小城滋味

營業中

休息中

太安樓出名掃街，真係聞名不如見面😝真系有好多小食店🤗好喜歡走街都系野食。好似台灣夜市甘，係甘掃🤣叫左紅豆車輪餅同oreo車輪餅，10蚊一個。車輪餅要等7至8分鐘，因為即叫即整。個包裝紙畫得好可愛，分埋紅豆同oreo味，唔怕分唔清咩味打咩味。呢點我覺得係好細心，值得加分👍🏻👍🏻👍🏻👍🏻外皮好香脆，味道就麻麻地，冇咩紅豆味同oreo味道。有點失望。其實店鋪有其他野食，例如飯、麵，但冇試到。🤣

終於有機會嚟食小城滋味啦😍😍 一直都係ig見到就好想好想食👀👀 嚟到老闆都有介紹下，而且做梗promotion，只要share facebook就可以5蚊買紅豆味嘅車輪餅🤤 最後揀左個紅豆同抹茶😝 因該即點即整，所以要等7至8分鐘咁😀😍 等個時仲試食左d蛋糕仔，可以話係人生中食過最正嘅雞蛋糕仔！外脆內軟得嚟蛋重味十足🥚🥚 下次一定會買一pack 😻 紅豆味非常足料，仲要起至沙個隻😽又唔會太甜，每啖都食到紅豆🤗 抹茶味都唔錯，有小小抹茶嘅苦澀味，但compare紅豆比較出色👻車輪餅仲有個優勝之處就係佢個皮好夠脆，咬落似蛋糕仔！🙆🏻‍♂️

經過這裡， 老闆娘誠意拳拳咁請我試了一粒蛋糕仔。雖然凍左但仲好香雞蛋香， 所以我用$10 買了一件 車輪餅。它是即叫即做，就算買一個都是即做，點都 要等6-7 分鐘左右。好快有得食，紙袋上畫上可愛的公仔， 令人窩心， 加分。一拎上手熱辣辣，急不及待吃一口。外皮是相當的香脆，蛋香和雞糕平分春色， 紅豆錎味道一般,  欠缺紅豆香甜， 口感太削。影響了整體質素。

要留守太安樓, 仲有改善空間眼見小城滋味試業咗好一排, 食物開始減左款式, 去蕪存菁. 今日就佢試左!地方唔算大, 裝潢新, 都幾有特色. 一去到當然要試佢招牌食物, 排一號的溶岩肉餅飯.一上枱, 發覺分量唔算多. 如果一個女仔食, 應該剛剛好. 未食, 浴岩汁已經好香, 聞到好吸引, 用咸蛋黃加精緻肉餅, 看來不錯. 肉餅分量少, 軟軟的, 不過唔太熱. 飯分量更少, 仲有D凍. 跟飯仲有汽水飲. 另一個問題: 食具筷子都係一次性即棄的, 呢方面好有保留. 

今次第一次來 選了芝士饅魚車輪餅 $15平時外面那些車輪餅的餡都是甜的 這裡除了有甜的 想不到還有鹹的 而且還有我超喜歡的饅魚 真是即叫即弄的 出來是熱騰騰的 真是外脆內軟的 餡有很多饅魚 絕不求其 十分足料 再配有芝士 使味道更豐富 而且只是$15 員工也很有禮貌 走時我還跟他們說好好味 因爲真是很值得給他們鼓勵！下次會再來吃 還有想試一試其他味道 以及其他的飯yeah

成日都好鐘意去掃街, 而掃街既點一定要數到太安樓, 之前去過一次, 但只食左好少野, 而且啲小店愈開愈多, 所以今次去到都食左幾間野食!近排都幾多報導既小城滋味, 我都幾有興趣試佢地既車輪餅, 但就想試左芝士流心蛋中蛋先,好似好過癮甘!睇個形狀令我諗起韓國個隻雞蛋糕, 就試試佢!一掰開係好似溫泉蛋甘, 而中間個啲就偏未熟既蛋汁, 仲有啲溶左既芝士! 芝士溝埋蛋汁變到咸咸地甘,但本身個蛋糕係甜既, 所以味道又咸又甜甘, 我就覺得麻麻地! 但食到有一部分陣味幾似咸蛋黃,個part都ok!btw經過依間店會請你試蛋糕仔, 幾nice!

食到一半先記得影勁傷心既芝士流心蛋 隻蛋完全熟哂！我係米食緊m記既豬柳蛋？！個鰻魚就好好多 ！食到熱既好好食！人吾係好多 好快有得食 即叫即整 有得試食蛋糕仔 個個都好札實！可以一試！

西灣河太安樓一向出名多野食，今日就試一試《小城滋味》，呢間鋪頭主要售賣小食，例如車輪餅同小蛋糕。呢度車輪餅最多人買，即叫即做，絕對新鮮熱辣辣。不過就要等耐d，車輪餅普遍等7分鐘。叫了oreo車輪餅，$10/@，價錢合理。size大概比一塊oreo大，漲pokpok既樣。外面係蛋糕包住熱辣辣原塊oreo。蛋糕有天然蛋同麵粉香味，好純樸的味道。夏天食稍微乾，食完勁想飲一大杯凍水。味道不錯，車輪餅餡料實在，可以一試。

肉醬意粉，肉餅飯，從未食過如此難食難食嘅嘢，肉醬意粉睇落都可以，食落先知有幾難食，意粉食落口係成口粉，唔知點形容，食咗一啖就吐返出嚟，肉餅有味，唔新鮮，都係咗一啖，全部無食拋咗，完全唔掂，不會再幫襯。

