寶業食堂

營業中

休息中

中伏post 喺荃灣搵食 諗住呢間屬於打工仔飯堂應該幾好味 而且之前呢度啲post都講過OK 點鬼知離譜到 個豬扒公仔麵好似落咗成包鹽 大佬難食都算 你仲要豬扒入邊 咁厚都可以鹹到爆 然後炒飯另外一個食 話好似食鹽一樣 奶茶淡謀謀 檸茶又係 乜嘢新張期包嘢飲50 免費我都唔鬼食呢餐 了解過好似停過一段時間 係咪轉咗手？如果呢啲打工仔飯堂可以做到咁難食 點做啊？呢間嘢永遠永遠 冇得食都唔會再揀 可以話係最難最難食嘅一次茶餐廳 離譜到不能再離譜

久仰大名嘅寶業食堂之前喺社交平台見到呢一間可以轉任何飯面底嘅寶業食堂，好耐之前已經諗住去試，但係上一次去到竟然喺門口有個告示寫咗因為業權變更而需要停止營業，真有啲唔開心。咁啱早兩日又行過食堂門口，發現佢竟然重新開張，仲有新張優惠所有炒粉麵飯都係$50仲送凍熱嘢飲，即刻入去試吓我哋嗌咗鼎鼎大名嘅乾炒牛肉通粉，同埋粒粒午餐肉炒通粉。因為兩個炒通粉都係差唔多味，淨係有slightly different ，所以一齊寫。佢除咗主菜之外，佢仲有芽菜雞蛋同洋蔥一齊去炒，兩個炒通粉都好有鑊氣，炒得好乾身好入味。$50嘅價錢嚟講我覺得係一流，不過佢唔算好大碟，如果一個成年男子嚟講可能會有啲唔夠飽。

寶業食堂(荃灣)荃灣沙咀道395號地下早餐經常都會食，但小有食到好味就好難得，位於工廈食堂，平靚正鮮茄濃湯雞絲通粉 $33轉出前一丁 加$5凍飲 加$3小有食到蕃茄湯真係好濃稠，鮮茄熬製，特濃蕃茄汁掛係麵條上，非常入味，雞絲又鮮又嫩滑，湯都飲埋，成碗清哂。天上個太陽已經夠猛烈，我再加多兩個，呢兩隻太陽蛋煎到脆邊又香口，蛋黃又大又圓，夠哂猛料。多士即叫即烘，牛油搽適量，香脆可口。大大杯凍檸茶，茶底夠濃夠澀，啱哂我口味一早食到個咁精神嘅早餐，心情靚靚，真係Have a good day😊

呢日有事嚟咗有好多工廠大廈嘅荃灣呢一邊，處理完事情之後，諗住簡簡單單食啲嘢，路過呢度，見到有呢間食堂，咁就決定簡單快脆食個 early lunch😆「星洲炒米」就周圍都有得食，「星洲炒伊麵」就稍為少有，喺呢度見到就決定試吓，$52 嘅「星洲炒伊麵」跟餐包「咖啡戓茶」😋「星洲炒伊麵」勁大碟，好似座小山咁🤩，未食晒已經超飽🤣；跟餐叫咗一杯「熱奶茶☕️」，幾香滑🤩；飲完再嚟多一杯 $14 嘅「熱咖啡☕️」🤩

再次做完瑜伽今次試下寶業食堂，黎個快Lunch.我食左常餐沙嗲撈豬排公仔麵配火腿奄列，牛油多士奄列我覺得好好食真係細個食嘅味道一切開奄列，蛋漿就流出來，火腿絲份量都幾多牛油多士烘得香脆，夠多牛油沙嗲撈豬排公仔麵個人黎講沙嗲湯麵好食啲豬排醃得好食我最喜歡的食物是蔥油炸雞脾太陽蛋飯蔥油夠多，豉油較到甜甜地唔會死咸炸雞脾做得好好切開肉質好嫩滑，仲有肉汁連白飯都係粒粒分明呢個餐我大推薦！今次用咁平價錢食到出色蔥油炸雞脾太陽蛋飯我覺得十分驚喜

