小城知味 (德福廣場1期)

營業中

休息中

餐廳嘅環境好寬敞，每張枱嘅位置都好大，坐得好舒服。而且店員嘅服務都好好，好有心。一踏入去就感受到一種家庭菜館嘅溫馨氛圍😗😗，好溫暖。而且餐廳使用QR code落單，方便又快捷👀👀。我哋叫咗兩個定食，每個定食都附送前菜、時蔬、白飯、師傅靚湯同一個甜品。我建議加$3轉成上海菜飯，好味好多💛💛。⭐️ 蜜糖燒汁薯仔牛柳粒 $75牛肉好入味，一咬落去好嫩軟🤤🤤。雖然份量唔多，但每一口都能夠品嚐到牛肉嘅香味，肉與油脂均勻分佈🤩🤩。加埋滋味十足嘅薯仔，真係一種雙重享受。⭐️ 菠蘿咕嚕肉 $69味道好正，配料都好豐富，有菠蘿、洋蔥、黃瓜、紅瓜同青瓜。所有配料都煮得剛剛好，唔會太生，亦無草腥味😆😆。加埋咕嚕肉一齊食，酸酸甜甜咁好好味👍🏻👍🏻。⭐️ 花雕雞翼煮得剛剛好，可以品嚐到花雕酒嘅香濃味道😎😎，而且雞翼嘅肉質好嫩滑，真係好出色。套餐入面嘅菜心好新鮮甜，煮出嚟都保持住綠色同爽口嘅口感😋😋。甜品係芒果布甸，甜甜地加埋芒果肉，味道好好😚😚。🍄 總括嚟講總括而言，食物質素唔錯，環境坐得好舒服，套餐亦都好用心😝😝，一個餐就包括前菜、主食、飯、甜品同湯。有一種家庭小菜嘅感覺😍😍，真係好欣賞。📍小城知味 (德福廣場)

今日去左九龍灣德福小城知味食下午茶，$46有一碗皮蛋瘦肉粥，最出色係佢個雞蛋腸粉。啲職員招呼非常之好，食腸粉拎埋3款醬問你要邊隻？真係好用心做事，值得讚賞！其實已經幫襯過好多次，都覺得佢水準係keep得好好！

有時屋企未必成日煮飯一個人晏晝又想食吓小菜呢間小城滋味都係唔錯嘅選擇😀午市小菜一人餐，包幾樣嘢，有誠意😆我一向好鍾意食蝦仁炒蛋，就揀咗蝦仁炒蛋啦佢包括一個前菜，今日嘅前菜喺中華沙律，幾好食個主菜我就揀咗係蝦仁炒蛋啦，配白飯，如果想多d 菜可以加錢轉菜飯另外佢仲有個湯你可以當佢係湯或者菜啦咁都算好健康，成個餐一餸一飯一前菜一甜品一飲品，賣相幾靚仔😎不過就經常都好多人，要搭枱😛🙃阿姐亦有性格😆

約左朋友德福午餐去到平台見到右邊有呢間行過去又見唔錯台灣野食叫咗一個鹽酥雞肉燥飯啲雞正常隻蛋太熟，見到晒啲灰邊肉燥，如果多啲就好另外一個定食定食個面鹼水味有啲重另外有碗湯入面有幾條菜啲雞反而幾好食幾滑仲有個甜品-獨立包裝嘅布甸兩個人單單$155

我唔明白點解檸檬薏米水的檸檬只有一片，都唔緊要，點解係一片檸檬的頭？嘢食係OK的而且呢間餐廳的服務係唔錯的，希望有關人士可以了解跟進一下。唔該晒唔該晒唔該晒唔該晒

呢間餐廳嘅晚市套餐好有驚喜！$148 “滋味小菜孖住食”套餐有齊大大份雞煲/蒸魚加一個小菜，另外加$8有白飯，$15有油菜，$10有特飲，平民價錢但高質食物！個人推薦食黃燜醬雞，性價比好高，以雞煲形式上菜，份量足夠2-3人食。雞件份量十足，配菜有薯仔、豆卜、洋蔥等。另外點了梅菜扣肉煲，同樣大大份，好多肉。梅菜唔鹹，帶點甜味，整體唔會好油膩，送飯一流。除此之外，餐廳嘅一人晚餐亦好抵食，有齊小菜，灼菜，湯，飯，下次黎到一定會叫黎試試！

難得約朋友們一齊出街食飯 今次叫咗豬手/燒鷄/咕嚕肉/菜同蒸魚 全部都好好味 今次要讚招待我們嘅姐姐 由接待落單到收錢 服務態度－流 好耐無試過有賓至如歸嘅感覺 非常之值得一讚！

成日都忘記左德福廣場平台有食肆,  成日係商場入面揾食, 今日終於行過, 決定入去試下。侍應推介, 燒春雞好抵食, $38一隻, 每日限量供應, 兩個人可以叫一隻雞再加多一人晚餐一定夠食, 我地決定跟侍應個建議。- 燒春雞用個架拮起成隻雞送到枱上, 造型幾特别的, 但食就唔係好方便, 要放返係碟上先可以切件, 味道唔錯, 肉嫰多汁, 無咩脂肪, 侍應無呃我地, 真係$38一隻, 真係幾抵食~- 一人晚餐 (蜜椒薯仔牛柳粒) 呢個餐好豐富, 有餐前小食, 白飯, 菜, 主菜(蜜椒薯仔牛柳粒), 甜品, 而且例湯仲可以免費升級至燉湯, 燉湯足料, 温度好夠熱, 呢個餐價錢好抵, 味道唔錯, 但比較重醬汁, 有少少咸~

