小曼谷海鮮燒烤屋

營業中

休息中

今晚同朋友在九龍城搵食，見到這裡做緊指定菜式夜市堂食$38，當然要支持一下，這裡久不久都會有新菜式推出，餐牌本身個餐牌已經好多選擇，通常食開都係點返食開嘅款式。今日就點了幾款新口味，首先就係每晚都有嘅優惠款式，而今晚就係新口味嘅曼谷夜市火山骨，主食就係冬蔭海軍海鮮部隊鍋，哩兩款都係新口味，而本身必食的鮮蝦泰國金柚沙律，都係一樣大粒多汁入口清新，加埋新鮮彈牙大蝦，都係餐前必食推介！火山排骨雖然是晚市優惠，都有4大條豬肋骨，而每條豬肋骨都有好多肉，加上個酸辣汁，味道十足。而個辣度唔算太辣，喜歡刺激嘅朋友值得一試！另一個新口味就係冬蔭海軍海鮮部隊鍋，以冬蔭功作湯底還可以自選辣度、如果有朋友唔太食得辣就可以揀少辣，但我們就要中辣，上枱時大大份，先來啖湯，酸同辣比例剛好，香濃嘅冬蔭公湯底味道，酸辣醒胃，上面還放滿了不同配料，中間有大蛋黃可以撈勻湯底一齊食用外，圍住蛋黃邊仲要有好多配料彈牙鮮蝦、爽口魷魚、帶子、青口、泰式肉碎、烤豬肉、扎肉、蟹柳等材料實在太豐富了！湯底浸住了泰式公仔麵，口感煙韌，真心推薦！最後甜品點埋個榴槤糯米飯，陣陣濃郁嘅榴槤味道撲鼻，入口榴槤同啲椰汁糯米都幾夾，榴槤肉質好香濃軟

琴晚我同屋企人一齊去九龍嗰邊，我哋首先去咗按泰式按摩，之後去咗一間叫小曼谷海鮮燒烤度食晚飯！😝以下就係我地叫左啲咩野食。😋泰式生蝦刺身生蝦刺身，基本上係去泰國餐廳必叫嘅，而佢嘅生蝦好鮮，食落去個蝦味好重而且配埋佢個秘製醬汁唔單止好好食，仲會好開胃，因為酸酸甜甜泰式炸蝦餅我自己係一個鍾意食炸嘢嘅人，呢一個蝦餅可以滿足到我，而且佢嘅外層香脆，蝦肉鮮味好出，加上泰式辣醬，十分美味😍泰式鮮蝦炒金邊粉金邊粉在當地係有名的粉，他的口感特別，再加上泰式的醬汁，酸酸甜甜的十分開胃，毫無違和感。而且他的鮮蝦不是小小的，而係大大隻。最讓人驚喜的是廚師炒得十分有鑊氣曼谷夜市火山骨火山骨呢樣菜式真係唔係度度都有得食，咁啱呢度就有得食啦，火山骨啲肉好軟唔會硬掘掘咁樣，而且配埋酸嘅汁，口感非常好。😚芒果椰汁沙冰呢一杯野飲入口嘅時候會有芒果同椰汁味，加上有一些鮮甜的水果，讓你感受到不一樣的口感椰青椰青係泰國出名嘅嘢飲之一，所以喺泰國餐廳都係必點的，他們的椰青很香很新鮮！讓人會再想飲更多😍總括嚟講呢間餐廳好值得大家去嘗試，因為餐廳環境乾淨，而且俾人一個舒服嘅感覺，再加上職員的服務態度良好，讓家人和我有一個不錯的體驗。

這間九龍城的泰國菜館已經有好久的歷史🇹🇭難得今天經過 當然要來回味一下🍴泰式鮮蝦炒金邊粉 🍤金邊粉炒至香脆，搭配鮮蝦和泰式香料，辣味與鮮美交融，口感豐富。每一口都能品味到金邊粉的彈牙和鮮蝦的鮮甜，讓人回味無窮🍜泰式馬拉盞炒椰菜苗 🥬炒熟的椰菜苗與香辣的泰式馬拉盞醬汁完美結合，辣味刺激而不過分，椰菜苗的爽脆口感與香料的香氣相得益彰，帶來一道令人垂涎的泰國菜佳餚🌶️串燒豬、牛、雞 🍢🐖🐄🐔串燒至金黃酥脆，每一塊都保持著肉質的嫩滑和多汁，配上特製的調味醬汁，滿足您對肉類美味的渴望，最適合多人一起分享✨原隻芒果糯米飯 🥭糯米飯蒸熟後與新鮮芒果切片一同搭配，芒果的甜美滲入糯米飯中，賦予它柔軟的口感和芒果的香氣🍚

