小曼谷泰國美食站

營業中

休息中

早前在九龍城吃到的美味泰國菜，在公司附近也有分店，於是午飯時間和同事一起食過返尋味！這一間分店在裝潢上下了一番心思，店舖名為《小曼谷泰國美食站》，就真的放置了一輛火車頭，名符其實就是一個「站」，不少食客也會乘機合照打卡。這次點了一些上次沒有嚐過的菜式：「原隻鮮菠蘿雞肉炒飯」，賣相滿分，味道也不錯。大家都知道，炒飯最緊要是米飯粒粒分明，這一道炒飯做得到，還帶有淡淡的菠蘿清甜香味。硬要雞蛋裏挑骨頭，就是看起來這麼大一個菠蘿，菠蘿肉似乎沒有全部放到炒飯裏。「風味燒豬頸肉」，軟硬度剛剛好，有基本的嚼勁，而且煎得很香口，不用沾醬吃已經很惹味，要是沾着泰式酸酸甜甜的醬汁一起吃，更是畫龍點睛。「泰式鐵板蠔餅」，這一道菜必定要點，味道鹹鹹香香，外皮酥脆，內在的蠔肉則很滑嫩。「泰王咖喱法包軟殼蟹」，不點這道菜等於沒在這間餐廳吃過飯，無論賣相還是味道都是一流的，而且份量很充足，三四個人分着吃也很足夠。

近排天氣悶熱，唔想諗食乜，人多食lunch想share的話，除咗飲茶仲會揀泰國嘢。公司附近有小曼谷，lunch 價錢親民，二話不說就揀佢。原隻菠蘿海鮮炒飯 $198 ✨推薦菜式✨ 原隻菠蘿上枱嘅海鮮炒飯，外貌協會單係睇樣已經心心眼。每啖飯都粒粒分明，而且炒得好平均，甜甜酸酸嘅菠蘿味，好開胃。海鮮有蝦，魷魚，帶子，全部都好新鮮好好味。泰式鮮蝦粉金邊粉 $138金邊粉基本上必點，麵質幼身但有口感唔會太淋，味道又唔會過酸。份量勁大，有同事share就好開心。小曼谷炒米粉 $138同事想食炒米粉， 初初以為會好似星洲炒米，但食落係兩回事。材料有蟹柳，札肉，豬頸肉，蝦。米粉帶著少少咖喱味，唔會過濃味或辣。泰皇咖喱法包軟殼蟹 $268法包配咖喱，已經冇得輸。咖喱汁包住啲軟殼蟹，一啖放入口，軟殼蟹吸收晒咖喱，然後蟹嘅鮮味被咖喱包著。啲汁多到想食多碗飯。泰式鐵板蠔餅 $188蠔都大大粒，又炸得好酥脆，啖啖都係蠔。鍾意好玩嘅朋友值得試吓。明爐香檸汁蒸桂花魚 $278一大班朋友真係好想食條魚，加咗香檸汁，酸酸甜甜即刻令到桂花魚多咗個層次。明爐一直有火慶住條魚，令到條魚一直keep到溫度，熱辣辣好好味。

<小曼谷泰國美食站> 重現泰國風味的餐廳🔥💯小曼谷泰國美食站 (銅鑼灣)銅鑼灣謝斐道535號Tower 535地庫B02舖味道: ⭐️⭐️⭐️⭐️⭐️價錢: 💰💰💰抵食指數: ⭐️⭐️⭐️⭐️⭐️原隻菠蘿海鮮炒飯🍍🍚 $198 💯✨推薦菜式✨ 原隻菠蘿呈上嘅海鮮炒飯，每啖飯都均勻吸收菠蘿嘅甜味，每啖食落口都係甜甜酸酸嘅菠蘿味，但又同時保留炒飯個鑊氣味 雙重享受👍🏻👍🏻⭐️ 而且海鮮全部都真材實料 蝦，魷魚，帶子一一送到你面前🤤泰式鮮蝦粉金邊粉 $138✨經典菜式✨ 金邊粉基本上所有泰式餐廳都提供，但係呢到食嘅就係一份鮮味同埋質素真係無得彈，麵質有口感 爽口 唔會太淋👍🏻 每舊蝦都大大舊🤤最岩中意食海鮮又中意食粉嘅人😊小曼谷炒米粉 $138✨驚喜之選✨ 個炒米粉初初上到黎個時一度以為佢係星洲炒米，但食落係兩回事🫢 材料佢選用左蟹柳，札肉，豬頸肉，蝦，最令我深刻係札肉嘅味道，非常到位，咸道適中，帶領著成道菜嘅味道👍🏻👍🏻而且個米粉帶著少少咖喱味，個陣味就好似我到左泰國食米炒咁！🤤泰皇咖喱法包軟殼蟹 $268💯滿分之作💯 法包裝著滿滿嘅咖喱，將軟殼蟹沉落咖喱，將咖喱汁徹底包住啲蟹🤤一啖入口 軟殼蟹

