小曼谷泰國菜館

營業中

休息中

今天來到屯門這間充滿泰國風情的餐廳——小曼谷，準備品嚐一頓地道的泰國菜。小曼谷裝潢充滿異國情調，色彩藍色的牆壁、泰式擺設和悠揚的泰國音樂，讓人彷彿置身於曼谷街頭。餐廳環境座位較密，會聽到隔離人講嘢，服務員態度友善，會主動介紹菜式和推薦招牌菜，服務效率高。辣開胃的冬陰功湯是泰國菜的經典，小曼谷的冬陰功湯味道濃郁，香茅、檸檬葉和辣椒的香氣撲鼻而來，湯裡還有鮮蝦、草菇和番茄等配料，令人食指大動。芒果糯米飯作為飯後甜品，芒果糯米飯絕對是完美的選擇。香甜的芒果搭配上軟糯的糯米飯，淋上椰奶，口感香甜軟糯，令人滿足。這道菠蘿炒飯絕對是驚喜之作！炒飯粒粒分明，配料豐富，包括鮮蝦、菠蘿、肉鬆、腰果和葡萄乾等，口感層次豐富，酸甜可口，令人停不下來。小曼谷的食物質素不錯，泰國菜式做得地道，味道濃郁，令人回味無窮。餐廳環境比較擠迫，但服務周到，價格合理，是品嚐泰國菜的好選擇。

超級好食，食左十幾年都無失望過，食左無數次，like like like 👍🏻 真係每樣野都係好食，宜家市道無咁好，排隊等得無咁耐。重好🤣當然唔好期待服務，茶餐廳咁樣啦，但係啲人唔係衰嘅，係真係好忙咁囉。又平又抵食。間泰國菜都係怪得邊一間最平最抵食，仲要係好食，無論係咖喱炸嘢粉面都係好好食🤣🤣🤣

這間泰國菜館在屯門很有名的，出名性價比高，所以今天便和老公一起來吃晚飯。咖喱軟殼蟹：咖喱的味道十分濃郁，鮮甜美味，而且完全不辣，配上酥脆的軟殼蟹，十分美味。蒜蓉包：吃咖喱當然要配蒜蓉包，蒜蓉包十分香脆可口，配上香甜的咖喱汁，簡直是人間一大美食。生菜肉碎包：肉碎比較辣，我便不太喜歡這道菜，但是我見每枱客人都會點的。蝦餅：蝦餅是即叫即炸，外皮十分酥脆，而內裡的蝦肉則爽口彈牙，是一款不錯的小食。豬頸肉：我們每次來這間餐廳，都一定會點這道菜，因為真的很美味，豬肉的質量不會太油膩，但口感十分嫩滑，值得推薦給大家。芒果沙冰：沙冰不能選擇甜度，味道有點太甜，芒果味不濃，味道一般。價錢方面，餐廳不用加一服務費，今次點了五道菜，2人只是$281。總結來說，雖然這間餐廳的環境比較一般，但勝在十分便宜，而且食物味道亦不錯，這個年頭有這種價位的泰國菜，很少見了。

突登係沙田去屯門，食屯門小曼谷餐廳！之前聽好多朋友分享話好抵又好食，所以決定去一次。結果真係性價比之選，嗌咗勁多嘢食買單都係三百幾蚊！兩個人捧住個肚下次要再入嚟食過

泰菜性價比之選今晚去左食小曼谷食泰國菜😋😋平日夜晚已經坐到爆滿晒，我地兩個人食，所以都唔駛等位就可以入去，坐位比較窄😂😂今日叫左幾個餸，有馬拉盞通菜，好味又開胃，少少辣，岩晒食得辣之人🫢🫢。有青咖喱牛腩，淡淡地咖喱味，唔係好辣，份量唔算好大份，d汁送飯就幾唔錯🤤🤤仲有菠蘿海鮮炒飯，加左肉鬆好好食，菠蘿都好甜，份量亦算夠食😙😙大大推介！！ 最後我地叫左兩杯青檸梳打，大大杯透心涼🤩🤩！！

清明節假請前夕沒有北上大陸消費的打算 想說再留在香港消費，沒想到一進去坐下點餐就被帶有泰國口腔的點菜人員以非常不禮貌的態度對待 問了，幾個問題後就叫我不准再問問題就直接點餐 當我開始點餐時，他又說講慢一點太快寫不到 花錢買罪受 之前消費過幾次 東西並非特別好吃 純粹因為今天不需要排隊，所以才選擇用餐 沒想到受一肚子氣

