寶蓮素食

《寶蓮素食》可以說是素食自助餐的始祖。許多年前我一直對荃灣眾安街的這一家素食店的認識，除了食粵式傳統齋菜之外，就是他們的午市放題。如今，《寶蓮素食》，搬了出大馬路 (沙咀道)，把原先剔紙仔的放題素食改成真正的自助餐。週末的其中一天，我同太太二人，就於下午茶時段來到，來一餐吃到飽。先付款，後入座，現在的《寶蓮素食》已經同一般的素食自助餐沒太大分別。不過，《寶蓮素食》始終是一做做傳統粵式齋菜的餐館。所以，自助餐的食物選擇，好多都好啱胃口。單是眼前的炒飯同炒麵，炒河粉同炒腸粉。已經令我垂涎三尺。最開心的，就是這兒不是以煎炸食品為主，也不是什麼東西都是芋頭、薯仔、蕃薯，粥粉麵等等吃一、兩件就會飽死你的東西。而且，甜點，沙律，凍食前茶的選擇都多羅羅，真的照顧到不同飲食所需的人士。我同太太都分了好幾 round 來取食。來過多次舊版本的《寶蓮素食》，我最喜歡食的，就是他們的齋鹵味了。此外，煎堆，咸水角，芋角這炸點三寶，也是令人感開心的。而當日，我更愛上他們的南乳炆蓮藕。第二碟，主要吃的是炒麵，炒河粉，腸炒，涼瓜同繼續吃齋鹵味。而這也是我去傳統粵式齋舖食飯時，最喜歡吃的東西。之後，是甜品時間，但，真正的主角其實是錦鹵雲吞。錦鹵雲吞白脆，更可以說是酥香，加酸甜汁來吃，是咸點，也是甜點。這錦鹵雲吞，每一次炸起出場，就立即被大家掃空了，很不容易才拿到兩件。我只拿了半碗素碗仔翅，因為實在吃得太飽了。這碗仔翅，最多的配料是木耳，味道雖然沒比街邊的精彩，但也夠香，口感豐富。當然，也真的有爽爽口的素在內啦。加點醋，可口。這雖是下午茶，但食物選擇幾乎等同午餐、晚餐。非常豐富的素食自助餐，既好食，又吃得飽。滿意兼滿分。…查看更多

這家素菜任食餐廳絕對值得一試！菜色選擇豐富，所有蔬菜都保持得翠綠新鮮，入口爽脆清甜，完全吃得出食材的質素。轉菜速度很快，不用擔心空盤，服務十分流暢。整體味道清淡得宜，調味不會過重，更能突出食材原味。當中最驚豔的是苦瓜炒蛋——苦瓜處理得恰到好處，甘而不苦，搭配滑嫩的炒蛋，香氣十足，絕對是必食之選！另外，餐廳提供的糖水也很有水準，甜度適中，為這頓素食盛宴畫上完美句號。以這個價錢能享受到如此高質素的素食自助，性價比極高，無論是否素食者都會吃得滿足，一定會再來光顧！…查看更多

能夠在荃灣區屹立數十年不倒的素食店實在不容易，現在已是第二代𠄘傳打理。太子爺久不久也會在店舖內坐鎮，與街坊們閑聊。從前寶蓮素食已有自助餐形式供應食物，當時是以點心紙點菜，任點任叫，現在時代進步，店舖的自助餐與酒店擺設無異，讓食客走動走動自己步行到吧枱取食物。自助餐食物種類多，每天早上師傅新鮮製造，除了有一般素食點心、齋鹵味、糕餅，更有炒粉麵飯，一定能夠食個大滿足，食物質素絕不馬虎。自助餐除了午市及晚市外，就連下午茶也有供應，真是任何時候也能照顧到你想找素的胃口。職員服務周到，老字號就是充滿人情味。…查看更多

