尋味

營業中

休息中

最近在元朗挺熱門的一間外賣店，主打菜式不多，不過人氣就挺高的。晚上來到還有不少人在排隊，看到是即叫即炒的，所以等的時候比較久，建議提早下單了。招牌米粉（５０元）米粉的主角有餐肉和瘦肉片，新鮮現炒的，炒完份量挺足，又挺有鑊氣的。調味挺有大陸宵夜炒米粉的感覺，挺香的。米粉都挺爽滑的，不會覺得油膩。鹹魚雞粒炒飯（５５元）炒飯也是現炒的，炒得粒粒分明，吃起來有蛋香，跟炒米粉的調味有點像，但可能是加了鹹魚的關係，味道吃起來會更香濃惹味，雞粒也挺多的。紅燒腩肉飯（４８元）腩肉給的份量很多，全部都肥瘦相間的，吃起來肥而不膩，油脂部份入口即化，調味偏甜口的。手打牛肉餅淨食（３６元）味道有點像潮汕牛肉丸的，吃起來很彈牙，而且有肉汁的，牛肉味挺濃。湯底帶點胡椒味。

喺元朗商會小學對面見到一間好多人幫襯嘅外賣店，於是我都買咗幾樣食物返去屋企食。🍜招牌米粉(走辣） $50呢個米粉獲得全屋一致好評，炒得乾身且油少，裡面有午餐肉條、肉片和蔬菜絲，味道相當不錯！🍚鹹魚雞粒炒飯 $55一開蓋就聞到陣陣香氣，鹹魚味飄散出來，炒飯粒粒分明，配料相當足夠！🥩手打牛肉餅淨食 $36熱辣辣嘅湯底裡面有好多塊牛肉餅，咬落去仲好彈牙，好有口感。🍲粉葛赤小豆陳皮湯 （跟餐）$7跟餐額外加$7就可以有湯，湯每日都唔同款。粉葛赤小豆陳皮湯非常純正，無味精，唔鹹唔稀。老闆娘話每日都只會煲三煲，賣完就算，絕對不會再加水或鹽翻煮，每一碗湯都健康又好味，令人感受到用心製作的真誠！🐖自制豬軟骨（二人份）$78豬軟骨份量十足，每一件都大大嚿，豬軟骨肉質鮮嫩又夠淋，食落仲有少許甜味，裡面仲有d薯仔粒， 相當滋味！呢間鋪頭以家庭式經營，餸菜少油無味精，即使係無飯家庭都可以食到住家飯般健康又好味嘅餸菜！

收工唔想煮飯～來買超好味嘅炒米粉啦！鋪面細細 但係食物超用心～外面仲擺住凳仔 可以坐住等嘅外賣店！招牌炒米粉🍜超有鍋氣！即點即做，超級新鮮好味！BB辣啱啱好～份量好足 而且裏面加咗好多火腿 超好味 唔掛之得係招牌啦😋紅燒腩肉🥩超軟超入味！份量勁多！！買翻屋企加餸超正！蒜香燜鵝🧄好入味，真係飯都食多兩碗😂手打牛肉餅🐮湯好清甜～牛肉餅真材實料 完全感受到老細嘅用心同有態度 超有牛味😋 下次要來試下佢地嘅招牌炒飯！

這間位於元朗的外賣店【尋味】，主打炒飯炒麵，還有幾款小菜飯食，價錢貼地。而且每份炒飯炒粉都是一客一客炒，保證夠鑊氣。咸魚雞粒炒飯炒飯粉量十足，而且粒粒分明，炒至金黃色，咸魚香味突出，十分爽口。招牌米粉有午餐肉、肉片、葱等，十分足料，而且米粉十分爽口且帶微辣，返到屋企食都保持乾爽，十分惹味且有鑊氣。紅燒燜腩腩肉半肥瘦，燜至入味，入口肥而不膩，送飯一流。炸雞翼雞翼表面有層薄薄的粉漿，炸至金黃香脆，。手打牛肉餅湯牛肉餅新鮮彈牙，而且不會過咸，加個米粉食更佳。