如果想清腸胃，可以去幫襯下，我就第一次幫襯，已經好難忘。。。。估唔到咁多人排隊，以為冇死，實好穩陣。。。我諗應該係蝦沙律。。。有d腰果，有d菜。。。原本我冇乜興趣，所以我祇係吃了幾粒腰果就有料到。。。勁！一句講哂，下次咪搞

今日叫咗杯芒果沙冰，飲第一啖已經飲到一大啖根，本身以為係果肉嘅纖維。點知基本上每一啖，都飲到有”毛”，其他泰國餐廳就算有果肉纖維，都唔會係每一啖都有。頂唔順，諗住叫服務員換過其他飲品。點知佢哋話係果肉多根，換過同一杯都一樣。我再同佢講想換第二杯嘢飲，服務員不斷重複話唔得唔得，就轉身離去。服務態度差，但沒有理解顧客投訴，沒有嘗試理解自家餐廳飲品質素，反而不耐煩地反駁顧客。飲品質素更是劣。真係從來未試過飲一杯芒果沙冰，每一啖都飲到”毛”

好耐之前已經聽聞呢間小曼谷好抵食，今日係屯門上完堂就同朋友過去試個究竟🧐見到個餐牌真係啞咗，晚市嚟講抵到爛😨我哋叫咗四樣嘢share～👅細冬陰功湯 雖然係細但係都有三四碗😯配料蝦同菇都非常多👍菇類索湯，蝦就一般，湯既味道唔錯，非常推薦😋👅馬拉盞椰菜苗香口惹味唔會太辣，完全無出街食炒菜嘅油膩👍椰菜苗爽脆但唔會有唔夠熟嘅草青味，非常唔錯💯👅泰式炒金邊粉呢個就一般，冇乜酸味，雞肉都比較嚡😅👅泰式甜酸蝦份量幾多，但係個汁太稠蝦肉唔夠爽亦都唔彈牙😂環境就比較舊但尚算乾淨，其實呢個質素都已經好對得住個價錢，下次會再試其他嘢款式😙

打電話問下新年營業時間，順便問埋服務費。（咁啱見到有間魚蛋粉新年收三成服務費嘅新聞）阿姐：你唔識自己過嚟睇？我：我就係唔知先打嚟問阿姐：你冇去過茶樓啊？有冇都唔知，你想俾咪俾咯我：哇！你洗唔洗啊？都係答翻一句有定冇姐，你咁講嘢嘅最後阿姐cut我線我唔知個阿姐係果刻跳制，定係一直都咁冇禮貌。講真今時今刻，冇人要求你要將客人當上帝，但做人嘅基本禮儀都要有掛？仲要係新年期間，本身諗住同屋企人開開心心去食飯，依家真係有d燥，亦唔會去幫襯。知你地唔休做，再冇禮貌都好生意，冇所謂一兩個客。但有樣嘢叫積德，工作都係其次，為自己都唔好咁啦。

位於屯門小曼谷泰國菜館是一家以泰國菜為主題的餐廳，其炭燒豬頸肉飯是必吃小菜之一。😋午市豬頸肉飯可以搭配豉油汁、咖喱汁和香茅汁，還可以配搭秘製🌶️辣味豬頸肉醬汁，更加突出豐富的味道層次。😋😋🐖豬頸肉口感鮮嫩多汁，且帶有微微的炭燒香氣，非常美味。🌿配搭香茅汁清新香味與豬頸肉的油膩感相互平衡，使整道菜更加清爽可口。🥂另外還點了馬拉盞炒通菜，每次到這間餐廳都是我必點的菜式，他的調味醬料讓我感覺是正宗的泰國菜風味😋🥂小曼谷泰國菜館的侍應和廚師都是泰國人，泰國風味十足，價錢也十分大眾化，如果你喜歡泰國菜🥘絕對值得一試。

