寶城美食店

營業中

休息中

早前聽同事介紹左間打工仔飯堂要親身去拜訪下先得.餐廳位處於紅磡廣場地庫果然名不虛傳( ᵒ̴̶̷̤◦ᵒ̴̶̷̤ )剛坐低時同同事傾偈話題離不開炸雞髀有人介紹九龍灣 日月星弱弱的說我就話我淨係食過大埔 三多真係唔知道紅磡有出色的炸髀店餐廳係以到櫃檯叫餐的形式然後會俾個號碼籌你 你就可以搵位坐等食眼見滿座 而且全部都係打工仔💡鮮茄炸大雞髀飯 拿 呢隻就係吸引我地一行八人落去食既雞大隻到呢 利申因自己要減肥 炸髀由朋友試四個字講哂 皮脆肉嫩仲keep到好juicy招牌炸雞髀唔係流既有黑椒/洋蔥/咖喱汁可選💡豉油王滷水雞髀飯 我就食呢個既👉🏻👈🏻我好同意都係做得好juicy 肉好滑味精上黎講 一般我好怕好怕 醃料味好重既肉味夾滷水汁黎食 不濃不淡 味道剛好 食雞髀呢 我就習慣成隻拎起扯啲肉黎食 咁樣食先夠滋味嘛‪⸝⸝- ̫ -⸝⸝‬✰ 幫襯意粉/飯 免費例湯或汽水其他飲品就加$4✰ 想講佢成碟飯同例湯份量都好大飯桶都唔擔心食唔飽喇

6月11日中午，在紅磡庇利街九龍城政府合署，牙科診所讓醫生修理完D揾食拍檔後，寧願放棄回公司職員飯堂，食平價午膳而專誠到位於國華商場地厙的寶城美食，食佢嘅被譽為紅磡名物炸大鷄脾，當日我柯打了一客炸鷄脾㗎喱飯跟一杯凍檸茶，茶是大路貨色與其他茶餐廳無乜分別，而碟飯就喺在白飯上面淋上淨汁㗎喱，内裡無其他配茶傳統七十年代快餐店出品格局，個飯同個㗎喱汁，講好食就冇佢份，講難食亦吾到佢，總之入得口食得落肚，講到本餐主角炸鷄脾個外觀真係好靚，成隻鷄脾炸到金黃色仲大大隻，一啖咬落去真係皮脆肉嫩仲好似有D汁液係鷄脾肉內滲出來的感覺，但係再食落去發覺隻鷄脾D肉係淡茂茂，毫無味道，再望自己張枱及其他餐枱上個調味架上嘅鹽盅都後近乎吉嘅，就明白呢隻紅磡名物，因為係雪藏貨所以衹能做到外觀一百分，而味道衹得二十分的出品，總結一試無防，再試無謂

行過紅磡要試下聽聞好久的炸大肶，好彩午餐有炸大肶即刻配埋意粉食是最佳配搭。打開飯盒成盒是鮮茄+汁和意粉，雞肶另外包著。沒想過鮮茄汁能夠撈晒成盒意粉，沾滿晒汁好好食。還有試試炸肶比想像中細但外皮超脆沒有油漏出。整體食完很滿足的一餐炸雞肶配鮮茄意粉。

呢間鋪頭想試好耐，平時都未有機會去試佢假期又唔開，今日放假終於有機會去試！下午茶去到人流唔算太多，叫左炸比拼薯條加杯凍奶茶。飲品味道都ok, 至於炸髀就即叫即炸，好juice ,調味做得好好，唔會太咸，啱啱好🤤肉質嫩滑，生熟度唔錯，而我都幾中意佢地嘅薯條，係傳統細個食開果隻👍🏻👍🏻

