寶哥火鍋味館 (已結業)

有朋自遠方來，我地就選擇左酒店下塌既寶哥打邊爐店舖地下一層放左好多紅酒，打邊爐就要再上一層嗌左個$238套餐，未order野食已經黎左盤刺身先。有 八爪魚, 吞拿魚, 希靈魚, 墨魚, 北寄貝, 赤貝, 刺身用冰墊住，好新鮮，同放題完全唔同再黎，海鮮併盤， 有中蝦, 帶子, 蟶子, 蠔, 鮑魚, 龍躉。中蝦蝦肉鮮甜彈牙，而蠔蠔肉重，就算淥完都唔會縮水雪蓮果椰子湯: 雖然都知打邊爐係'燥底'，鐘意食冇計啦，唯有食得健康d. 雪蓮果可清肝解毒， 而且仲有大量椰子，湯底清甜唔油膩手打墨魚丸，牛丸，鯪魚球。 丸類彈牙，唔錯魚皮，吸湯食脆卜卜脆鯇魚腩: 魚肉切得厚身，魚肉爽脆響鈴即叫即炸粟米配埋個湯底，好match出面比較少有既: 豬肺，豬肺洗得好乾淨，食落口好嫩滑。秋天到，除左煲豬肺湯，打邊爐都係唔錯既選擇竹蔗茅根水: 清熱下火、潤肺排毒。竹蔗茅根味道清甜，一個人都飲左一支打邊爐幾間店員亦都會主動幫忙湯底加湯，而且反應好快(起碼唔會十問九唔應)，朋友對呢餐好滿意，下次再黎

中伏 - 團購在買團購之前看了食評, 但與食評不符. 在團購列出的食物表中, 好多食物在場是沒有提供的, 所以食物種類好少, 飲品種類 只有啤酒, 汽水 (可樂, 橙汁,雪碧), 所以以這個價錢, 可以在其他食店食到更高質素. 沒有下次.

勁抵食@寶哥 朋友之前在暑假時在團購買過寶哥團購餐，食過之後一試愛上，成日都話要ENCORE~ 今日趁早收工，就和佢過來ENCORE了! 抵食又好食，自然多人食，來食還是先訂位比較穩陣。客人雖多， 但坐得非常舒適，空間感十足，冷氣強勁，食完唔會一陣味! 另外要提既係服務真係好，換碟和送菜速度如光速，店員雖然好忙，但也笑容十足，成日問D野夠唔夠食，好唔好食咁!好親切! 3小時任食放題，自選3款餐，價錢分別係$188、$238同$288。一分錢當然一分貨，愈貴的就款式愈多，但其實都是差少少，我們也為了任飲紅白酒而點了$288餐 $288餐包括7款刺身+ 7款靚海鮮+ 特級靚牛拼盤+ 日本稻庭烏冬+任飲紅白酒、啤酒、汽水，豪食頂級封門柳、和牛、加拿大象拔蚌，生料更是令人眼花撩亂 任飲專區~自取 先來一杯白酒~雖然不知是什麼名堂，但飲落幾易入口，酸酸甜甜好開胃 五分鐘內就變成咁!開餐LU 湯底有多款選擇~也可以點雞煲， 特色潮卅湯、猴頭菇鯊魚骨湯、海鮮冬陰功湯、銀杏胡椒豬肚湯、招牌寶寶雞煲、香茜皮旦魚骨腩湯等~最後我點了較清椰子海底柳湯底，更能食出本身原味嗎~ 刺身拚盤包

平時在尖沙咀放工行返去油麻地探阿媽，有時都會經過這條長樂街，有點似普通橫街窄巷，但原來裏面別有洞天，其中有間寶哥火鍋味館，上網見到食評不錯，而且價錢抵食，所以今晚同朋友幾個來試一試。餐廳有三款套餐選擇，最便宜的只有刺身、火鍋及任飲啤酒汽水；中價的就額外有海鮮、靚牛拼盤及日本稻庭烏冬；最貴的更有紅白酒任飲，喜歡飲紅白酒的真是不可錯過。我們最後揀了中價餐，有刺身、海鮮、靚牛肉、其他火鍋配料及啤酒任飲任食，每位都是$238。湯底有十多款，其中雞煲、蕃茄牛坑腩及胡椒豬肚湯就比較有特色，其他湯底就比較常見，牛坑腩煲得又腍又入味，湯底很香牛湯肉鮮味。刺身就視乎當天供應而定，總之以新鮮為主，今日就是希靈魚、吞拿魚、魷魚、赤貝、北寄貝、八爪魚，刺身都新鮮，味道鮮甜。海鮮方面有蝦、蠔、貴妃蚌、元貝及魚，海鮮全部都很新鮮，其中蝦肉爽彈，魚肉鮮甜。靚牛拼盤確實比一般任食的高質，牛肉鮮甜不太油膩，肉質嫩腍。手打牛丸、鯪魚丸及墨丸質感彈牙。其他任食款式都很多，3小時真係捧腹而回。

