小曼谷泰國美食站

營業中

休息中

熱愛睇泰劇嘅我又點少得鐘意食泰國野 難得放假出街緊係食下泰國野！今次去左小曼谷泰國美食站 一入到去就望到個火車頭可以比客人打卡 另外 佢地仲有個live band area等客人可以一邊享受泰國美食一邊聽住音樂🫶🏼/串燒拼盤C $152串燒拼盤有分幾set 我就揀左拼盤C 由極上安格斯牛柳粒(4粒)、鮮海蝦球串(4隻)、燒帶子(3隻)組成 牛柳粒肉質都唔錯 咬落去果下有肉汁流出黎蝦球串有啲驚艷到我 好有蝦味好爽口燒帶子燒得啱啱好、好嫩～香芒蟹肉炒飯 $118炒飯好有鑊氣 而且真材實料好多芒果仲好大粒 而且好多蟹肉 好出色唔係講笑 可以encore!!!.😆仲好貼心落order果陣可以揀走青走洋蔥添！泰式燒原隻魷魚 $188魷魚都算幾大隻 燒過嘅魷魚再加埋佢面頭搽上嘅甜辣醬 簡直係perfect match!!🦑👍🏼泰式千層糕 $59千層糕好煙韌 仲有淡淡斑斕味 而且又唔會太甜味道啱啱好💯🤍✨泰式冰奶茶 $43泰奶係食泰國野必嗌🤍發現宜家做緊優惠所有野飲都買一送一 好抵！！✨叫左咁多野食 埋單連加一都只係$616

《泰美妙》串燒香焰舞，肉嫩滋味誘惑。泰式拼盤色彩鮮，酸辣香氣宴。椰香沙冰清涼甜，舌尖上的夢幻。美食的魔法，令我們相遇。The meat is tender and flavorful, dancing in the charcoal grill's flames. The Thai appetizer platter dazzles with colors, a banquet for the senses in sour and spicy aromas.The coconut milk shaved ice cools refreshingly sweet, a dream on the tongue.The magic of food brings us together.牛肉串燒2串 46HKD雞肉串燒2串 46HKD泰式拼盤 198HKD泰式馬拉盞炒椰菜苗 108HKD冬蔭公湯 158HKD椰皇沙冰 43HKD

男朋友想食泰國菜所以直接open rice 就搵到呢間😬小曼谷泰國美食站無book，中驚好多人，點知都幾多位✌️門口放住一架火車，幾特別（雖然同泰式唔太格😂）現在有Live Band，唱得幾好聽，現場可以點歌🎤兩個人都不太餓，就叫左：泰式馬拉盞炒通菜好好味，炒得好正宗👍，份量都ok芒果沙冰🍧超大杯，飲完肚馬上唔太舒服🙈青咖哩豬頸肉🥘超好味唔辣，點薄餅食，好格👍泰式芝士烤酥餅（2塊）好香，好酥脆，就咁食都好夠味👍泰式沙嗲串燒拼盤🍢呢個就一般，but 都好大串，份量都好夠。*純分享，沒有試食😑

呢間泰國餐廳以火車為主題，門口仲有像真火車頭模型，好獨特。除左道地嘅泰國美食，仲有live band表演🎸，系享受美食嘅仲同時可以感受音樂氛圍，好適合同朋友去chill！😆------------------------------🦀◖泰皇咖喱法包軟殼蟹◗ $268呢款法包裝滿左香濃嘅泰式咖喱汁，軟殼蟹外酥內嫩，完美咁融合了咖喱嘅香辣風味，絕對系咖喱狂熱者嘅必點之選！🌿 ◖豬肉碎生菜包◗ $118新鮮嘅生菜包住香氣四溢嘅豬肉碎，豬肉碎嘅香料配搭得啱啱好，香辣得黎非常惹味！🍤 ◖冬蔭公湯◗ $158冬蔭公湯用左原只虎蝦，湯底濃郁酸辣，開胃又美味！每一啖都能感受到虎蝦的鮮甜。虎蝦仲細心咁剝左殼，食得方便又滿足～🍍 ◖原只鮮菠蘿海鮮炒飯◗ $198原個菠蘿炒飯上枱嘅瞬間，帶黎驚艷嘅視覺衝擊。炒飯嘅材料豐富，有大蝦、帶子、魷魚和提子乾，加上菠蘿嘅甜味，中和左炒飯的油膩感，令成個口感清新唔少！另外有腰果和肉鬆可以撈飯，增加唔少風味～🍨 ◖茘枝沙冰◗ $43冰沙嘅口感綿密細膩，每一啖都散髮出荔枝嘅香味講荔枝嘅酸甜夾埋泰國美食嘅酸辣，簡直系絕配！🌟Encore指數：8.8/10

