小念頭 (億利工業中心)

營業中

休息中

依家天氣閒閒地都33-35度係香港，冷氣真係好緊要今日呢間鋪嘅冷氣真係唔掂成間鋪大約400-500呎眼見佢開左4部冷氣仲加埋風扇去吹散但溫度上真係唔得見台台客都自己開風扇仔/撥扇問店員可唔可以教涼啲個冷氣店員話已經最低溫但要台台客都自備風扇去進食希望店家可以整整冷氣熱住食，真係你唔限時我都自己走定係另類翻台策略？* 本身鋪頭就有90分鐘限時食事後發生啲小插曲得1.5個樓面店員，所以佢地好忙希望你地可以改善下包場booking 叫人交台程序*食物還可以，但配搭呢個環境，定價有小小高牛舌芯定食 $92牛舌芯厚度可以，好似有7舊，口感脆口軟熟，唔硬，燒得唔錯牛舌上面有啲類似炒香左嘅飯素，幾惹味用黎撈飯食幾好但唔知點解伴菜有一大堆蔥？啲蔥係多得唔合理伴菜仲有啲蘿蔔漬，雖然凍，唔算好清甜，但冇渣個麵豉湯係暖，無特別凍茶+$2 再加左奶蓋 +$5奶蓋唔係我口味，真係得奶味，無芝士無鹽唔岩個人口味*整體定價少貴，未必會encore

今天朋友請我食生日飯 黎左呢間荔枝角既文青日式西餐廳 ❤️之前已經同朋友黎食過 係唔錯今次都冇失望 水準依舊！🐷鰻魚雜錦芝麻醬凍烏冬 🍜十分足料 有好多配菜 烏冬煙煙韌韌 十分好吃加左鐵觀音 $2同愛玉凍$8 茶味極濃 苦左d 冇咩甜味 鍾意濃茶既朋友應該會鍾意再加左$36 叫左焦糖烤芝士蛋糕 🍰好食 🤤芝士係硬身既款cheesecake 入面夾左焦糖既醬 ，食落唔會太甜 岩岩好🐷朋友叫左日式明太子意粉 🍝我試左啖 好食過我個個烏冬，好入味，加埋蛋更加夾 ❤️咖啡酒烤芝士蛋糕 🍰+$38 我本身唔係好鍾意加左酒味既野 不過呢個又出奇地好食 唔會好重酒味 係慢慢一絲絲咁帶出黎 口味好特別 佢會配上個忌廉 可以解膩🐽🐽🐽🐽🐽🐽🐽🐽🐽🐽🐽🐽🐽

今日同朋友收工黎食個飯 ，佢話想試呢間餐廳好耐 係工業大廈樓上店黎，去到唔洗排隊 冇咩人. 可能因為荔枝角 做中午生意居多 🐷試左朋友個個日式明太子意粉 好味 😙 好夠汁 加左d蛋汁 明太子都好足料 成碟都係❤️套餐包埋阿薩姆紅茶 ☕️ 唔洗加錢 佢話正常紅茶味🐷我個個係日式照燒汁牛舌丼 牛舌係切粒 好足料 比左好多 食唔晒 分左d比朋友 個汁甜甜地 牛舌食落好厚同大粒 幾好食 會有埋飯加埋啲蛋汁一齊食 一流👍🏻🐷麵豉湯 應該係湯包麵豉湯 得海帶係入面 見到隔離枱有叫到蛋糕食 我地個日就冇加錢叫 下次試埋佢既蛋糕🍰

喜歡食小店，幫襯香港地道嘢食，寫下食評同大家分享喺長沙灣MCL睇戲，當然要喺出名多嘢食嘅憶利大廈搵食試咗一間地方寬敞嘅日式飯店，主打想食甜品多d😂鹽燒五花腩定食，有湯&飯整體ok, 但飯唔夠熱，感覺差d加錢嘅飲品，但忘記咗咩名堂😂，菠蘿奶蓋咩茶味道唔錯，有茶香味，唔會太甜，但環保飲管唔得，好易爛，應該要轉下比較好，以免浪費朋友嘅XX牛肉飯定食，肉質剛剛好，味道唔錯的，配上美味嘅前菜，特別少少！軟殼蟹炒飯，夠晒熱😂飯炒到粒粒分明，不會太咸，好食😋另加了小食，煎餃子，雞翼，整體味道滿意的另加帶子群邊，夠凍唔會太咸，啱我食！老闆話佢哋原先食做餅先的所以兩件蛋糕都美味，芝士味剛剛好鐵觀音味好香，入口有陣陣茶香味道，兩款都唔會太甜，我喜歡的👍

