小火焰韓式咖啡廳 (金山樓) (已結業)

好少見到有韓式Cafe~ 今次就同朋友發掘下到底同平時嘅韓式餐廳有冇好大分別😆入面嘅座位都舒適唔會太逼，以卡位為主午餐時段可以叫All day menu同Lunch MenuLunch Menu就有餐飲包左～落單係用QR code嘅！見到店員好貼心，如果唔習慣用手機落單都可以自己用紙落單👍🏻🤍韓式甜辣年糕炸雞（半份）$108香港嘅甜辣炸雞好少真係有辣味但呢個真係食得出辣味！半份炸雞係兩件雞+兩隻雞翼如果兩個女仔食就啱啱好～年糕比較幼但質地都煙韌！🤍汁燒牛肉溫泉蛋拌飯 $58個飯除左有牛肉同温泉蛋仲有好多椰菜同紫菜，質感豐富～落單嘅時候都可以揀轉熟蛋牛肉份量唔多 主要係燒汁味肉味欠奉～🤍芝士夾餅 +$15兩件薄薄嘅夾餅 冇想像中咁油膩👍🏻芝士味就唔係太突出🤍忌廉蟹肉餅 +$16好熱+皮好脆！餡都好creamy!!🤍熱蜂蜜柚子茶 味道唔會太甜 雖然係熱飲都唔會好細杯～整體評分: 🤍🤍🤍午餐可以追加嘅小食選擇好多，啱晒咩都想試吓嘅我😆Menu都仲有好多午餐嘅選擇下次會試埋其他！

今日難得去下大埔呢頭，見有見韓國餐廳就試試個下午茶set叫左個五花肉鍋飯配茶碗蒸， 都只係$46。裏面有五花肉翠玉瓜紫菜同芝麻，本身望個樣有少少唔夠醬汁但係點知撈埋晒嘅時候其實都夠味，我呢個唔係好食得辣嘅人就覺得佢辣味啱啱好。作為一個Tea set佢嘅份量都拿捏得啱啱好，女仔來講食完都幾飽。茶碗蒸味道正常仲有一啲肉粒係底。呢一個Tea set仲包嘢飲$46來講其實都相當抵食另外叫左個石板韓風魷魚，魷魚份量比我想像中多，醬汁唔辣嘅嘅，係甜甜地嘅燒汁，配上熱辣辣嘅石板，仲有大量嘅椰菜，食完覺得好滿足。額外叫咗個紫薯沙冰 杯野好大杯顏色鮮艷，打卡一流。 嘢飲唔會好甜，而且配上四粒細嘅甜紫薯，非常邪惡。

今日去咗食小火焰韓式餐廳下午茶。叫咗杯紫薯沙冰，見到網上評價幾好所以期望都好高。不如叫到埋黎真係好大杯嘅，飲洛口淡茂茂，冰粒都有啲粗，杯嘢飲唯一可以讚嘅就係嗰幾粒紫薯。唔建議大家嗌。另外帶咗個鐵板魷魚，呢個夠味又好食，鐵板上熱辣辣，配上大量野菜值得推介。

係第五波疫情爆發之前咁岩約左朋友仔，黎左呢到食韓國野。其實呢間餐廳都想試好耐，一直都見佢嘅食物款式好多元化！今日同朋友仔分別叫咗芝士海鮮菜餅、熔岩芝士炸雞麵包，另外仲叫咗個午市套餐。我哋叫咗辛辣茄子牛肋焗泡菜炒飯、比利時朱古力、芝士夾餅、白桃乳酸特飲。呢個芝士夾餅係跟套餐加，味道都幾好味😋😋呢個辛辣茄子牛肋焗泡菜炒飯，啲牛肉粒勁多，個牛都好味，芝士焗得香😋😋芝士海鮮泡菜餅，外脆內軟，海鮮粒粒都唔算少😋😋嚟到呢個簡直不得不提，我哋就係見佢個芝士麵包好得意，於是叫咗，將脆脆點芝士，麵包入邊嘅忌廉芝士醬，係勁多，點源雞同脆脆都仲有，兩個人叫咗幾樣嘢食，真係出租超級飽，而且味道都真係唔錯呀☺️其實我哋都真係眼闊肚窄，好多嘢食都想叫，但唔可以浪費食物，就留返下次再食啦