今日十五不如夜晚食下素, 果然真係比平時多人, 不過一個人的關係, 都可以唔洗等位, 放低東西就出去拿野食, 夜晚都係第一次幫襯, 出面有唔同的素菜, 啱啱旺的時段, 好多盤都清晒, 要等一陣再送出來, 今次食又覺得比之前好👍, 味道偏淡唔係好油, 而且都有d溫度😋👍, 揀左熱夏枯草, 夠熱又唔甜, 都幾好飲😍, 之後拿一d炸物來食, 今次食就有驚喜🤩, 味道不錯, 食落又唔會食到成口油, 感覺好腻😆, 但紅豆沙就拿左少少, 依個我就覺得甜左dd😂如果淡番dd就啱啱好, 今晚收138元一位再加1, 貴唔貴就各人觀點不同, 但都叫做合理👍🥰…查看更多

在附近返工，同事介紹，想著沒吃過齋菜，就來試下。原來食齋沒有想像的清湯寡水，反而是可以很豐盛！同事介紹返寶蓮是老字號，對齋菜的研究頗深，我翻了翻菜單，的確是做得很多樣化，什麼素食版咕嚕肉、素食版螺肉，好犀利最後每人一個飯再單點兩個餸，食到扶牆出（講笑），分量真的很大很滿足，cp值可以説是很高很高了。下次應該帶多幾個人一起來吃。聽說這裡初一十五會更旺。讓我想不到的是也有很多年輕人來吃，而且除了單點，也有自助餐形式的。下次初一可以來試下就在臨街地面鋪，很好找。…查看更多

寶蓮素食搬左去寶石大廈，新店地方更大，店內光猛冷氣足，環境唔錯呀。除左超抵食嘅素食自助餐，佢仲有小菜同炒粉麵飯，價格實惠👍⭐齋滷味（例）點左一份例size的齋滷味，黎到居然係滿滿一盤😳比起超市相同價格份量大兩三倍！麵筋入味有咬口🤤個人喜歡甜酸齋同咖哩齋，朋友則大讚齋叉燒同齋雞😆各有所好。⭐鹹魚雞粒炒飯見餐牌有鹹魚雞粒炒飯，好奇齋點樣可以做到鹹魚味便點來試試，上到枱確實係有淡淡的鹹魚香😳飯炒得香口，入面配料下得多，三色豆、齋雞粒、蘑菇等，一大碟我覺得要三個人share先食得晒。⭐椒鹽炸豆腐特價小菜炸豆腐，無將貨就價，一樣係比足份量㗎。豆腐外脆內嫩好好食，仲有香口炸腰果，呢碟就係食唔停口🤤⭐菠蘿猴頭菇咕嚕肉最後係菠蘿咕嚕肉素食版本😆用猴頭菇取代豬肉，猴頭菇厚身咬落水嫩有口感，酸酸甜甜嘅醬汁好開胃，加埋三色椒同菠蘿，好睇又好食👍價錢親民食物高質，今晚點呢個量完全食唔晒，打包左大半留下餐😆認真抵食！…查看更多

今日同太太專程去荃灣沙咀道寶石大廈嘅「寶蓮素食」試菜，舖位喺地下G17-G18號，位置算易搵。入座後叫咗香片茗茶，每位$10，茶味醇正，沖泡得宜，解膩又暖胃，開胃效果幾好。 菜式方面，帶子扒西蘭花（$95）最驚喜，素帶子口感彈牙，味道鮮甜，完全唔輸真帶子，西蘭花灼得夠腍又保持翠綠，淋上嘅醬汁鹹香適中，撈飯食好正。羅漢齋炒米（$65）料好足，筍粒、冬菇、木耳等配料夠多，炒米鬆脆唔油膩，火候控制得啱啱好，每粒米都吸晒餸味。蕃茄鮮竹飯（$68）飯粒軟硬適中，蕃茄酸甜味滲入飯裡，鮮竹吸滿湯汁，入口夠淋滑，份量都好夠兩個人分享。 甜品糯米糍（3粒）揀咗花生、芒果、豆沙味，皮好薄，咬落煙靭，內餡飽滿，芒果味仲有果肉口感，花生同豆沙唔會太甜膩，收尾好滿足。 #荃灣素食 #寶蓮素食 #香港食評 #素食推介 #荃灣食肆…查看更多

