小曼谷海鮮燒烤屋

營業中

休息中

今晚男朋友同我都準時放工🙆🏻‍♂️🙆🏻‍♀️ 屯馬線開通左，真係好方便，我地即興相約去九龍城食泰國菜！Blue Monday 更加要食好d 😋😋 。今晚我地黎依間人氣爆登既「小曼谷海鮮燒烤屋」。鍾意依間餐廳環境寬敞乾淨，上菜快靚正。價錢合理，難怪平日星期一都差不多全場爆滿。-♥️牛肉及墨魚🦑鬚沙嗲串燒每次食泰國菜都會必點一些串燒。 烤牛肉很香口，墨魚鬚煙煙韌韌有咬口。-♥️黃咖喱雞肉拼原味烤薄餅很喜歡泰式黃咖喱！小曼谷的咖喱一向很有水準，質感濃稠得宜，獨特的香氣，令人一試愛上。咖喱口味不辣微甜、雞肉鮮嫩、還有薯仔粒🥔及青椒🫑。 另點了烤薄餅配咖喱汁，薄餅夠熱酥香。-♥️泰式醃豬頸肉沙律這份沙律🥗很有驚喜😋。 豬頸肉份量很多！ 經燒烤過帶點燶邊很香口！ 配上酸甜微辣醬汁及沙律菜，大大減輕膩滯感。-♥️泰式炸蝦餅蝦餅炸至表面金黃酥脆，蝦肉🦐厚身，口感彈牙。點上甜酸醬更為惹味。-♥️小曼谷炒飯泰式招牌蛋包飯，蛋皮煎得很香，炒飯夠爽身，餡料有扎肉、蟹柳、鮮蝦等，份量相當多。-♥️椰汁膏及斑斕糕飯後一點甜！ 點了兩款泰國特色糕-♥️椰青消暑解渴！好想疫情快過，去泰國旅行

屯馬開通真的很興奮 九龍城終於有地鐵啦 梗係要黎九龍城食下最出名既泰國野啦 小曼谷已經係九龍城開左好多年 泰菜做得非常正宗✨先黎一個黃咖喱雞 咖喱雞既味道非常濃郁 雞件份量都幾多✨加埋香脆既蒜茸包 簡直就係絕配 蒜茸加埋咖喱既香味 正到dum一聲✨小曼谷炒飯竟然係一個蛋包飯？！好似一下子將你由泰國帶到日本一樣 但包飯入面係充滿泰式風情既海鮮炒飯 有噱頭得黎又好好食 夠晒鑊氣✨我地仲叫左4串串燒 全部即叫即燒 好有泰國風味 如果可以坐係芭堤雅海邊就好啦✨椰青非常清甜 係酷熱既天氣下飲椰青絕對係賞心樂事 當然唔少得泰式奶茶啦

特登搭地鐵🚇去下宋王臺站，黎到九龍城就搵番間泰國菜食下，這次想食下海鮮類嘅食物，於是選了#小曼谷海鮮燒烤屋。#海鮮孖寶從A&B中各選一款，任意配搭兩款食物，A）選了燒盲曹， 魚大條且有鮮味，唔會太乾身仲帶有肉汁。B)選了燒脆皮白鱔(2串)，即叫即燒熱辣辣，魚皮燒得很脆口，魚肉爽口嫩滑，點上泰式醬汁酸辣的更提味。 #泰式蝦炒金邊粉 大碟且份量很足夠，熱辣辣好味道，添加青檸汁更開胃，有3隻新鮮彈牙的大蝦，金邊粉炒得乾身唔會好油，惹味香口好味呀。 仲有好多菜色見到都想食，下次要搵多2個人黎食至得。

突然想吃泰國菜就上Open Rice查看有什麼好介紹，如果看到這間還好吃的樣子，在吃到差不多時間有職員就問我們可否換旁邊那張桌，說有5個人要坐結果…來了3個人，那有5個人吖？好像是在趕我們走