天氣開始無咁熱，又系打邊爐的日子。今日同朋友仔係佐敦shopping買衫。經過哩間係橫街的「寶哥味館」。見價錢ok又有刺身送，就入左去試下🤗！佢個打邊爐係任食的。有幾個價錢。我地兩個女仔食得唔多，就揀左最平個個：$188/head, 送五款刺身，任食打邊爐食物有七十幾款，啤酒汽水任飲，是日有竹庶水任飲❄️。先上嘅係刺生拼盤。有吞拿魚，北寄貝，墨魚，八爪魚，螺片，同埋希靈魚。刺身質素不錯。本人最喜歡的是吞拿魚，幾新鮮沒有腥味🍣。湯底方面選左雪蓮果椰子湯。有好多椰子片係上面。很足料。💕先上脆肉鯇魚片，火腿午餐肉，黃沙豬仔潤。脆肉鯇魚片很新鮮很脆，很喜歡。豬仔潤亦處理得不錯挺爽口。😙第二碟上嘅糸肥牛同牛肮腩。牛坑腩是厚切的絕不欺場。 肥牛都唔錯肥瘦分明質地不錯有口感。😀第三碟上的是鮮蝦雲吞，鳯城水餃，牛筋丸，必試魚蛋。我覺得鮮蝦雲吞最好味，皮薄餡靚。牛筋丸和必試魚蛋亦唔錯，彈牙爽口。😋最後我地叫左炸魚皮，芫茜，秋葵。炸魚皮很香很脆很好味！ 原來秋葵用來打邊爐很好味。最後我地仲加追左一次秋葵，為這餐晚飯來一個完美的結局。👍🏻👍🏻

秋風起食臘味，但在這個剛入初秋時份，朝早太陽赤熱中帶點涼風的時間，當然去打邊爐啦。尤其是一大班人，打邊爐又可以慢慢邊食邊傾，大家都可以選擇自己喜歡的菜，顧及大眾感受。今晚又再光臨其中一間我最喜歡的火鍋店–寶哥，除了火鍋湯底夠特別外，用料新鮮，即使是任食的配菜都比外邊的高質。打邊爐必點的啤酒，這裏都是任飲的，全部都雪到冰凍，一邊食火鍋一邊入啤酒，簡直是冰火兩重奏。湯底我們點了番茄牛坑腩，番茄味就不太濃郁，坑腩煲到又腍又入味，後尾我們點了些番茄令湯底更濃郁。先送上來的是刺身拼盤，有六款刺身包括了赤貝、希靈魚、魷魚、吞拿魚、北寄貝及八爪魚，刺身味道鮮甜，尤其是希靈魚入口咸鮮味。海鮮有五款包括元貝、象拔蚌仔、蠔、蝦及龍躉，全部都十分新鮮，蝦肉彈牙，魚肉嫩滑充滿骨膠原。靚牛肉色澤鮮艷，油脂均勻，碌一碌就食得，肉質嫩腍有肉香及油脂甘香。手打丸有墨丸、鯪魚丸及牛丸，最好味一定是墨丸，爽口彈牙；牛丸有果皮香，味錯不俗。其他任食配料包括必食的魚蛋、雲吞水餃、新鮮魚片、菜及稻庭烏冬等等。整體食物質素能保持水準，價錢略加了一點，但有此質素及款式，價錢合理。