週末同朋友一齊嚟咗呢間齋菜舖食齋晚餐🤣$45「粟米粥」：大大碗，粥底夠晒綿，幾好食🤣$78「清炒時令菜」：時令菜揀咗菜心，超級大碟，可能有成斤菜心🤣，菜心新鮮爽脆，清炒已經幾好食 🤣$98「豉汁涼瓜排骨」：涼瓜新鮮、厚切、咬落幾結實🤣；排骨應該係用豆類製成，排骨中間仲整咗條《骨》，不過條《骨》都應該係豆做係食得嘅🤣；整體份量亦都非常多好大碟🤣$108「桂花炒翅」：有芽菜、蛋白、素翅等，炒埋一齊，幾好食🤣，素翅 口感煙靭，可能係用明膠或者蒟蒻整嘅🤣食得非常飽嘅一餐…查看更多

「寶蓮素食」呢個老字號始於1975年，歷史悠久，一直於指定日子派飯比長者，心得民心。其素食自助餐已推行多年，高質素食品驘得口碑，決意大快朵頤。提供素食自助餐，都有齊粉面飯、炸物、甜品，多款精美蔬菜配搭小菜等等，仲有普洱茶和鐵觀音等等茶水任添，絕對值回票價同夠飽。爐頭鑊氣小炒絕不輸！爬飯都爬兩碗。醬爆茄子：茄子不吸油，裹澱粉，有效減少油量。 整體醬香濃郁，素蠔油黃豆醬是靈魂，糖醋比例平衡咸鮮，完全沒有負擔感！搭配米飯超級下飯。菠蘿咕嚕肉：植物性食材替代傳統肉類，搭配菠蘿、青紅椒等配菜，再裹上酸甜醬汁製成的經典粵式風味素食。其口感外酥里嫩，酸甜開胃，杏鮑菇+牛蒡版*杏鮑菇提供肉感，牛蒡增加纖維，搭配素火腿更豐富。番茄醬+糖+醋的經典組合，菠蘿自帶果甜，減少額外用糖，酸甜平衡。外酥內軟，油炸後的素肉外層酥脆，內部吸汁後柔嫩。重點低脂健康，相比傳統咕嚕肉，植物性食材脂肪含量更低，適合素食者。南乳炆上素：濃郁醇厚、咸香微甜、帶有南乳特有的發酵香氣，口感豐富，層次分明，非常適合搭配米飯或作為下酒菜。 南乳帶來咸鮮、微甜、酒香的復合風味，比普通腐乳更濃郁。南乳本身帶有發酵豆香，炆煮後滲透進食材，讓整道菜香氣撲鼻。常見的配料如冬菇、木耳、竹筍、腐竹、白蘿蔔、紅蘿蔔等，在炆煮過程中釋放自然甜味，中和南乳的咸度。蔬菜炆煮後軟而不爛，仍保留一定嚼。椒鹽炸豆腐：外皮金黃酥脆，內里嫩滑，椒鹽咸香微辣，簡單快手，下酒佐餐皆宜！仲配上走油腰果，香脆可口。總結：經濟實惠大大碟爐頭鑊氣小炒素食更健康…查看更多

香港｜荃灣｜寶蓮素食荃灣有幾間素食餐廳，而呢間係我首選，之前都食過呢間既自助餐，食物款式多，仲幾好味，仲係老字號。而且餐廳環境乾淨又光猛，坐得舒服。竹笙如意扒蘆筍 竹笙既口感搭配脆嫩的蘆筍，清新爽口，同個汁好夾。鍋仔鮑魚粒炒飯雖然是素食，但用素鮑魚替代，炒飯粒粒分明，而且加入左松子，聞落香氣四溢，米飯吸收了各種食材嘅味道，每一啖都充滿驚喜。菰粒咸水角外皮酥脆，內餡的菰粒香甜可口，口感同味道同平時食嘅冇分別。齋滷味每款口感味道都有啲分別，個醬汁仲好開胃。寶蓮素食 (荃灣)荃灣沙咀道328號寶石大廈地下G17-G18號舖#寳蓮素食 #齋菜 #素食自助餐 #荃灣美食 #荃灣素餐廳 #甜酸齋…查看更多