今日同朋友睇到元朗一間連鎖式泰國餐廳 喺教育路已經開咗十年 但係水準一路都保持 價錢又實惠 晚市都好多套餐 都幾抵食😆酸辣鳳爪沙律分量相當之多，鳳爪係冇骨嘅 ，醃得酸酸甜甜 ， 又唔會太辣， 相當開胃。冬陰功雞湯平時都係用蝦煮都好少用雞蛋呢個雞湯相當出色 雞嘅份量好多差唔多有半隻雞 肉都相當嫩滑 四個人飲都可以飲到兩碗😋泰式咖哩炒虎蝦呢個真係超級超級驚豔 個皇家呢整得好香 仲有四隻手掌咁大嘅虎蝦 好蝦嘅蝦肉相當彈牙 冇雪味 而且整得相當入味 個咖哩汁配蒜蓉包冇得彈❤️椰汁西米糕你都泰國餐廳點可以唔食呢個甜品 水準正常發揮 個椰汁好香 好味😋😋

週末和家人來到銅鑼灣的這間泰式餐廳吃晚餐。餐廳燈光柔和，裝飾簡潔不失華麗，讓人感覺舒適自在。～剛坐定就聽到駐場歌手在餐廳現場唱歌，歌聲營造了溫馨浪漫的氛圍，讓整體用餐體驗更佳。～明爐蒸烏頭是首道上桌的菜餚，肉眼可見的鮮嫩質地讓人垂涎欲滴。浸泡烏頭嘅湯汁帶淡淡嘅鮮香，整體非常不錯，而且keep住熱辣辣，是正的。～🐷豬肉串燒則帶炭火香氣，每口都能感受到肉汁四溢，好Juicy唔會乾柴柴feel，搭配嘅醬汁亦惹味。～泰式干炒海鮮米，味道香辣微甜，而且份量好多，性價比高，而且炒得乾爽唔油膩，大蝦亦非常爽彈🦐，不錯。～～～小曼谷泰國美食站 銅鑼灣謝斐道535號Tower 535地庫B02舖

銅鑼灣 | 小曼谷泰國美食站因為好想食泰國菜所以就同朋友去咗tower535食個晏餐廳以泰國火車做主題入口位置有大大個火車頭卡位仲模仿車箱做佈置好特別(°▽°)泰式炸蝦餅我哋叫咗細份但上到嚟都有3大塊蝦餅1開2🤩熱辣辣好脆仲好彈牙！牛根丸牛肉船粉湯底好正宗 牛根丸好惹味金邊粉份量超大碗我哋2個女仔一齊share一碗都食唔晒啊泰式燒牛仔骨配木瓜沙律牛仔骨燒得岩岩好 好腍沙律酸酸甜甜 木瓜好爽脆夏天食真係好清爽！小曼谷原隻芒果糯米飯食泰國嘢點可以冇芒果糯米飯🥹大大件芒果好香甜唔酸糯米飯唔會太過硬

今晚放工後同姐姐晚飯，約在地點方便的銅鑼灣，食惹味嘅泰國菜。佢話呢間佢食過唔錯，帶我黎試。泰式炸魚餅$98魚餅厚身，好香香矛味，爽口彈牙，再沾上泰式酸辣醬，香口惹味。泰式乾炒海鮮米粉$118炒得好有鑊氣，充滿蛋香，香噴噴，滿滿嘅海鮮，有大蝦,帶子，魷魚加上芥蘭，用料唔錯，米粉幼身爽口，份量超足。泰式辣椒豬肉碎炒飯$108惹味之選，肉碎加上香葉炒飯，滿滿的泰式味道，炒飯粒粒分明，夠香口，仲要加上流心太陽蛋，好滿足。牛油燒粟米$32爽甜粟米加上微微焦香，沾上好香花生香的沙嗲醬，簡單又好味。餐廳晚上8-10Pm有live Music，都幾有驚喜，有人彈結他唱歌，歌曲主要以慢歌同埋一啲舊歌為主，到咗晚段時間會有啲新歌，一邊聽音樂一邊食飯，用餐氣氛唔錯。