又去九龍城小曼谷食嘢喇……佢地嘅午餐/下午茶真係超抵食👍🏻👍🏻午餐：泰皇咖喱軟殼蟹配薄餅 $125軟殼蟹應該有足足兩只，炸得剛剛好，好鬆脆👍🏻👍🏻 咖喱非常濃厚，味道係帶甜味，小朋友都一定岩食😊下午茶餐： 泰式燒牛仔骨配木瓜沙律 $49一整塊有三件牛仔骨，再配上清新酸辣木瓜沙律食完真係會舔舔脷😋😋😋午餐/下午茶有幾款優惠價錢加配食物。我加了豬+雞串燒 配上 沙嗲醬 邊度有得輸🤭🤭🤭今次見到大menu有新菜式，當然都要試一試冬蔭海軍海鮮部隊鍋(小)$138 嘩……同menu張相一樣，仲要再吸引好多🤩🤩青口、蝦、帶子、扎肉、蟹柳、泰式腩肉、魷魚、兩個雞蛋，裏面仲要有部隊鍋必備嘅公仔麵 😍😍😍 賣相真係非常吸引 ，冬陰功湯底如果再辣d應該會更好食🤤， 呢款新菜式我下次都會再食，因為有咁多餸真係好正😋😋飲品：芒果沙冰 +西瓜沙冰 兩杯都夠味，西瓜沙冰仲有好fresh 嘅感覺添☺️☺️

今日我同屋企人去咗九龍城揼骨，之後晚餐我哋就去咗呢間小曼谷海鮮燒烤屋度食！😋泰式生蝦刺身食泰國嘢，當然少不了食生蝦刺身😍生蝦刺身非常鮮甜美味，加上上面嘅辣椒同埋蒜，夾雜起嚟嘅味道十分可口，我哋幾個人食份量都啱啱好！🥰泰式炸蝦餅對於鍾意食炸嘢嘅人，炸蝦餅絕對係非常之好嘅選擇～炸蝦餅外層香脆，蝦肉鮮甜又彈牙，很惹味❤️‍🔥泰式鮮蝦炒金邊粉鮮蝦炒金邊粉是泰國很有名的菜色，金邊粉口感特別，加上酸酸甜甜的醬汁，是一個非常好的搭配！當中的大鮮蝦更是讓人驚喜，炒得很香很入味🤤椰青椰青是泰國有名的飲品之一，而這次我們在這間店嘗試了他們的椰青，這個椰青非常新鮮！絕對是解渴的好選擇🤤珍多冰當中的椰汁非常之香滑，味道甜而不膩！加上珍多冰的配料，彈牙軟熟，讓人胃口大開🥰餐廳環境乾淨，坐得舒服🥰職員服務態度良好，讓家人和我都有一個很好的體驗！去完之後心情愉快，十分推薦大家去用餐❤️‍🔥

呢日約左朋友去九龍城食泰國菜，呢間餐廳係我地既飯堂。餐廳既環境唔錯，乾淨又寬敞。用QR code 落單，好方便。依家推出左幾款新菜式，有曼谷夜市火山骨、冬蔭海軍海鮮部隊鍋同香葉肉碎蝦膠皮蛋，好特別。每日仲有指定菜式夜市堂食$38，抵到爛！今次就試了呢個曼谷夜市火山骨，味道正宗，就像去泰國旅行一樣。骨頭非常大塊，上面是滿滿既肉，鋪上了好多芫茜，非常香，酸酸辣辣，好開胃。泰式鹹魚炒芥蘭也很不錯，味道帶點鹹香，配上清甜的椰青，爽！

雖然已經幫襯過這間泰國菜館多次，不過這次幫襯就有點新意思，因為這次是我初次嘗試近來才在香港有得吃的泰式火山骨，而且因為這晚是星期三，店中推介，期間限定的「曼谷夜市火山骨」（$198）正做特價，只需 $38便可吃到，實在相當抵食。這「曼谷夜市火山骨」份量不少，足有四至五大件，肉質頗為軟腍，啖啖是肉，配以多酸少辣的酸汁，十分開胃。才四十元左右便可以吃到，絕對無得輸。不想吃飯，想吃薄餅，便叫了「泰式原味烤酥餅」（$48/2件），並以「黃咖喱雞」（$108）配它。味道帶甜不辣的「黃咖喱雞」，雞肉不少，蘸以酥餅，開胃好味。不過這天的酥餅口感偏硬，就不夠好。「泰式馬拉盞炒通菜」（$108），鑊氣十足，又夠大碟，趁熱吃，滋味！惹味！「極上安格斯牛柳粒串」（$55/4粒）有四粒丁方大小，軟腍不韌，肉汁豐富的牛柳肉，還有多水多汁的車厘茄夾雜其中，兩夫妻一人兩粒牛柳、兩顆車厘茄，剛好。「芒果沙冰」（$42）冰凍香甜，一貫的好味，就不多說了。久不久來這裡吃泰國菜，都不錯！