位於九龍城一間有名的泰國菜館，門口位置有個很搶眼的吹氣公仔，不斷揮動著手，向途人打招呼。餐牌旁邊的餸菜照片，很吸引。電話上掃描二維碼就可以自行下單，非常方便、簡單、快捷。沙律類：泰式生蝦刺身新鮮的蝦刺身，配上生蒜，辣椒粒，更能提升鮮味。炒菜類：泰式鹹魚炒椰菜苗泰國鹹魚一起炒，特別惹味，而且不算太鹹。有時椰菜苗會較苦澀，但是跟鹹魚炒過後，能掩蓋了那苦澀味。菜苗爽口，很有口感，泰國菜常點的蔬菜類之一。廚師精選推介：泰式鐵板蠔餅新鮮炸起的蠔餅，鐵板能保持溫度，蛋邊炸得脆卜卜，酥脆香口；蛋餅大大塊兼且厚身，配上肉質飽滿的蠔仔，蛋香十足，不過始終是油炸物，吃起來略為油膩。飲品類：椰青冰涼鮮甜的泰國椰青椰子水，解渴之選。

自從開咗屯馬線，去九龍城方便好多😎，當然要去食泰國野啦。平時成日都係小曼谷見到隻吹氣公仔係度Fing 手💁🏻‍♀️，好搶眼，所以同朋友決定揀佢，叫咗幾款小菜。串燒 (豬牛雞$18/串 墨魚丸$24/串)食泰菜又點可以唔叫串燒呢🍢我地叫左雞、牛、豬同墨魚丸😚墨魚丸彈牙爽口，雞肉燒得好嫩，點埋佢秘制嘅醬汁好惹味👍而豬肉同牛肉就不過不失，可能燒得少少過龍，但整體都係唔錯。泰式生蝦刺身 $119食泰菜梗係要叫生蝦咖啦🦐 生蝦上鋪咗辣椒同蒜片，當然仲有配泰式酸汁啦。生蝦幾肥美、厚肉，質感爽口，撈埋啲配料一齊食，又辣又酸😝 如果生蝦可以再凍啲就好啦🤓泰式馬拉盞炒通菜 $82食惹味嘅泰菜，馬拉盞炒通菜同炒椰菜苗幾乎係必點嘅蔬菜🥬。呢道炒通菜嘅美味之處最緊要就係夠鹹夠辣🌶️夠惹味。唔單只通菜爽嫩，炒得不油膩又有鑊氣，但而且馬拉盞味都好突出🤤，係少有會想令人食完一啖又食多啖嘅蔬菜。泰式冰奶茶 $28泰式奶茶🥛有幾種奶香，淡奶同煉奶仲有鮮奶味可以好好中和返惹味嘅泰菜，食完一味飲返一啖正！杯野加左淡奶漸變色好靚咖📸龍眼冰 $28食辣嘢一定要order嘢飲，今次揀咗龍眼冰，佢裏面真係有一粒粒完整嘅龍眼肉，有成十粒

等咗好耐好耐嘅屯馬線終於通車啦現在去九龍城真是方便好多，今日就去試坐下屯馬線去到宋皇臺站就到達香港有小曼谷之稱嘅九龍城啦，第一件事當然唔少得去買啲泰國零食啦之後就去揾食第一件事必點串燒啦~雞，牛，豬，各一串同朋友一齊share，唔點沙嗲醬都好好味海南雞一隻~雞肉比較肥美嫩滑雞皮滑而不厚再沾滿秘製醬汁菠蘿炒飯就試得多芒果蟹肉炒飯我都係第一次試，芒果控嘅我當然覺得好好味啦，飯後甜品又點少得order芒果糯米飯呀，其實好鬼飽不過都係敵不過芒果糯米飯嘅誘惑不過如果有埋黑糯米更加perfect👍

屯馬線開通，而家去九龍城食泰國🇹🇭嘢就更方便。 我都唔執輸，立即去九龍城食泰國菜先。 平日夜晚去，未到7點已經見到有人排隊等位😍 泰國菜式選擇好多，沙律🥗、串燒、燒海鮮、咖哩、煲仔翅等，應有盡有。 泰式燒盲鰽（$171）呢款唔係好多地有得食，點都要試吓！其實係鹽燒盲鰽，外皮燒得香脆帶焦，入面保持水份，魚肉更嫩滑，味道鮮甜入味。盲鰽魚多骨少，好味又唔麻煩。泰式柚子沙律（$98）泰式沙律。我最喜歡這款。柚子大蝦🍤沙律，酸酸甜甜，仲加上香辣，非常醒胃。另外仲有大量配菜，如花生🥜、炸蒜、洋蔥🧅、魚乾等，好豐富惹味😋沙嗲串燒牛舌（$28）沙嗲串燒雞肉（$18）串燒每塊都大大件，多肉又嫩滑，配上秘製沙嗲醬，味道無得頂小曼谷原隻芒果糯米飯（$78）個芒果大大隻，果肉原實，仲甜到爆😍 配上煙韌吧糯米飯🍚，及香濃嘅椰奶🤤 椰香加芒果～～～飄飄～～～飄進我個口😆椰青（$38）加埋清甜椰青就滿足哂！