收工經過元朗，見到好多人排隊買外賣原來係新開嘅外賣店，主要賣炒米粉、炒飯同手打牛肉餅招牌米粉 $50果然係招牌菜，有辣有唔辣米粉炒得均匀，唔會太乾或太濕而且配料豐富，有午餐肉、肉絲、紅蘿蔔絲等炒米粉口感乾身Q彈，怪得知咁多人排隊買🫣鹹魚雞粒炒飯 $55炒飯炒得好香，粒粒分明啖啖都食到雞粒同鹹魚，鹹香味十足👍🏻炒飯最緊要乾身，差不多每粒米飯都黐咗蛋每一啖都食到炒飯嘅層次口感手打牛肉餅 $36份量都算好多，以上湯伴牛肉餅口感爽口彈牙，手打果然係唔同啲~淨豬軟骨 $78 二人份量買嚟加餸真係好抵食~豬軟骨有軟骨部份，口感十足！

尋味這間餐廳的炒飯真是令人驚喜，最緊要夠鑊氣，每一粒米飯都恰到好處。鹹魚雞粒炒飯配料有鹹魚粒、雞粒、椰菜絲、紅蘿蔔絲、蔥花，粒粒分明，炒至金黃，香氣四溢，令人一試難忘。招牌米粉也是一個不錯的選擇，配料有豬肉、午餐肉，椰菜絲、紅蘿蔔絲非常豐富，但份量足夠，即炒出來熱呼呼，一吃讓人有些意猶未盡。另外，這裡的豬軟骨和炸雞翼也相當出色，口感嫩滑，外皮香脆，配上特製醬料，真是讓人食指大動。整體而言，餐後的滿足感讓我對這家餐廳留下深刻印象。值得一提的是，這裡的價格相對合理，質素亦不馬虎，甚至還提供足料的例湯，讓人感受到實在的用心。由於即叫即炒關係，等待時間約15-20分鐘，建議提前打電話預訂。總言之，這是一個值得再次光顧的好地方！店長相當細心, 有預留一些椅子等客人在外等候呢. 還有學生餐提供呢. 

位於輕鐵豐年路站天橋下面，明顯見到呢間尋味店，佢只做外賣，見到都有唔少人喺度等外賣，嘗試呢間嘅招牌炒米粉同鹹魚雞粒炒飯，可以揀辣同唔辣嘅，仲有佢個老火湯，炒粉炒飯好有鑊氣，老火湯好好飲冇味精嘅～

尋味未搬之前有時都會買黎食，但自從搬後就好少食因為太遠haha，今日心血來潮就行左過去買(´▽｀)因為掛住佢哋既湯～.招牌米粉 $50小店係即叫即炒，用心製作。佢一盒米粉/炒飯係好大盒，份量超多。一個人係食唔哂，兩個人share就剛好。米粉配料有豬肉、椰菜絲、午餐肉、魷魚等等，夠穫氣又惹味，仲要價錢係非常抵食.手打牛肉餅淨食 $36 牛肉餅彈牙，牛肉餅同個湯好重芫荽味，我唔食芫荽所以個湯飲左一兩啖係好飲既，鐘意芫荽一定會連湯飲埋(´▽｀).是日靚湯 $12 跟餐$7 每日都有唔同既湯，湯係添加味精，每日熬製6小時，好有家既味道。今日個湯係霸王花排骨湯，加左粟米🌽飲到好甜粟米味，好飲！.