九龍城嗰邊有好多間泰國菜今次呢間book mark咗好耐，之前行親過都坐滿人。 比起小店，呢間濶落好多，坐得舒服啲用手機落單，菜式勁多款，睇到我心大心細呀！餐廳而家做緊Promotion，一星期7日都有指定菜式做優惠，只需 $38！我哋去嗰日做緊 “火山排骨”呢個價錢食到火山排骨真係好驚喜！ 我哋點咗： 火山排骨 $38 (日日至筍優惠，詳情留意餐廳推廣)星期三至五嚟，就可以優惠價$38點這個火山排骨火山排骨好淋，個汁酸酸哋好開胃，微辣 冬蔭海軍海鮮部隊鍋 (小) $138呢個部隊鍋比起韓國版的正太多，用料貴價好多！ 有青口、大蝦🍤、帶子、魷魚🦑、扎肉、蟹柳，豬腩肉、即食麵，仲有生雞蛋🥚份量十足！海鮮新鮮，麵蘸上生蛋汁好好味！仲可以飲埋個冬陰功湯底！‼️雖然我哋點咗細份量仍相當大鍋‼️ 串燒拼盤B $122包含6款串燒, 有雞全翼, 地道燒臘腸, 豬, 牛, 雞, 雞腎串燒好香口，款款都好出色，尤其雞全翼、雞腎同臘腸 芒果沙冰 $42食泰國嘢，又點少得一杯凍飲好好飲，飲到是由芒果肉鮮打而成非常回味🤤必點！ 可樂 $19一個字～爽！整體嚟講都幾好食！下次可以再揀第二日嚟試埋其他優惠！😋

港人都知食泰菜到九龍城，小曼谷在九龍城就有二間餐廳，味道正宗多款式。餐廳環境舒適。門口張貼著夜市堂食$38 日日至筍優惠。今日的優惠是泰皇咖喱炒紐西蘭青口。以為是優惠菜式份量會少一些，但上枱見到頗驚喜，大大碟的泰皇咖喱炒紐西蘭青口，青口頗大隻，金黃色的泰皇咖喱非常豐盈，滿滿的包裹著紐西蘭青口，更增添紐西蘭青口的鮮甜惹味！泰式濕炒牛肉河，也是湯汁豐盈，頗為大碟，牛肉切得厚薄適中，軟腍不韌，河粉軟滑，加上配料有很多的秀珍菇、芥蘭、紅蘿蔔片、青紅椒及洋蔥，充滿泰菜特色！泰式燒羊架燒得香口，入口軟腍有質感，口感調味料有胡椒及香草的味道，跟配薄荷醬汁，味道更上一層樓！飲品椰汁冰，椰汁味香不太甜， 好好飲。西瓜沙冰，沙冰綿沙的的口感 冰涼清甜！口感及味道都完勝。見隔籬枱食曼谷夜市火山骨，我都好想試下，當然我會揀日日至筍優惠的星期三至五嚟食啦！😂

海鮮孖寶A+B（$258）：呢個海鮮孖寶好正啊！我揀咗牛油蒜蓉燒大蟶子同牛油蒜蓉燒美國生蠔，蟶子好大隻，肉質鮮嫩多汁。牛油蒜蓉燒美國生蠔都好好味，生蠔鮮甜，加上濃郁嘅蒜蓉牛油味，真係正呀！鮮蝦泰國金柚沙律（$128）：呢個沙律真係好開胃！新鮮嘅蝦仁同甜美嘅泰國金柚一齊食，口感好清新。醬汁酸酸甜甜，好開胃！椰青（$49）椰青好清爽解渴，椰水味濃郁。總括嚟講，呢間餐廳嘅食物真係好正！海鮮新鮮美味，沙律爽口，飲品解渴。服務亦都好好，環境舒適，下次一定會再黎！

同同事一齊去九龍城食泰國菜呢度坐得舒服，又有live Band 仲好正宗添泰式蒜蓉包充滿牛油和蒜蓉香味沾咖喱汁配黃咖喱牛腩十分出色，牛腩燉得軟嫩入味配上濃郁黃咖喱醬汁，味道香濃而不膩，一定要配蒜蓉包菠蘿雞肉炒飯材料豐富，菠蘿中和炒飯嘅油膩感炒飯粒粒鮮明，配有腰果同肉鬆層次豐富，酸甜開胃曼谷夜市火山骨份量好多，配上酸辣汁非常開胃，肉質軟腍，好入味沙嗲串燒 粟米 翠玉瓜蔬菜嘅串燒比較少食蔬菜燒出嚟都唔會乾配埋個沙嗲汁好好味蜜糖燒菠蘿菠蘿燒完更加甜必食泰式飛天炒通菜少少辣好爽脆