一家人同媽咪慶祝生日,原來發現是二十多年前食過的寶蓮素食,當年在眾安街人人都知道嘅好味素食館,別無他選😍🥰熟悉的感覺同味道番晒嚟,新環境亮麗,食物水準依然好好味,性價比高,非常值得推薦的自助餐素食館,人情味濃濃,員工靚仔哥哥招待親切,仲送咗兩隻壽桃包畀媽咪,好窩心🥰非常滿意👍👍👍👍👍祝老字號~寶蓮素食🙏生意興隆,各位員工🧧身體健康,工作愉快🌹…查看更多

呢一間喺荃灣嘅素食放題，素食嘅選擇多，而且樣樣嘅味道都唔錯，因為佢係一間傳統嘅齋舖，所以佢啲素食選擇有傳統嘅同時亦都有啲係新派嘅。我覺得佢呢度最好食嘅就係啲炸嘢，見佢係蘇食深入面就冇咁內疚啦，佢個芋頭魚、炸南瓜、同埋炸芋卷味道都OK，佢嘅炸蜜瓜鮮奶好正，我都食咗幾次。因為佢係一間傳統齋菜譜，所以啲酸齋有一定嘅水準，另外佢嘅陳醋雲耳同埋拍青瓜都好食。綠色蔬菜梗係要食啲啦，佢嘅素蟹柳西蘭花好食，不過個秋葵就好似鹹咗少少。 encore蟹肉西蘭花，另外佢個炒伊麵都好好食，冇乜油。…查看更多

呢間齋舖的晚市素食放題星期一至四每位$128，星期五六日公眾假期及公眾假期前夕就加十蚊，$138一位。而呢度嘅素菜選擇多而且個味道整體都唔錯，基本上大部分都好食。我特別鍾意佢嘅炸物，除咗傳統嘅芋頭魚之外，仲有好多做到好似日式天婦羅咁樣，不過當然佢外層嗰個脆漿唔係用天婦羅脆漿啦，但係佢啲炸南瓜齋又有炸冬菇都好好食，去呢啲傳統齋舖梗係要食酸齋啦，不過幾款酸真係入面齋叉燒就比較硬少少，其他嗰幾款都好食。…查看更多

### 甜酸齋甜酸齋是一道色香味俱全的素食佳品，讓人一口咬下去便能感受到酸甜的滋味在口中迸發。這道菜的色彩繽紛，讓人一見就食欲大開。這樣的搭配不僅讓人感受到素食的美味，還能讓人感受到健康的生活方式，讓人倍感愉悅。### 炸芋頭魚炸芋頭魚是一道極具創意的菜品，將芋頭的香甜做成魚形狀。當金黃酥脆的外皮讓人忍不住想要立刻品嚐。咬下去的瞬間，外皮的酥脆與內餡的滑嫩形成了絕妙的對比，芋頭的香氣與讓人感受到一種獨特的口感享受。這道菜的調味恰到好處，既不過於油膩，也不會掩蓋食材本身的味道，### 錦鹵雲吞錦鹵雲吞雲吞皮薄餡多，內餡通常由豬肉、蝦仁等新鮮食材製成，口感鮮嫩。酸甜汁的鮮香與雲吞的滑嫩相得益彰，讓人感受到一種溫暖的幸福感。每一口都能感受到湯底的鮮美，搭配上雲吞的Q彈，讓整道菜品的口感層次更加豐富。### 叉燒酥叉燒酥外皮酥脆，內餡則是香氣四溢的叉燒肉。廚師的鬼府神工做得極似肉餡的素菜。當你咬下去的瞬間，外皮的酥脆感與內餡的鮮香交織在一起，讓人感受到一種無法抗拒的美味。### 乾燒伊麵乾燒伊麵的滑順與各種配料的鮮香相互融合，讓人一口接一口，欲罷不能。這道菜的調味非常講究，通常會加入醬油、蒜蓉等調料，讓麵條吸收了所有的精華，口感更加豐富。搭配上新鮮的蔬菜和肉類，讓整道菜品的營養更加均衡…查看更多

下午茶任食2位收$154，衹有食淨嘅飯菜一樣，每款都見底了，無添加食才，太不像樣，垃圾一樣，真是很差的體驗！ 如果要做下午茶時一定要有 足夠嘅食材畀顧客 唔可以求其就畀啲垃圾人哋食 …查看更多