知道呢間火鍋店我朋友都有推介過，所以路經佐敦既我都特登嚟幫襯下。淨係睇過裝修同門面設計，已經知道佢嘅氣派不凡。從門口行上一層就到達火鍋店，職員告訴我們有三個餐可以選擇我哋揀咗價值$416位嘅火鍋任食套餐，內容包括特長3小時高級火鍋放題、6款升級版刺身、7款特選海鮮、靚牛拼盤、日本稻庭烏冬、紅白酒任飲同任飲啤酒汽水，真係食都食唔晒！出邊有好多唔同款嘅汽水買，可以揀芬達、雪碧、可口可樂、獅威啤酒等。先來叫咗個人蔘雞湯，鮮人蔘好大條，喺花雕酒嘅浸淫下，變得很甘甜。醉雞可以自己一件件雞件放落湯底，雞嘅味道都唔錯，白滑嘅肉配上黃色嘅外皮，雞油適中再點上自選醬料味道極佳。另外嚟咗個刺身拼盤同埋海鮮拼盤，份量都好多，好足夠兩個人食。海鮮有生蠔、海蝦及青口等，款式多籮籮，其中以蟶子最為出色，肉質彈牙，沒有沙石。另外有差唔多有70款火鍋料可以選擇，比較偏門嘅杏仁豬肺都有得食！我就叫左皇帝菜，比較稀有嘅菜終於比我叫到！稻庭烏冬好滑，佢吸左陣陣雞湯味，份外香濃。真係食到好飽，下次一定要試埋佢其他招牌菜式，如沙爆魚肚、招牌炸響鈴、紐西蘭鴨血等等，期待。

雪蓮果椰子湯+沙嗲湯底鴛鴦火鍋，真係冇得彈要滋潤，有滋潤，要刺激有沙嗲，都香濃㗎。揀完兩個湯味都覺得好矛盾其實就係咁啱我哋兩位要清，兩位要濃，咁樣就可以滿足到我哋四人行嘞呢度嘅火鍋材料除咗基本嘅美味牛肉外，還有香濃羊肉，更有豬肺、豬腸、鵝腸、魷魚，豬仔生腸頭等等……特色嘅食物真係令我目不暇給，而我哋當然揀哂平時食得少既特式食物， 確係抵! 咁樣食火鍋會更加覺得開心，更加覺得與別不同 。另外，其實係送上火鍋之前就放上一大分刺身，包括希靈魚、魷魚、墨魚、赤貝、吞拿魚同北寄貝。件件都新鮮。每人只係二百零蚊，所以都值得推介。

連假三日，其實第一日已經打左邊爐，食左麻辣鍋，奈何朋友邀我聚會，又話訂左呢間火鍋嘅套餐想試下，先捨命陪君子，連打兩日邊爐。打鑼咁早黎到餐廳，本來以為冇乜人，點知都坐左七成滿，估唔到有咁多人同我一樣，六點鐘食飯被安排到卡位位置，相當闊落，買左一袋二袋野都放得落，坐得舒適，不過梳化椅就未免有點殘舊。店員服務有善、介紹套餐呢個餐包括刺身拼盤、5款時令海鮮、美國牛肉、自家製手打三寶丸、任飲啤酒汽水，當然仲有多款配料任食3個鐘，真心夠哂，價錢約二百零蚊，食過之後就覺得質素還好嘅。任食嘅餐牌選擇都算多，牛肉、肥牛、黑豚肉、羊肉片，超過廿幾款蔬菜什菌、豬潤、鵝腸、鯇片、丸類、餃類、麵食等，其實都係啲普通火鍋任食會供應嘅食材。醬料湯底方面有12款，例如雞煲、沙嗲、豬骨、蕃茄牛坑腩、椰子、胡椒豬肚湯等，揀黎揀去選擇比較穩陣大路嘅胡椒豬肚湯。入面都有十件豬肚，不過就略嫌韌啲；湯底都有胡椒味，唔會太重口味，淥下菜都會幾入味。刺身、和牛供應啲乜視乎供應，當日刺身有希靈魚、吞拿魚、魷魚、赤貝、左口魚、北寄貝、甜蝦、八爪魚；和牛刺身兩件。海鮮有蠔、鮑魚仔、帆立貝、海蝦、魚肉、蚌，味道交到功課。生蠔淥完都仲幾大隻；

每次一大班人食飯，打邊爐&雞煲一定係唔會錯嘅選擇，所以今次揀咗「寶哥火鍋味館」，雖然餐廳地方都幾大，但book定位實最放心了。開餐～～～ 我地揀咗$256每人3小時任食火鍋放題，所以其中一個叫咗雞煲，另一個係猴頭菇鯊魚骨湯。一開波先食送嘅五款刺身，本來喺火鍋店食無咩期待，但吞拿魚、魷魚都幾好食，唔會有雪藏味出現。打邊爐主角 ─ 牛肉。餐廳牛肉選擇唔多，得牛坑腩同肥牛。反而值得一讚係丸/餃子類，款式多之餘，魚蛋、魚腐係我最喜歡的。另外，呢到嘅響鈴聽姐姐講係即叫即炸，所以非常之脆！另一樣翻點嘅係魚腩，切得好薄，碌一碌就熟啦！食到最後，每人仲送Haagen Dazs雪糕添啊！（心心眼）