有一排冇食泰國菜喇，呢晚放工嚟咗呢間餐廳食晚飯，食得好開心呀🤩串燒拼盤C（$149）：呢個串燒拼盤真係好豪華！極上安格斯牛柳粒串有四粒，每粒牛肉都好嫩好多汁。鮮海蝦球串亦都好正，蝦肉鮮甜彈牙。燒帶子亦都好鮮美，味道好香！每一串都有啲燒蕃茄仔，好甜好多汁。同啲肉同海鮮都好夾！勁正！蝦膏豬肉碎炒飯（$98）：呢個炒飯真係好好味！蝦膏同豬肉碎炒得香口，好惹味😋😋面頭仲有啲炒蛋，好夾泰式青檸梳打（$42）：泰式青檸梳打好好味，酸酸甜甜，幾開胃。

係香港食泰國野一定係去九龍城, 因為呢度一定係最正宗, 今日揀左呢間好出名既小曼谷!❤️其本上你想食咩泰菜, 呢度都滿足到你, 呢度仲要係特別多海鮮頪既菜式, 同埋佢既燒烤食物都相當吸引🥴我地就叫左: 餐廳有個海鮮既餐, 分別可以揀A同B類既一款食物, 我地就揀左海鮮孖寶A：泰式燒盲鰽;海鮮孖寶B：燒脆皮白鱔: 呢個盲鰽真係十級嫩滑, 用鹽同泰式香料去燒, 都仲保持到佢既鮮嫩, 仲有配合佢既泰式醬汁,好出色! 白鱔相當脆!佢既魚皮燒得好香口, 同樣係相當鮮味, 呢兩款絶對係我私心推介😋泰式燒牛仔骨: 佢既燒烤果然相當有功架, 牛仔骨既火喉岩岩好, 入面仲有肉汁🥰冬蔭海軍海鮮部隊鍋:估唔到泰國餐廳都有得食部隊鍋, 呢個泰式版本仲要再豐富d, 入面有蝦,魷魚, 青口, 帶子,蟹柳, 泰式燒肉, 加上佢既生雞蛋同公仔面底!真係真材實料!呢個海鮮部隊鍋係期間限定, 如果要食,真係要快手😝

朋友一話想食泰國菜我二話不說立即安排🤩呢間小曼谷絶對係極力推介，性價比高，食物又高質🫶🏻哈哈，未到7點已全場爆滿，好彩book定位✌🏻 一坐低就嚟枝泰啤先🍻冬蔭海軍海鮮部隊鍋（小）:呢個好正，料多又好味！冬陰功湯底好出色，啲配料有蟹柳、燒肉、青口、大蝦、魷魚、帶子同扎肉😳豐富！仲要期間限定又唔貴，必食推介🫶🏻海鮮孖寶：泰式燒盲鰽+燒脆皮白鱔師傅點做到架？兩個魚肉都好鮮嫩，果種感覺真係好似bb肌膚咁😍盲鰽啲香料好入味，而白鱔外皮又燒得好香脆，但入面魚肉仲好嫩🥳泰式燒牛仔骨：呢個係我每次黎都必點，啖啖肉又多汁，而且火喉十足，好惹味☺️泰式拼盤（蝦餅/魚餅/春卷/雞棗）:拼盤又係必食，滿足哂多心嘅自己😏樣樣都有啲，份量又剛好！每樣都正👍🏻特別一讚個蝦餅，彈牙到不得了，而且勁有鮮蝦味，食得出真材實料🤩

同朋友👩‍🍳一齊喺九龍城，嚟咗呢間泰國🇹🇭餐廳🍽️開飯🤣$22「燒翠玉瓜」、$22「燒雞」、$22「燒豬」：3樣串燒都燒得幾香口，特別之處係有甜甜哋嘅泰式沙嗲醬可以沾串燒食😋$98「泰式咸肉炒芥蘭」：芥蘭菜🥬新鮮，咁新鮮就梗係爽脆啦🤣，鹹肉有鹹香，鹹肉大約85%瘦15%肥，同芥蘭菜🥬一齊炒，特別香口🤣$112「招牌海南雞半隻」：海南雞🐓肉白皮黃，幾好雞味🤩，不同部位有不同口感，仲有一碟辣辣哋嘅醬汁，要嚟沾雞食幾惹味😋$88「小曼谷原隻芒果🥭糯米飯🍚」：糯米煙煙靭靭又軟綿綿🤣，原隻芒果🥭鮮甜，再加埋甜椰漿，全部一齊食幾美味😋