寶業食堂 (荃灣)荃灣沙咀道395號寶業大廈地下味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：是日午餐-咖哩牛三寶飯、大杯檸檬茶等候時間：0分鐘今日因要申請回鄉証，路經荃灣，四圍逛街時路經這間平實型食堂，便入內一試. 此食堂頗有懷舊工廈食堂格局，主要賣點是經濟實惠，抵食夾大件！午餐時間亦頗受鄰近工作人仕歡迎，約一點左右便接近滿座了。這食店由荃灣地鐵站往悅來酒店方向步行要十多分鐘，位置也略算方便，如路經此地不妨一試！咖哩牛三寶飯三寶是牛筋，牛腩及牛脷。三種食料均煮得非常夠淋，不用咀嚼太耐，牙齒沒有太大負擔。咖喱味不會太濃太傑，不用擔心吃後咖哩味久久不散。份量是十分足夠的一大碗，比大XX的還要多20%。配菜由薯仔改為蘿白，也好，冇咁飽滯! 😋😋😋大杯檸檬茶午餐送熱飲，加$3可轉凍飲，如叫檸茶、檸蜜、檸水等的話會自動加大，在炎炎夏日時普通size凍飲未免不足，加大一點的凍飲正合心意，是店方一個貼心的舉動！👍👍👍

今日去開荃灣行街，經過見到一間新開冇耐嘅餐廳，就決定走入去試下，入到後環境幾舒服，仲有電視睇，而且依到Service 仲好好。一坐低，好快手咁送上熱辣辣嘅湯，可以一邊飲住湯入邊慢慢揀嘢食，湯好足料，一飲就知唔係味精湯。而野食方面，都唔錯，份量多，岩哂大食嘅人首先係大澳蝦醬炒飯，完全都唔油膩，飯都炒到好乾身，一睇就知師傅經驗豐富，再嚟椒鹽肉排飯，肉排鬆化甘香，椒鹽味十足！最後我地再加左，蔥花蛋牛治，嘩，一黎到見到好足料，正依到每樣野食都唔貴，加上味道好，服務掂，CP值極高

去左荃灣，經過見到呢間餐廳就入去試下，估唔到抵食又好味，叫左個蒸肉餅，係屋企既味道，唔知係咪就落場，私人醒左個魚香茄子比我真係抵食夾大件，下次再去荃灣會再黎呢度食

開心香港電影日，過嚟荃灣呢邊睇$30電影，撞岩五一黃金周前席，於是特登搵間地道港式食堂，避一避遊客，享受一個寧靜的港式早上🥰🥰呢日我叫咗常餐B叉燒湯麵（$47），配火腿奄列同牛油多士，再加$3要杯凍檸茶，好一個傳統嘅港式早餐，而且大大份。😍😍叉燒湯麵大大碗，叉燒肉質算幾鮮嫩，麵條都幾彈牙爽口。而我最愛嘅係火腿奄列，蛋味濃郁，帶點香甜；將少少奄列夾一夾落淡牛油香味的多士，相信係很多人喜愛的早餐食法。雖然呢度裝修簡單，但侍應招呼周到，親善有禮，更見人情，令我開心食飽飽睇好戲，成就了我一個美好早上😋😋寶業食堂 (荃灣)地址：荃灣沙咀道395號寶業大廈地下

我久唔久都會幫襯呢間食堂嘅前身，貪佢抵食又好食😂但上年年尾忽然結業，等左幾個月，呢度又開返一間食堂，今日襯有D時間，就試下了😏來到餐廳剛好三點鐘，入面都有幾枱客~入面裝修比較簡單，同之前冇乜大分別，都係一般工廈食堂格局~睇一睇餐牌，選擇都幾多~但自己之前食開🍲兩 食送粉麵，所以今次叫返呢個試一試先🙈本身想叫🐷豬扒紅腸通粉，但冇紅腸，同埋唔知點解落左一丁，到碗麵上枱先知，算了，照食啦🤦‍♀️🐷豬扒沙嗲牛肉一丁、🍵熱杏霜 ($35 + 5)🐷豬扒好夠味，唔韌又唔黏牙👍係原塊上呢下食得有D麻煩😂🐮沙嗲牛肉都幾夠味，仲要多汁😂一丁要加 $5，不過麵質o岩o岩好~同埋比較驚喜係佢冇用一丁個麻油湯😂🍵熱杏霜唔浠，Good😋埋單 $40，兩 食送麵加杯野飲，幾抵👍服務都唔錯，上菜速度快~staff又幾有禮貌，上完麵發現唔記得攞水俾我，都會唔好意思前，唔好意思後😂