同事見報紙介紹呢度嘅炸肶，又近公司，咁啱公司又有小工程唔方便喺公司食晏，咁就專誠嚟一試啦。去到餐廳好多人喺門口以為排緊隊，原來佢哋等緊外賣，餐廳係半自助形式，要去收銀度比錢買食物，然後有個號碼牌比你，你就自己揾好位坐低等，食物整好會有人跟號碼送上檯 😜 因為睇緊中醫戒緊口唔食得炸嘢，所以我好乖咁叫咗個臘腸排骨荷葉飯，荷葉無香味落到嚟飯度，所以其實係咪用荷葉包都無所謂 🤣🤣🤣 另外加咗啲烚椰菜可以加分。生炸雞肶個黑椒汁比較深色好稀，同事話唔辣，另外切咗小小雞肶我試，都算香口。奶茶同凍檸茶都無乜特別，又唔算好出色。返到公司大家都覺得成身油煙味，如果有下次，都係外賣好啲！

現在生炸雞脾好少了，朋友介紹過位於紅磡廣場寶城美食店炸雞脾是生炸的，但只有下午茶餐才有，和有點貴，不過生炸又好味，也是值得的！今日途經，就順路去吃吃😬寶城美食店是快餐形式，自己去櫃面點餐後，再將張飛放上廚房bar 枱，然後店員會送餐到你檯上🤗生炸雞髀果然名不虛傳，好大隻而且很雞髀皮很脆口😱肉質又很鮮嫩🤤🤤🤤而且重點不會太油膩👍🏻生炸雞髀餐跟一杯嘢飲$42，亦可選擇加$8有薯條或沙律！

咁難得黎到紅磡， 當然要試下呢區最出名既炸雞脾！呢間食店既裝修格局好有年代感， 細問之下原來已經開左39年。首先要係門口排隊安排入座， 之後要自己去櫃枱落order， 跟住會寫返個no 比你，坐返埋位，等一陣店員就會送上食物。佢地既炸雞脾係生炸，雞皮炸到脆卜卜，但肉質依然嫩滑，一咬開爆多汁，仲啖啖肉。薯條係粗薯，食落好有口感，就好似小時候父母帶我地去茶餐廳食既味道一樣。✨馳名炸大雞脾✨炸薯條🏠 寶城美食店🛤️ 紅磡馬頭圍道37號紅磡廣場地庫2-3號📍 港鐵何文田站A1出口，步行約9分鐘

估計對於紅磡廣場一帶的街坊和上班一族來說，「寶城美食」無人不曉吧?!我認識這家地道快餐廳，都是由好同事帶領才能找到，因為它位處紅磡廣場地牢層，絕不好找。於我為食性格，當中招牌「炸脾」真的食過翻尋味數百次也不會厭，午市往往大排長龍，人氣十足。不過，今次寫食評介紹的非傳說中的「炸脾」，而是簡單的早晨套餐。早上和老公二人來到寶城，點了兩個湯通粉，沒有加配什麼多士之類，就是簡簡單單餵飽自己，然後上班去。有時在小店吃一個醒晨早餐，比起在高級餐廳吃大餐，來得更稱心滿足。

餐廳既位置比較偏僻，識貨既人或者街坊先會識，同埋佢唔做晚市，星期日同公衆假期都唔開，想食既要留意啦。招牌炸脾真係冇得頂，面頭有少少淮鹽，皮脆肉嫰，一切開勁juicy, 同埋個熟既程度係啱啱好，所以好易切，一切落去就離骨。 另外叫左個特餐，叉燒係肥叉，好好食，意粉唔係一般茶餐廳嗰d勁淋意粉，仲有幾條菜tim, 兜粉都幾大兜下。 另外隻煎蛋好靚仔，不過咬開就比預期熟左dd, 蛋黃係啫喱狀，唔識流。佢個鴛鴦雙焗都好食ga，但就要餓d先食得落。