📍小火焰韓式咖啡廳（大圍店）以下食品5分最高🥤凍即磨咖啡：幾好飲，叫左少甜，重奶味，我最愛多奶❤️➡️4.8分🔥芝士夾餅（加配）：無咩味，芝士味唔濃郁，一般➡️2分🔥魷魚🦑水冷面：內有：魷魚有炭燒味幾入味、青瓜甘筍絲、小番茄🍅、白蘿蔔絲、溏心蛋🥚、蕎麥麵彈牙、湯底凍嘅酸酸甜甜，幾好味，不過好大份，食唔曬➡️4.7分🔥香燒牛扒蕃茄湯烏冬，牛排🥩嘅燒汁偏甜，比較難咬同韌，無咩肉汁，薄。稻庭烏冬，彈牙。湯底番茄🍅湯，不過似落好多番茄醬嘅味😂仲有海帶、粟米粒、番茄碎同蔥➡️3分🔥芝味炸雞，外有芝士醬同芝士粉淋面，有dd迷迭香唔係每隻炸雞🍗都有醬汁覆蓋，忽略左底個d炸雞😂，雞外皮脆裡肉嫩不過粉多😅，價錢108得半份，性價比唔高➡️3分💰：269（2人份）整體評分：❤️❤️❤️（5個❤️最高）

今日同好耐冇見嘅朋友見過面，喺公司附近搵嘢食！好耐冇食韓國菜，就見到平價午市精選，就試一試！魷魚水冷麵一上枱，由於燒得好香，唔錯！呢個係朋友叫嘅，佢就覺得可以再酸啲，要記得叫佢拎辣醬，因為原本個麵有啲淡我自己就叫咗個大醬牛肉粉絲煲佢嘅大醬湯係辣嘅，牛肉有兩舊粉絲超多，仲要送碗白飯！我就覺得個湯配飯唔錯，食粉絲就有啲淡，如果湯再多啲就更加好 另外我哋加咗牛油蒜香雞翼，冇咩特別，揸得好脆，但冇咩牛油蒜香味海鮮芝士煎餅呢份細細塊，當小食食都唔錯，煎得都幾香！另外飲品叫咗朱古力咖啡，一般般，唔建議叫。佢嘅咖啡底係一樣，只係上面加咗幾舊細細嘅朱古力！我自己最鍾意嘅係草莓3.6牛乳雪花冰，草莓酸酸地又有草莓糖漿同煉奶，配合啱啱好，唔會太甜！不過草莓有啲酸，上面仲有芝士蛋糕同雪糕！值得一試！

今日去到大圍食嘢 朋友介紹呢間食韓國菜嘅 小火焰韓式咖啡廳 好耐冇食韓國菜啦 都好掛住韓國 就決定試試佢啦🫢 入到去坐低睇完餐牌 圖文並茂 跟住就自助落單啦 疫情期間 自助落單係方便簡單衛生👍🏻 泡菜醬燒黑豚拌飯 $68黑豚肉好好味 煮得岩岩好唔會好韌 加埋燒汁好夾👍🏻 泡菜有好多 飯係珍珠米 粒粒分明 再加左紫菜碎起面 好味呀😋 大醬黑豚粉絲鍋 $68熱辣辣拎上嚟仲出緊煙架🤩 粉絲同黑豚肉都有好多 好足料😋 一啖飯一啖湯仲要辣辣地咁真係好好味😋 食到最後啲湯都仲係熱嘅 保溫做得好好👍🏻 跟餐配左兩杯嘢飲熱蜂蜜生薑茶 叫咗少甜薑味都幾濃😗凍蜂蜜柚子茶 都叫咗少甜 酸酸甜甜就啱啱好啦😌 為食嘅我哋仲叫咗一個小食😝炸雞combo $88咁呢個combo就有3樣野啦 有芝士薯條、酸甜炸雞、同埋炸雞軟骨 芝士薯條超香好濃既芝士味 喜歡芝士嘅朋友一定要試吓😝 酸甜炸雞正常發揮 咬開舊雞入邊都好滑 雞軟骨炸得香脆乾身👍🏻 整體來講 呢間小火焰韓式咖啡廳都唔錯😗 lunch set好抵食 環境舒適 上菜速度都幾快 下次會想試下佢既tea set😋

