小方糖甜品 (新都城中心三期)

營業中

休息中

鍾意食佢榴槤系列嘅甜品，尤其是 榴槤椰汁小丸子嗰個。差唔多次次都係食呢款。佢哋啲芋圓亦都好煙靭唔會係放好耐硬晒嗰啲。另外我哋仲食咗佢個芒果紫米小丸子，同榴槤香蕉船，而家啲甜品舖已經好難搵到香蕉船咁classic嘅甜品食！值得懷念！上菜都好快，唯獨係環境有啲逼夾多人嘅時候就坐得唔係幾舒服

每次來寶林，都要吃個甜品才完滿😋😋😋黃金拿破崙🍭🍰賣相看圖，金光閃閃😋香脆的酥皮，配上新鮮的芒果及惹味的芒果醬，仲有香滑的忌廉，一次過滿足晒所有的願望😂

又到10點幾、有少少肚餓、旦又不想食正餐、所以叫個甜水返來食😂、外賣速遞、好方便、按兩下即到👍🏻榴槤不太甜、可能未到當季、不過係新鮮榴槤肉、加上水晶珠、有少少彈口、有埋布丁、軟綿綿口感，不過略嫌不太甜😁我覺得榴槤肉過少、而且不是當季、肉質一般、食一個還可以、兩個太膩、不過朋友不食榴槤、要自己食完兩個、有點兒過膩、太多cream• too much🥲薏米比較少.不過都煮得比較腍、非常入味.而腐竹就可能溶入湯中、見不到有🤭朋友覺得雖一優點不會太甜😅滿120有75折😀

🍽️ 每逢行過呢間店，成日都係人頭湧湧，今日終於有機會試吓佢哋嘅手藝。首先，佢哋個黃金拿破崙真係賣相勁吸引，一上桌就閃閃發光，頂部嘅酥皮似金磚咁誘人。一啖咬落去，口感夠哂層次，香脆得嚟又唔會太硬，中間夾著滑溜溜嘅忌廉，同甜而不膩嘅芒果醬，想像都流口水😋。點解我要提呢個黃金拿破崙？因為佢真係做到外酥內軟，甜中帶點清新嘅芒果味，食完仲留有回甘，喺平常食過嘅拿破崙中絕對打得出名堂。至於另一道菜式——雪耳蓮子燉湯，各位睇我嘅食評應該都知，我係一個講究原味嘅人。佢哋呢個燉湯，簡直就係單純同純粹嘅代表，飲落溫暖而且提神，真係好適合嚟一碗為自己暖笠笠，解解油膩。總之，呢間店嘅食物有驚喜，有情調，又唔會太貴氣，感覺好接地氣。無論係想飽腹還是想嘆小食，都可以嚟呢度掃下貨，朋友間小聚或者一家人嚟食飯都非常合適。🍜🥮💯

呢間小方糖甜品鋪，位置真係夠曬偏僻。間商場夜晚好似好靜咁。唔近地鐵站上蓋果d商場，要特登行入黎食。太陽香蕉船 $38個香蕉船其實都係食雪糕啦。雪糕可以自己揀，有五六種。佢有d心思嘅，加左d粟米片上去，加分。黑白配 $38雪糕係雲呢拿加朱古力，佢有仙草，珍珠，小丸子。鍾意食呢d咬口野arm曬芒果紫米小丸子 $38個紫米露賣相差d啦，但係食落就好食嘅，芒果都夠甜。大路嘅甜品鋪，餐牌揀嘅都係平時見到果d啦。水準ok嘅，係有d遠，商場食完野就未必行到咁遠過黎食。

今日同fd 食完野想搵個甜品食，先發現附近糖水舖唔多，一入到嚟，選擇恐懼症的我又諗一大爛餐，最後叫左芒果紫糯米,芒果好甜，好好食，細細個已經鐘意食許留山d 小丸子，食完糖水今晚美滿

小方糖真係一間性價比好高既糖水鋪，完全係食糖水既首選，我地時不時食過晚飯都會係到買碗糖水返屋企慢慢嘆。芒果樂園-入面有唔少大大粒既芒果🥭肉，仲好香甜，而且配料超豐富，有芒果雪糕、牛乳布丁、椰果、水晶珠，小丸子、芒果粿子心，一次過滿足咁多願望，所以食完次次都好滿足。😋日式紅豆豆腐花，材料相對簡單，但味道一點都不普通，紅豆🫘入口軟腍，食落清甜，豆腐花有別於我以往食過既豆腐花，係從未試過的味道，豆味是淡淡的，唔似傳統有種燶味，難以形容，真係要親身試過先明，佢種淡香配埋紅豆清香，成件事剛剛好，仲有小丸子煙煙韌韌，增添了口感。