寶城 最出名就係佢哋嘅炸雞髀，無論每一次去食都見到每一台差唔多到一隻炸雞髀喺枱。而我就最鍾意叫佢哋嘅西汁炸雞髀飯食，佢哋嘅西汁酸酸地甜甜地配搭埋炸雞髀一流。之後我想講吓佢哋嘅主角炸雞髀，佢哋係即叫即炸嘅， 所以大家去到就要坐低等等先啦。佢哋啱啱炸出黎嘅雞髀真係皮脆肉嫩，仲成隻手掌咁大隻，適合晒所有肉食愛好者去。調味方面佢哋嘅炸雞髀識落唔會太鹹到或者太多胡椒粉等等調味料嘅味道，係我係香港食過最好食嘅炸雞髀之一。佢哋唯一嘅缺點就係唔開星期日所以大家要食就要等平日放假機會時候先食到啦。同埋佢哋營業時間都比較短，大家去之前記得留意吓先。

❤️Happy Weekend ❤️放假食肥啲，是常識吧🤗今次嚟到紅磡，食生炸髀😝😝又大只，又脆🤗🤗不過今次食唔算Juicy ，但唔會覺得好乾，肉質都算嫩滑，而家好飽好滿足❤️

哩度嘅收銀及樓面阿姐絕對可以滿足到鍾意玩被虐嘅朋友嘅需要！！！唔係要皇帝級嘅享受，但係連基本禮貌都冇之餘仲要好似爭咗佢好多錢咁受佢氣，就真係令人卻步！！！食物未到已經氣上心頭頂住頂住，叫人仲邊有心情食？至於嗰隻炸脾，唔知點解會稱得上係好食？佢係唔難食，但食得出佢用嚟炸嘅油呢，係未至於「澺」但就用咗好耐好耐咁囉⋯⋯真係好可惜，我係絶對唔會再幫襯哩間野食其他食物！！！算係抵食夾大件嘅，因為贈送埋「貼錢買難受」！

Happy Friday要食得瘋狂d, 依間食炸脾出名的地下餐廳，位於商場地庫，商場地庫向來人流少，但偏偏依間餐廳在食晏時間係排長龍的🤣其實佢都有好多飯款選嘅，價錢經濟的，不過咁耐無食，今次當然要食返炸脾先啦，配黑椒汁😁送埋例湯，都係4x蚊！排排下隊，已經宣佈滷水雞脾售罄啦，真係受歡迎😅今次隻炸脾一如以往，即炸又大隻，睇下相就知😋所以我即使叫了少飯，都好夠飽，好滿足😊會再黎，食其他野，試其他汁😉

隱世平民食店，主打大大隻炸雞髀，位於舊式商場紅磡廣場內，商場格局好懷舊。這家寶城美食店共40多年歷史，門口好懷舊，好有feel 。炸雞髀飯款色選擇很多，有黑椒丶咖哩、蘑菇汁丶蒜蓉丶豉油、粟米丶茄汁及鮮茄汁等等，梗有一款味道適合你。點了 巨型生炸雞髀配薯條丶黑椒炸雞髀飯，雞髀超巨型，外脆內嫩有肉汁，是小時候的港式味道，印象中小時候90年代的港式雞髀也是這麽巨型，此外黑椒汁夠濃味。而薯條也夠脆，味道合格。飲品，沒大問題

香港經營多年的小店日漸息微，好多都經不起時代巨輪。現在更一場疫症橫行，更令我要珍惜這些人情味小店。寶城在紅磡廣場地庫，食客多是附近上班族和街坊。位置不就腳，但其生炸雞脾的功力卻極其深厚。典型港式壞舊快餐台格局，餐牌在門口，有廿幾個碟頭飯任君選擇。其實每樣水平比起一般連鎖快餐都要好，如果早一點更有老火例湯。我的絕對心水當然是炸大脾配西汁意粉，平時會堂食，非常時期惟有外賣自取。一個飯盒已滿滿的意粉，炸脾太而且脆卜卜，會另外入紙袋。炸脾沒有上厚粉漿，但雞皮脆度可與乳豬皮媲美。一啖咬下，一滴滴肉汁沾滿咀角。一手叉意粉，一手拿起雞脾往口裡 拉扯，何其痛快！！其實除了西汁，還有幾款醬汁可選，記得是咖哩汁 栗米汁，黑椒汁……不過老餅如我，西汁就是我童年的味道。