71 假期，去開荔枝角上網見到呢間就上嚟試吓叫咗呢兩個午餐價錢唔係平賣相其實都幾靚，但係杯嘢飲就失色咗啲個牛仔粒都幾好食，配菜都好特別，個金菇唔錯另外嗰個牛舌丼飯比較偏淋，我就喜歡食爽的，整體還可以

繼續po繼續record🙌🏼😳🙈日式柚子雞排幾好食😍清新唔算油膩我自己幾鍾意❤️軟殼蟹炒飯聞落好香 反而味道食落比較淡咖喱味軟殼蟹有啲太油 不過唔算好大油溢味咖啡酒芝士蛋糕都幾濃酒味覺得唔係咁啱口味🍽️ 不過口感係滑的6.9/10小念頭 (億利工業中心) (荔枝角)荔枝角長沙灣道883號億利工業中心9樓903號舖

✨伯爵茶戚風配糖漬蘋果蛋糕食落好鬆軟，配埋伯爵茶加忌廉整出嚟嘅cream淋係蛋糕上面，食落唔會好甜，加埋糖漬蘋果更加有口感😜✨榛子朱古力烏龍茶蛋糕上層嘅榛子朱古力食落唔會好乾且好香濃，蛋糕面頭仲鋪咗脆脆杏仁碎，下層嘅烏龍茶蛋糕散發出淡淡嘅茶香味，芝士食落唔會好漏，所以食嘅時候口感層次更加豐富😝✨玫瑰奶蓋青茶奶蓋飲落質地好幼滑，所以飲落唔會好漏，將濃厚嘅鹹甜奶蓋配青茶一齊飲，青茶茶味夠哂香，面頭仲會有少量玫瑰花碎做點綴，賣相好吸引😆✨黑糖奶蓋鐵觀音黑糖奶蓋整到唔會太甜，同埋都幾香滑，加埋鐵觀音嘅茶味夠哂香濃，原來呢個配撘都幾夾！食完蛋糕再飲返杯茶仲可以解膩添🤩

最近好多餐廳相繼結業，搞到我對於食好嘢好絶望，所以決定一有時間就去試菜，今晚揀左去荔枝角一間和風 fusion 餐廳，我有打電話去訂位，都驚佢冇位，去到果然都有八成入座率，當然全部都係年輕人 👫👭👬🧑‍🤝‍🧑主菜 🍽#和風煎牛仔粒配牛汁金菇牛仔粒香口夠嫩，配炸蒜片同葱粒或沙律菜一齊食牛汁金菇咸咸地，送飯啱曬#日式照燒汁牛舌丼牛舌有d 厚，照燒汁送飯好味 😂 #日式芝士咖哩吉列豬扒伴流心蛋(辛) 豬扒炸得好鬆脆，咖哩辣得好味三款小食 ：#芝麻鷄翼好快凍左，但都好香脆好好味#日式炸餃子肉餡多，味道可以#日式牛肉薯餅炸野係做得好食，夠曬香脆自家制蛋糕 ：一定要試 😋😋😋#咖啡酒烤芝士蛋糕必食之一，咖啡同酒味沒有互搶，都幾夾，加埋少少雲呢拿 cream，蛋糕底有 d 榛子 ，有口感#紅茶金莎巴斯克芝士蛋糕必試精選，味道有層次感，食一啖有回憶感，原來係金沙 feel 😆今晚食得太豐富，起碼要斷食一個禮拜先得 🤣🤣🤣(今餐係我自己真金白銀去食的一餐，食完覺得真係好先分好架!)