相信係我去過上菜速度最快既餐廳🍴自動Scan QR Code落單，一禁”提交”訂單，15分鐘都未夠就放滿成張枱。強烈建議你慢慢點餐，唔好一次過點哂所有食物，真係食唔切架餐廳環境乾淨，但偏嘈，比較難傾計。但餐廳格局好似身處泰國一樣，有點泰國風味。4個人一齊開餐只係$1200+，食得夠飽又夠滿足感燒豬頸肉真係好好味😋必食推薦柚子沙律唔辣既，好開胃(自問都食得辣)蟶子同虎蝦都不錯👍🏻可能當晚無大蜆，餐廳改以9隻細蜆，都幾有良心既餐廳

九龍城食泰菜最正宗，宋皇臺站B2 出口行幾分鐘就到，勁方便，咁多間，網上評價呢間唔錯，可以一試。泰式芝士烤酥餅酥餅好酥脆，不油膩，頂層有半片半溶芝士片，鹹香酥脆，唔需要沾醬汁都好夠味。點少得經典嘅飯，黃色鮮菠蘿雞肉炒飯，夾著香甜菠蘿，雞肉似雞扒肉，肉質嫩，配上豬肉鬆、提子乾、香甜洋蔥，濕潤又夠香。泰式鮮蝦炒金邊粉 原隻開邊鮮蝦肉質爽口彈牙，金邊粉口質煙煙韌韌，加上青檸汁，酸甜又辣泰式煲仔翅最似泰國，翅配上蟹肉、元貝，鮮味，加埋醋同胡椒粉，勁泰國風味。蜜糖燒菠蘿菠蘿掃上香甜蜜糖，甜中有微酸，果汁豐富，特別開胃原條芒果肉，好香甜餐廳好有風味，職員熱情，好抵食

雖然港鐵「屯馬綫」今次首次開通連接「九龍城」，用上比較迂迴曲折的方式，開設一個位置跟「九龍城」存在一段頗遠距離的「宋皇臺站」，然後專門為「九龍城」設立一個頗長的行人通道出口，乘客需步行一段路才能夠出站。但是乘客以這樣比較迂迴的方式，乘搭港鐵來到「九龍城」，一從「宋皇臺站」出口走出來，就看到大量「九龍城」不同國家、不同菜系的食店，尤其是大量泰國菜餐廳出現在眼前，實在很難完全不光顧它們。結果我在第一次乘搭港鐵「屯馬綫」來臨「九龍城」，光顧的「九龍城」食店都不是泰國菜，而是要留到第二次乘搭「屯馬綫」來到「九龍城」，才首次光顧泰國菜餐廳「小曼谷海鮮燒烤屋」。「小曼谷海鮮燒烤屋」實際上的情況，跟其他「九龍城」大部分的泰國菜餐廳一樣，都因為受惠於港鐵「屯馬綫」開通「九龍城」而有大量食客慕名而來，在店外排隊和取籌號等候入座。我就大概等候了接近一小時，才等候到「小曼谷海鮮燒烤屋」裡面其中的一人檯。我進入「小曼谷海鮮燒烤屋」食店的店舖內部範圍之後，就立刻打開餐牌，研究晚餐裡面享用的食品。相反我在「小曼谷海鮮燒烤屋」晚餐時間裡面享用的泰式飲品，相對下就比較簡單得多了，因為當時的我只想享用「小曼谷海鮮燒烤屋

🍽小曼谷海鮮燒烤屋 (九龍城)📍九龍城太子道西398號御太子地下1-3號舖.最近係咁同牛先生係咁食泰國嘢，咁冇理由唔嚟九龍城啦～ 中學喺九龍城附近，一定有食過小曼谷。可能人大咗，以前明明覺得好貴。平時都係去隔離舖頭分店，今次嚟呢邊。兩個人食啲份量真係好大份，又要拎走拎走帶飯。.🍛小曼谷炒飯 $98蛋包飯入面係菠蘿炒飯，超級大碟，係四人份量。🍲鐵板豬頸肉啫椰菜苗(馬拉盞) $92椰菜苗真係好好食，仲要有豬頸肉，啲油雖然真係好肥不過都食晒。馬拉盞好香，好彩以後叫個飯。🍗雞腎串燒 $16🍗 雞肉串燒 $16. #利利仁飲食雜誌九龍區 #泰國菜 #小曼谷 #九龍城美食 #thaifood #thailand #黃埔 #九龍城 #海南雞 #海南雞飯 #沙嗲 #串燒 #炒粉絲 #啤酒 #椰汁#黃埔美食 #紅磡美食 #紅磡 #yummy #foodiehk #hkfood #kowlooncity #kowloon #southasian #東南亞 #summer #spicy #hot #beer #changbeer