超豐富既三小時火鍋放題，正！火鍋放題分咗A、B、C三款級別，我同朋友所選既C餐非常豐富，有6款刺身、7款特選海鮮 + 肥牛拼盤 ，而且紅白酒、啤酒、汽水飲飲，鐘意飲番兩杯既朋友一定岩！超過十款火鍋湯底可以挑選，而我地揀嘅係人蔘雞湯底，半隻雞奉上，絕對係真材實料啊！雞隻餣得夠哂入味，雞肉肉質滑嫩，非常惹味！刺身非常吸引！！想不到會有和牛刺身呢！和牛刺身入口即溶，係正既！海建有蜆隻、鮑魚、鮮蝦、扇具、生蠔及魚，非常新鮮鮮甜！鮑魚爽口；蜆肉非常乾淨沒有沙；生蠔超肥美！肥牛拼盤鮮嫩，肉味濃，食肉獸最愛！手打三色丸：墨魚丸、蝦丸、魚丸，巧手製作果然非同凡響，咬落特別爽彈！超過70款嘅火鍋配料真係花多眼亂，但炸魚皮係必食啊！

朋友推介食呢間，我地選A餐，仲送刺身，份量都幾多，夠一班人食。魷魚好好食，鮮甜不腥，肉質夠滑又易咬開。吞拿魚係厚切，無咩筋啖啖肉。叫左個寶寶雞煲湯底，因為太肚餓，一送到即刻食，雞件好多又新鮮，肉質結實，好惹味，而且味道唔會太咸太濃，做湯底一流。白鱔片係我最愛呀，無咩骨，非常爽口彈牙。一碟份量太少，次次都秒清，好在上菜速度夠快，加單好快到。黑豚肉原來係豬頸肉，大大條，爽口又有好香豬肉味。最後叫埋單時，靚姐拎左雪糕出黎，竟然係haagendaz，好驚喜呀，食埋杯雪糕真係好滿足。

眼見有雅虎團購，趁一位親友生日慶祝而試一試，買了$248最貴的團購，埋單時要比多$39，接近$300一位，竟有如此垃圾質素，實在中伏，無下次！1. 附送7款升級版刺身，全部係雪藏冰涷出品，莫講話要新鮮，連解凍都未完成，低質素日式放題都唔會用d咁差既包裝刺身2. 特選海鮮又係全冰件上碟，果隻蠔仲有冰包住反哂光3. 一碟唔知咩部位既限量牛肉，但上枱時已經係黑麻麻，新鮮極有限4. 蝦係唯一最新鮮既5. 牛坑腩又un又硬，比湯渣更衰6. 黃沙豬仔潤其實只係普通豬潤，上碟時出哂水，完全唔敢食坐低後發現中伏度越來越高，我們都無興趣投訴或反映，唔知以為自己去左百二蚊街坊酒樓火煱仼食，三百蚊黎食佳寶凍貨，唉！叫左一轉大家都已經急急腳走人，真係愧對親友，唯一係送左一枝所謂既白酒，係即場響我地五位顧客面前開封，我諗果枝酒成本應該要幾十蚊，但五位埋單千五。註：一上二樓看見本來用黎養住魚、龍蝦、海蝦、象拔蚌既魚缸，竟然養了一大堆金魚及錦鯉，OMG，寫完才明白，全部凍貨何須魚缸？

一大班人約食飯都離唔開放題或者打邊爐。今日放工同一班好友一行八人去咗寶哥火鍋打邊爐，友人話呢間寶哥已經好多年，食品有保証又闊落坐得舒服，唔會好似出面啲火鍋坐到好鬼迫想轉個身都難。我地食A餐的任食火鍋，仲送咗刺身，正啊！我地嗌咗個猴頭菇鯊魚骨鍋同埋雞煲湯底。猴頭菇鯊魚骨鍋好香，有陣陣麻油味，雞煲都比得多雞喎，而且雞唔會煮到老晒。最鍾意食佢地既必吃魚蛋，真係好彈牙好有咬口！雲吞都好食，有小蝦係入面。肥牛切得好薄，淥一淥即食！墨魚滑油炸鬼係鬼最愛，炸得好香口！最後老闆娘仲送我地一人一杯雪糕，好滿足啊！

第1:價錢不值第2:食物無味第3:地方不乾淨Ps:碟牛肉 有生以黎係食左兩塊就吾食 不明食評是否打手 一上來就知奶野 無客 8點多 我們是第一台！3xx一碟牛 似食緊垃圾 無下次！