話說自從數年前去過韓國後，很喜歡韓式拌飯，脆脆的紫菜、獨特的韓式辣醬味道和不同的配料拌在一起，很懷念那種滋味。短期內去不到韓國，就來這餐廳吃點韓式菜懷念一下吧。泡菜鰻魚燒拌飯最愛吃鰻魚，這裏的鰻魚皮燒得焦脆，鰻魚肉夠厚肉。配上脆紫菜、泡菜，拌在一起，很惹味😌好吃😋午市套餐還可加碗其他小食，例如韓式年糕、薯條、雞翼等等，價錢相宜， 10多元便有一款小食，有時候小小的一碟。就令人滿足了脆米豬手沙律豬手是滷水豬手，店家下的份量很大方，沙律的生菜新鮮爽脆，生菜底更有一絲絲透明爽脆粉絲，健康又開胃，加上點點脆米，令整份沙律更有口感。價錢只是七十多元，抵吃。這餐廳的價錢實惠，甚有韓國真味道，下次還會再來

味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐今日約左人去踩單車，所以出左大圍！踩單車緊係要食飽d啦，所以就睇下附近有咩食啦，咁岩有間韓國野，所以就去試下啦，我同我個朋友叫左2個lunch set同2個小食（大醬黑豚粉絲鍋、明洞餃子炒粉絲、泡菜炒年糕、韓式炸雞塊）飲品叫左蘋果奇異果梳打及西柚梳打1.大醬黑豚粉絲鍋辣味足夠，味道岩岩好，唔會太淡都唔太濃好岩口味，黑豚大大件，黎到見到都流晒口水，跟飯簡直一流，用料足夠，對得住個價錢。2.明洞餃子炒粉絲本身以為會好清淡，但食落味道岩岩好，好岩我口味，份量都好多，對於我依d 細食嘅人黎講,都忍唔住食晒佢，餃子啖啖肉好滿足！3.泡菜年糕追加小食，唔貴，但用心製作，辣味做得平均，容易入口。4.韓式炸雞塊炸嘅火喉岩岩好，唔會炸過火，雞肉嫰滑夠味，加上佢外面仲有芝士醬，食唔停口總括黎講，食物質素同味道對得住價錢，係可以再返食之選😍

香港近排天寒地凍🥶 噴口氣都會出白煙😶‍🌫️ 好自然就會諗起冬天去韓國旅行嘅時候🤤🇰🇷 雖然而家仲未有得去旅行😵 好彩香港有好多唔同國家嘅餐廳 唯有去食返餐韓國菜幻想自己去個小旅行啦😛我地果日係午市去食 午餐餐牌上面都有好多選擇👍🏻 除左有一般韓食🇰🇷 倒如韓式炸雞🐔韓式拌飯🍚 淮山麵🍜外 竟然仲有蕃茄湯 🍅鰻魚呢啲日式嘅選擇😂 因為自己都唔係好食得辣😛 所以都係叫左d 唔太辣既菜式再配啲韓式小食💁🏻‍♀️ 雖然唔係餐廳主打菜式 但係食落味道都唔錯😋 仲滿足埋食韓國菜嘅願望添😎👉🏻 甜薯咖哩燒牛扒飯🐮💰HKD6️⃣8️⃣👉🏻 燒鰻魚蕃茄湯烏東🍅💰HKD 6️⃣8️⃣👉🏻 卡邦尼炒年糕 (跟餐小食）💰HKD1️⃣0️⃣👉🏻 韓式甜辣炸雞 (跟餐小食）💰HKD1️⃣2️⃣加一服務費❌