呢個泰國餐廳真係好味嘅！首先，蠔仔蛋餅好特別，有脆口嘅蠔仔同香軟嘅蛋，一口咬落去好滿足。係有驚喜～然後，生蝦真係去泰國餐廳必食之選。新鮮嘅生蝦配埋泰式調味料，咬落去鮮甜又爽口。蝦肉好彈牙，同埋微辣嘅醬汁好搭，帶出獨特嘅風味。泰式金邊粉亦都好吸引。佢有好多配料，包括新鮮嘅蔬菜、豆芽、豆腐同香料。軟綿嘅米粉加埋泰式醬汁，味道層次豐富，好好食。珍多冰係一個絕妙嘅飲品，用上泰國椰奶同各種水果，再加上珍珠粉，一碗色彩繽紛、口感豐富嘅冰品。每啖都有椰子香氣同水果嘅清新風味，好好味。最後，生菜包係一個健康同美味嘅選擇。脆生菜包住香噴噴嘅肉餡，加埋泰式醬汁同新鮮嘅香草，食落清爽又有層次。總括而言，呢次食泰國菜真係好滿足。每一道菜都有泰國菜嘅獨特風味同精湛烹飪技巧。不論係蠔仔蛋餅、生蝦、泰式金邊粉、珍多冰定係生菜包，每樣都好好味同令人驚喜。好推介俾鍾意泰國菜嘅食家試下！食左咁多野，每人都只是$130🙊

之前也聽聞間野好耐態度出名差，特別個幾個「阿姐」，有幾個特別冇禮貌。朋友試過夜晚等位比阿姐skip左叫左下一張（人數相同），走去同阿姐講，阿姐仲聲大夾惡話都比左人入law! 你等下一張la! 唔好望佢講返句sorry,仲鬧返客轉頭！ 我當日中午系附近做野，諗住同同事快食個lunch, 經過米入去食下。叫野食時d阿姐已經粗聲粗氣啦，好似欠左佢地咁，黑口黑面，d客仲有禮貌過佢哋。我哋只系menu問多幾句個阿姐竟然黑面仲走左去，我哋都呆左，自問一直保持禮貌，但個阿姐周圍發人脾氣，結果搵左另一個落單，後來見佢對其他客都系咁，反而d客仲唔該前唔該後，但d侍應一句多謝都冇。講返食物，我哋叫左雞肉炒飯，抄金邊粉，串燒，椰青，炒通菜。雞肉炒飯-好多油，食完有堆油系碟上浪下浪下炒金邊粉-正常串燒-雞肉好食，豬有陣豬so味兩個椰青-正常，只系斬一下插枝筒，唔會出事炒通菜-正常問野真係唔憂做咁ge款，唔好同我講 「收你咁平又唔加一講咩服務吖」，而家唔系冇服務咁簡單，系入嚟食要受人氣！有比錢架！又唔系真係平，飲品全部要散叫，平日都冇餐。講平其實附近食店都平，加上平同貴與否亦不該是消費者受氣理由。寧願行多幾步食

經過置樂經過泰國小曼谷 就求其叫咗個菜同芒果糯米飯，個炒菜普通，但係見到個芒果糯米飯O左嘴，雖然係平，但都不至於得一啖卦😞 之前食過都好似唔係咁差，但係而家真係越做越差，食物嘅水準又下降，份量亦都少得離譜

小曼谷泰國菜館@屯門位於屯門呢間性格比唔錯嘅泰菜，應該好多人都識架喇，價錢真係好親民，店舖內所有員工都係泰國人，但服務真係唔好太有要求🤣繁忙時段坐滿都會比較迫，大家就當好似大排檔feel咁🤣👍💥香燒牛柳肉HK$55牛柳肉雖然燒得比較乾身，但食落唔會好柴邊邊位有少少焦香，配上醬汁好食👍👍🏻 評分 : 7/ 10💥馬拉盞炒通菜HK$45剛炒起上枱熱辣辣，馬拉盞好香兼帶少少辣味好惹味👍🏻 評分 : 8/ 10💥 泰式炸蝦餅HK$47蝦餅普普通通，皮略有少少硬，蝦肉都好實好彈牙👍🏻 評分 : 6/ 10💥馬拉盞炒茄子煲HK$53呢個煲仔菜又係配個白飯就無得頂，超級惹味又香口，⚠️不過小心痴住茄子配料會有可能有啲乾蒜好硬。👍🏻 評分 : 7/ 10💥泰式炒粉絲HK$47普通普通，呢個粉絲其實係炒金邊粉既味道加配料，不甜甜地都幾好食👍🏻 評分 : 5/ 10💥椰汁黃咖喱雞HK$47 (跟一個白飯）咖哩汁略為有點稀，雞肉有雪味，薯仔有點硬，呢個真係好一般般。👍🏻 評分 : 4/ 10💥泰式燒豬頸肉HK$47燒得好香口，肉質好嫩，有焦香，都係配上醬汁好惹味👍🏻 評分 : 7/ 10💥香燒蒜蓉包HK$19