準備買三份外賣，見到大大張紙板海報，寫住抵食之選:唐揚雞滷肉飯48元，跟住入去叫三份外賣，職員話每份要加五蚊，我問點解要加五蚊，佢話堂食先係48蚊，外賣就加五蚊，我話張海報冇寫喎，佢發脾氣叫我去睇清楚，我行出門口期間，佢再開口就話我打橫嚟講，我横睇掂睇都冇寫48蚊係只限堂食，有細字寫外賣盒加兩蚊( 呢個我就ok，都算 )，跟住我再職員問邊度寫48蚊只限堂食，原來對角另外有張細啲嘅海報就有寫堂食48蚊，即係出現咗兩張有出入嘅海報，而佢都見到有問題嗰張海報佢就拆走攞返入舖頭，跟住佢話唔得閒同我拗，叫我自己報差館，但係其實舖裏面只係得大概四個客，可能而家環境好好，佢生意唔憂做，佢老闆多得佢呢個好幫手，又趕走咗個客。

又一個不得不寫系列。我14:25左右入鋪，喜歡請查看CCTV 本身無打算寫劣評。最後一刻覺得唔寫解唔到心頭之恨明明寫38蚊，卻收42蚊凍飲無寫加錢。食物質素真係 超級麻麻地粥上台係唔係應該熱辣辣。D粥竟然 微微地暖炸兩質素。。。同粥鋪天同地又係唔熱🙄🙄🙄其實你地賣唔哂，不如唔好炸咁多。炸兩超厚粉，油炸鬼裡面完全唔脆真係唔知擺左幾耐叮返熱比人食🤦‍♂️🤦‍♂️🤦‍♂️🤦‍♂️上餐問拎多張餐紙都唔比？窮成咁？一係一視同仁，唔好提供。收銀處無人，要等先有人到。食物一般都算， 無多張餐紙都算重要有隱藏收費？？頂而間餐廳唔順乜野餐廳來？？？？😡😡😡😡

始終飲食都係服務性行業，所以一定跟服務質素掛鈎，無諗過外賣這短短時間，都可以深深感受到服務差這環節，這位收銀姐姐，全程黑口黑面，廣東話不靈光其實不是問題，但低語所以聽不到又聽不懂，重點係聽懂後又沒有交代清楚細節，還要悔氣，完成外賣後又不通知客人。飲食業已很難經營，真的不希望因為小撮害群之馬拖誇餐廳業。Anyway，雖然是這樣，可以配搭粥跟腸粉或港式麵餐，而且這雪菜雞絲米真的不錯！

下午茶有時也想試吓新嘢，今日經過德福商場，見這間餐廳的湯粉麵很有特色，有酸辣湯底，而且可配雞翼、魚蛋、豬扒等等，又有菜飯，所以便入去試一試！朋友叫了花雕醉雞湯河粉，一上枱有驚喜，雞髀大大隻，而且名副其實有花雕酒味，非常香，牛腩菜飯，牛腩大大嚿，醃得好味，牛腩的份量不少，菜飯十分健康，飯又軟绵綿，最重要是熱辣辣。下午茶包冷熱飲品，除了一般的咖啡和茶，還有豆漿和檸檬薏米水，加$10更加可以轉配日本紅豆冰，選擇十分多樣化

晚市可以7-80蚊有前菜、小菜、時蔬、飯、燉湯、甜糕，樣樣足料，真係抵到爛！不過對兩個餐嘅評價大相逕庭，可能好食唔好食講彩數！？蜜糖燒汁薯仔牛柳粒定食 $75 👍🏻前菜：辣汁螺肉，就係平時日式個款，味道同想像一樣啦！小菜：絕對足料！一大碟蜜糖薯仔同牛柳粒，好食！牛柳粒一啲都唔韌，加上甜甜燒汁，正！燉湯：一樣咁足料又夠味！清甜好飲好養生呀！時蔬：清清地附上蠔油，不錯！甜糕：似係片糖嘅味道，但唔係死甜，甜得黎係香嘅。好食！川味口水雞定食 $79 👎🏻小菜：雞肉冇乜特別又唔特別香，調味方面可以話係只係得辣味，冇其他味道。。其餘同上但點講都好，7-80蚊有個咁靚嘅燉湯，滿足矣~

知味定食 |前菜|時蔬|白飯(亦可以選擇菜飯/蔥油撈麵)|甜品|飲品蜜糖燒汁薯仔牛柳粒 / 75醬汁味道濃郁好有住家飯嘅感覺薯仔煎到金黃色香口入味 整體嘅口感同味道都好正牛柳粒軟熟唔韌 但對比之下薯仔粒更加出色睇落平平無奇嘅菜飯非常出色 除咗菜之外仲有鹹肉 用料十足另外仲有小糕點同一大碟菜 晚飯嚟講性價比非常之高川味口水雞 / 79佢哋自家推介嘅口水雞反而比較遜色雞肉淨係食到辣嘅感覺 個汁完全冇味所以呢款小編就唔推薦大家食啦——————————————————推介度: 7.5/10——————————————————九龍灣偉業街33號德福廣場1期平台P8 & P8A號——————————————————

剛剛一行人各叫了一個午餐套餐，吃了還沒有45分鐘，各人還在飲飲品，店員收拾了餐具，立即問仲有冇嘢未到。然後在我身後不停講，呢張枱得喇。一分鐘左右之後，又有店員大聲在我身後問我D嘢係咪齊晒，我話齊晒，請你等等，我們還未飲完嘢。一分鐘後，店員帶著其他食客，走到我張枱旁，說叫他們在這等，這張枱是他們的。那食客竟也毫不客氣，把小孩放在我旁邊的櫈，竟問我這裡有冇人⋯⋯問題係，我哋成張枱根本未準備好要起身埋單⋯⋯完全驚訝服務員如此對待食客！不會再來！