5點未夠去到店只有一張枱有客人(而只有佢地隔離張4人枱放左留位牌)，然後我問可否坐最近植物櫃位置，一位帶眼鏡短髮矮肥女職員望一望後無特別回應得唔得，只指示我地坐另一邊，等到職員執好枱，我再問一次，帶眼鏡短髮矮肥女職員聲稱一陣有九位客人要坐，但明明係6人枱，其後亦無放過留位牌，到叫完野食，見到後來黎既客人杯野飲都好快就上左，就問我地個杯野飲有未？睇住她行去水吧位搵野咁再行番去部落單機度撳左幾下咁答道：你杯茶要焗4mins....當時離落單已經過左3個字有多，然後茶送到時隻玻璃杯邊係彬左口，一倒茶 直情成隻杯裂開左，當下真係呆左，即時同個位職員講後，她係毫無歉意咁收走左，然後過左一陣由第二位後生女過黎同我地道歉話唔好意思...一間店食物再好，有咁既職員都係👎🏼👎🏼👎🏼

荔枝角工廈休閒cafe 主打日式西餐 但更多人鐘意佢地蛋糕 每次行過都會買件蛋糕試試 仲有原個蛋糕可以選擇 @littleideacakeshop 有興趣可以睇睇.呢次下午茶時段黎到 岩岩午飯爆場忙完 唔洗等位⭐️日式明太子意粉$88好鐘意佢地明太子意粉 醬汁量比較多落咗少少七味粉 大量嘅蟹籽 脆卜卜紫菜 溫泉蛋 拌埋蛋汁一齊食 大滿足.⭐️日式軟殼蟹炒飯$90用左日式咖喱汁炒飯 炒飯粒粒分明加左蔥 蒜 成個飯幾香 小小鑊氣表面有蛋黃醬 最吸睛係表面隻軟殼蟹.蛋糕跟餐會平啲⭐️咖啡酒烤芝士蛋糕$36最多人推介呢一款蛋糕 用咗杏仁碎做底外面口感比較厚實 加咗一層奶蓋cream甜度適中中間芝士味幾濃 口感滑 帶有少少咖啡酒香⭐️伯爵茶戚風蛋糕$36 表面有糖漬蘋果戚風蛋糕做到軟綿綿 會聞到伯爵茶香味配埋蘋果醬 整體清新幾夾..#小念頭 (億利工業中心) (荔枝角)地址：荔枝角長沙灣道883號億利工業中心9樓903號舖.⭐️評分：味道：4/5環境：4/5服務：4/5抵食：4/5.

第一次黎呢間餐廳食野我同朋友3個人大約20:00左右到 入到去有個中年肥既員工大大聲叫我地等等 好 咁就等左陣 行到埋黎用比較大既聲量問我地:你地幾位嫁？我:3位佢:而家入座既話8點9就要還枱我地要清場果下覺得 洗唔洗未入座就講定幾點清場 感覺非常趕客 但我係open rice睇到係收9點 不過算 1個鐘我諗都應該夠時間既。之後我地叫左3個set 其中我朋友就叫左個鹽燒五花肉 set入面有湯 沙律菜 五花肉 白飯 ，食食下我朋友發現菜入面有條差唔多4cm既蟲係度郁下郁下 當堂反胃 即刻叫店員過黎換過個 無錯 又係果個中年肥店員過黎 然後我地同佢講有蟲叫佢換過份餐比我 佢問我地邊個位有 死都唔信咁款 😅仲要個樣擺到明唔係好想幫我地換過。是次黎食野既體驗非常不愉快 無下次！員工態度惡劣 講野大聲 超級趕客啲餐具污糟仲未洗好咁 食物中有蟲！希望餐廳老闆可以改善一下

瑜伽同學仔話想食,今個星期趁上堂前同佢一齊食~餐廳主食行和風路線,聽講佢地甜品仲幾出色😍三個女仔食左4樣野加3杯飲品日式柚子雞扒飯($74):本身以為用柚子醬...點知係真。柚子粒粒~食個陣連柚子食,幾清新和風煎牛肉粒($85):約6-7件牛肉粒, 幾有咬口🤭跟餐既飯附有雜菌碎我幾鍾意~伯爵茶戚風蛋糕($36):同學仔一入口被驚歎左,佢話相對平時食過軟熟同冇咁乾身👍咖啡酒烤芝士蛋糕($38):咖啡酒淡淡地,唔會同芝士味打交~餅底鬆脆中間超軟心~再加奶蓋!!!罪惡感直線上升😆 飲品方面就叫左以下三杯,味道偏冷泡茶感覺, 淡淡茶香加奶蓋~食件甜品~ 唔錯唔錯🤭✅黑糖奶蓋鐵觀音✅茉莉綠茶✅東方美人

