小方糖甜品 (龍崗道)

營業中

休息中

話說在合成只吃了綠豆邊清心丸，不夠，遂在附近看看有沒有甜品舖，讓我們發現前幾個舖位有間小方糖。客人不少，但沒坐滿，進去剛門口有位。服務員親切的招呼著。我們點了勁薑蕃薯芋圓糖水，因為有湯丸。另外一個是芒果樂園，看名字就興奮。芒果樂園賣相吸引，有芒果雪糕，牛乳布甸，芒果粿子心，水晶珠，椰果，好豐富，整理不會太甜，38元掋食。蕃薯糖水如其名，勁薑，材料豐富，最緊要吃到湯丸，爅韌，吃完凍再吃熱感覺良好一些，也是38元，掋食。

好想食芒果但系食唔到，就過來甜品店食芒果樂園啦。呢個裏邊有好多料，布甸，芒果味雪糕，椰果，芒果，仲有好多珠珠。整碗嘅芒果味都好濃郁，我最香食嘅芒果，好甜好食。椰果同埋珠珠都口感好好。雪糕綿綿嘅都喺芒果味嘅，好中意，全部食嗮，好滿足。完咗我想食芒果嘅願望。

夜晚屋企食完飯，因為太為食又Happy Friday所以即興揸車出去食糖水😋。呢兩日天氣好似火爐咁熱，真係好想食Ｄ沙冰之類嘅糖水！差唔多晚上10點，坐滿左９成，不過唔洗等位。大家都係鍾意食芒果系列古靈精怪：紫米飯+芒果+雲呢拿沙冰因為唔想食珍珠，所以＋$3 轉做小丸子。小丸子好煙韌，紫米份量都幾多，３樣野加埋好夾！食完個人即刻涼晒！男朋友叫左芒果紫米小丸子＋$7 芋圓之後發現原來大家叫左差唔多既野。芋圓我覺得一般，雖然好大粒，可能因為係甜品太凍既關係，Ｄ芋圓太硬，唔夠韌。我覺得我果個好味Ｄ😝～

食完lunch點夠咧，女仔喺仲有一個甜品肚嘅。同朋友一齊搵到呢間店來填滿我哋嘅另一個胃。叫咗三個甜品，龍珠（是一個沙冰來嘅，是椰汁沙冰，上邊有珍珠椰果同埋龍眼肉。椰香味夠濃，珍珠有少少韌，再煮耐D就好啦）心太軟（甜品店必點之一!呢個有少少普通，就是普通嘅心太軟，唔夠流心，碟上個圖案還幾好看，cute cute哋。）芒果糯米糍（皮薄餡多，但是芒果好似唔夠新鮮，有少少怪怪哋）

作為一個榴連控，呢間都系其中一間我好鐘意系度食榴連甜品既方，因為好足料！個人高度推介榴連系列，全部都系有榴連肉同榴連汁，好好食！真材實料啲西米脆脆地好好食！楊枝甘露，好食，唔會太甜，小小酸酸地好開胃食唔停口！珍珠都幾好咬口，椰汁味香，芒果唔酸夠哂甜，紫米好香唔硬身最愛既榴戀天使，每次必叫，好濃好香好滑！回味無窮！芒果拿破崙，兩個人食會太多，3-4個人食會好啲，焗得好夠香同埋好酥化！個汁唔會太甜好好食！

熱拿拿食番個糖水應應景先今日帶埋小白仔一齊食佢熱到飛起但冇得食🥴🥴只望著我地食蕃薯艼圓同 士多啤梨乳酪雪糕🍦⋯⋯看到都洗口水艼圓有好多我們有好幾款味道，有芋頭，紫薯及蕃薯乳酪雪糕有驚喜都是很好味的

星期五放工，又大熱天時，我和Honey到九龍城吃甜品。將車四圍溜，找泊車位，正好在小方糖外有泊車位，所以就入小方糖吃甜品。但是，在雨後春筍般甜品店林立的九龍城，小方糖的產品……我們叫的兩款甜品，都麻麻哋。西瓜汁｢稀遛遛｣的，西瓜也不甜，也不夠凍。炭燒咖啡雪葩，也是現成的雪糕……沒有驚喜！相對其他九龍城的甜品店，這店不能讓食客留下深刻印象。

九龍城出名多野食，除左大家熟知食正餐既好地方，仲有真心推介既甜品🤤榴槤控既我，首推「齒頰留香」，依個價錢估唔到會有舊新鮮榴槤肉，底層係牛乳布甸，仲有幾款配料 - 椰果，珍珠，西米，加埋榴槤汁，絕對無改錯名！另一必食既係「黃金拿破崙」，佢個份量大得驚人，總共有3大件。黃金係指芒果🥭，除左有新鮮果肉，仲有芒果醬，拿破崙非常脆口，一切....成台都係😂 上面加左d cream, 唔算太甜👍

九龍城食完飯食埋甜品就完滿必食小方糖黃金拿破崙，三條大大件，切落勁脆口，上面仲有cream, 新鮮芒果同芒果醬，食落口外脆內軟，一試難忘。另一必食既一定係齒頰留香，材料絕不吝嗇，一舊新鮮榴槤肉，牛乳布甸，椰果，珍珠，西米，襯埋榴槤汁超好味，榴槤肉勁甜稔身，榴槤愛好者必食！

星期六攰攰地，諗住去淘大揼個骨鬆一鬆，但未到揼骨時間，又未到晚飯時間，於是就諗住食個糖水先，見到有小方糖甜品，就走左一去。星期六既小方糖甜品，可能未到晚飯時間，所以人流不算太多。見到menu上有好多唔同種類嘅甜品比客人選擇，樣樣都好似好吸引。😝😝😝不過因為唔想食得咁飽，所以最後我點左個最平凡嘅椰汁芝麻湯圓西米露。個椰汁西米露唔係好甜，芝麻湯圓皮夠哂薄，一咬開，好香既芝麻餡就流出來，好好味。食完呢個椰汁芝麻湯圓西米露，因為此店標磅少甜，所以可以令到減肥緊嘅我少d罪疚感。