熊貓復出🐼😍重臨九龍城最正泰國菜熊貓之前忙到嘔電，所以好耐都冇出過po😵‍💫多謝大家冇unfollow本熊🙏🏻😆所以今日介紹大家九龍城最正泰國菜😊😊😊其實九龍城嘅小曼谷，熊貓之前都介紹過。今次屯馬線開通之後，特登坐去九龍城食小曼谷。食過之後，結論就係同之前一樣咁好食。但係有樣嘢變咗，就係多咗好多人排隊😵‍💫可能真係太好食😋第一最愛，依然推介牛油燒大蝦😍濃厚牛油，配上大大隻的蝦，簡直係Perfect match。另外必食嘅梗係串燒，特別推介安格斯牛粒😍燒魷魚都好爽👍🏽粟米就好甜。樣樣都係必食😋咖喱我就特別推介咖喱炒大蜆，每粒蜆肉都大大隻，配上特製嘅咖喱汁，食到冇停口。

屯馬開通真的很興奮😆以前去九龍城，搭完地鐵仲要轉小巴先去到，開咗屯馬線方便咗好多!! 喺宋王臺站落，就去到美食林立嘅九龍城啦，食泰國菜按摩食糖水食串燒冇難度!-之前都食過好多次嘅小曼谷每次嚟到九龍城想食泰國嘢第一時間都會諗起佢價錢合理嘢食又好食😋-海鮮孖寶$228(牛油蒜蓉燒虎蝦+原隻扇貝)呢個combo好抵食!!虎蝦同埋扇貝上面都加乾魚仔去燒, 食落去更加香脆-串燒我會推介粟米🌽同埋安格斯牛柳粒串粟米勁甜 一份粟米$18有四件 好抵食!安格斯牛柳粒串牛味香濃，加埋車厘茄一齊食，會冇咁濟，個配搭100分!仲有魷魚同埋雞肉都好好食-泰皇咖喱炒蜆配蒜蓉包亦都係必叫個咖喱好香濃，專登嗌咗蒜蓉包去點咖喱汁，啲蜆好大隻啖啖肉👍最後叫埋個泰式炒金邊粉再加個炒菜就圓滿啦😋😋

去九龍城龍食泰國菜係基本野, 宜家屯馬線開通仲加方便, 去宋皇臺搵野食！今日食長期人龍店-小曼谷海鮮燒烤屋，好彩佢有訂定位👍👍👍，因為我打去嗰陣時，已經full Booking。 門口都有唔少人排隊,所以大家記得準時到啦🤫🤫 介紹番啲嘢食先,今次我哋得兩個人,所以只可以精選幾碟開心share 。1️⃣泰皇咖哩法包軟殼🦀:大力推介,真係好好食,最特別嘅咖哩放入係大法包裡面，而軟殼蟹同咖喱分開上，可以保持到軟殼蟹嘅酥脆，抵讚。軟殼蟹炸得好香而且都有好幾隻，咖喱份量充足👍👍👍 幾個朋友開心share都夠。2️⃣豬肉、雞腎串燒:味道正宗，有微微焦脆，咬落超香口（醬汁少少甜味，辣辣地） 3️⃣馬拉盞飛天炒通菜🚀: 每次去泰國餐廳，除左食串燒、咖喱、冬都總會叫一碟菜，當中最愛必定是惹味的馬拉盞炒通菜，好有鑊氣，但怕辣人少小心，真係有D辣🔥怕辣人建議可落單講聲少少辣。確實一流4️⃣泰國薄餅:個薄餅都算好食，配埋咖喱一流。但就好似落多咗粉黏咗少少🤏🏻，但其實都好味嘅😄。5️⃣椰青:新鮮泰國椰青解熱生津，食完咁多辣野，飲一啖即降火。（滿分五粒星🌟) ______________________________環境：🌟🌟🌟🌟