寶星咖啡餐廳

翻翻去中學時代放lunch搵平價屋邨餐廳嘅感覺😂由餐廳嘅名到入面裝修都有時代感，餐牌以焗扒飯為主，$50以內有找，lunch hour去都坐滿曬人，叫左個咖哩鴛鴦扒飯，$44黎講不過不失🥸可惜卡位椅背太直，坐得有啲辛苦，想慳錢又回味下昔日感覺嘅可以一試🥰…查看更多

實惠飽肚街坊早餐因為covid 19 應該都有一年多無來，睇社交平台都系彈佢比較多，以前來都系為左抵食同食物中規中矩，今次來覺得有進步。優點- 從covid19 開始到而家，都有一瓶燒毒手液系每一張檯。- 食物份量一定夠，起碼多其他茶餐廳20%-炸豬扒無叫都分碟上- 早餐價錢優惠同選擇多，改善點- 都系裝修比較舊，但估計都吾會改。豬扒沙嗲牛肉米粉（4分）$34- 除了豬扒分碟上，佢係肯定新鮮炸吾系其它茶餐廳早餐炸定系度，個表面仲系脆咖，但系比較廋，好在吾“鞋”-沙嗲牛肉系淡小小，吾夠香辣味，份量可能比其他茶餐廳多1/3- 米粉系我比較喜歡的，有D 爽口，吾會”淋bat bat”,份量超多。豬扒腸仔米（3分）$34- 腸仔有兩條，系好新鮮，但有小小燶，咖啡（5分）- 覺得以即磨咖啡比較附近的茶餐廳，佢係比較有咖啡香同吾苦。菜蜜（3分）-正正常常…查看更多

前日(4-9-2022 Sun)晏晝又同老公送完膠同俾月餅女友人WYP後就食晏,我哋邊行邊諗,行經我好多年前帶WYP嚟食嘅呢間 (嗰個食評係2013年5月12日刊登嘅呢篇: https://www.openrice.com/zh/hongkong/review/%E6%8F%90%E6%97%A9%E7%9A%84tea%E7%95%B6lunch-e2296908).老公詬試吓啦.咁我哋入到去,好彩重有一張卡位,不過都幾迫,因枱同凳之間嘅空間唔夠,不過幸好冷氣充足,我哋睇完Menu後,出現選擇困難症.最後我哋要咗:1. 加$6.00嘅凍仙草朱古力朱古力啱啱沖出嚟,重熱嘅,味道唔太甜,正.仙草就正常冇問題.味道:4分4. $40.00嘅白汁蟹柳吞拿魚意賣相好奇怪,一餅白汁”撻”上面咁,撩開睇,搵到一小舊蟹柳,呢喥嘅意粉唔係硬身嗰隻,啱我,成個意粉味道亦清淡唔太鹹,係舒服嘅,但蟹柳真係少到令人難以接受.味道:3分2. $42.00嘅雞扒肉醬飯相對起白汁蟹柳吞拿魚意,呢個味道幾濃,飯亦較乾物身;雞扒唔太鹹; 肉醬正常冇問題.味道:3分3. 加$6.00嘅凍蜂蜜綠茶呢個甜度都啱啱好,幾清新.味道:5分環境係3.5分服務:開頭落單嗰位姐姐唔錯,我要白汁蟹柳吞拿魚意時,佢問我要唔要是日寶星公司飯:白汁蟹柳吞拿魚飯,多煙肉.但由於我想食意粉,所以拒絕咗佢.之後我哋食完俾錢,我用支付寶俾,唔知係咪老闆娘嘅人,擺低張單後就走咗去,我成功俾完錢後,佢就話收到喇.一聲多謝都冇,好冇禮貌.抵食係2.8分…查看更多

荃灣嘅茶餐廳基本上都食過晒咁滯，唯獨係呢一間我會特別介紹，福來邨一帶近路德圍，但係佢呢一間餐廳比起路德圍裏面嘅茶餐廳好食得多，性價比又高！下午茶豬扒包 大大塊豬扒，又多汁，唔似其他茶餐廳咁樣，整到塊豬扒好鞋公司三文治 即叫即整，三文治塊面包夠脆，入面仲要有芝士不過特別留意番佢係冇嘢飲送嘅下午茶嘅豬扒包仲會配一杯嘢飲，叫咗即磨咖啡，茶餐廳來講佢嘅即磨咖啡好好飲，特別唔同，唔似得普通茶餐廳咁淡/用粉沖出嚟 …查看更多

前兩日中午行到去荃灣福來邨做嘢 估唔到呢度仲有咁多舊式嘅小店， 果然舊式嘅屋邨係唔同啲， 好有人情味中午肚餓坐低搵嘢食見到呢一間， 食個午餐竟然係三十幾蚊， 佢畀咩我食都冇投訴啦 我叫咗個肉醬雞扒飯， 唔可以話係超級美食， 但勝在性價比高， 掂埋凍飲都只係41蚊， 食完又要繼續做嘢啦 。順帶一提而家係抗炎時期， 餐廳應該生意麻麻地， 但呢度都好多街坊幫襯， 坐到全場玩曬。 同埋職員都好好， 每枱預備咗酒精搓手液， 呢啲細節嘅心思係會令人記得㗎。…查看更多