爽滑微彈的米線一齊食, 美味可口, 值得推介佢哋嘅麻辣豬大腸及麻辣牛腩, 份量多, 麻辣豬大腸唔辣的, 反而食到很香的鹵水汁香味, 大腸鹵得入味非常, 又諗又香, 很肥美,  麻辣牛腩有帶根帶肥膜的, 香口得黎唔肥膩, 鹵得也夠腍夠入味, 瘦的牛肉部份也不韌, 同樣好食。招牌山珍氣鍋雞 ($88)山珍氣鍋雞是小瑪哥米線的招牌湯, 來一鍋開心share, 山珍氣鍋雞以小氣鍋位上, 以竹笙、冬菇、雞件、茹菌燉的湯, 鮮雞湯的味道夾

無意睇到話係太古開咗23年既「阿詩瑪雲南風味軒」結業，竟然3個月後改係灣仔再同大家見面。一向鐘意周圍去搵野食既我，梗係唔執輸拿拿臨去試下先😋Lunch time時間全場坐滿! 俾個二人氣鍋雞套餐既招牌氣鍋雞吸引住🤩⭐招牌氣鍋雞2盅唔好見細細盅，入面超足料(竹笙、冬菇、多舊雞件)，同埋煲得好夠火喉，真材實料既雞湯⭐頭盤: 召通醬雞翼見到有層紅油係雞翼底以為會好辣🥵召通醬個味道好特別有少少麻麻辣既鹹香味，友人唔食辣都話呢個雞翼好味⭐主菜: 哈尼牛肉賣相同味道都一般😅⭐主食: 豆花炸醬撈米線，金牌小鍋米線豆花撈米線係絕配夾得好食👍🏻 友人唔食得辣，金牌小鍋米線對佢黎講太辣，一啖都食唔到😂⭐甜品: 玫瑰冰冰粉正常甜品一試無妨 (5分🌕)食物：🌕🌕環境：🌕🌜性價比：🌕番叮：🌕🔸小瑪哥米線(灣仔)灣仔莊士敦道211號地下A-B號舖

同朋友🧒🏼一齊喺灣仔，佢話有間新開冇耐嘅餐廳，有好好味嘅「氣鍋雞」食，有朋友🧒🏼帶食好西，咁我梗係開心樂意張嘴啦🤣$208「二人氣鍋雞套餐」，包「頭盤小食＋氣鍋雞兩盅＋主菜＋主食＋甜品或飲品」，自己組合，咁我哋揀咗「招牌氣鍋雞兩盅+凉拌魚皮+滇池酸菜魚+金牌小鍋湯米線（加香茅豬扒+$30）+豆花炸醬撈米線+山水豆腐花+香濃咖啡•熱•走甜」，呢個「套餐」真係勁抵食🤩「招牌氣鍋雞」兩盅：湯底味道非常鮮甜🤩，餐牌咁樣介紹：「古人在陶瓷鍋中設計了一個特殊氣嘴，可讓鍋內的湯汁以蒸氣凝成，這種神奇的蒸鍋人稱"氣鍋"。配搭小瑪哥祖傳的獨家秘方，傳承最好的味道。」🤩；真係好味，見到嘅材料有 雞件、竹笙、菇菌等，好飲到舔舔脷🤣「凉拌魚皮」：好爽脆、微辣、食落開胃😋「滇池酸菜魚」：魚肉細緻鮮嫩，配埋酸菜一齊煮，酸酸哋，開胃好食，仲有好多薯粉可以食🤩「金牌小鍋湯米線🍜」：米線有啲啲煙靭仲爽滑，放喺濃郁嘅辣辣哋湯底裏邊，好味😋「香茅豬扒」另上，煎得好香口🤩「豆花炸醬撈米線🍜」：炸醬嘅豬肉做得好美味，要嚟撈米線出奇地夾🤩，加埋豆腐花撈米線，就真係幾特別🤣，食得相當暢快🤣甜品「山水豆腐花」：加咗玫瑰花糖，有淡淡嘅

一場為咗氣鍋雞湯而嚟🤤果然冇令我失望❣️陶瓷鍋中嘅特殊氣嘴，令鍋內嘅湯汁以蒸氣凝成一上檯就感受到佢嘅熱力祖傳秘方用雞、松茸、竹笙燉煮而成湯頭夠晒濃郁🩷另外主食方面 帶多款米線湯底同配料選擇鍾意開胃口味嘅我 點咗金牌小鍋湯米線配雞肉同麻辣牛腩呢個湯底有酸菜 個湯頭酸酸甜甜雞肉份量都好多 麻辣牛腩炆到好腍好入味滇池酸菜魚米線 原來同金湯係同一個湯底 食完一啲都唔口渴魚肉好滑，份量都好多小食就點咗脆炸蝦寶餐廳嚴選最靚蝦膠再自己調配出嚟食落真係夠晒彈牙 仲食到粒粒嘅蝦肉點少得油菜全走呢度望住電車路 座位好闊落環境好modern 店長又好好人 下次嚟一定要試下豆花米線🤤