十年都唔留言一次，今次真係不吐不快！朋友生日去呢間試下，我地7:45分到達，店內有兩枱人用緊餐！ 營業時間到9:00pm入座:我: 朋友食素，請問有冇素食嫁？矮肥樓面服務員: 得個豆腐系素囉 (好唔情願答) 其他冇嫁啦我: 系咪有個xxx？矮肥樓面服務員: 停頓三秒，(寸寸貢啤住我)有蛋㗎咼我: 無問題啊。就座後我哋坐低，一野掉低張紙 : QR CODE自己落單點餐期間全程怒啤住我哋。於是我再慢慢睇meun點餐上餐-不耐煩掉下餐飲走左去-矮肥樓面服務員: 呢份邊個嫁！ 大佬，你企系度甘高又唔講咩黎，我又系第一次黎，鬼知咩。我回應一句: 你嘅服務態度真係好啦。佢開始有小小收斂，行左出去抖氣。用餐全程望實我哋等收野，不斷打掃🧹矮肥服務員擺出一副極度唔想做生意的樣！由入座開始，唔歡迎我地入去 唔想做生意咪出聲囉！我問素食，唔中意咪算囉，我哋阻您收工咪講聲囉，無需要擺出甘無禮貌去趕客嘅！撇除以上服務員態度，其實都系好好嘅。食物質素: 好有水準，無論素食非素食都好好味。特別系蛋糕🍰，唔太甜令人回味，想試埋其他口味。改善: 麵豉湯凍左，可以熱啲。如果有多一款素食主食更吸引。

荔枝角普遍多樓上餐廳今次試一試高水準蛋糕推介以創新日式料理為主的餐廳🍽️蠔仔香蒜炒意粉（辛）🍽️日式軟殼蟹炒飯🍰鐵觀音芝士蛋糕🍰焦糖醬烤芝士蛋糕主食質素中上 每項主食都加入多種配料令味道有不同層次 非常創新不過主角係芝士蛋糕系列特別是焦糖醬烤芝士蛋糕 芝士細膩軟滑 加入焦糖醬及合桃在底層味道相當濃厚鐵觀音芝士蛋糕有兩層口感茶味唔算太出 不過勝在與芝士相當匹配餐廳飲品都主打奶蓋芝士系列加入茶飲 味道不過不失

#pb食在荔枝角 #pb日式系列 二訪 - 荔枝角高質日式料理🍱今次介紹嘅呢間位於荔枝角工業中心內嘅日式料理我2年前佢岩岩開業嘅時候都介紹過😋 其實我一直都係佢嘅fans 以前係旺角間唔中都會食件蛋糕😍 依家搬左荔枝角億利工業中心 環境大左好多 裝修以橙、白為主 環境好舒服🥰 平日下午2點幾去冇咩人 可以慢慢坐 同朋友仔傾下計🤪.佢主打蛋糕、日式定食、意粉😋 Lunch有意粉、炒飯、定食等選擇 價錢$68-$90不等 包湯、熱茶 價錢唔太貴👍🏻 另外仲可以以$36-$38加配蛋糕 每日有4-5款蛋糕😍🔹鰻魚雜錦芝麻醬凍烏冬🍝推介❤️ 估唔到有咁多配料🤪 除左鰻魚 佢仲有帶子群邊、中華沙律、蟹子、薯仔沙律、漬物等 好足料👍🏻 烏冬夠凍 芝麻醬份量剛剛好 食落唔會好漏😋🔹日式芝士咖喱吉列豬扒飯伴糖心蛋🍛吉列豬扒唔太大塊 不過幾鬆脆 肉質仲係好嫩😋 芝士咖喱配埋糖心蛋口感好豐富 咖喱有微微辣味 幾好送飯👍🏻🔹伯爵茶戚風配糖漬蘋果🍰推介❤️ 戚風蛋糕口感好鬆軟😋 配埋伯爵茶醬 茶味好濃👍🏻 蛋糕整體唔太甜 加左糖漬蘋果 有少少甜味剛剛好😍🔹熱 - 鐵觀音🍵🔹熱 - 茉莉綠茶🍵.整體✨ 一直都好中意