❗️cakeboy蛋糕仔❗️@cakeboyhk $10 7個$18 14個-又平又香又好味嘅蛋糕仔🥚,即叫即做,蛋糕軟熟而且口感厚實,十分飽肚,蛋糕蛋味頗特出,甜度適中,味道不錯!雖然算不上特別好食,但$10有7個🥚絕對超值!-好食指數:7/10-.ps 今日見到間鋪好似1/8會加價, $12/7個,$20/14個

難得黎到西灣河，緊係要到太安樓試下有無新出小食，未到中午十二點，只有幾間小店營業，咁啱就俾我見到呢間賣唔同口味嘅車輪餅舖頭，即管試下好無味先～呢度嘅車輪餅寫明即叫即造，大概等七分鐘，係等嘅過程試食左寫明用日本麵粉整嘅蛋糕仔，蛋糕仔食落鬆軟，10元7個幾抵食。至於車輪餅有好多其他地方無嘅味道，例如曲奇、紫薯、流心蛋、芝士煙肉/粟米等，我叫左綠茶味，綠茶味道天然，係綠茶粉本身嘅味道，唔會太甜，啱唒驚太甜嘅朋友食～

又一食到尼咁Hea之作，佢呢個真係首先食到超級狼狽啊！首先佢個蛋糕食落有啲甜甜地。雖然裏面嘅芝士份量就唔係太多，但係小編就覺得蛋糕配芝士呢個配搭味道上有少少奇怪，因為佢蛋糕就係甜嘅熱芝士就係鹹鹹地（呢個絕對係一個個人嘅問題）。另外佢嗰隻蛋真係超級流心，蛋味都幾濃下。---PS：小編認為呢個絕對係唔可以企喺條街度食架，因為真係會搞到超級尼Hea。

今日有人話自己靚仔, 所以要一齊食個lunch...我又未去過太安樓,...所以就帶左我去...本來諗住去吉野食, 但見到好多檔都未開, 男友話見到facebook有間蛋糕仔佢想試, 左望又望, 終於見到了； 由於蛋糕仔製作需時, 於是我地就入左舖食左正餐先, 一路食一路等...我地order左一個巴基斯坦咖哩雞飯, 同一個茄汁焗厚切豬扒飯...咖哩個味道同辣度剛好同夠香, 個焗豬就普通, 白飯底同豬扒唔厚, 勝在個茄汁搭夠；講番中點雞蛋糕, 熱食好香好鬆, 男友要求外帶番公司同人分享, 雖然拎到番公司凍左d, 但同事們都覺得好好食

近日有唔少人朝聖，為嘅係車輪餅。以往廣為人知係美孚一間賣車輪餅，但住係港島區的飯友又點會只為左車輪餅去到咁遠。但而家連西灣河地鐵站一出就到嘅太安樓都有一間食肆賣。我經開個附近當然要試一試。睇落門面冇咩特別，係一間食肆內加多條副線做小食。食肆雖然未開，但外面已經見人龍買車輪餅，屬於小店嘅兩位女士不停叫賣，只見廚房一單接一單，冇停過。我叫左一個朱古力車輪餅，同一包蛋糕仔。😂【請不要介意我咬左啖】朱古力車輪餅貴過其他少少，12蚊一個，但真係唔怪之得咁多人食，好好味。味道好甜，係拖肥朱古力熱融左的味道，但熱食車輪餅先食到咁好的質感。縱使天氣咁熱，但有美食又有咩所謂呢讚完車輪餅 ，我不得不講下蛋糕仔。蛋糕仔我一點都唔推薦。（可惜冇影近照）外貌似大少少又好脹的雞蛋仔。味道係超級超級麵粉味，好似唔好味的雞蛋仔。蛋糕仔好軟，唔係脆版雞蛋仔。但食完幾粒之後就好飽😑個人黎講，唔太鍾意食物有好大陣麵粉，發粉的味道，所以都唔推薦俾飯友們。食物味道外，有一點要特別注意-時間。下單之後，我等左15分鐘左右先拎到手上呢兩樣食物。有足夠時間係太安樓食埋同場的手卷，再返黎等。如果好餓好餓個種，就去食完小小野填一填肚再買

掃街除左葵廣同旺中之外，太安樓都係集高手雲集之地，食店既質素都幾高，近日新開左間餐廳進駐，特色在鋪頭門口係一個開放式既小賣部，賣各種特色小食 🤤先有即叫即做既蛋糕仔，叫完之後可以透過塊大玻璃見到真係即刻整 🤘🏿蛋糕仔材料係用日本麵粉、三典六牛奶同雞蛋製作，出爐果隻味真係好香 🤤 食落味道一樣熱辣辣香噴噴！而車輪餅除左有 Oreo、紅豆、紫薯、綠茶口味之外，仲有隻隱藏版期間限定既極濃朱古力車輪餅 🤤 個餡整得好靚仔，識睇既話一定識睇 🤘🏿 老闆寫哂包單話全港最好食，用高成本用靚朱古力製作，所以都唔會整咁多，$10 一隻係堅抵食呀親 ❤️ 而味道的確真係好濃好正 🤤 我都寫包單係我食過最好食既車輪餅 🤤🤤🤤 食到估計當中有 lindor 朱古力既成份，又係即叫即整，所以出到黎係熱辣辣流心朱古力 😳 ——————————————————————#極濃流心朱古力車輪餅 $10#原味蛋糕仔 $10——————————————————————#小城滋味筲箕灣太安樓地下 A47 號舖