以前喺太古屹立三十多年嘅「阿詩瑪壹菌」搬到灣仔喇，其實我原本系吾知呢間餐廳，系今日職員同我講呢段歷史。自己又喺Openrice 8卦睇睇，原來「阿詩瑪」嘅雲南過橋米線同埋山珍氣鍋雞都好出名！灣仔「小瑪哥米線」保留舊址名菜，主推氣鍋雞同各種雲南菜式。✿ 氣鍋雞套餐 $276🐔招牌氣鍋雞 (兩盅)呢個氣鍋雞真系冇得輸，有竹笙、冬菇、雞肉，竹笙吸曬雞肉嘅精華😋雞肉件件嫩滑。雞湯真系超好飲，飲得出系真材實料燉雞，啖啖精華👍🏼🐔召通醬雞翼 召通醬似系麵豉醬味道，整得頗入味，醬汁沾滿每件雞翼🐔🐟滇池酸菜魚酸菜魚系呢家嘅趨勢，呢度當然都會有，味道偏辣🔥魚肉滑溜🐟風味可以。🍜金鍋小鍋湯米線金鍋小鍋湯味道偏酸，同時做到開胃，加咗雲南炸醬同彈牙大蝦球🦐炸醬充滿港式風味，彈牙大蝦球果然好彈牙，比起一般大蝦爽滑👅🐷豆花炸醬撈米線加咗腐皮、豆卜、白菜餃，好足料，撈米線對比湯米線更清爽，腐皮同豆卜豆味重，白菜餃皮薄餡靚🥟撈埋炸醬好有雲南風味。

阿瑪哥米線的二人氣鍋雞套餐十分抵食，有一款頭盤小食，一款主菜，兩款米線，兩款甜品或飲品，還有一人一壺氣鍋雞，都只是$208.氣鍋雞用陶製氣鍋放入雞件及配料去蒸煮，蒸氣慢慢將雞肉蒸熟，味道清甜。涼拌金耳，金耳是一種真菌，營養豐富，好特別的配上醬油及芥末，好清爽開胃，口感爽脆。滇池酸菜魚，份量頗大，味道酸酸辣辣好開胃，魚肉嫩滑，還有些芽菜，薯粉及萵筍片在內。金牌小鍋湯米線用上秘制酸辣湯底，自家酸菜, 豬肉碎, 韭菜, 芽菜，好惹味，另外加了魚腐，鴨紅及腩肉，份量十足。豬骨清雞湯米線，相對比較清淡，配上竹生及豆卜。米線很幼滑。還有玫瑰冰冰粉做甜品，以玫瑰酱、芝麻等食材制成的甜品，口感似啫喱，冰凉香甜，嫩滑爽口。另外點了比較特別的召通醬雞翼3 隻，昭通酱是云南特产，辣麻咸香，雞翼醃得入味，炸得香脆肉嫩，好惹味。

從雲南回港己一星期，念念不忘雲南美食，尤其係米線，氣鍋雞….！從同事口中得知公司附近開了一間米線專門店，仲有氣鍋雞，當然第一時間去試吓啦。鮮菌蕃茄湯米線麻辣牛腩，腐皮，竹笙湯底鋪滿蕃茄粒，真材實料啊！好甜美！米線吸收到蕃茄湯底甜香。還有片片菇菌，散發出菌香。牛腩非常軟腍，少少麻辣香，增加食欲感。氣鍋雞細細鍋，啱晒一人份量。湯底好清甜，材料十足，火喉夠。感覺回到雲南嘅風土人情。套餐奉送糯米香茶，味道幾特別，好飲。

喺灣仔發現呢間新開，幾高質嘅小店繁忙日子，可以飲啖靚湯，食餐簡單嘅飯，都係一件好幸福嘅事有米線，客飯，涼拌小食仲有個超抵嘅氣鍋雞二人餐環境乾淨整潔，卡位坐得幾舒服客飯送既小食，手拍青瓜清新開胃皮蛋嘶嘶雞飯其實我都係第一次見，不過店員極力推薦，試吓無妨😁😁嘶嘶雞原來係解辣到嘶嘶聲，幾有趣。調味同一般口水雞唔同，多咗一份新鮮辣椒嘅鮮味，同埋鹹香味雞件嘅雞皮非常薄👍🏼配埋蛋心軟綿綿嘅皮蛋，又真係幾好食👍🏼鍾意食辣或者食開口水雞，都可以試試叫咗客飯可以加錢，加配氣鍋雞飲啖靚湯，獎勵吓自己💕💕湯好濃郁，好好飲！有竹笙、菇、雞件，估唔到啲雞係非常滑，好飲又好食👍🏼👍🏼

應該係新餐廳，所以冇任何食評，同埋見某外賣平台而家做緊免運費，就諗住試吓啦肥牛正常，麻辣大腸有啲韌，同埋完全唔麻辣，米線正常，有啲酸菜芽菜但最重要係個湯底出晒事，已經叫大辣，備註埋特大辣，但水了了到不得了只有顏色沒有味道叫得麻辣湯底就係想食辣嘢，我而家好似飲緊清水咁如果大辣都只係咁樣，小辣嘅味道簡直無法想像另外個外賣盒漏咗啲湯出嚟，全個盒同埋副餐具都係油同埋兩餸米線，要65，其實都頗為昂貴絕對不會再encore了清水？

今日收工同老婆諗住去食個米線，經過莊士敦道近IClub hotel見到有間新開嘅小瑪哥米線，諗住入去試吓，點知真係有驚喜，米線款式特別，我同老婆試左金牌小窩米線辣湯同豆腐花炸醬撈米線，果然都好正同幾有特色，店主仲推介左個涼拌金耳，口感爽，有啲似食刺身，好過引。