寶島

營業中

休息中

呢度啲店員全部都好nice。見同街坊都好熟絡。朋友推介我過嚟必食韭菜花煎蛋蠔仔飯。試過就明白佢點解推介我試。成碗飯份量十足。真心好抵食。 蠔仔勁大粒。好肥美。 加上韭菜煎蛋十分香口。同蠔仔好夾。配上秘製醬汁嘅飯好好食。原來呢度係用日本珍珠米。個人比較喜歡日本米柔軟Q彈。勝瓜鮮牛肉蛋泡飯。也因日本米特別好食。牛肉新鮮嫩滑。勝瓜蛋湯好甜。靚姐姐店員推介我地試芝麻雞翼。 果然吸引。雞翼炸到香脆可口。但肉依然嫩滑多汁。配上芝麻勁香口。蕃茄墨魚腸豆腐米粉。這款湯也是好清甜。加上蕃茄就比較開胃。豆腐好香滑。墨魚腸好特別。凍檸檬茶都推介。茶底夠濃又不會澀。

講起去#屯門 近海一帶食嘢，大家可能會諗到去黃金海岸，或者去三聖食海鮮🦞。但係我哋今次就去到#屯門碼頭 🚢，試咗一間非常街坊friendly💕嘅小店，而且質素都唔差，仲一次過試到日式🇯🇵、韓式🇰🇷、台式🇹🇼嘅菜色。餐廳唔算好大，分咗兩個細細地嘅舖位。我哋就嗌咗🔴日式冷麵汁稻庭烏冬配燒大蟹柳($68)、🟠窩燒芝士辛辣麵配墨魚腸($58)、🟤肉燥茄子($28)。日式冷麵汁稻庭烏冬配燒大蟹柳🌟🌟🌟簡簡單單嘅一碗烏冬🍜，大蟹柳的確size幾大，炙燒過食落有火炙🔥嘅感覺，同時有蟹柳嘅鮮甜。稻庭烏冬彈牙😬，唔會太腍，配上冷麵汁，再加上有調味紫菜同葱粒🥗嘅香味，都唔錯。不過就略嫌價錢💸貴咗少少。窩燒芝士辛辣麵配墨魚腸🌟🌟🌟🌟好有部隊鍋嘅感覺，入面仲打咗隻生蛋🥚。一片芝士🧀舖喺面，用筷子🥢將佢撈匀呢個感覺好正。芝士同辛辣麵好夾，麵嘅口感剛好，而墨魚腸🦑食落味道同墨魚丸一樣，但係就變咗腸仔嘅外貌🤣。肉燥茄子🌟🌟🌟菜如其名，就係肉燥加茄子🍆。食落味道好台式🇹🇼，係台灣肉燥嘅感覺，調味幾好🥳，而茄子似先煎香，再同肉燥炒埋，所以茄子食落有香氣 💕。

石鍋鰻魚窩蛋燒牛肉飯石鍋夠熱，但未有飯焦。鰻魚都唔錯有啲日式風味，但牛肉就太老，同埋太乾。飯量都好夠，好多飯。最好係啲燒汁可以自己加，可以加好多燒汁同七味粉。燒汁滑蛋雞扒飯滑蛋就太乾身，但個味都夠既。雞扒唔係太juicy，都係要落返啲燒汁溝溝無咁dry。碗飯都份量十足既，其實細食可以食一個再加啲小食。環境因為我平日過去，仲要1-2點鐘數，所以佢係商場入面都開咗2張大枱。好有中學生放飯咁，如果坐舖入面都望到啲戶外境，但唔會好靚。

寶島真系我中學回憶，見好耐無食，就外賣左碗肉燥炸肉飯好可惜炸肉應該岩岩炸起太熱，熱到個外賣發泡膠盒都溶左一達達🥲🥲 變相食埋啲化學物質落肚。個人唔太中意發泡膠外賣盒，希望下次有炸野既食物會有其他種類嘅外賣盒裝，或者用個紙袋裝住。