知道大圍最近開咗間韓國菜，梗係即刻要沖去食啦今次點左個好豐富嘅弘大二人精選套餐三色前菜好開胃嘅前菜，樣樣都好爽口，特別係泡菜好香好好味醬油鮑魚鮑魚好新鮮，非常之鮮味又爽口，佢嘅醬油亦都好惹味香芒炸雞沙律第一次食炸雞竟然係有芒果，估唔到咁夾，因為佢嘅甜可以平衡返韓式甜辣醬嘅辣味而炸雞都炸得唔錯芝味炸雞(半份)熱辣辣嘅芝士炸雞，食落芝士味非常之突出，而且炸雞亦都揸得金黃香脆，入面嘅雞肉亦都非常之嫩滑鮑魚人參鴿配人參酒超級無敵極度足料嘅一個湯，店員會係你面前將成隻鴿剪開放落去，真材實料而且佢嘅湯底嘅人蔘味亦都非常之香依家天氣咁凍食佢就啱晒泡菜鰻魚燒拌飯呢個飯真係超大份，一份都分分鐘夠三四個人食而且極度足料，無論係鰻魚，泡菜，紫菜定其他配料都非常之足料食完之後成個人暖笠笠奶油芒果窩夫芒果香甜，窩夫都香脆，雪糕幾幼滑青蘋果熱情果梳打、巨鋒乳酸特飲 好清爽嘅梳打，仲有成支野倒轉喺個杯上面慢慢流落嚟，可飲得來打卡都好靚

小火焰韓式咖啡廳今日天氣開始轉凍，又落住毛毛雨。咁啱去大圍買完野比貓貓，咁就去揾啲野食暖下肚。去到馬會附近，見到呢間小火焰韓式咖啡廳，即刻諗返起之前去韓國旅行食即炸雞！咁我地二話不說就入咗去。餐廳都算幾大，但由於防疫限制，枱與枱之間加咗膠板，令座位睇落冇咁寬敞。餐廳提供好多唔同既韓式食品，炸雞，炒年糕，水冷麵，石頭鍋飯等等。除此之外，仲有一樣特別既野食，淮山麵！ 咁所以我地叫咗以下兩樣野食。芝味炸雞(半份)半份炸雞有四大件。有兩件雞槌，一件雞翼同埋一件雞上脾。炸雞表面滲滿咗芝士粉同擠咗好多芝士醬。芝士粉有好濃郁既芝士香味，而芝士醬係調味方面係偏甜既。炸雞表皮好脆身，但厚粉咗少少，所以細食既朋友可能食一件就會飽飽地。而肉質方面都算幾滑，咬落有少少肉汁，唔錯。鮮茄牛肋肉淮山面本身以為淮山面會係偏煙韌既，但食落去原來係好爽口既。而且食到最後都唔會吸得太多水，唔會漲晒同淋晒。而蕃茄湯底味道好濃郁，鐘意蕃茄既人應該會好滿足。牛肋肉好入味，但嫌有少少碎咗啲。整體唔錯。

因為要係大圍做野，門口餐牌見一個套餐大約70幾，見幾多人就入去可惜天氣凍，唔係會想試下雪冰用QR Code自助下單，野食好快就上台跟餐+10既卡邦尼年糕味道好好，好creamy同幾多下，年糕呈軟身跟餐既韓式炸雞朋友大讚好香口，甜辣醬好惹味。朋友叫的泡茶鰻魚飯：睇落好簡單但味道豐富，手板一樣大既鰻魚，配上紫菜碎、泡菜、椰菜碎，一口接一口好爽脆，鰻魚軟綿皮帶彈性，$78幾有性價比燒牛肉配番茄烏冬：烏冬係日本個種🇯🇵入口細滑帶彈牙，湯底係豬骨味重既茄湯，如果可以少咸會更好牛肉正常發揮隨餐奉送飲品朋友加錢要咗白桃梳打朋友話好夠氣！兩個人大約$200左右幾抵食～

