富都軒

營業中

休息中

個個都話北上消費，咁啱有朋友推介，逆市下竟然有新酒樓開張，就留港消費試吓！一入去已經俾個無敵海景🌊吸引住，地點旺中帶靜，MTR 出口附近，雖然位於遊客區，但係見唔少食客都係本地人，應該唔錯！首先，要講嘅係個茶 ，🫖 蜜桃烏龍，好少見其他酒樓有，正 👍🏻👍🏻👍🏻點心同小食方面，打卡又得，味道又好 👍🏻👍🏻👍🏻* 蝦餃大隻得嚟，蝦肉有鮮味又好爽，同皮薄餡靚，仲有爽脆嘅筍粒，好味😋* 芋角已經唔係好多茶樓都有，呢度除咗擺盤精緻🤔，一啲都唔油膩，每隻都有一隻大蝦，鍾意食芋頭嘅不能錯過！* 燒賣大大隻😁，仲加咗少少松露醬，屬於新派，味道唔錯！ * 滷水豬腳仔好有驚喜😌，味道啱啱好唔會太鹹，煮得又好腍，好有骨膠原嘅感覺！* 紅燒乳鴿都好有驚喜，即叫即整，個皮好脆！Juicy! 🤤* 箭豬奶黃包好得意😊，可以打卡得嚟又好食！* 鮑汁蘿蔔絲酥，個皮超鬆化，一啲都唔厚，裏面嘅蘿蔔絲仲係一絲絲，唔似其他茶樓嘅出品淋晒絲都睇唔度，可見手工💪🏻* 其餘嘅蘿蔔糕、叉燒腸、釀尖椒同雪山叉燒包都係水準之上 （好食到食食下唔記得影🤣）！不過略嫌個鹹水角個皮厚咗少少，有進步嘅空間！而主食方面，點咗兩款，兩款都好好食👍🏻

我同陳生平時放假，瞓晏啲中午直接飲茶🫖今日揀咗尖東新開一間酒樓有無敵海景同埋高質fusion 加古早味點心🥧。🥢魚翅灌湯餃 💰$58平時食灌湯餃都💰4x,富都軒加多小小錢就有魚翅，仲要好足料。🥢鳳尾蝦芋角（3件） $42外層係酥皮，內層上面係完整嘅蝦，下面係芋頭。鳳尾蝦芋角除咗外型靚之外，口感多層次。🥢鮑汁蘿蔔絲酥（3件） $48蘿蔔絲酥金黃色嘅外層一睇就知師父有料到，蘿蔔絲一絲絲口感分明，鮑汁有畫龍點睛嘅效果。🥢羅宋湯鮮竹卷 $42第一次食羅宋湯鮮竹卷，酸酸甜甜好開胃。大家可以試吓出面未見過呢道fusion菜，鮮竹索晒羅宋湯好入味又唔會嬲。🥢姬松茸野菌餃（3件） $42姬松茸對身體好有益，晶凝通透既表皮包住足料姬松茸野菌。🥢瑤柱花膠絲燜伊麵 $138我最愛既花膠除咗可以煲湯🍲原來炒都唔錯👍爆多花膠同瑤柱，一大兜伊麵先百幾蚊，抵呀！！🥢箭豬奶黃包（3件）$42箭豬造型好精緻，奶黃包甜而不膩。呢個點心岩晒小朋友👧🏻。🥢一口炸鮮奶$42炸鮮奶外層炸至金黃面頭審上芝麻，內層牛奶唔會好甜。🥢迷你雪山叉燒包（3件） $42雪香色既菠蘿🍍包皮好薄皮，入面嘅叉燒餡調味恰到好處，唔會好咸同好油，叉燒半

啲野食好多配撘，都幾好食！推薦叉燒、炸蝦既點心。煎青椒、黑松露燒賣、芋頭炸蝦都好。羅宋湯雞扎幾特別，又唔會太咸。廚師係有心思諗菜色，下次試下晚餐如何！成個場望住維港好正，好chill!!!!