好多年前已經有去呢一間寶島食😊依家佢哋仲做埋隔離個舖位😉以前真係會特登去屯門碼頭食㗎😝今日去食叫咗一個雞扒鍋燒飯同埋芝士肥牛辛辣麵🥰 另外我自己都加咗個水蜜桃綠茶 鍾意呢間餐廳其中一個原因都係佢可以配台式飲品😗雞扒鍋燒飯熱辣辣同埋份量好大 一個人都完全食唔晒🤪佢另外會俾啲燒汁你自己落😍不過辛辣麵就真係麻麻地 以前都有食過呢一個 我覺得個水準係差咗 首先呢啲芝士嚟都係唔溶嘅 個湯就唔係好熱 所以冇以前嗰種鍋燒嘅感覺 隻蛋都係完全唔熟（可能因為啲湯都唔夠熱）就好似一隻生蛋打咗落去咁樣😢所以我諗之後我都唔會特登去食lu 不過如果係住喺附近嘅街坊寶島都算係味道唔錯既☺️

係IG見到有人推個尖椒蠔仔蛋飯，聽個名都覺得非常之吸引嘅配撘，原來係屯門碼頭屹立多年嘅寶島，所以諗住過黎一試。分別叫左個尖椒蠔仔蛋飯（$53）同埋雞扒鰻魚丼飯（$78）雞扒鰻魚味道唔錯，雞肉幾嫩滑👌但我好期待嘅尖椒蠔仔蛋飯就有少少失望🤏🏽因為啲尖椒唔辣，似青椒多啲….蠔仔同蛋都無咩味，味道偏淡。份量適中嘅，但燒汁唔算多，食到下面有啲乾，所以食唔曬啲飯🙂啲白飯就ok ge, 唔會係好硬，但都唔似珍珠米🍚

以前住屯門碼頭，寶島簡直係我飯堂😋😋價錢合理，野食亦高質，大大碗飯亦都夠飽肚。至從搬左出去之後都比較少機會黎寶島，今日黎到都特登食返寶島👍🏻今次叫左芝士雞扒辛辣麵，雖然聽落去其實自己整都唔難，但寶島真係整得好食，麵煮得入味又岩岩好，加埋脆卜卜雞扒，溶哂落個麵既芝士，再打多隻蛋落去👍🏻真係超好食😆😆環境方面寶島都係一般餐廳咁，不過姨姨同老闆都好好人，係有時會不定期關門，所以想食就留意佢地社交平台睇下有無開門先👍🏻

相信係碼頭區讀過書嘅中學生都應該食過呢間大名鼎鼎嘅寶島 話名寶島就一定會有台式料理 而呢間餐廳唔單止台式 仲有日式同韓式料理 雖然質素係茶記 但係價錢係學生價都算可以接受 無論細食量大定細嘅你都應該適合因為呢度可以斟酌自己需要加飯或者少飯！🍛青椒煎蛋蠔仔飯💰52係碟頭飯入面我通常都係式肉燥鹵水蛋飯或者係呢個（雞蛋愛好者🤣）呢隻煎蛋唔係太陽而係炒蛋 唔係滑蛋係因為佢比較香口同埋脆身！所以呢隻煎蛋相對太陽蛋來講特別焦香😍D蠔仔我今次食都算好大舊 入面肉好飽滿 咬開係啖啖肉嘅口感 而且好鮮甜 不過佢應該係要睇來貨決定質素 因為上次食過一次都麻麻🥲點睛之筆其實就係呢度嘅燒汁 話說我坐係出面三張台嘅其中一張 得一支燒汁仲要比三張台輪流用 最尾淨返一半🤣而加左燒汁之後就好似醬油撈飯咁 撈飯都特別香 加上青椒會比較重油味 個人比較鍾意冇青椒嘅版本 整體飯會冇咁油🍲韓式泡菜豆腐海鮮鍋燒年糕💰55以為係韓式年糕所以好有興致嗌左 點知原來係超市切好嘅一片片年糕 而且辣醬要自己調開撈勻🥲不過海鮮同豆腐份量都多 而且冇乜油水食落好似舒服D 但係韓式辣醬太鹹啦 食完成個下晝個口都超級乾 大家如果食嘅話千祈唔好飲

屯門碼頭咁多餐聽，有時唔知食咩好，有次聽人講依間餐廳啲嘢幾好食，所以，趁住有下午茶時間，就試一試矩我同男朋友都好肚餓，矩又話想食辣野，於是乎，我地叫左個豚肉辛辣麵同埋腩肉丼飯。等食既時候，其實我都見倒好多人食矩啲辛辣麵，心諗，應該唔會點錯，嘻嘻等左差不多十分鐘，兩個餐終於都到豚肉辛辣麵 - 當然係用我地平時食開果個牌子。煮得剛剛好，麵質唔會過淋。豚肉係好似平時打邊爐果種豚肉片，湯底好明顯沒有加曬啲湯粉，因為已經用豚肉啲湯，所以，有啲鮮甜味。腩肉丼飯 - 腩肉煎得好香口，配上珍珠米，份外好味。