以前拍拖成日去銅鑼灣食嘢，呢間泰國餐廳係其中一個on list 既選擇。餐廳有個火車頭打卡。一坐低，睇menu有選擇困難症，好多選擇，最後係選了3款食物。青咖哩海鮮$128之前食過黃咖哩，今次改青咖哩一樣唔錯，海鮮有青口、大蝦、帶子、配埋少辣既青咖喱，加埋青豆角茄子，好香，大蝦爽口。泰式炸魚餅$98炸得好香，好夠魚肉，食落有d香茅味，好彈牙，每件都夠份量，扺食又好味。小曼谷炒飯$138呢個炒飯第一次食，個炒飯用蛋皮包住，好靚好吸引，d配菜都幾豐富，有豬頸肉，扎肉，蝦等，味道咸香，炒得唔會好油，夠獲氣，食到舔舔脷，如果份量多啲就好了。

泰國菜真係春夏秋冬都食得！ 銅鑼灣呢間泰國菜真係必食首選，選擇勁多好豐富，而我就最鍾意食佢哋嘅串燒，配埋醬汁好好味！ 芒果糯米飯都係必食，佢哋呢度嘅芒果食多幾次都係好甜，正！

銅鑼灣呢間小曼谷喺商場嘅地庫，都幾多人！同朋友一齊嚟食泰國嘢，冇令我失望🙍🏻‍♀️泰式濕炒豬肉河呢個濕茶好好食，因為佢嘅河粉麵條好大，一定食得好飽，而且濕炒好多汁，加上平時食嘅菜心、豬肉、炒完之後好似喺泰國食緊正宗嘅河粉一樣，味道啱啱好，唔會太鹹泰式蝦醬炒飯呢個炒飯最有驚喜嘅係佢有一個好厚嘅炒蛋，擺咗喺上邊，裝飾得好靚之餘，仲增加左口感，蝦醬味道濃郁，真係食到蝦醬味，入面嘅餸仲有好多，有絲瓜、臘腸、玉等等，多重口感冬陰功湯冬陰功湯好辣，我覺得要配返飯一齊食先得，有好多唔同嘅材料，包括蕃茄、大隻嘅蝦，冬菇等等，放埋一齊就好正宗，因為有啲辣，所以需要叫兩個椰青水椰青水其實有椰青同埋椰皇揀，椰皇就比較細，而且就比較大，啱啱雪凍咗入起嚟好清涼清爽，仲可以食埋佢啲椰子肉

銅鑼灣嘅泰國餐廳小曼谷泰國美食站真係一個好有驚喜嘅地方！首先，餐廳入面有一個音樂表演區域，晚上仲會有人表演，真係增添咗餐廳嘅浪漫氣氛！好適合放工同朋友去Chill下！而餐廳嘅裝潢亦都好有特色，有一個火車頭喺度，好有泰國嘅感覺！真係好獨特啊！我哋叫咗榴槤沙冰，鮮芒海鮮炒飯同燒蟶子。首先，榴槤沙冰真係好正！榴槤味好香濃，再配上冰涼嘅沙冰，真係解渴又開胃！鮮芒海鮮炒飯亦都好好味！炒飯粒粒分明，有鮮甜嘅海鮮同熱辣嘅泰國香料，口感鮮美！不過，最令我印象深刻嘅係燒蟶子！佢哋將蟶子燒得剛剛好，肉質鮮嫩多汁，再配上香脆嘅小魚干同濃郁嘅蒜蓉，味道更加突出！再加上泰國嘅醬汁，真係一絕啊！每一口都好有層次感同風味！餐廳真係一個值得嚟試嘅地方！音樂表演區域帶來浪漫氣氛，裝潢亦都充滿泰國風情！榴槤沙冰、鮮芒海鮮炒飯同燒蟶子都好好味！特別係燒蟶子，真係令人難以忘懷！

