影片
以上資料只供參考, 請與餐廳確認詳情
天后一直都是美食聚集地，這家茶餐廳相比一些好吃的店就略微遜色一些，店裡環境一般，吃的東西還可以，價錢可以接受。早餐要了兩份任選三餸粉麵餐，一般茶記出品水準，正常港式早餐，食物種類都算多，招呼都快，上菜都亦快，食物水平可以，價錢可以，但份量有點小，用餐的大多數是附近的居民。此餐廳雖然不及隔離街某店咁出名旺場，但這間卻同樣是低調又有實力的茶餐廳，服務態度亦算好，比一般茶餐廳水準不錯。
繼續閱讀
寶湖茶餐廳，位於北角炮台山蜆殼街7號福利樓地舖。 已經食過好多次了， 因為以前公司在附近，所以午餐都會與同事一齊來這裏。午餐🍴 ～ 忌廉汁蝦球意粉$55、蛋牛治$29、茶走。 ▫️忌廉汁蝦球意粉 ～ 味道正常發揮。 ▫️蛋牛治 ～ 蛋牛治厚切， 餡料豐富。 ▫️茶走 ～ 上台的時候倒到成支木棒和碟都是奶茶， 味道普通，煉奶唔夠。 好多年前已經食的茶餐廳， 間中返到北角都會再食， 因為附近沒有多選擇😅。🏷️溫馨提示～ 整個用餐體驗均屬個人分享意見， 只作參考😊。
繼續閱讀
今日係星期六，好早起咗身。唔知做咩好，就落街嘆個早餐啦。本身仲喺度煩惱緊，今日食蜆殼街嘅寶湖餐廳，新釗記定係紅葉冰室好。點知乜都唔使揀，新釗記同紅葉冰室今日都冇開門😂。入到寶湖餐廳，唔知係唔係因為隔離兩間茶餐廳都冇開門嘅關係，入座率達九成。睇吓個Menu先，都有好多唔同款式可以選擇。我揀咗個熱香餅配珍寶腸（因為呢個款式好似係其他茶餐廳比較少見）配熱奶茶。熱奶茶夠熱夠滑，好飲。熱香餅佢擺左啲牛油，煉奶同埋花生醬係一邊，茶多茶少可以自己控制。至於珍寶腸，估唔到又幾有質素。雖然冇人趕我走，但見有人係度等位，食完即刻走，唔好阻人做生意先。埋單$38。
繼續閱讀
🍞西多士🍗炸髀 🍗滷水雞髀🐷脆皮豬扒包🥤紅豆冰🍍菠蘿冰🍋凍檸茶呢間都係上網睇人推介佢地嘅🍗所以襯番工前有啲時間去食個下午茶先番工特別推佢地嘅🍗炸髀同🍞西多🍗如video 所見 雞皮薄脆程度有如薯片一樣 雖然冇一層層脂肪但絕對唔會冇肉汁 同樣juicy入味調味簡單 就咁食就係傳統嘅味道沙律都唔好以為佢hea 喎加入咗南瓜 薯仔 蘋果 沙律醬等溫度夠晒冰凍 夏天食好開胃❣️🍞西多會跟大枝糖漿俾你自己調味 牛油固定夾心部份係花生醬自己好鐘意 都係必食😌😌跟餐可以加牛油粟米係回憶呀❤️❤️❤️唔想咁熱氣可以食滷水雞髀凍檸茶就正常發揮紅豆冰係行健康路線 唔會死甜🐷脆皮豬扒包佢塊麵包真係做到脆皮用咗類似豬仔包嘅🍞豬扒厚薄適中 但整體略覺沙律醬唔夠豐富食落會有啲dry 搵日想食埋佢嘅lunch 唔知咖哩好冇味呢呢間茶記唔算好多位而且長期爆場 唔想等位記住避過lunch hour 去‼️
繼續閱讀
星期一到星期五，是多勞都未必多得既日子，所以，許多時，工作午餐都係慳慳地算。而家，真係好間唔中先會吃好西當獎勵自己。這次，尋找午餐的我走到來蜆殼街。這一條街，食肆林立，有平，也有貴，當然，亦有中等價錢的食店。第一次來我周圍看了一轉；第二次來我也周圍看了一轉，兩次既決定都係覺得頹頹地食好了。而我既頹選擇就是《寶湖餐廳》。第一次來，就是因為被午餐餐牌上的粟米肉粒飯吸引住了。當我坐下不一會，一碟充滿了粟米醬汁，味道帶甜，爽脆中又有肉粒襯托的飯餐就在我眼前。簡單味道好，令我可以用鯨吞的速度，去完成這一個飯餐。當然，也能夠深深體會到好味道。改日，又行到來蜆殼街搵地方食飯了，結果，又是《寶湖餐廳》吸引到我。是日看中了榨菜肉餅飯。用的榨菜，好明顯是預先切好一條條的，真空包裝的那一種榨菜，而這一種榨菜配上肉餅是絕對的夾。以前大學時，我就最喜歡用榨菜蒸肉片。有肉汁，又易入口，沒有投訴的空間。兩次來都覺得天氣熱，所以都叫了凍檸茶而不是奶茶。喝得出這兒的茶味夠香，檸味，甜味都有，卻沒有搶走茶的味道，很是好。兩日都吃到好飽，頹頹地又一餐，就是我本人的工作天日常。說真，簡簡單單，平平地食個中午飯，頹頹地既茶餐廳同兩餸飯餐廳，絕對是好選擇。而且這《寶湖餐廳》，做的頹飯，半點也不頹。
繼續閱讀