寶島係我哋以前讀中學成日經常去食嘅一間餐廳，因為價錢都算ok，而且日本野學生都好鍾意食㗎嘛，仲要味道真係好好~不過lunch time通常都好多人，所以都要急急腳咁食完，同埋啲地方都幾迫吓，坐都唔可以話好舒服。但寶島啲嘢食係真係幾高質，起碼唔會覺得失望，尤其是個和風豬扒飯，每次去都會嗌，再加埋啲珍珠米，攞個汁撈飯，真係次次都可以食晒！同埋都會嗌埋佢啲特色飲品，食完飯，飲完杯飲品，真係覺得好滿足，而且啲價錢都係學生價，所以lunch time去食真係唔錯嘅選擇！

去開碼頭釣魚咁就食下呢間，佢餐牌超多野食，真係好選擇困難，今次叫左佢既韓式年糕同埋涼瓜炒蛋豪仔飯，呢個年糕卡食左2次，頭一次食清湯雞，今次試個泡菜味，佢既蛋偏生，年糕就好好食唔會un，軟軟地，想清淡輕食可以簡清湯，清清地幾好食 ，又唔會太辣，肥牛量多所以個湯底會比清湯多d油。一個人食係好飽，另外個個涼瓜炒蛋都好好食，涼瓜唔會整到黃哂，好青綠色，炒蛋岩岩好唔會老 ，蠔仔又夠量又唔會太細粒好好食，價錢都好正常唔太貴

屯門碼頭確實係一個好去處，環境幽靜，可以步行下沙灘，行下海邊。當你行到餓了，附近有個啟豐商場，入面全部都係一此特色小店，別有一番風味。今次小編黎試一試，由住碼頭既朋友介紹既餐廳-寶島。餐廳評分 (最高為5️⃣)味道 ：😻😻😻環境 ：😻😻😻Cp值：😻😻😻服務 ：😻😻😻價錢：😻😻😻由於係朋友介紹，都知道大概有咩好食。但我地食完個豐富早餐，未係太餓，所以就冇選擇飯類。今次我地食既係窩燒韓式辣醬拉麵配雞扒及芝士海鮮窩燒拉麵。成個窩燒咁上，真係好似去左韓國🇰🇷個d市場食拉麵咁，好有韓式風味，而且個雞扒都好酥脆，放落湯到食都唔會太淋，又可吸到d湯汁。而芝士海鮮，d海鮮都好多，有蠔仔，有魷魚等。再配上芝士，真係十分夾，有d似芝士撈麵咁，有濃濃既芝士香，但又冇芝士撈咁油膩，的確不錯。成個麵雖然都係韓國公仔麵，但佢用好地道既韓式窩燒，再配上特別醬汁，成件事就好有韓式風味。

聽呀爸呀媽講，呢間餐廳幾好食，所以今日走左去一探究竟。行到去都7成滿座，要坐走廊，美中不足係要搭檯。野食黎得非常快，熱辣辣，賣相都ok服務都還好，下次想試下蟹將軍蓋飯😍😍😍杯梳打味道ok, 但乳酸梳打甜咗d雞扒醃得幾好味，個湯底都ok, 係d烏冬口感可以再彈牙d撈埋d蛋食，d飯焦幾香口雞翼最貼心係分開左兩邊，方便食用，但對於我係咸左dd

今日咁岩入屯門工作，去到屯門碼頭就係入咗呢一間野度試吓，餐廳都唔少人，餐牌有超級多嘅選擇，我就叫咗七味雞翼配辛辣麵，異常地夾， 唔講太多，一定會再有下次，價錢相當便宜。

🔺寶島呢間小店其實係屋企樓下開咗一段好長嘅時間不過小編都係近一兩年先經常幫襯😆呢度食物選擇好多 中日韓式嘅飯粉麵食都有💆🏻‍♀️.燒汁鰻魚飯🐠平平哋40幾蚊就食到鰻魚飯仲有杯熱飲大大兜飯 鰻魚都幾厚切同肥美😋呢個價錢無乜得挑剔🤔.鹿兒島豬軟骨泡菜拌飯🍛豬軟骨炆得好夠淋 泡菜拌飯更開胃惹味