小曼谷泰國美食站銅鑼灣謝斐道535號Tower 535地庫B02號舖小曼谷絕對係我最愛既泰國餐廳，經常都會同朋友過黎幫襯，今日難得放假就同左屋企人黎銅鑼灣既分店食晚餐，佢地試完都一致好評，話下次有機會一定要再黎泰王咖哩炒紐西蘭青口食泰國嘢點少得咖喱呀，今次揀左炒青口，份量非常多應該有成10隻呀，而且全部都係大大隻，最重點當然係個咖喱汁啦，入口香濃嫩滑我地叫左一份蒜蓉包沾咖喱汁食，真係好正泰脆炸豬手炸豬手係另一亮點，份量多之餘，真係炸得好脆，入口脆卜卜而且非常入味，完全係食到停唔到口，另外伴碟既自家製即炸蝦片都好好味，兩樣加埋需然勁熱氣，但一定要試呀鐵板豬頸肉馬拉盞炒椰菜苗鐵板上比起平時既炒菜更加有鑊氣，超鐘意馬拉盞既味道食落非常惹味，真係食到停唔到口呀鮮芒海鮮炒飯呢個炒飯都幾足料而且好大碟，加入左新鮮芒果食非常開胃，再混埋少少肉鬆一齊食就完美啦

今日再次去上次到訪過嘅銅鑼灣泰國菜食午餐 有多款美食QR code落單快捷方便午餐都係想食返簡單啲叫咗個泰式金邊粉金邊粉份量十足有大大隻蝦球仲有一支香茅襯托味道調校得好好少油有幾間分店呢間店煮得最好味泰式海鮮蛋包飯泰式嘅蛋包飯都係第一次食有海鮮同咖喱炒飯底都好惹味食完一碗再想食一碗椰青冰大大杯 椰青清香少甜原個椰皇媽咪至like 小曼谷泰國美食站 (銅鑼灣)銅鑼灣謝斐道535號Tower 535地庫B02號舖#小曼谷泰國美食站#銅鑼灣美食#lunch #hkfoodblogger #hkblog #hkfoodie

🥢泰菜美食站🥢銅鑼灣區嘅餐廳 價錢偏貴 我情願去「小曼谷」食泰菜 坐位OK 食物質素中上 晚飯時段 有真人結他演唱🎸 氣氛好 性價比相當唔錯-🥘小曼谷炒米炒金邊粉成日食 今晚轉換口味 炒米粉柔軟得來幾乾身 配料多多 大蝦仁/扎肉/粟米/炒蛋/椰菜 味道唔單調-🐷泰式燒西班牙黑毛豬扒招牌泰式燒烤 一定要試☺️ 餐廳推介呢個菜式 豬扒🥩充滿炭香 肉質唔柴口 如果係厚切嘅話 口感更好 粟米🌽蕃茄🍅沙律用招牌酸辣汁做dressing 食落更refreshing-🍹泰式青檸梳打青檸梳打酸酸地 減低食燒肉嘅油膩 -☕️熱龍眼茶天氣漸涼 飲杯熱龍眼茶 養心益脾一下-📍小曼谷泰國美食站銅鑼灣謝斐道535號Tower 535地庫B02舖