食完雞煲, 意猶未盡 , 一於去食個糖水，附近有間小方糖真係perfect, 平時喺旺角食完飯想去食小方糖但次次都勁多人， 唔想排隊就放棄左。今次呢間唔多人唔使排可直入， 就當然唔會放過呢個機會啦。 揀左個 芋圓豆腐花仙草凍好足料，滿滿的椰汁濃郁，芋圓有咬口，豆腐花仙草都好好食。下次如果再黎呢面一定番食試冰類甜品！

幫襯咗好多年一直keep到個質素，雖然價錢有稍有上升但處於可接受範圍~特別推薦冰類產品，棉花冰做得夠綿密，綠茶味都幾自然，而且都幾大杯唔錯另外芒果類甜品都十分出色，每次食都好香滑而且好新鮮芒果味，分量十足，配埋底下啲豆腐花令人回味

甜品係生活必需品，開心要食，唔開心更加要食嚟到小方糖，如果你係芒果控，必食芒果小丸子更加唔好錯過特色甜品黃金拿破崙同買糖不甩，一試難忘落單快=上甜品快，好有效率！！

平時行街行到攰都會想搵地方坐下，今次就入咗間糖水舖去休憩下。佢哋有好多特色甜品，同傳統嘅甜品會有啲唔同。🍨黑白配$38顧名思義黑白配即係有齊黑色同白色配，雪糕🍦就用左雲呢拿雪糕配朱古力雪糕，小丸子配珍珠，涼粉配棉花冰。自己覺得小丸子最好味，因為煙煙韌韌好似年糕咁😙🥭泰式芒果黑糯米$38雖然係冬天，但佢哋用嘅芒果都唔會酸👍🏽，黑糯米嘅份量都多🤩食落去軟糯濃稠，而且係少甜，再配合椰漿都唔會話好甜。而且黑糯米有豐富嘅膳食纖維，可以促進腸胃蠕動，預防便秘🤪晚飯後嘅時段成日都會見到好多人排隊👬🏼👩🏽‍🤝‍👩🏻👫，今次係喺晚飯前食，所以會比較少人🤣如果想晚飯後先食嘅朋友就要早啲排隊拎位啦😛

肥妹我雖然有唔少脂肪，但都超怕凍天氣一涼少少，就要食辣野，暖一暖個身當然飯後少不了來一客甜品🍮1️⃣勁薑蕃薯芋圓糖水$30薑夠勁，要比💯好足料，除左有兩大舊蕃薯，仲有3粒芝麻湯圓，仲有6-8粒芋圓$30抵到爛最重要食完成個人暖哂2️⃣芒果🥭粒粒拿破倫$45朋友食呢款貌相係唔錯架，仲好大份但我本身唔食芒果，所以冇試🏞環境冇咩特別裝修，但枱與枱之間唔算好密，感覺良好好彩今次早去先有位平時門口好多人等位

👉🏻熱椰皇湯圓芋圓燉蛋白 $52✅椰皇✅椰汁✅湯圓✅芋圓✅西米✅燉蛋白 燉蛋白真係好出色😍😍😍 我估計佢用埋啲椰皇水嚟燉 清甜得黎又有椰子香 真係食幾多次都唔會厭 仲有感覺健康良好啲 雖然湯圓同椰汁都唔好睇小 但係都係食咗先講啦🤣🤣🤣 最多做返「尖」囉😂😂 🗣其實我係食開 炭燒藍山咖啡雪芭 $38 法式焦糖燉蛋 凍/熱 $38 不過想食啲輕盈啲嘅糖水 所以就揀咗呢個啦😌😌唔知宜家有冇咩其他嘅新出品呢？經過要再食！

香芒小丸子 ($40)放工食個宵夜先🥹夏天係食芒果嘅季節🥭不過都唔係次次都可以食到甜嘅芒果，好好彩🥹今次食香芒小丸子啲芒果好甜！小丸子好有咬口，啱晒啲中意食煙韌嘢嘅朋友，食完唔覺得濟😄正！

終於得閒過黎店舖食甜品我哋三個人入到黎睇甜品菜單，一路睇一路話呢個又想食果個又想食真係揀左好耐，之後就揀左三款唔同種類食第一款係望落好吸引既朱古力粒粒拿破倫，面頭淋左朱古力醬再加好多忌廉配埋香蕉🍌同朱古力雪糕第一啖食落去好鬆脆，加配買香蕉同朱古力雪糕一齊食就好豐富第二款揀左香蕉船🍌因為我地想食多少少雪糕🤭香蕉船配左兩支朱古力脆棒，同埋星星脆粒，小朋友食就最開心最後我揀咗雪糕芋圓仙草凍，芋圓好有咬口，配合牛奶連仙草食又幾夾如果有埋小丸子或者珍珠就更正佢另外都有加少許沙冰食落好多層次正體黎講好滿意如果真係想食多幾款建議唔使食晚飯，直接過嚟淨係食甜品就可以食多唔同種類同款式黎呢個食甜品要預留大半個胃🤭因為又大份又好味