想食泰國嘢，跟住喺銅鑼灣行行吓見到尼間火車頭主題嘅泰國菜 好想試下 好似好型咁好多位坐 好闊落 啱晒同一班人去食飯傾偈好岩同火車頭打卡我推介泰式炸蝦餅叫左細份點知有3大粒好正好正宗 我冇點醬 唔點都好夠味仲有牛仔骨木瓜沙律 酸酸地 ok!牛仔骨好有味唔會好 硬 我一個人食哂咁多塊…太想食芒果糯米飯 尼個係2人份量？勁大個 一個人食唔到咁多😂😂😂😂😂芒果唔會係好酸嗰啲 重點冇芒果核！因為之前試過有餐廳係用芒果核扮多芒果 haha

黎到呢個商場，見大大個火車頭😍非常吸引眼球，我都即刻打卡，影返兩張相先！✨泰式花膠濃湯煲仔翅煲仔翅即叫即熱，花膠有驚喜，口感軟綿又大塊，湯汁入口濃郁鮮美，加埋配搭嘅芫荽和芽菜，口感豐富👍🏻✨香芒蟹肉炒飯賣相誘人，色彩豐富，蟹肉份量唔算多，勝在有大大粒芒果，每一口米飯都有融入蟹肉與芒果，味道有獨特香氣，唔錯！✨椰汁西米糕拼泰式千層糕食泰國菜，又點少得甜品，椰汁西米糕口感嫩滑，內裏有粟米粒，底下嘅西米搭配清新，入口清爽而不膩。泰式千層糕則層次分明，入口Q彈，富椰汁香，讓人愛不釋手。

想食地道少少，價錢又合理嘅泰國菜，唔一定要去九龍城嘅。呢間小曼谷係九龍城多年嚟出晒名，但其實佢係銅鑼灣都有分店，人氣火紅程度不下於本店。餐廳喺世貿隔離，tower535地庫，位置okay唔難搵。▦泰皇咖哩炒龍蝦▦泰脆炸豬手咖哩成個盤咁大，份量嚇親，2個人唔好亂嗌。有一隻龍蝦，分半上枱，爽彈鮮味，個人覺得好食過軟殼蟹。咖喱一啲都唔辣，反而好重椰香，加埋蛋花超好食，建議一定要配蒜蓉包，唔怕飽嘅話就一定要跟白飯，唔係就浪費咗佢個汁。龍蝦孖寶，第二樣揀咗炸豬手，份量一樣嚇親。豬手炸到脆卜卜，特別係塊豬皮，好香豬油味。▦燒牛仔骨今次冇嗌串燒，反而嗌咗牛仔骨，估唔到味道都唔錯，非常嫩口身，而且好入味。▦蒜蓉包食泰菜必定會嗌嘅其中一樣嘢，牛油蒜蓉包香噴噴，加埋佢嘅名物咖喱，真係想嗌多一round。▦馬拉盞炒通菜唔係好辣嘅馬拉盞，一定係要揀炒通菜。嗌咗咁多肉，點都要捱返啲菜平衡下嘅，就揀一樣，平時喺屋企好少自己煮嘅嘢啦。泰菜好多地方都有，新式定傳統都唔少選擇。呢度就正正係地道嘅，餐廳仲有一個位係for live band 唱歌，有現場歌手一定好正。食飯呢晚咁啱係九龍城潑水節，隔籬枱咁啱係潑水節慶功宴，

相對低食泰國菜香港地幾廿蚊食個午餐，除咗茶餐廳，食粉面，選擇其實唔算多。銅鑼灣呢間泰國菜，午餐有好多選擇10幾款，價錢有$63至$68 +1 ， set lunch 包括泰式雜菜湯（味道有啲似冬陰功，份量細細碗，唔怕食到太飽，食唔到煮食），有一杯免費飲品，可以選擇龍眼茶或龍眼冰（其他泰國餐廳可能呢個係特飲，要額外加錢，但係呢度唔使，仲有其他飲品選擇可以加錢）主食，我就選擇咗曼谷炒米粉，份量足夠，熱辣辣新鮮炒起（略嫌乾身咗啲），整體味道唔錯，抵食之選。係銅鑼灣，不妨可以過嚟試吓，手機落單非常方便。