小時候已認識嘅小曼谷銅鑼灣都分店門外見到午市套餐好抵食唔怪得Lunch hour 咁旺場✨泰式鮮蝦炒金邊粉金邊粉大大碟，炒得乾爽加入鮮蝦好足料旁邊附有青檸同花生碎係呢碟炒粉嘅靈魂✨串燒拼盤不能錯過泰式串燒雞．牛．豬．地道燒蠟腸．雞全翼．雞腎樣樣有齊．沾上醬汁更滋味✨泰式酸辣鳳爪微辣嘅鳳爪．酸度恰好係開胃小食✨千層糕拼西米糕兩款糕點各有特式千層糕 軟軟糯糯好煙靭西米糕 椰汁夠香 甜而不膩✨榴槤冰條 呢款冰條超級好味用真正榴槤肉製成，又香又濃郁✨椰青波波新鮮椰青水好鮮甜仲有爽口椰肉製成波波嘅外表味道清甜又消暑以後嚟銅鑼灣食泰菜一定食再Encore

高質又有情調嘅泰國餐廳真係好難揾到🥹喺銅鑼灣行完街又想食泰國嘢🇹🇭唔想食太頹所以見到呢間靚靚地😍夜晚仲有live band🎤🎸🎶價錢又合理嘅就入咗去🤩-🐷 泰式燒豬頸肉口感爽口彈牙🥳薄切唔會太厚 啱啱好🤏🏻肉質唔會太韌 好易咬開😆表面燒到燶燶地 有微微嘅焦香味🔥加上自家製嘅泰式辣醬🌶️個人覺得有少少花香🌸一啲都唔辣 又可以點䮕到成道菜👍🏻-⭐️ 金邊粉擺盤同賣相好吸引😍IG able打卡一流📸面頭有蛋花🍳 旁邊有大量花生碎🥜加埋一齊食令口感再豐富啲🤪金邊粉酸酸甜甜😗有少少番茄味調味🍅感覺成碟菜好開胃😎-好味程度：🐽🐽🐽🐽餐廳環境：🐽🐽🐽🐽🐽回頭度：🐽🐽🐽🐽價錢：🐽🐽🐽🐽

每次嚟銅鑼灣想食泰國菜都一定會諗起呢間「小曼谷」，食物質素有保證之餘，選擇亦相當豐富，絕對值得 encore！餐廳以火車為主題，門口位置放左部特大火車頭擺設，配以一室車卡座位，令人有恍如置身於泰國火車夜市般。先嚟一客泰式蒜蓉包 ($52)，蒜蓉包即點即焗，送上時仍熱辣辣，入口好鬆脆，充滿蒜蓉嘅香味。小曼谷海南雞飯 ($118)  雞肉好嫩滑，脂肪不多，而且送上時已經全部去晒骨，入口啖啖肉。油飯香而不膩，配埋個泰式醬汁，酸酸辣辣，好開胃，真心推介！鐵板豬頸肉啫椰菜苗 ($128)  椰菜苗用馬拉盞炒，並以鐵板盛載，上桌時仍吱吱作響。豬頸肉燒得啱啱好，爽脆彈牙，椰菜苗新鮮嫩綠，加上帶微微辣勁嘅馬拉盞，倍添滋味。甜品選了椰汁西米糕拼泰式千層糕 ($59)，千層糕煙韌軟糯，入口帶班蘭葉清香；而西米糕水準亦唔錯，由軟糯嘅西米和香甜粟米粒組成，椰香味十足又唔會過甜。

偶爾都會路過銅鑼灣於是 就會想起食泰國菜年多前曾經同飯腳食過小曼谷泰國美食站除了貪其位置方便 晚上仲會有live band show邊食邊聽邊談心 人生一大樂事鮮蝦泰國金柚沙律大蝦爽口彈牙 配上酸甜既金柚 感覺清新餐廳巧妙灑上椰絲同蜜糖 令整碟沙律既甜味更提升作為開胃前菜沙律實為不過小曼谷炒米粉蛋邊包住炒米粉 賣相已經不俗米粉炒得夠香 微辣之中食落有淡淡咖哩味 唔會太濃味米粉入口不會太濕太腍而配料之多食落亦相當有驚喜除左大蝦仲有紮肉、豬頸肉同蟹柳口感豐富 特別好味泰式馬拉盞炒通菜(少油少鹽版)炒得相當有鑊氣少了油光感覺食得更健康食落鹹香適宜