本見到呢間店，賣嘅都係望落平平無奇嘅炒粉麵飯，唔太起眼，本身唔太大期望。叫咗個招牌粉米試下，一食之下真係好驚喜，好夠鑊氣。外賣到屋企，仲暖暖哋都好好食，屋企人本身話唔食，但試左啖，都話好好食要添食。份量好足，一個女仔應該食唔晒。配料豬肉、椰菜絲、午餐肉、魷魚都唔馬虎的，最鍾意佢啲椰菜唔係炒到腍晒，仲係好爽口脆身的，令到口感好好，而魷魚嘅咸香令成個米粉有提鮮效果。另外仲加咗炸雞翼，都唔錯，但唔夠米粉出色。下次想試埋佢嘅炒飯。加埋佢哋無味精的湯，每日都有唔同嘅湯品，真的好滿足的晚餐。

每次經過都一定叫炒飯炒米粉，非常足料又夠鑊氣。相信平時大家都知道可能去茶記食既炒米粉/飯，都係番炒熱左就拎出黎，都要60/70蚊，但呢度見到老闆非常用心製做🥹🥹🥹❤️每一碟都真係即叫即炒，難得可以係小店食到咁惹味既味道，同埋以呢個價錢黎講真係非常之抵食😋😋😋😋😋先講炒米粉真係彈牙，唔會話濕濕淋咁，而且配料真係足，一啲都唔同你慳。其次個鹹魚雞粒炒飯，真係見到鹹魚，平時去其他食店食得少少鹹魚肉碎。#支持本地良心小店

#港女覓食到元朗 小店除左有炒米粉外亦都有飯類可供選擇，雖然選擇唔多，不過佢係即叫即炒的，保證夠熱夠鑊氣！✨招牌米粉 走辣 $48足料大份，入面有午餐肉、蛋絲、肉絲、蘿蔔絲、葱及椰菜絲。食落米粉爽口彈牙，配料都多，夠鑊氣！不過唔鍾意食蔥嘅我覺得有好多葱，下次再食會走葱😂✨炸雞球 +$10/2件炸雞球唔算厚粉，肉質嫩滑多汁，仲有甜酸醬附送。✨總結人均消費💸：$58/1人味道：🌕🌕🌕🌗🌑份量：🌕🌕🌕🌗🌑服務：🌕🌕🌕🌗🌑質素：🌕🌕🌕🌗🌑🍴 尋味 (元朗)📍元朗大陂頭徑26-36號豐年樓地下A2-1號舖

話說星期五放工後，做嘢太辛苦所以唔想煮，最後決定叫外賣返屋企慢慢嘆😁行咗幾個圈都諗唔到食咩好，最後試咗一間之前之前好想試食嘅尋味，但一直因為只有做外賣，所以冇機會試，今次終於有機會一嘗滋味🤭🤭叫咗個炒米粉(小辣)，大大碟，好夠鑊氣！！份量及用料都非常充足，一個男仔食，完全足夠有餘。加左幾蚊，變咗餐要個例湯添，真係完全冇落味精😌總括而言，真係非常抵食，推薦程度⭐️⭐️⭐️⭐️⭐️下次再試佢個鹹魚雞粒炒飯😌希望唔好令我失望

夠曬鑊氣，用料多，份量大份，即叫即整拎番屋企食都仲係熱辣辣十分正揚州炒飯粒粒分明，另外炸雞翼都好多汁👍🏾就算唔係住呢頭都突登去食，啱曬鍾意食碟頭飯或者夜晚諗唔到食咩既朋友仔試下

楊州炒飯及招牌炒米粉很不錯。喜歡他們不用芽菜炒，如可更少鹽少油加多點綠色菜便完美了。 雖然外賣價錢貴，但勝在安在家中等食便可以。小店加油，會再幫襯！

我每次叫外賣，一係叫「招牌炒米粉」或者叫「鹹魚雞粒炒飯」😍 鍋氣好夠，炒米粉裡面仲有鮮味魷魚、肉碎、午餐肉，好野味，鍾意食辣一定要加辣（有大辣、中辣、小辣）選擇，食完會更加想食。 而鹹魚雞粒炒飯個鹹魚味好出，真係食到有鹹魚架，唔係得味架，雞粒又多，飯又多，如果細食既可以兩人一齊食。 同埋我每次都加埋佢個「無味精家庭味道湯」，好好飲，飲完唔會口渴架，佢每日基本上都會換湯款，我地香港都市人真係好難自己煲湯，啱曬我呢D懶人，跟餐叫都係加HK$7。😍😍