小曼谷出名食泰國嘢係人都知，但係唔止九龍城，原來銅鑼灣都有呢一間位於世貿中心隔離既tower535 地庫位置嘅小曼谷，有少少隱蔽，唔係太多人識入門口就有個火車頭比你打卡打開menu 太多嘢食 花多眼亂咖喱出名，就叫咗個泰王咖喱炒龍蝦，馬拉盞炒通菜，泰式炸豬手，牛仔骨個咖喱好大兜 裏面有一隻龍蝦 龍蝦好彈牙仲有膏添 個汁好好食，打左隻蛋落去所以有蛋花 個汁好杰身 甜甜地 點蒜蓉包味道一流呢個汁應該咩都好食，撈個飯麵一絕炒通菜味道唔會話太油太鹹 味道啱啱好炸豬手都好大隻，個皮好脆 肉都好有膠質唔會話係硬身 牛仔骨都好入味好林仲叫左幾杯沙冰熱辣辣飲透心涼咁啱嗰日去到係有班人慶祝水節輕功包咗半個場好熱鬧星期一至五都會有live band 聽吓歌食吓嘢都唔錯

-有時掛住泰菜之餘🇹🇭都會掛住泰國嘅夜市今次去呢間泰國餐廳門口有超吸睛火車頭嘅裝飾最驚喜係夜晚有Live Music表演🥳/▫️ 串燒拼盤C $152▫️—極上安格斯牛柳粒串(4粒)(1串)——鮮海蝦球串(4粒)(1串)——燒帶子(3粒)(1串)—/拼盤有齊三款熱賣串燒🔥安格斯牛柳粒質地軟腍🐮配合秘製沙嗲醬，口感更豐富惹味海蝦球上舖滿蒜茸，食落口夠爽口彈牙帶子同樣舖滿蒜茸好鮮味唔會燒得太熟而變硬中間夾住大大粒車厘茄中和濃郁肉類之餘，幫助清新味蕾😋/▫️泰式鮮蝦炒金邊粉 $138▫️每次必點嘅泰菜，最欣賞係金邊粉充滿鑊氣🔥加上大大隻蝦，口感更豐富🦐仲可以配合青檸汁，酸酸甜甜夠晒開胃/▫️泰式炸蝦餅(S) $108▫️叫咗細size，本身仲驚唔夠食點知原來每件炸蝦餅都好足料，夠晒份量配合秘製泰式辣醬，為炸蝦餅畫龍點睛🦐/▫️椰皇沙冰 $43▫️食泰國菜點可以唔飲椰汁系列飲品🥥今次試咗椰皇沙冰，夠晒清新夠晒fresh🌱每啖都充滿椰汁味，仲食到有椰絲口感鍾意飲椰汁嘅朋友一定要試🥰/充滿泰國夜市回憶嘅一餐🇹🇭下次一定要來欣賞埋Live Music表演🎶-@minibangkok

就嚟泰國過年但係重未有時間去旅游 就相約同樣喜歡泰國嘅朋友一齊食泰菜dinner 慶祝吓於港島區銅鑼灣嘅小曼谷泰國菜館地點 就方便我們。Qr code 落單快捷方便，如果菜式有辣嘅都選擇小辣既 我哋二人簡單一些 叫咗三款泰式柚子沙律每逢食泰菜都會點呢款沙律柚子甜甜酸酸好開胃重有香脆嘅花生粒粒黃咖喱牛腩人氣菜式果然好掂黃咖喱香而不辣牛腩亦好入味唔韌炸蝦餅（小）巳經係細size都份量十足炸得香脆 蝦肉也彈牙點啲甜酸汁，十分滋味餐廳設+1服務收費 晚上八點重有live band駐唱火車站嘅佈置令大家諗返起曼谷嘅火車夜市😃有限時90分鐘都好 方便我下一站去食甜品@minibangkok#小曼谷泰國美食站#泰國美食#泰國菜#小曼谷#柚子沙律#咖喱#hkfoodlover#四月泰國新年#潑水節#hkfoodblogger #hkfoodshare #hkfoodlover #hkfoodie#foodsnap#hkfoodpic #hkfoodblog

收工最鍾意去銅鑼灣食飯，今次就揀咗呢間小曼谷泰國美食站去食泰國嘢，同場有d驚喜，佢安排歌手喺度彈結他唱live🎸🎸坐低之後店員會比熱水我哋，亦都俾個QR code我哋去掃code落單!今次我哋就揀咗啲串燒啦，泰式馬拉盞炒通菜同埋一個泰式鮮蝦炒金邊粉！串燒方面就揀咗雞腎，牛肉同埋豬肉，餐廳會配搭佢哋嘅沙嗲醬，都推薦大家叫佢哋嘅串燒，因為真係好惹味，口感一流！泰式鮮蝦炒金邊粉，賣相非常之靚，裡邊有彈牙嘅蝦，有蔥亦都有蛋，配搭左花生碎同埋青檸汁，撈埋一齊食非常之好味😋馬拉盞炒通菜充滿着鹹香同埋少少辣味，一啖接一啖🤤🤤食唔停口，夠晒鑊氣！