小洋蔥 (已結業)

Lunch time 見幾多人食，而我就因為佢唔似係連鎖店所以想試下(後尾check返原來係大家樂嘅😂)。鋪面幾闊落光猛，午市一人唔洗等位，店員有禮貌但總係覺得呢間餐廳嘅服務有d奇怪。餐牌食物相影得好靚，裝修有d田園風感覺，令你不其然對佢嘅食物有所期望，有期望自然有落差🙈叫左個雞扒意粉，味道好一般，唯一優點係雞扒有煎過，表面乾身脆口。跟餐有餐湯&包，運埋凍飲都係茶記偏下嘅質素。埋單$65價錢唔算貴，不過唔值🙈…查看更多

從未試過食一碗超咸又難食的湯烏冬。首先1）糖心蛋的蛋黃和蛋白似灑鹽，完全食唔落口。2）豬軟骨唔係淋嘅，又凍冰冰。3）番茄又生又酸成碗湯烏冬真係只有烏冬食得入口，咁就收我$58，大家下次千祈唔好叫超伏！…查看更多

新年期間經過，因為唔使等位，所以即管一試。見到評論，大家都唔係咁欣賞呢間餐廳所以都冇話特別咩期望。我哋一行五個人，叫咗一個pizza ，一個炒烏冬，兩個飯，仲加上兩個小食，食物都好快到，鋪滿一枱，賣相都唔錯。先講炒烏冬，其實幾香，裏面嘅海鮮配料亦都算多，合格！小食方面薯條好正常，但係另一個洋蔥圈就非常厚粉，以為自己食緊油炸鬼Pizza我哋叫咗千島海鮮。佢嘅芝士係好厚身，同埋有拉絲效果，所以唔可以話佢差！不過佢個千島醬係另上，所以成個Pizza都幾乎冇乜味，要將啲醬放上Pizza都度食好奇怪。兩個飯，一個焗豬加一個吉列滑蛋丼。非常平淡，豬扒肉亦都麻麻。總括一句，hea食可以不要認真。…查看更多

叫咗兩個午餐蕃茄雞扒意粉外賣，返到屋企一打開，兩盒都係冇！雞！扒！淨係得齋意粉😡😡😡唔睇清楚就出食物，餐廳廚房同員工都有問題。做街坊生意都可以做到咁差，好失望！！！…查看更多

約咗人想喺秀茂坪廣場簡單食餐午飯~見到呢間有少少人排隊，但係環境睇落幾乾淨嘅餐廳就諗住試吓叫咗都頗為經典嘅卡邦尼意粉加熱檸茶lemon🍋首先，等咗好耐好耐食物先上枱🥲 而且碟邊全部都係醬🙈，不過味道都唔差（而且員工都算有禮貌）。醬汁好濃所以都幾飽肚，一個人食就啱啱好 而飲品就差少少啦係太太太濃嘅熱檸茶～ 其實茶底可以唔使咁足gea~ 到後期甚至要自己裝水溝稀先飲得完🙈🙈不過餐廳入面有自助水機無限加水都得🤣都算係好嘅…查看更多