今天難得與好友共聚一堂。吃過晚餐後，朋友提議來個甜品環節，我們興致勃勃到鄰近的甜品店小方糖入座。大約傍晚八時，店裡空無一人，只有兩個垂頭喪氣的店員在聊天。我們踏入店裡便鎖定我們一致的目標—心太軟，不出15秒便向店員下單。「唔該。」「要咩。」「一個心太軟。」「咩雪糕？」「一個朱古力一個雲尼拿。」一名店員正在下單，而另一名店員即一邊按著膝頭借力，一邊發出沉重而哀愁嘆氣聲，慢慢企起來「唉。」空氣裡徘徊著店員的怨嘆聲，十分寧靜。我們仨的呼吸亦頓時停止。店員隻身走進廚房，背影散發一絲絲的怨氣，我們因此為是次的心太軟取名為「怨氣心太軟」。我們亦有一刻懷疑過人生，是否光顧該店破壞了他的放空狀態，增添了工作量，才怪。回到心太軟的食評，心太軟的口感奇怪，像糊狀的蛋糕。口中的朱古力彌漫著一陣陣的雪藏味，要價48元，大為失望。本是興致勃勃的踏進店裡用餐，踏出店門卻是掃興而歸。我們也不禁地嘆出，「唉。」

—☀️一面天堂，一面地獄⛈🤘🏻大學時代，深宵食堂🤘🏻—《朱古力雪花冰》$40依個朱古力冰冰，超讚，好香濃既朱古力味，食完好想再食，平時通常係溝水口感，但依個係真材實料🤤🤤每一啖都食到係好香既朱古力整。香蕉幾多，配埋蜜蜜星星，幾滿足🥰價錢合理，對窮豬黎講都少貴啦。—《龍珠超—芒果小丸子雪糕》$38依個龍珠改，除左都係圓形之外，已經聯想唔到有咩位似龍珠。個小丸子口感散到好似豆花咁，一咬就散😵零煙韌，伏伏伏伏伏，芒果酸酸的，都知唔係當造時候😢😢救命。仲有，個雪糕好明顯係垃圾維記，化學芒果味爆登🤢🤢—依間小編係大學時代都成日食，之前食都正正常常，今次食就有伏有唔伏🥺🥺不過，係冇得簡既時候都惟有係食依幾間為食指數：6.5/10推介程度：6.5/10打卡指數：7/10性價比：6.5/10

同男朋友食完泰菜，又係指定動作嚟小方糖食甜品，又係指定動作大家都唔記得路，由街頭行到街尾先揾得到男朋友唔食榴槤，所以上次我無試到榴槤甜品，但一直都見到枱枱客都嗌，仲要成間鋪都充斥著榴槤香味，攪到我心思思。今次男朋友好體貼叫我試（其實佢次次都係咁體貼抵錫）我都唔同佢客氣等位期間已經選定咗目標，就係榴華，男朋友依舊揀黃金拿破崙。榴華其實係豆腐花、椰汁沙冰加水晶珠珠，當然唔少得榴槤肉。甜品上枱後，我先响角落頭𢳂咗啖沙冰同豆花比男朋友試，佢話無榴槤味，仲好好味添豆花應該係鋪頭自製，好香豆味同埋夠滑，椰汁沙冰夠香夠棉，兩樣加埋已經好正，最後我再撈埋啲榴槤肉一齊食，真係無得輸。男朋友仲話下次嗌兩份，一份榴槤肉另上，咁我就可以食到兩份榴槤肉喇，哈哈食完榴華仲要等多10分鐘拿破崙先到，唔知係唔係漏單，三件拿破崙有兩件係燶嘅，不過大大份拿破崙都已經好滿足

上次食過金滿堂，今次試下小方糖 回頭率：🌕🌕🌕🌑🌑環境：🌕🌕🌕🌑🌑服務：🌕🌕🌗🌑🌑份量：🌕🌕🌕🌑🌑味道：🌕🌕🌕🌗🌑價錢：HKD34/Pal  ◆Summary◇座位多，環境寬敞。品種多樣，起名好得意，好多款都有珍珠椰果水晶珠奇亞籽等搭配。龍眼沙冰好味，清甜爽口，椰汁味濃🤤芒果粿子心似較脆嘅啫喱，牛奶布甸食落太膠，其他正常。————————————————————————💁🏻‍♀️相比之下我都係中意隔離嘅金滿堂多啲，味道更好用料更足，但係哩度款式多，都仲係想黎試多次💁🏻‍♀️芒果拿破崙好似幾出名，可以一試

今日同朋友去九龍城食dinner🙆🏻🙆🏻🙆🏻🙆🏻難得嚟到九龍城就諗住食埋糖水先返去嘻嘻😼😼😼見到小方糖入面有好多人應該冇伏🧐🧐🤔天氣有啲凍所以嗌咗熱辣辣嘅🍠☕勁薑蕃薯芋圓糖水$28薑味真係好重😍😍😍😍😍😍好鍾意薑味 湯丸係芝麻味🍡🍡唔知係咪錯覺食到🍠🍠芋圓有啲薑味同埋紫色芋圓有啲紫薯味🤔🤔試咗一啖齒頰留香 榴蓮味好濃郁幾正😋😋😋😋唔怪得keep住都有咁多人la🚶🏻‍♀🚶🏻🚶🏻‍♀🚶🏻