來到了這一間新開的中菜廳，只是裝潢就已經非常吸引我！還有這個無敵大海景的景色！真的是打卡一流！下次一定要過來這邊看煙花！至於食物，簡直相當花心思！每一道菜都做得相當精緻！特別喜歡是箭豬奶皇包，師傅真的花了很多心思去製作！還有龍蝦，製作得超級精緻！雞煲翅的賣相也相當精美，味道確是一流，雞肉相當嫩滑！魚翅是十分可愛，有些花的點綴做裝飾！要拍多幾張照片！🏮富都軒 (尖沙咀)尖沙咀麼地道66號尖沙咀中心3樓

今日約咗個女仔朋友出嚟食飯吹水，兩個女仔食飯，除咗啲嘢食要好味，個景都好重要㗎！今次嚟到尖東嘅富都軒，邊飲茶邊欣賞尖東嘅海景，真係好享受！📍餐廳位置富都軒位於尖沙咀中心嘅3樓，從尖沙咀或者尖東站P1出口出嚟，大概行5-10分鐘就到。一入到餐廳，成個地方光猛，仲可以望到吸引嘅海景，真係令人心情大好！🥢餐廳環境餐廳嘅擺位好闊落，與一般酒樓相比，呢度相對比較安靜，令用餐氣氛更加輕鬆。侍應服務周到，唔會大力咁擺碗碟，令人覺得好舒服。😋美食推薦我同朋友選咗唔同嘅點心，有傳統嘅選擇，亦有啲特別嘅創意款式：🥬 **野菜鮮蝦春卷** 春卷外皮炸得極脆，咬落去嗰陣，裡面嘅鮮蝦同野菜味道鮮嫩，真係好match！🍐 **啤梨鹹水角** 呢款鹹水角形狀好特別，外形可愛，好似啤梨咁，廚師真係好有心思設計出嚟。🥟 **迷你雪山叉燒包** 呢款叉燒包包皮柔軟，內餡嘅叉燒汁味濃，甜中帶鹹，正！🥕 **黃金蘿蔔糕** 呢款蘿蔔糕外皮裹咗鹹蛋黃，炸到金黃酥脆，師傅真係用心，響炸之前將啲蘿蔔糕沾粉，確保每一塊都保持住起角，食落去香脆可口。🌿 **翡翠叉燒腸** 叉燒腸口感滑嫩，餡料一啲都唔孤寒，每啖都能食到豐富嘅叉燒味。🍤

新開張粵菜，充滿驚喜！一入來見到無敵靚海景已嘩嘩聲！食物質素頂級，粵菜新煮，景靚食物正！頭盤小食蛋黃炸魚皮，上碟時微溫，鬆脆香口，但又一點不油膩。風沙豬手，豬皮處理得不由不膩，但又煙煙韌韌韌，食到唔停口。主菜點了乳豬，皮脆肉嫩，美味非常。薑蔥炒蟹配豉油王炒麵，很有新意，味道也非常夾！甜點手磨杏仁茶，香港已很少有得食。這裏供應蜜桃烏龍茶，又是另一驚喜。最重要係價錢非常相宜，這樣的質素真的充滿驚喜。擺盤更是一絕，食物質素一流，製作充滿誠意。唯一美中不足，地點比較難搵，要搭子彈電梯才能到達😃這樣有誠意的食肆，現在香港已很少見，一定會再嚟試埋午市點心。

尖東好少酒家，咁啱知道有間酒家新開張，又遇上朋友生日，提議去試新嘢🤭，進入酒家環境舒適，枱與枱子之間亦相當寬敞👍，留意到餐具好精美並且非常乾淨😊，見到餐牌有杏汁白肺湯，現在好少酒家有一於試試，出乎驚喜真材實料，非常好飲讚👍，餸菜order 咗白灼蝦（非常鮮甜），金蒜銀絲蒸元貝😋，脆皮貴金BB（乳豬皮脆又唔肥，伴海蜇）✌️，蒸海瓜子斑🤗，白切清遠雞（我唔食雞，朋友話好嫩口🤭），豬油渣炒菜👍，頭抽櫻花蝦炒飯😋，我好少寫評語，但這間富都軒各方面都做得唔錯，以後我唔駛煩😙食中菜一定係首選。

見到新開張有折，膽粗粗帶埋阿爸阿媽去試下， 新裝修坐得幾舒服又有海景睇。 侍應姐姐很貼心，一嚟到就同我講，唔好畀爸媽坐冷氣風口。另外令我最驚喜嘅係佢壺茶係蜜桃烏龍，好香好香，有別於一般茶樓。 點心即叫即整不過唔使等好耐， 賣相都幾唔錯， 阿媽最開心食到蝦子柚皮，佢話而家唔係度度有得食。 阿爸就揀咗豬潤燒賣，我就鍾意芋角，因為裏面有成隻蝦。 另外蝦餃，蝦多士同鮑汁蘿蔔絲酥都好好食。 整體服務同食物非常好， 令我下次想試埋晚飯時段😊