以前喺觀塘番工經常食嘅小火焰🔥 @aidancafe 喺大圍開左分店，超方便地鐵站出口一路直行幾分鐘就到，食物種類款式好多😂，唔算好正宗嘅韓國🇰🇷料理，但迎合咗香港人🇭🇰嘅口味，有少少似fusion菜，個人覺得食物質素高，而且價錢合理，誠意推介比大家😬🇰🇷 💰368🥭香芒炸雞沙律(8/10)雞肉外脆內軟🍗，酸酸甜甜咁，炸得啱啱好，芒果幾甜，冇諗過炸雞配芒果🥭可以咁好味，底部有沙律菜🥗可解膩🐷韓燒豬頸肉(7.5/10)豬頸肉好大碟，肉質嫩滑又爽口👍🏿，配特別嘅醬汁點嚟食幾好味😋🍲迷你肥牛粉絲鍋(8/10)肥牛肉質嫩滑🐄，豬骨湯底好濃郁，冬天❄️飲暖胃好正，配料有娃娃菜🥬、韓式年糕等，年糕煙煙韌韌好有咬口，底係韓式粉絲🍜，吸收哂牛肉味加豬骨湯嘅濃香，好正😍🐓拉絲芝士香燒雞翼伴泡菜炒飯(7/10)泡菜炒飯加上濃濃嘅芝士🧀、粟米🌽同紫菜，超邪惡但口感豐富，芝絲係識拉絲嘅，令人不禁一啖接一啖，雞翼有四隻大大隻，呢個炒飯🍚次次嚟食都會叫，雖然會食到好濟但真係幾唔錯😚🍑白桃乳酸特飲 & 🍇巨峰乳酸特飲(6/10)普通冇特別，但冰比較多，溝淡咗唔夠甜，可做得更好🧇奶油芒果窩夫 (跟餐+💰28)(6/10

呢日去大圍買開野，午餐時段睇吓附近有乜嘢餐廳抵食。第一次來到小火焰, 這間餐廳午餐時段有套餐，套餐感覺都好豐富，配有飲品小食，價錢都相對幾抵。我哋兩個人點左一個焗飯餐及一個拌飯餐😊前菜小食有卡邦尼年糕，年糕煙煙韌韌，菇菌都幾多，卡邦尼汁都覺香濃。另一個小食係芝士夾餅，都好味，芝士香濃。蜜糖芥末雞扒焗泡菜炒飯味道十分之好！雞扒煎得好香，肉質好滑，淡淡的蜜糖芥末味恰到好處。泡菜炒飯炒得好乾身，粒粒泡菜有口感。拉絲芝士烤豬肉伴泡菜炒飯亦都好好😊一上枱就感覺到我喜愛嘅濃郁芝士味道，表面滿晒非常之多嘅紫菜碎，好滿足😊豬柳及拌飯一齊食好好味！飲品嘅選擇都好多，我哋點左熱烤杏仁咖啡（伴一塊朱古力cookie), 以及熱蜂蜜紅棗茶。咖啡味道香濃，有杏仁碎片。紅棗茶滋潤。最後加咗一個迷你芝士蛋糕一齊食，作為今日午餐嘅甜品。芝士味道濃郁，感覺唔錯。餐廳午市都好多人幫襯，亦都有好多附近嘅街坊叫外賣，相信附近街坊都有對佢唔錯嘅評價。希望下次嚟我哋再試吓其他韓國特色嘢食😊 佢哋嘅甜品餐牌好吸引咁😊